2 Jɔn 1
1
1Amo wolo na ye Yezu kɔgɔ kom nakwe to mo popone tɔnɔ se a pa debam nu wolo Wɛ na kuri to, de bia balo na wo nmo kɔgɔ kom wone to.
Chega ŋwaane to, amo jege abam swono lanyerane. Ko nam dae amo yerane mo swoi abam, se ko ye de balo maama na tu ba lɔre Wɛ chega kam to mo. 2Kokuri debam maama sɛ Wɛ chega kam, ye ka daa bá fɔge ka ti debam tei ne.
3Dé Kwo Wɛ wó pa debam zaane de yazura, ye o daare o duri dé ŋwaŋa. Yezu Krista wolo na ye dé Kwo Wɛ Bu wom to de wó zeini debam konto, Wɛ chega kam de o swono kom ŋwaane.
4Ko déem pɛ amo wo pwoli lanyerane de a na lɔre we nmo bia bam badaara tɔge chega chwoŋa kam, nenɛɛne debam Kwo Wɛ na pɛ debam ni se dé taa ke tei to. 5Amo nu, a lage a ta de nmo se n pa debam maama taa swoi daane. Amo na popone kolo to dae ni-doore, se ko maŋe ko ye Wɛ ni delo na wora debam tei ne boboa ne to mo.#Jɔn 15:12; 1 Jɔn 2:7-8 6Dé na wó taa swoi daane tei to ye se dé taa tɔge o nia yam mo dé ŋwea wone. Wɛ ni dem nam ye se á ta‑á tɔge swono chwoŋa mo. Abam nam maŋe á lɔre o ni dem konto boboa ne mo.
7Nɔɔna dedɛ tu ba kare logo baŋa ne ba gane nɔɔna. Vwa-nyena bam konto maa ba sɛ we Yezu Krista jigi nabiinu o ba logo baŋa. Nɔɔno ná ye konto dwoŋi, o ye wolo na gane nɔɔna to mo. Wonto maa ye Yezu Krista Dono mo. 8Konto ŋwaane, á fɔge á che á tete se á wane á na á nyɔɔre maama Wɛ tei ne, se á yé pa á ga á na toŋe á lage kolo to.#Hiburu 10:35-36
9Ta‑á yei-na we, nɔɔno wolo maama ná yage Yezu Krista berem dem, ye o daare o bere wonnu tedwonna o woli da, Wɛ tera konto tu tei ne. Nɔɔno wolo nam ná yɔɔre o tɔge Yezu berem dem, Baŋa Wɛ de o Bu wom wo konto tu tei ne. 10Konto to, nɔɔno ná tu abam tei, ye o ba jege Yezu berem dem tete, se á yé sɛ á pa o zo á sam. Nam bere á yé zaane‑o de. 11Nɔɔno wolo nam ná zaane‑o, konto tu de tɔge o woli o totoŋ-balwaaro tem wone mo.
12Amo ya jege taane dedɛ se a ta a bere abam. Amo nam ba lage se a popone a ke tɔnɔ ne. A nam boŋe we, a wó ba abam tei mo se a ŋɔɔne dedaane abam jaja, se ko pa debam wopwolo kom tiini ko gaale.
13Debam balo na ye nmo choro bia ye Wɛ kuri debam to mo jɔɔne nmo.
Currently Selected:
2 Jɔn 1: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
2 Jɔn 1
1
1Amo wolo na ye Yezu kɔgɔ kom nakwe to mo popone tɔnɔ se a pa debam nu wolo Wɛ na kuri to, de bia balo na wo nmo kɔgɔ kom wone to.
Chega ŋwaane to, amo jege abam swono lanyerane. Ko nam dae amo yerane mo swoi abam, se ko ye de balo maama na tu ba lɔre Wɛ chega kam to mo. 2Kokuri debam maama sɛ Wɛ chega kam, ye ka daa bá fɔge ka ti debam tei ne.
3Dé Kwo Wɛ wó pa debam zaane de yazura, ye o daare o duri dé ŋwaŋa. Yezu Krista wolo na ye dé Kwo Wɛ Bu wom to de wó zeini debam konto, Wɛ chega kam de o swono kom ŋwaane.
4Ko déem pɛ amo wo pwoli lanyerane de a na lɔre we nmo bia bam badaara tɔge chega chwoŋa kam, nenɛɛne debam Kwo Wɛ na pɛ debam ni se dé taa ke tei to. 5Amo nu, a lage a ta de nmo se n pa debam maama taa swoi daane. Amo na popone kolo to dae ni-doore, se ko maŋe ko ye Wɛ ni delo na wora debam tei ne boboa ne to mo.#Jɔn 15:12; 1 Jɔn 2:7-8 6Dé na wó taa swoi daane tei to ye se dé taa tɔge o nia yam mo dé ŋwea wone. Wɛ ni dem nam ye se á ta‑á tɔge swono chwoŋa mo. Abam nam maŋe á lɔre o ni dem konto boboa ne mo.
7Nɔɔna dedɛ tu ba kare logo baŋa ne ba gane nɔɔna. Vwa-nyena bam konto maa ba sɛ we Yezu Krista jigi nabiinu o ba logo baŋa. Nɔɔno ná ye konto dwoŋi, o ye wolo na gane nɔɔna to mo. Wonto maa ye Yezu Krista Dono mo. 8Konto ŋwaane, á fɔge á che á tete se á wane á na á nyɔɔre maama Wɛ tei ne, se á yé pa á ga á na toŋe á lage kolo to.#Hiburu 10:35-36
9Ta‑á yei-na we, nɔɔno wolo maama ná yage Yezu Krista berem dem, ye o daare o bere wonnu tedwonna o woli da, Wɛ tera konto tu tei ne. Nɔɔno wolo nam ná yɔɔre o tɔge Yezu berem dem, Baŋa Wɛ de o Bu wom wo konto tu tei ne. 10Konto to, nɔɔno ná tu abam tei, ye o ba jege Yezu berem dem tete, se á yé sɛ á pa o zo á sam. Nam bere á yé zaane‑o de. 11Nɔɔno wolo nam ná zaane‑o, konto tu de tɔge o woli o totoŋ-balwaaro tem wone mo.
12Amo ya jege taane dedɛ se a ta a bere abam. Amo nam ba lage se a popone a ke tɔnɔ ne. A nam boŋe we, a wó ba abam tei mo se a ŋɔɔne dedaane abam jaja, se ko pa debam wopwolo kom tiini ko gaale.
13Debam balo na ye nmo choro bia ye Wɛ kuri debam to mo jɔɔne nmo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)