1 Tɛsaloni 4
4
Kikia yalo na pwoli Wɛ wo to
1Dé nu-bia bam, ko ta daare woŋo fee se dé popone dé woli da. Dé lwoori abam dé Teiru Yezu ŋwaane se á da chwoŋa se ko pwoli Wɛ wo. Dé maŋe dé bere abam chwoŋa kam konto ye á jege-ka á tɔga de zem maama. Dé nam tiini dé lwoori abam se á ja jawala se ko dwoni á na maŋe á ke tei to. 2Abam yei nia yalo dé na bere abam ye ya tɔge dé Teiru Yezu dam ŋwaane to. 3Wɛ na lage se á ta‑á ye tei to mo tento:
O lage se á ta‑á jege wo-pwoŋo o yiga ne, se á lɔŋe ka-laga kikia. 4Abam baara jege se á lɔre á na wó ja á tete tei ka-laga seeni, se ko taa jege zula ye digiru tera ko wone. 5Á nam yé pa á fera taa zoore ka-laga. Mo nɔn-yɔɔro telo na yeiri Wɛ to na yeini ba ke kolo. 6Baaro de kaane laŋa ne, nɔɔn-nɔɔno yé zaŋe o chɔge o nu-bu naa o ke o de‑o. Dé maŋe dé kaane abam lanyerane we, nɔɔno ná ke wo-zɔɔna konto dwoŋi, dé Teiru wom wó waare‑o. 7Wɛ na kuri debam se dé taa tɔge‑o tei to, ko dae se dé taa ke wo-zɔɔna kikia ka-laga wone. O nam kuri debam se dé taa ye wose mo o yiga ne. 8Mo kokuri, nɔɔno wolo ná ve dé na bere tei to, konto tu mɛ o kwaga o ya Wɛ mo. Ko dae nabiina mo o ve, se ko ye Wɛ wolo na ke o Sin-laao kom á bochara ne to mo.
9Ko nam ná ye á na swoi á nu-bia tei to, ko daa wo maŋe se dé popone dé woli da. Wɛ tete maŋe o bere abam á na wó ta‑á jege da-swono tei. 10Ko ye chega mo, á seene á swoi á nu-bia balo maama na zoore Makedonia teene dem ne to. Mo kokuri, dé nu-bia bam, dé lwoori abam se á tiini á ta‑á ke konto se ko ja gaale. 11Kwaane-na se á ta‑á zoore chemm. Ta‑á nii-na á tete kikia se á yage á dwonna. Á ta ta‑á toŋa se á na á tete ni-wodiu á di. Dé maŋe dé ta abam konto mo se á ta‑á ke. 12Á ná dɛ chwoŋa kanto, balo na dae Yezu kɔgɔ kom nɔɔna to wó taa nege abam lanyerane. Ko maa wó pa se á daa bá daane nɔɔn-nɔɔno se o pa abam á na gɛ kolo to.
Dé Teiru wom tutuuri dem taane
13Dé nu-bia bam, ko ná ye nɔɔna balo na tege to, dé lage se á lɔre chega de ko na ke-ba tei to, se á wo daa yé chɔge toone ŋwaane, ne ko na yeini ko ke balo na ba jege teena Wɛ tei ne to. 14Debam sɛ we, Yezu tega ye o laam jwoori o bi toone wone. Konto ŋwaane, ko ná ye balo na sɛ‑o ye ba te to, dé yei we, o ná tua, Wɛ wó kale banto se ba tɔge ded‑o ba yi o tei.
15Yé ta‑á jege-na lwia. Dé na bere abam kolo to ye dé Teiru wom kwora mo. Dɛ dem dé Teiru Yezu na wó jwoori o ba to, debam balo na daare logo baŋa ne ye dé ta ŋwe to bá lwoori dé vo Wɛ tei dé daare balo na maŋe ba te to. 16Ko nam na wó ke tei to, dé Teiru wom wó nwoŋi Wɛ telaao ne o chu o ba. Kwor-dɛa wó bage ka ta taane. Wɛ malese dedɛɛro wom kwora de wó zaŋe ka woli da. Wɛ nabɔnɔ de maa wó keeri. Balo na sɛ Yezu Krista ye ba te to wó da yiga ba bi toone wone. 17Wɛ laam wó ja debam balo na daare ye dé daa ta ŋwe to, se o pa dé la daane de banto kunkwonnu tem wone, se dé maama jeeri dé Teiru wom wɛyuu ne. Konto mo dé wó taa wora dé Teiru wom tei ne maŋa maama se ko taa vei wuu.#1 Korinti 15:51-52
18Ko na seene ko ye konto to, se á ta‑á mae chega kam konto á woli daane se á bochara taa tiga.
Currently Selected:
1 Tɛsaloni 4: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
1 Tɛsaloni 4
4
Kikia yalo na pwoli Wɛ wo to
1Dé nu-bia bam, ko ta daare woŋo fee se dé popone dé woli da. Dé lwoori abam dé Teiru Yezu ŋwaane se á da chwoŋa se ko pwoli Wɛ wo. Dé maŋe dé bere abam chwoŋa kam konto ye á jege-ka á tɔga de zem maama. Dé nam tiini dé lwoori abam se á ja jawala se ko dwoni á na maŋe á ke tei to. 2Abam yei nia yalo dé na bere abam ye ya tɔge dé Teiru Yezu dam ŋwaane to. 3Wɛ na lage se á ta‑á ye tei to mo tento:
O lage se á ta‑á jege wo-pwoŋo o yiga ne, se á lɔŋe ka-laga kikia. 4Abam baara jege se á lɔre á na wó ja á tete tei ka-laga seeni, se ko taa jege zula ye digiru tera ko wone. 5Á nam yé pa á fera taa zoore ka-laga. Mo nɔn-yɔɔro telo na yeiri Wɛ to na yeini ba ke kolo. 6Baaro de kaane laŋa ne, nɔɔn-nɔɔno yé zaŋe o chɔge o nu-bu naa o ke o de‑o. Dé maŋe dé kaane abam lanyerane we, nɔɔno ná ke wo-zɔɔna konto dwoŋi, dé Teiru wom wó waare‑o. 7Wɛ na kuri debam se dé taa tɔge‑o tei to, ko dae se dé taa ke wo-zɔɔna kikia ka-laga wone. O nam kuri debam se dé taa ye wose mo o yiga ne. 8Mo kokuri, nɔɔno wolo ná ve dé na bere tei to, konto tu mɛ o kwaga o ya Wɛ mo. Ko dae nabiina mo o ve, se ko ye Wɛ wolo na ke o Sin-laao kom á bochara ne to mo.
9Ko nam ná ye á na swoi á nu-bia tei to, ko daa wo maŋe se dé popone dé woli da. Wɛ tete maŋe o bere abam á na wó ta‑á jege da-swono tei. 10Ko ye chega mo, á seene á swoi á nu-bia balo maama na zoore Makedonia teene dem ne to. Mo kokuri, dé nu-bia bam, dé lwoori abam se á tiini á ta‑á ke konto se ko ja gaale. 11Kwaane-na se á ta‑á zoore chemm. Ta‑á nii-na á tete kikia se á yage á dwonna. Á ta ta‑á toŋa se á na á tete ni-wodiu á di. Dé maŋe dé ta abam konto mo se á ta‑á ke. 12Á ná dɛ chwoŋa kanto, balo na dae Yezu kɔgɔ kom nɔɔna to wó taa nege abam lanyerane. Ko maa wó pa se á daa bá daane nɔɔn-nɔɔno se o pa abam á na gɛ kolo to.
Dé Teiru wom tutuuri dem taane
13Dé nu-bia bam, ko ná ye nɔɔna balo na tege to, dé lage se á lɔre chega de ko na ke-ba tei to, se á wo daa yé chɔge toone ŋwaane, ne ko na yeini ko ke balo na ba jege teena Wɛ tei ne to. 14Debam sɛ we, Yezu tega ye o laam jwoori o bi toone wone. Konto ŋwaane, ko ná ye balo na sɛ‑o ye ba te to, dé yei we, o ná tua, Wɛ wó kale banto se ba tɔge ded‑o ba yi o tei.
15Yé ta‑á jege-na lwia. Dé na bere abam kolo to ye dé Teiru wom kwora mo. Dɛ dem dé Teiru Yezu na wó jwoori o ba to, debam balo na daare logo baŋa ne ye dé ta ŋwe to bá lwoori dé vo Wɛ tei dé daare balo na maŋe ba te to. 16Ko nam na wó ke tei to, dé Teiru wom wó nwoŋi Wɛ telaao ne o chu o ba. Kwor-dɛa wó bage ka ta taane. Wɛ malese dedɛɛro wom kwora de wó zaŋe ka woli da. Wɛ nabɔnɔ de maa wó keeri. Balo na sɛ Yezu Krista ye ba te to wó da yiga ba bi toone wone. 17Wɛ laam wó ja debam balo na daare ye dé daa ta ŋwe to, se o pa dé la daane de banto kunkwonnu tem wone, se dé maama jeeri dé Teiru wom wɛyuu ne. Konto mo dé wó taa wora dé Teiru wom tei ne maŋa maama se ko taa vei wuu.#1 Korinti 15:51-52
18Ko na seene ko ye konto to, se á ta‑á mae chega kam konto á woli daane se á bochara taa tiga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)