1 Tɛsaloni 2
2
Pɔɔl na woli Tɛsaloni tiina tei to
1Dé nu-bia bam, abam tete yei lanyerane we, dé na tu abam tei to, ko dae kafɛ ŋwaane. 2Á yei debam na maŋe dé na yaara dedɛ Filipi ne tei to, ye dé laam ba abam tei. Ba déem bɛɛse debam ye ba twe debam dedɛ.#Kikia 16:19-24 Dé na tu abam tei to, nɔɔna déem kwaane se ba che dé chwoŋa. De ko de, dé Tu Wɛ nam pɛ debam pu-dɛa se dé ŋɔɔne o kwor-ywoŋa kam dé bere abam de baare. 3Dé na yeini dé kwoori abam se á tɔge Wɛ to, ko dae we dé ŋɔɔne tusim laŋa ne mo, naa dé jege boboŋ-balwaaro mo. Ko dae swa mo dé kea se dé gane abam wolowolo. 4Aawo. Dé yeini dé ŋɔɔne ne Wɛ na lage se dé taa ŋɔɔne tei to mo, kokuri wonto mo kuri debam ye o kwei o kwor-ywoŋa kam o ke dé jeŋa ne se dé taa tɔɔle-ka. Ko ye Wɛ mo maŋe dé boboŋa se o nii. Dé nam na ŋɔɔne tei to, dé lage se dé pwoli o wo, ye ko dae nabiina wo mo dé lage dé pwoli. 5Á yei lanyerane we, dé wo tu se dé ŋɔɔne ni-sone ŋɔŋa de abam. Dé maa wo kwaane se dé kwoli nɔɔna swa se dé na wonnu ba tei ne. Wɛ nam mo wó zege dé chega kam kwaga ne. 6Ko ná ye abam, naa nɔɔno wolo maama de, dé wo ke dé boboŋa ne se nabiina taa pae debam zula.
7Dé na ye Yezu Krista totoŋa nakwa to, dé ya jege chwoŋa se dé daane abam. Dé nam wo ke konto. Dé déem jege abam lanyerane, ne kaane na jege o bia o nii tei to. 8Dé na jege abam swono lanyerane to, dé sɛ se dé kwei Wɛ kwor-ywoŋa kam dé maŋe dé bere abam, ye dé kwei dé ŋwea maama de mo dé woli da dé ke á jeŋa ne, á na tiini á tigi dé boboŋa ne to ŋwaane.
9Dé nu-bia bam, guli-na debam déem na toŋe dé pa abam ye ko chɛ dé yera ne tei to. Dé na wora dé tɔɔle Wɛ kwor-ywoŋa kam dé bere abam to, dé ba lage se dé daane abam de fenfee de. Konto ŋwaane mo dé yeini dé tiini dé toŋe wea de tete maama se dé ma na dé ni-wodiu.#Kikia 18:2-3 10Abam wó wane á bere nɔɔna debam chega we, dé tɔge chwoŋa lanyerane. Wɛ de wó wane o zege de kwaga ne. Dé na ke tei de abam balo na sɛ Yezu Krista to, dé yɔɔre dé tɔge chwoŋa mo. Dé kikia maama déem jege chega ye dé wo jaane kolokolo dé chɔge. 11Á yei we dé jaane abam de je selei mo, ne kwo na yeini o jege o bia tei to. 12Dé déem kwoori abam se á bochara zuri. Dé ma daare dé kaane abam se á ta‑á tɔge Wɛ chwoŋa se ko maŋe de Wɛ na lage tei to. Kokuri Wɛ mo kuri abam se á zo o woro kom wo ye á na paare o tei ne.
13Woŋo kodwoŋi daa ta wora ye dé ke Wɛ lei maŋa maama abam ŋwaane. Ko ye dé na jaane Wɛ kwor-ywoŋa kam dé ba dé tɔɔle dé bere abam to, á sɛ ye á jwoŋi-ka lanyerane. Á ma sɛ we ko ye Wɛ kwora mo, se ko dae nabiina nyem. Ko ye chega mo, ka seene ka ye Wɛ tete kwora mo, ye ka fɔge abam balo na sɛ Yezu to boboŋa.
14Dé nu-bia bam, ko ná ye yaara yalo na ke abam to, konto dwoŋi mo maŋe ko ke Wɛ kɔgɔ kolo maama na wo Judea te-nia yam ne to. Ko maama ye bedwe mo. Á déem nɛ yaara á dwi tiina bam jea ne. Juu tiina balo na tu ba sɛ Yezu Krista to de nɛ yaara ba tete Juu tiina bam tei ne. 15Ko ná ye Juu tiina bam, banto dwi mo go dé Teiru Yezu de Wɛ sampwori selo déem na tɔɔle o kwora to, ye ba kwori ba bɛɛse debam de. Ba maa yɔɔre ba chuchugi Wɛ bane. Ba yeini ba done nɔɔna maama mo. 16Ba déem kwaane se ba che debam se dé yé tɔɔle Wɛ kwora dé bere dwi-gɛ tiina balo na dae Juu tiina to, se ka wane ka jwoŋi-ba ka yage. Ba na ve Wɛ kwora kam konto to, ko ma pa ba keim-lwanno tem fɔge te puli te daŋe da-baŋa ne. Ko laam yi se Wɛ ban-zɔŋɔ ba ba baŋa ko chɔge-ba.
Pɔɔl lage se o ni ba labaare
17Dé nu-bia bam, dé na yage abam ye ko ke fee to, dé jege lwia dedɛ dé pa abam. Ko nam dae we dé boboŋa mo pɔɔre daane, se ko ye dé yia na ware ya na daane to mo. Dé déem tiini dé kwaane se dé jwoori dé ba dé na abam. 18Chega to, dé lage se dé ba abam tei. Amo Pɔɔl ya kwaane se a ba, ye ko dae bedwe yerane. Ko nam ye setaana pɛ mo chege dé chwoŋa. 19Ko seene ko ye abam boboŋa mo tiini ya wo debam tei ne. Ko ye abam ŋwaane mo dé jege teena Wɛ tei ne de wopwolo. Dé Teiru Yezu ná jwoori o ba, dé wó mage dé nyɔɔna, dé na jege teera de abam to ŋwaane. 20Ko ye chega mo, abam seene á pae dé jege teera de wopwolo.
Currently Selected:
1 Tɛsaloni 2: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
1 Tɛsaloni 2
2
Pɔɔl na woli Tɛsaloni tiina tei to
1Dé nu-bia bam, abam tete yei lanyerane we, dé na tu abam tei to, ko dae kafɛ ŋwaane. 2Á yei debam na maŋe dé na yaara dedɛ Filipi ne tei to, ye dé laam ba abam tei. Ba déem bɛɛse debam ye ba twe debam dedɛ.#Kikia 16:19-24 Dé na tu abam tei to, nɔɔna déem kwaane se ba che dé chwoŋa. De ko de, dé Tu Wɛ nam pɛ debam pu-dɛa se dé ŋɔɔne o kwor-ywoŋa kam dé bere abam de baare. 3Dé na yeini dé kwoori abam se á tɔge Wɛ to, ko dae we dé ŋɔɔne tusim laŋa ne mo, naa dé jege boboŋ-balwaaro mo. Ko dae swa mo dé kea se dé gane abam wolowolo. 4Aawo. Dé yeini dé ŋɔɔne ne Wɛ na lage se dé taa ŋɔɔne tei to mo, kokuri wonto mo kuri debam ye o kwei o kwor-ywoŋa kam o ke dé jeŋa ne se dé taa tɔɔle-ka. Ko ye Wɛ mo maŋe dé boboŋa se o nii. Dé nam na ŋɔɔne tei to, dé lage se dé pwoli o wo, ye ko dae nabiina wo mo dé lage dé pwoli. 5Á yei lanyerane we, dé wo tu se dé ŋɔɔne ni-sone ŋɔŋa de abam. Dé maa wo kwaane se dé kwoli nɔɔna swa se dé na wonnu ba tei ne. Wɛ nam mo wó zege dé chega kam kwaga ne. 6Ko ná ye abam, naa nɔɔno wolo maama de, dé wo ke dé boboŋa ne se nabiina taa pae debam zula.
7Dé na ye Yezu Krista totoŋa nakwa to, dé ya jege chwoŋa se dé daane abam. Dé nam wo ke konto. Dé déem jege abam lanyerane, ne kaane na jege o bia o nii tei to. 8Dé na jege abam swono lanyerane to, dé sɛ se dé kwei Wɛ kwor-ywoŋa kam dé maŋe dé bere abam, ye dé kwei dé ŋwea maama de mo dé woli da dé ke á jeŋa ne, á na tiini á tigi dé boboŋa ne to ŋwaane.
9Dé nu-bia bam, guli-na debam déem na toŋe dé pa abam ye ko chɛ dé yera ne tei to. Dé na wora dé tɔɔle Wɛ kwor-ywoŋa kam dé bere abam to, dé ba lage se dé daane abam de fenfee de. Konto ŋwaane mo dé yeini dé tiini dé toŋe wea de tete maama se dé ma na dé ni-wodiu.#Kikia 18:2-3 10Abam wó wane á bere nɔɔna debam chega we, dé tɔge chwoŋa lanyerane. Wɛ de wó wane o zege de kwaga ne. Dé na ke tei de abam balo na sɛ Yezu Krista to, dé yɔɔre dé tɔge chwoŋa mo. Dé kikia maama déem jege chega ye dé wo jaane kolokolo dé chɔge. 11Á yei we dé jaane abam de je selei mo, ne kwo na yeini o jege o bia tei to. 12Dé déem kwoori abam se á bochara zuri. Dé ma daare dé kaane abam se á ta‑á tɔge Wɛ chwoŋa se ko maŋe de Wɛ na lage tei to. Kokuri Wɛ mo kuri abam se á zo o woro kom wo ye á na paare o tei ne.
13Woŋo kodwoŋi daa ta wora ye dé ke Wɛ lei maŋa maama abam ŋwaane. Ko ye dé na jaane Wɛ kwor-ywoŋa kam dé ba dé tɔɔle dé bere abam to, á sɛ ye á jwoŋi-ka lanyerane. Á ma sɛ we ko ye Wɛ kwora mo, se ko dae nabiina nyem. Ko ye chega mo, ka seene ka ye Wɛ tete kwora mo, ye ka fɔge abam balo na sɛ Yezu to boboŋa.
14Dé nu-bia bam, ko ná ye yaara yalo na ke abam to, konto dwoŋi mo maŋe ko ke Wɛ kɔgɔ kolo maama na wo Judea te-nia yam ne to. Ko maama ye bedwe mo. Á déem nɛ yaara á dwi tiina bam jea ne. Juu tiina balo na tu ba sɛ Yezu Krista to de nɛ yaara ba tete Juu tiina bam tei ne. 15Ko ná ye Juu tiina bam, banto dwi mo go dé Teiru Yezu de Wɛ sampwori selo déem na tɔɔle o kwora to, ye ba kwori ba bɛɛse debam de. Ba maa yɔɔre ba chuchugi Wɛ bane. Ba yeini ba done nɔɔna maama mo. 16Ba déem kwaane se ba che debam se dé yé tɔɔle Wɛ kwora dé bere dwi-gɛ tiina balo na dae Juu tiina to, se ka wane ka jwoŋi-ba ka yage. Ba na ve Wɛ kwora kam konto to, ko ma pa ba keim-lwanno tem fɔge te puli te daŋe da-baŋa ne. Ko laam yi se Wɛ ban-zɔŋɔ ba ba baŋa ko chɔge-ba.
Pɔɔl lage se o ni ba labaare
17Dé nu-bia bam, dé na yage abam ye ko ke fee to, dé jege lwia dedɛ dé pa abam. Ko nam dae we dé boboŋa mo pɔɔre daane, se ko ye dé yia na ware ya na daane to mo. Dé déem tiini dé kwaane se dé jwoori dé ba dé na abam. 18Chega to, dé lage se dé ba abam tei. Amo Pɔɔl ya kwaane se a ba, ye ko dae bedwe yerane. Ko nam ye setaana pɛ mo chege dé chwoŋa. 19Ko seene ko ye abam boboŋa mo tiini ya wo debam tei ne. Ko ye abam ŋwaane mo dé jege teena Wɛ tei ne de wopwolo. Dé Teiru Yezu ná jwoori o ba, dé wó mage dé nyɔɔna, dé na jege teera de abam to ŋwaane. 20Ko ye chega mo, abam seene á pae dé jege teera de wopwolo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)