1 Samuwel 3
3
Baŋa Wɛ veere o tete de Samuwel
1Samuwel déem ta na ye bu konto to, mo o toŋe o pa Baŋa Wɛ ye Eli nii o baŋa ne. Kanto maŋa ne, nɔɔna ba ni Baŋa Wɛ kwora. Wɛ maa ba veere wonnu dedɛ o bere nɔɔna.
2Eli yia yam déem lage ya dwei mo ye o ba nae lanyerane. Tete dedoa, o maa tigi o tiga jei ne o dɔa. 3Samuwel de maa tigi wara-jei sem ne se ko maŋe dedaane Wɛ ni-gwonim dakaa kam o dɔa. Ko déem ye tete-koro mo, ye Wɛ min-zwoŋo kom ya ta wo dwei.
4 Baŋa Wɛ laam ma bwoŋi Samuwel. O de ma leiri o we, “Nii-ne da.” 5O ma zaŋe o duri o zo Eli tei ye o we, “A kwo, nmo na bwoŋi-ne to, nii-ne da.” Eli ma ta ded‑o o we, “Amo wo bwoŋi‑m. Jwoori n vo n peini.” Bu wom ma jwoori o vo o peiga jei o peini.
6 Baŋa Wɛ daa ta ma bwoŋi o yere o we, “Samuwel!” Samuwel ma pɛ o zaŋe wɛɛne. O ma duri o vo Eli tei ye o ta ded‑o o we, “A kwo, nii-ne da, n na bwoŋi-ne to.” Eli ta ma leiri o we, “A bu, amo wo bwoŋi‑m. Jwoori n vo n peini.”
7Samuwel déem ya ta wo me de Baŋa Wɛ. Kokuri to, Baŋa Wɛ ya ta wo veere o kwora o bere‑o. 8Baŋa Wɛ ta ma bwoŋi Samuwel o ke kuni betɔ. Bu wom daa ma duri o vo Eli tei o we, “Amo kwo, n na bwoŋi-ne to, nii-ne da.”
Ko laam ma ba Eli yuu ne we, ko ye Baŋa Wɛ mo bwoi bu wom. 9O laam ma ta Samuwel o we, “Jwoori n vo n ta‑n tiga, se o daa ná bwoŋi‑m, se n ta we, ‘Amo Tu Baŋa Wɛ, ta‑n ŋɔɔna, se a ye n tontoŋeno ye a cheigi n taane dem mo.’ ” Samuwel ma seene o vo o peini o peiga jei ne.
10 Baŋa Wɛ ma jwoori o ba o zege da. O ma bwoŋi‑o ne o ya na maŋe o bwoŋi tei to o we, “Samuwel! Samuwel!” Samuwel ma leiri o we, “Amo Tu, ta‑n ŋɔɔna, se a ye n tontoŋeno ye a cheigi n taane dem mo.” 11Baŋa Wɛ laam ma ta o we, “Amo ti a yiga mo se a ke wo-kenkagele Isarele tiina bam wone. Balo maama na wó ni ko ŋwa to yera maa wó sɔɔre. 12Maŋa kam ná yia, amo wó toŋe kolo maama a na tage Eli sɔŋɔ kom ŋwaane to. A ná puli totoŋa, a nam wó ja-ya mo a yi ya gurim. 13Kokuri to, a maŋe a wuuri a kaane‑o we, a lage a waare o diga kam taa wuu, o bia bam keim-lwanno tem ŋwaane. Kolo ŋwaane, Eli ya yei o bia bam na tiini ba lwɛ amo dedɛ tei to ni ne, ye o wo de-ba chwoŋa ne. 14Konto ŋwaane mo, amo tage a du de Eli diga tiina bam a we, ‘Kaanem dwi de pɛɛra dwi daa bá taa wora, se ya wane ya saare ba tusim dem maŋa de maŋa.’ ”
15Samuwel na nigi konto to, o ma lɛɛre o tigi da se tega vo ka poore. O laam ma pore Wɛ wara-jei sem manchwo-peena yam. Foone déem maa tiini de jege‑o. O ma ware se o ta kolo Wɛ na veere o bere‑o to de Eli. 16Eli ma bwoŋi‑o we, “Amo bu Samuwel!” Samuwel ma leiri o we, “Nii-ne da.” 17Eli laam ma bwei‑o o we, “O tage bɛ mo de nmo? Yé zaŋe n seigi kolokolo amo yiga ne, se Wɛ wó pa n tiini n na lɛɛro, nenɛɛne n ná wo tage kolo maama o na ŋɔɔne dede‑m to n bere ne.”
18Samuwel ma tole Wɛ kwora kam maama nyɔ o bere‑o, o wo kweele kolokolo tega ne. Eli ma ta o we, “Baŋa Wɛ kwora kam mo konto. Yage se o ke kolo na wo o boboŋa ne to.”
19Samuwel déem maa wora o ke nɔɔno, ye Baŋa Wɛ wo o tei ne. Ko ma pa se kolo maama Samuwel na tɛ to yeini ko ji chega. 20Isarele tiina bam maama, ko na zege Dan ne se ko yi Beeriseba to, ba maama déem pɛ chega mo we Samuwel seene o ye Baŋa Wɛ sampwora mo chekke. 21Baŋa Wɛ déem ta yeini o veere o tete mo Siloo ne. O maa wó yeini o ba Samuwel tei o ŋɔɔne ded‑o.
Currently Selected:
1 Samuwel 3: KBG
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)
1 Samuwel 3
3
Baŋa Wɛ veere o tete de Samuwel
1Samuwel déem ta na ye bu konto to, mo o toŋe o pa Baŋa Wɛ ye Eli nii o baŋa ne. Kanto maŋa ne, nɔɔna ba ni Baŋa Wɛ kwora. Wɛ maa ba veere wonnu dedɛ o bere nɔɔna.
2Eli yia yam déem lage ya dwei mo ye o ba nae lanyerane. Tete dedoa, o maa tigi o tiga jei ne o dɔa. 3Samuwel de maa tigi wara-jei sem ne se ko maŋe dedaane Wɛ ni-gwonim dakaa kam o dɔa. Ko déem ye tete-koro mo, ye Wɛ min-zwoŋo kom ya ta wo dwei.
4 Baŋa Wɛ laam ma bwoŋi Samuwel. O de ma leiri o we, “Nii-ne da.” 5O ma zaŋe o duri o zo Eli tei ye o we, “A kwo, nmo na bwoŋi-ne to, nii-ne da.” Eli ma ta ded‑o o we, “Amo wo bwoŋi‑m. Jwoori n vo n peini.” Bu wom ma jwoori o vo o peiga jei o peini.
6 Baŋa Wɛ daa ta ma bwoŋi o yere o we, “Samuwel!” Samuwel ma pɛ o zaŋe wɛɛne. O ma duri o vo Eli tei ye o ta ded‑o o we, “A kwo, nii-ne da, n na bwoŋi-ne to.” Eli ta ma leiri o we, “A bu, amo wo bwoŋi‑m. Jwoori n vo n peini.”
7Samuwel déem ya ta wo me de Baŋa Wɛ. Kokuri to, Baŋa Wɛ ya ta wo veere o kwora o bere‑o. 8Baŋa Wɛ ta ma bwoŋi Samuwel o ke kuni betɔ. Bu wom daa ma duri o vo Eli tei o we, “Amo kwo, n na bwoŋi-ne to, nii-ne da.”
Ko laam ma ba Eli yuu ne we, ko ye Baŋa Wɛ mo bwoi bu wom. 9O laam ma ta Samuwel o we, “Jwoori n vo n ta‑n tiga, se o daa ná bwoŋi‑m, se n ta we, ‘Amo Tu Baŋa Wɛ, ta‑n ŋɔɔna, se a ye n tontoŋeno ye a cheigi n taane dem mo.’ ” Samuwel ma seene o vo o peini o peiga jei ne.
10 Baŋa Wɛ ma jwoori o ba o zege da. O ma bwoŋi‑o ne o ya na maŋe o bwoŋi tei to o we, “Samuwel! Samuwel!” Samuwel ma leiri o we, “Amo Tu, ta‑n ŋɔɔna, se a ye n tontoŋeno ye a cheigi n taane dem mo.” 11Baŋa Wɛ laam ma ta o we, “Amo ti a yiga mo se a ke wo-kenkagele Isarele tiina bam wone. Balo maama na wó ni ko ŋwa to yera maa wó sɔɔre. 12Maŋa kam ná yia, amo wó toŋe kolo maama a na tage Eli sɔŋɔ kom ŋwaane to. A ná puli totoŋa, a nam wó ja-ya mo a yi ya gurim. 13Kokuri to, a maŋe a wuuri a kaane‑o we, a lage a waare o diga kam taa wuu, o bia bam keim-lwanno tem ŋwaane. Kolo ŋwaane, Eli ya yei o bia bam na tiini ba lwɛ amo dedɛ tei to ni ne, ye o wo de-ba chwoŋa ne. 14Konto ŋwaane mo, amo tage a du de Eli diga tiina bam a we, ‘Kaanem dwi de pɛɛra dwi daa bá taa wora, se ya wane ya saare ba tusim dem maŋa de maŋa.’ ”
15Samuwel na nigi konto to, o ma lɛɛre o tigi da se tega vo ka poore. O laam ma pore Wɛ wara-jei sem manchwo-peena yam. Foone déem maa tiini de jege‑o. O ma ware se o ta kolo Wɛ na veere o bere‑o to de Eli. 16Eli ma bwoŋi‑o we, “Amo bu Samuwel!” Samuwel ma leiri o we, “Nii-ne da.” 17Eli laam ma bwei‑o o we, “O tage bɛ mo de nmo? Yé zaŋe n seigi kolokolo amo yiga ne, se Wɛ wó pa n tiini n na lɛɛro, nenɛɛne n ná wo tage kolo maama o na ŋɔɔne dede‑m to n bere ne.”
18Samuwel ma tole Wɛ kwora kam maama nyɔ o bere‑o, o wo kweele kolokolo tega ne. Eli ma ta o we, “Baŋa Wɛ kwora kam mo konto. Yage se o ke kolo na wo o boboŋa ne to.”
19Samuwel déem maa wora o ke nɔɔno, ye Baŋa Wɛ wo o tei ne. Ko ma pa se kolo maama Samuwel na tɛ to yeini ko ji chega. 20Isarele tiina bam maama, ko na zege Dan ne se ko yi Beeriseba to, ba maama déem pɛ chega mo we Samuwel seene o ye Baŋa Wɛ sampwora mo chekke. 21Baŋa Wɛ déem ta yeini o veere o tete mo Siloo ne. O maa wó yeini o ba Samuwel tei o ŋɔɔne ded‑o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2020, Ghana Institute of Linguistics, Literacy and Bible Translation (GILLBT)