မှုဝ် 136
136
မှုဝ် အီ ဒါင် ဂုင် ဂေဇူ ဒီ ဇဝ်ဖြာ
1တဲး အေ ဒါင် ဂုင် ဂေဇူ ဒီ ဇဝ်ဖြာ။ ခုဝ်၊ အန် ဇဝ် ဟဲ့ မွှိုမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
2တဲး အေ ဒါင် ဂုင် ဂေဇူ ဒီ ဇဝ်ဖြာ အီ တာင် လွှိုမ် ဇဝ် ပီ ကြိုပ် အီ ဟဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
3တဲး အေ ဒါင် ဂုင် ဂေဇူ ဒီ အန် ဇဝ် အီ ဟဲ့ တာင် လွှိုမ် တူတ့် ဇဝ် ဒွန် ကာဒင်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
4မိုဝ်း မီ အန် ဇဝ် အူ ကာဒင် တီ၊ အီ ဘူင် နာ မွှိုမ် အာမ် ကာဆဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
5အန် ဇဝ် မိုဝ်း အာငျာန် ဘွတ်။ အန် ဟဲ့ ဘူင် တဲး န့ မိုဝ်း ဂါင်ဟြာဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
6အန် ဘ့လး ကာဒါယ် တဲး န့ ကွယ် ဒဲင် အိုမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
7အန် ဟဲ့ ဘူင် ဆီငဲ ဂါယ် မာဂျီန်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
8ဆီငဲ၊ အန် တဲး န့ အိုပ် ကာတဲ ဆီငဲ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
9မာဂျီန် ဂါယ် ဆီမန့်၊ အန် တဲး န့ အိုပ် ခဲင် မှိုဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
10ဂွန် ဂိန့် ဂေ ဒူအီ အာမျုဝ် အဲဂိုပ်၊ အန် ဇဝ် ဟဲ့ ဘူင် တဲး ဂေ ယမ် ဒွန် အီ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
11အန် ယဲတ့် လေး ဂေ ဒူအီ အီဆာရေလ ခဲင် မိူင် အဲဂိုပ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
12အန် ဟဲ့ တဲး ပွုန် တာင် အန် ဘူင် ဇိုဝ် တီ ဒွန် မျုဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
13အန် ဇဝ် ဟဲ့ တဲး အိုမ် ဒီနှူင် ရေန့် ကာယဝ်း ဘဲန် အာ ဘ့လာက်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
14အန် ဇဝ် ဟဲ့ ယဲတ့် တဲး ဂေ ဒူအီ အီဆာရေလ ကာလုဝ်း ဒီ တီ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
15အန် ဇဝ် ဟဲ့ ဘူင် တဲး ခုန်ဒီခမ် အဲဂိုပ် ဘော ဂေ ဒါ ဆိုက် အန် ယမ် တူတ့် ခဲင် အိုမ် တီ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
16အန် ဇဝ် ဟဲ့ ယဲတ့် ဂေ ဒူအီ ပီ အိုပ် အန် တဲး ဂေ ကာလုဝ်း ခဲင် ပြဲ ကာဟဝ်း။ အန် ဇဝ် မိုဝ်း နဝ်း ရွက့် ကာဝေ ဆေဆေ။
17ခဲ့ ကွယ် ဂေ ခုန်ဒီခမ် အီ မိုဝ်း အာဖုင် ဒင်ခုဝ် တာင်၊ အန် ဇဝ် ဟဲ့ တဲး ဂေ ယမ် ဒွန် အီ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
18အန် ဟဲ့ တဲး ခုန်ဒီခမ် အီ မိုဝ်း ပွုန် တာင် ဝီ ယမ် တူတ့်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
19ဘော အာဆီဟူန် အီ မုး ခုန်ဒီခမ် ဂေ ဒူအီ အာမုဝ်ရိတ် ဟဲ့ ယမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
20ဘော ခုန်ဒီခမ် အာအောခ အီ အိုပ် မိူင် ဘာဆန် ဟဲ့ ယမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
21အန် ဇဝ် ဟဲ့ ဒိုဝ်း မိူင် ဂေ ဒူအီ ဇိုဝ် တီ၊ ဝီ အာပ် တဲး ဂေ ဒူအီ အာမျုဝ် အန် ဝီ ကွယ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
22အန် ဟဲ့ တဲး န့ ဘဲန် ခါဂုန် ဒီ ဂေ ဒူအီ အီဆာရေလ အီ မုး ဒဲစေန့် အန် ဇဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
23အေ ဒါင် ဂုင် ဂေဇူ ဒီ အန် ဇဝ် အီ လှုဝ်း အေ ဒေါ ဟဲ့ ရိန် အေ ဒီ စှိုမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
24အန် ဇဝ် ဟဲ့ တဲး အေ လွတ် ဒီ ရန်ဆူ အေ။ အန် ဇဝ် မိုဝ်း နဝ်း ရွက့် ကာဝေ ဆေဆေ။
25အန် ဟဲ့ ဟျီင် ခဲ့ ကွယ် ဂေ ဒုဝ် ဆတ်ဒါဝါ၊ တဲး ဂေ မိုဝ်း ဒီ ဟူမ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
26တဲး အေ ဒါင် ဂုင် ဂေဇူ ဒီ ဇဝ်ဖြာ အီ ကွယ် ဂါင်ဟြာဝ်။ အန် ဇဝ် မိုဝ်း နဝ်း ရွက့် ကာဝေ ဆေဆေ။
Currently Selected:
မှုဝ် 136: pce
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
