မှုဝ် 132
132
မှုဝ် အီ ကာလာင် လွင် ဇီဒိူက် ဇဝ်ဖြာ
1အိုယ် မဲ ဇဝ်ဖြာ၊ ကွဲ့ တဲး မဲ ပိဝ် အာဒါဝိတ်။ တဲး မဲ ဇဝ် လှုဝ်း ခဲ့ ဟဲ့ ကာဒုး အန် ဒီ ခမ် ဒုက် ဒွန် မျုဝ်။
2အန် ဟဲ့ ဒွိုမ် ဒိူင် ကာဆဲန့် ဒီ မဲ ဇဝ် အီ မိုဝ်း အာဖုင် ဒင်ခုဝ် တာင်၊ အီ မုး အန် ဇဝ် ပီ ကြိုပ် ဂေ ခြိုဝ် အာကူပ်။ အန် ဟဲ့ တဝ်း၊
3“အုဝ် တူ ဝီ ဝေန့် ဒီ ကာင်၊ တူ ဝီ ဟုဝ့် ဒဲင် ကာစှူင့် အိတ် အုဝ်၊
4အုဝ် မိူဝ် တူ အိတ်၊ တူ ဒီလှဝ်၊
5တဲး ကော ဇမ် အာခြာဝ် ဒီ ဆမ် အုဝ် ဒူင် ကွယ် မဲ ဇဝ်ဖြာ။ တဲး န့ မိုဝ်း ဒူင် ဒီ ကွယ် အန် ဇဝ် အီ အိုပ် တူတ့် ခြိုဝ် အာကူပ် တွိုန်။”
6ခဲင် မိူင် ဘေတ်လဲမ်#132:6 ဒေါ မွိုန် မိူင် ဘေတ်လဲမ် ဘော စိူဝ် မိူင် အေဖာရာ အုဝ် ဟဲ့ ဒွိုမ် ယိုဝ် လွင် ဇီဒိူက် ဇဝ်ဖြာ။ ယေ ဟဲ့ ကာတုန့် အန် ခဲင် ဂ့လင် ဒီ မိူင် ယာရိမ်။
7ယေ ဘော တဝ်း၊ “တဲး အေ ဟာဝ် ဒူင် ကွယ် ဟုဝ် ဇဝ်ဖြာ။ တဲး အေ မုတ် ဂိုပ် ဒီ အာတ့် မာလာင် အန် ဇဝ်။
8တဲး မဲ ဇဝ် တး ကွယ် ဒူင် ကွယ် မဲ၊ တဲး ဘော မဲ ဘော ဇီဒိူက် အီ ဘျ ပွုန် မဲ ကွယ် ဒီ တီ ဆေဆေ။
9တဲး ဂေ ဒူအီ အီ လှူ ဒီ မဲ ဇဝ် ဘော ဘူင် နာ မုး နာ မှာန်။ တဲး ဂေ ဒူအီ ပီ အိုပ် မဲ ဇဝ် ဘော တဝ်း န့စေန့် အီ ဘျုဝ် ဒါခိုယ်။”
10ကူပ် ဟဲ့ လှုဝ်း မဲ ဇဝ်ဖြာ ဒဲစေန့် မဲ အီ စိူဝ် အာဒါဝိတ်၊ ကွဲ့ တဲး မဲ ဇဝ် ဝဲန် ခုန်ဒီခမ် ပဲ့ ဟဲ့ ရဝ်း မဲ ဇဝ်။
11အန် ဇဝ် ဟဲ့ ဒွိုမ် ဒွါ ကာဒိက် ဆတ်ဇာ ဒီ အာဒါဝိတ်။ န့ မုး ကာဒိက် ဆတ်ဇာ အီ တူ ပွိုန် ပျာတ့်။ အန် ဟဲ့ တဝ်း၊ “ခဲ့ ကွယ် ဂေ ဂွန် အီမာယ် မဲ အာဒါ အူ ဝီ၊ အုဝ် ဒီ တဲး အန် ဘဲန် ခုန်ဒီခမ်၊ ဝီ အိုပ် မိူင် ဝါယ် မဲ။
12ဆေ ဂေ ဂွန် မဲ၊ ဘော ထူမ် ပီ တဝ်း အုဝ်၊ ဆေ ဂေ ဘော ဘူင် ဒူပ် ဒါရာ ပီ ကာလာင် အုဝ် ဒွန် မျုဝ်၊ ဂေ ဒီ ဘော ပွိုန် ဒီ အိုပ် မိူင်၊ ဝီ ဘဲန် ခုန်ဒီခမ် ဘဲန် ဇာတ် ဘဲန် ဇာတ် ဟာဝ် နာ အာတ့်။”
13ခုဝ်၊ ဇဝ်ဖြာ ဟဲ့ ရဝ်း မိူင် ဇီအူန်၊ တဲး န့ ဘဲန် ဒူင် ဒီ ကွယ် အန် ဆေဆေ။
14အန် ဇဝ် မိူဝ် ဟဲ့ တဝ်း၊ “ခဲင် မိူင် နီ၊ အုဝ် ဒီ ဘော ကွယ် ဆေဆေ။ န့ မုး မိူင် ပီ အိုပ် အုဝ်။ အုဝ် အိုင် တဲး န့ ပါယ် တီ။
15အုဝ် ဒီ ဘော မွင့်ကာရာ၊ တဲး န့ မိုဝ်း ပီ ဒီ ဟူမ် ဆေဆေ ခဲင် မိူင် ဇီအူန်။ အုဝ် ဒီ ဘော လိုမ်လာ ဟျီင် ဂေ ဒူအီ ဂိန် ခဲင် မိူင် တီ။
16အုဝ် ဒီ ဘော မွင့်ကာရာ ဒွါ အီ ဘွတ် အီ မွှိုမ် ဒီ ဂေ ဒူအီ အီ လှူ ဒီ ဇဝ်ဖြာ ခဲင် မိူင် တီ။ ဘော ဂေ ဒူအီ အီ ဆီငါ ဘွတ် ဒီ ဘော ခူယ် ဒါခိုယ် ကာဆဝ်၊ တဝ်း န့စေန့် အီ အိူပ် ဇဝ်ဖြာ။
17အုဝ် ဒီ ဘော တဲး ခြိုဝ် အာဒါဝိတ် အူ ဝီ ဘဲန် ခုန်ဒီခမ် ခဲင် မိူင် တီ။ အုဝ် ဒီ ဘော ဒွါ ပွုန် ဒီ အန်၊ တဲး အန် ဘဲန် ခုန်ဒီခမ် ပီ ရဝ်း အုဝ် ဆေဆေ၊ တဲး န့ ပီ ငဝ် ရာင် အီ ဘ့လာင် ဆေဆေ။
18အုဝ် ဒီ ဘော ဘူင် တဲး ဂေ ရန်ဆူ အန် ဒွန် အီ စှိုမ် ဆာရေ ဘော ဆာယ် အီ ဟဝ်။ အုဝ် ယီ တဲး အန် အိုပ် ဆေဆေ၊ တဲး န့ ပီ မင်ဂိုမ် အန် ဟဲ့ မာဘြိဝ်၊ တဲး ဒွန် အီ ယိုဝ်။”
Currently Selected:
မှုဝ် 132: pce
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
