Mǒhtûlû̌hǎhtûsa 49
49
Yǎ̤kò howi̤homò̤ aphû̌makhû toǒ
1Yǎ̤kò kaǎhè aphû̌toǒ dě a hî̌, “Hèǒ te̤we̤ lǒkho ta he bǎo, htû̌꤮ nǒkòpě ta̤ glè̌ htûhtò̌ ta sî hî̌tè pěnu he pwe̤ǐ bǎ sî, 2Ǒ꤮ hephû̌khû sî, hèǒplǒbò nû̌û dě gana̤de lǒkho, gana̤de lǒkho sîpha Yǎ̤kò#49:2 Yǎ̤kò ta Israel mî̌ tapwǎ̤pa. ata̤hî̌bǎ htǒo.
3Rube, na mî̌ hephû̌wè̤pwa̤.
Na mî̌ heta̤shû̌ta̤sho, hekhû̌heǎ akòshî̌kòtṳ.
Na nî̤bǎ gûla̤ ahtò̌yî̤gutṳ̌.
Dě hephû̌ lǒ̤bò aklanu namî̌ kòyò htě ashû̌ashokhlo kò.
4Na dě asǒsǒta shidû̌hè dě a khòǐpè̤ ana̤ tò̤nu hǒ.
Tòkhò̌꤮ na htûjòpe kòyò htě adû̌khlo awǒkhlo ta napṳnawè̤ toǒ tò̤ hǒ.
Ma̤tè̤hî̌dě na hǎmoǒhtu ta hemaja, na ma̤phû̌mò̤shî̌hto napha ala̤mi̤.
5Simeo ta Lě̤wǐ sî mî̌ sîpṳwè̤ nû̌û.
Sî noǎ ǐ sî nò̌she toǒ ta la̤ma̤pî̌ma̤lṳ̂kè kò.
6He jûkû̌ ta sî ta̤hî̌bǎhǔ hî̌bǎsè̌nu toǒ tò̤.
Htohǒtò̤ he nṳǒkû̌pe sî ta̤ǒhtuhî̌bǎplǒ akûnu tò̤tò̤.
Ma̤tè̤hî̌dě sî sò̌phlǒdû̌ akhû̌akhî, sî ma̤si kòyò toǒ hǒ.
Sî ma̤la̤ga lò̤we̤lò̤sobò pṳ̂pha toǒ khò̌lopo̤.
7He ǐsho sî ta̤sò̌phlǒdû̌ ta ta̤sò̌phlǒhtò̌ hǒ, ma̤tè̤hî̌dě ajîajû mè̤mè̤̌.
He nohtò̌pò̌htò̌shî cû̌khǒkè sî dě Israelgakû pě.
He nocû̌ǒpîshîkè sî dě Israel akhlialèhǔwa̤ toǒ akla pě.
8Yṳ̌da, napṳnawè̤ toǒ htû̌sò̌ǐ na pě.
Ma̤tè̤hî̌dě na ma̤pè̤kèbò nakhuwè̤ toǒ pě.
Napṳwè̤ toǒ hègene̤lò̤ dě nalo̤mo̤ pě.
9Yṳ̌da, na khû̌ǎshû̌sho lò̤ta sî̌ò̌ htě a pṳ̂ǎhto ta̤mi̤,
dě a gesǒ akû dě a gehǎmoǒ tṳglulò̤ ǒkǔnu hǒ.
Na lò̤ta sî̌ò̌mo̤ tado dě kò ma̤shî̌nǎbǔ nû̌û dǐpwǎ̤꤮ tò̤nu hǒ.#Ta̤dǒbǎ 24:9; Ta̤dǔlè̌nǎ 5:5
10Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤.
Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě.
Na pǒǐ to̤htû̌ khlilèphû̌ toǒ phî̌hè bǎ na sû pě.
Dě khlilè toǒ bè̌dubè̌na̤bò na pě.
11Yṳ̌da, na coklomě namòû̌lǎtolo ta sobîmṳ pě.
Na coklomě namòû̌lǎphatolo ta sobîphò htě awǒgutṳ̌nu pě.
Na shǔjabò nahǐdo ta nahǐdopo̤to̤ toǒ ta sobîshisî̌yo̤ pě.#49:11 Amûasǎ mî̌ Yṳ̌da hǎkhû̌nu a hǎplǒhǎyî̌wî pě dě a sobîmṳnu a sǎcǒlǒ pě
12Nami̤sǎphlǒ lî̤pi̤sǐ lò̤kèta sobîshisî̌yo̤.
Nakhû̌khi bûsǔlǔ lò̤kèta pṳ̂nṳ̂shi.#49:12 Amûasǎ mî̌ apṳ̂ ǒplṳ̂ǒphǎ dě apṳ̂nṳ̂shi ǒlǒǒbe pě
13Sabulo, na ǒ dě shidû̌shite̤we̤htu pě.
Dě na htûhtò̌ ta la̤bè̌ǒ sǒkhlidû̌ pě.
Dě nagakûnu a lè̤ cû̌to̤ dě Sidowî̤ pě.
14Isakarǒ, na sǒsǒta mòû̌lǎ htě akhû̌ǎshû̌sho dě kò dò̌htò̌ cî̌htè̌cî̌kho nû̌û ta ta̤kî̌ta̤kû̌,
dě alòdǒ hǎmoǒlòkhǔ ǒtò̤ ta̤kî̌ta̤kû̌ aplǎkûnu hǒ.
15Dě bǎ a kè̌shǐ mè̤mè̤̌ agûla̤ la̤ǒkǔwǒ, htodě hǎkhû̌htǒo awî̤awǒ mè̤mè̤̌ akhanu,
a kǒlò̤ awa̤te̤ ta a dò̌cû̌ ta̤kî̌ta̤kû̌ aya.
Hǐnudě kò noshû̌nosho na pwǐ jûnu tapwa̤ pě.
16Da, na pǒǐ tû̌ nakhokòyònu toǒ,
pwǐ Israel khli ahǔwa̤ toǒ hǐkǒdû̌ pǒǐnu pě.
17Na sǒsǒta wṳ̂ htě awè̤ ǒ dě a ǒ bǎ klè̌htu.
Na sǒsǒta wṳ̂sa ǒ klè̌dǒ.
Na pè̌ tîsî̌ khò̌tonǒkò dě pwa̤khû̌khwè na mî̌ pwa̤dò̌ tîsî̌nu tapwa̤ lò̤te̤ taa gekhîkè pě.”
18Htodě Yǎ̤kò sabahtò̌ Cǒmara,
“Kǒ꤮ Cǒmara tûjûpwa̤, he ǒpo̤kè̌shuǐ na ta̤ma̤lû̌htò̌ge.”
19Htodě a hî̌ sělěpo̤ aphû̌sî,
“Gǎ, pwa̤phî̌sigwi we̤saphǎta̤ toǒ shě na pě.
Pwǎ̤ta na shěpè̤kè asî pě.
Dě na lṳ̂toho khlè̌hǎhtò̌kèbò asî pě.
20Asharu, shǎǎshǎo hǎhtò̌ dě na gakû toǒnu, awǐashu mè̤mè̤̌ pě.
Dě na ǐǎǐo Khwǐ shǎǎshǎo htě awǐashu kî̌yakhlonu toǒ pě.
21Natali, na mî̌ asǒsǒta tikhimo̤ htě a pe̤phwè dě a ǒpelesesǎ mi̤kla tado.
Dě a phû̌ǒnṳ tikhiphû̌ htě awî̤ toǒ.
22Jǒjè, na mî̌ asǒsǒta sobîmṳ htě asǎ sǎcǒlǒ tṳmṳ.
Dě a dǒhtò̌ wî̤wǒ shihtǎpo̤htu.
Dě aphò toǒ yṳ̂htò̌ tûlû̌bò ta wî̤we̤.
23Pwa̤khǎkhlǐ toǒ hèshějîshějû mè̤mè̤̌ na.
Dě asî sò̌khěkhû̌khwè mè̤mè̤̌ na.
Dě a hèkhǎ lǒkho na.
24Pwǎ̤ta he Cǒmaradû̌ htě apo̤aphǎ dě he sabahtò̌ yǎ,
dě kò kaǎ yǎta pwa̤gèǐ sophû̌, pwa̤ma̤kwaǐ Israelphû̌nu tapwa̤, ma̤jè na akhû̌akhî,
nakhlǐnu awî̌wò tò̤,
nacǔdenu ashû̌asho mè̤mè̤̌.
25He Cǒmaradû̌ glè ma̤jè na,
Cǒmara htě apo̤aphǎ htǒotapwa̤ glè howi̤homò̤lò̤ na ta mǒkhû̌ ata̤howi̤.
A howi̤homò̤ na ta shihtǎpo̤ dě hǎla̤nu toǒ.
A howi̤homò̤tû̌ nata̤phû̌ta̤li̤ ta naphû̌nali̤ dě a ǒplṳ̂ tû̌ta nî̌꤮.
26He ta̤howi̤ toǒ mî̌ adû̌khlo ta kholo děwǐkha ata̤howi̤ toǒ.
Awǒkhlope ta kholo htě aněyî̤lapwa̤ toǒ ata̤wî̤ta̤wǒ toǒ.
Jǒjè, na nî̤bǎbòtû̌ ta̤howi̤ htǒotoǒ pě nî̌꤮.
Na nî̤bǎ tû̌ta ta̤howi̤ htě la̤htò̌htûdû̌htûpwa̤ dě napṳwè̤sî toǒ akhû̌nu pě nî̌꤮.
27Bejame, na mî̌ asǒsǒta Chyǐmi̤ htě ahǒwi̤sǎǎ mè̤mè̤̌ ashǎ tado.
Bǎ lṳmṳlî akha a ǎ ta̤mi̤yî̌.
Bǎ lṳmṳhǎ akha a mèǎ bǎ kò ta̤ htě a pṳ̂ǎnṳnu toǒ.”
28Lǒ̤꤮ bò htǒotoǒ mî̌ Israel khli shǐgi̤nǐ̤khli toǒ hǒ, htǒomî̌ ta̤hî̌bǎ htě apha howi̤homò̤kè asî pwǐ atoabǎ ta asî tapwa̤꤮ ta tapwa̤nu toǒ hǒ.
Yǎ̤kò sǎlò̤te̤kè
29Htodě Yǎ̤kò mǎnǎ aphû̌sî ta̤hî̌bǎ, “He glè̌ phǔsi hǒ, lǔ kû̌dǒ he ta hemo̤phaphiphu sî lo̤kû ǒ bǎ Hǐtǐ khlilèphû̌ Ephro ahǔklakhû̌nu tò̤glò nî̌. 30Hephu Abraham pwî̤kè lo̤kû tûkû htě a ǒ dě Mèpelǎ gûla̤, Mè̌mare mṳhtò̌ Khana̤gakûnu. A pwî̤ nû̌û bǎ Hǐtǐ khlilèphû̌ Ephro acǔdekû dě a ma̤kè nû̌ûta ala̤lǔnṳ akhlialè gûla̤.#Mǒhtûlû̌hǎhtûsa 23:3-20 31Kò lǔnṳkè hephihephu Abraham ta ama Sharǎ bǎnu hǒ, htohǒtò̤ hemo̤hepha Isǎko ta Ribè̌ka mî̌ kò lǔnṳ asî bǎnu hǒhǒ, htodě sîmo̤ Le̤a mî̌ he lǔnṳ yǎ bǎnu hǒhǒ.#Mǒhtûlû̌hǎhtûsa 25:9-10, 35:29 32Hǔkla ta lo̤kû ǒ hǔklanu ta̤la̤ akûnu mî̌ kò pwî̤ yǎ bǎ Hǐtǐ khlilèphû̌ acǔdekû, dě lǔnṳkè he bǎ lo̤kûnu nî̌꤮.”
33Bǎ Yǎ̤kò mǎnǎhto aphû̌sî ta̤hî̌bǎ akhanu, a hǎmoǒlò̤ gesǒ la̤mi̤khû̌ dě a sǎlò̤te̤kè. Dě a cû̌ǒhtu kû̌kè ta amo̤phaphiphu sî toǒ.#Pwa̤nophû̌ toǒ 7:15
Currently Selected:
Mǒhtûlû̌hǎhtûsa 49: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
Mǒhtûlû̌hǎhtûsa 49
49
Yǎ̤kò howi̤homò̤ aphû̌makhû toǒ
1Yǎ̤kò kaǎhè aphû̌toǒ dě a hî̌, “Hèǒ te̤we̤ lǒkho ta he bǎo, htû̌꤮ nǒkòpě ta̤ glè̌ htûhtò̌ ta sî hî̌tè pěnu he pwe̤ǐ bǎ sî, 2Ǒ꤮ hephû̌khû sî, hèǒplǒbò nû̌û dě gana̤de lǒkho, gana̤de lǒkho sîpha Yǎ̤kò#49:2 Yǎ̤kò ta Israel mî̌ tapwǎ̤pa. ata̤hî̌bǎ htǒo.
3Rube, na mî̌ hephû̌wè̤pwa̤.
Na mî̌ heta̤shû̌ta̤sho, hekhû̌heǎ akòshî̌kòtṳ.
Na nî̤bǎ gûla̤ ahtò̌yî̤gutṳ̌.
Dě hephû̌ lǒ̤bò aklanu namî̌ kòyò htě ashû̌ashokhlo kò.
4Na dě asǒsǒta shidû̌hè dě a khòǐpè̤ ana̤ tò̤nu hǒ.
Tòkhò̌꤮ na htûjòpe kòyò htě adû̌khlo awǒkhlo ta napṳnawè̤ toǒ tò̤ hǒ.
Ma̤tè̤hî̌dě na hǎmoǒhtu ta hemaja, na ma̤phû̌mò̤shî̌hto napha ala̤mi̤.
5Simeo ta Lě̤wǐ sî mî̌ sîpṳwè̤ nû̌û.
Sî noǎ ǐ sî nò̌she toǒ ta la̤ma̤pî̌ma̤lṳ̂kè kò.
6He jûkû̌ ta sî ta̤hî̌bǎhǔ hî̌bǎsè̌nu toǒ tò̤.
Htohǒtò̤ he nṳǒkû̌pe sî ta̤ǒhtuhî̌bǎplǒ akûnu tò̤tò̤.
Ma̤tè̤hî̌dě sî sò̌phlǒdû̌ akhû̌akhî, sî ma̤si kòyò toǒ hǒ.
Sî ma̤la̤ga lò̤we̤lò̤sobò pṳ̂pha toǒ khò̌lopo̤.
7He ǐsho sî ta̤sò̌phlǒdû̌ ta ta̤sò̌phlǒhtò̌ hǒ, ma̤tè̤hî̌dě ajîajû mè̤mè̤̌.
He nohtò̌pò̌htò̌shî cû̌khǒkè sî dě Israelgakû pě.
He nocû̌ǒpîshîkè sî dě Israel akhlialèhǔwa̤ toǒ akla pě.
8Yṳ̌da, napṳnawè̤ toǒ htû̌sò̌ǐ na pě.
Ma̤tè̤hî̌dě na ma̤pè̤kèbò nakhuwè̤ toǒ pě.
Napṳwè̤ toǒ hègene̤lò̤ dě nalo̤mo̤ pě.
9Yṳ̌da, na khû̌ǎshû̌sho lò̤ta sî̌ò̌ htě a pṳ̂ǎhto ta̤mi̤,
dě a gesǒ akû dě a gehǎmoǒ tṳglulò̤ ǒkǔnu hǒ.
Na lò̤ta sî̌ò̌mo̤ tado dě kò ma̤shî̌nǎbǔ nû̌û dǐpwǎ̤꤮ tò̤nu hǒ.#Ta̤dǒbǎ 24:9; Ta̤dǔlè̌nǎ 5:5
10Kò glè phî̌tephejòkè Yṳ̌da ata̤shû̌ta̤sho dǐpwǎ̤꤮ tò̤.
Htohǒtò̤ Khwǐnò̌htǒnu a ǒměǒgle dě nakhlinalè toǒ acǔdekû pě.
Na pǒǐ to̤htû̌ khlilèphû̌ toǒ phî̌hè bǎ na sû pě.
Dě khlilè toǒ bè̌dubè̌na̤bò na pě.
11Yṳ̌da, na coklomě namòû̌lǎtolo ta sobîmṳ pě.
Na coklomě namòû̌lǎphatolo ta sobîphò htě awǒgutṳ̌nu pě.
Na shǔjabò nahǐdo ta nahǐdopo̤to̤ toǒ ta sobîshisî̌yo̤ pě.#49:11 Amûasǎ mî̌ Yṳ̌da hǎkhû̌nu a hǎplǒhǎyî̌wî pě dě a sobîmṳnu a sǎcǒlǒ pě
12Nami̤sǎphlǒ lî̤pi̤sǐ lò̤kèta sobîshisî̌yo̤.
Nakhû̌khi bûsǔlǔ lò̤kèta pṳ̂nṳ̂shi.#49:12 Amûasǎ mî̌ apṳ̂ ǒplṳ̂ǒphǎ dě apṳ̂nṳ̂shi ǒlǒǒbe pě
13Sabulo, na ǒ dě shidû̌shite̤we̤htu pě.
Dě na htûhtò̌ ta la̤bè̌ǒ sǒkhlidû̌ pě.
Dě nagakûnu a lè̤ cû̌to̤ dě Sidowî̤ pě.
14Isakarǒ, na sǒsǒta mòû̌lǎ htě akhû̌ǎshû̌sho dě kò dò̌htò̌ cî̌htè̌cî̌kho nû̌û ta ta̤kî̌ta̤kû̌,
dě alòdǒ hǎmoǒlòkhǔ ǒtò̤ ta̤kî̌ta̤kû̌ aplǎkûnu hǒ.
15Dě bǎ a kè̌shǐ mè̤mè̤̌ agûla̤ la̤ǒkǔwǒ, htodě hǎkhû̌htǒo awî̤awǒ mè̤mè̤̌ akhanu,
a kǒlò̤ awa̤te̤ ta a dò̌cû̌ ta̤kî̌ta̤kû̌ aya.
Hǐnudě kò noshû̌nosho na pwǐ jûnu tapwa̤ pě.
16Da, na pǒǐ tû̌ nakhokòyònu toǒ,
pwǐ Israel khli ahǔwa̤ toǒ hǐkǒdû̌ pǒǐnu pě.
17Na sǒsǒta wṳ̂ htě awè̤ ǒ dě a ǒ bǎ klè̌htu.
Na sǒsǒta wṳ̂sa ǒ klè̌dǒ.
Na pè̌ tîsî̌ khò̌tonǒkò dě pwa̤khû̌khwè na mî̌ pwa̤dò̌ tîsî̌nu tapwa̤ lò̤te̤ taa gekhîkè pě.”
18Htodě Yǎ̤kò sabahtò̌ Cǒmara,
“Kǒ꤮ Cǒmara tûjûpwa̤, he ǒpo̤kè̌shuǐ na ta̤ma̤lû̌htò̌ge.”
19Htodě a hî̌ sělěpo̤ aphû̌sî,
“Gǎ, pwa̤phî̌sigwi we̤saphǎta̤ toǒ shě na pě.
Pwǎ̤ta na shěpè̤kè asî pě.
Dě na lṳ̂toho khlè̌hǎhtò̌kèbò asî pě.
20Asharu, shǎǎshǎo hǎhtò̌ dě na gakû toǒnu, awǐashu mè̤mè̤̌ pě.
Dě na ǐǎǐo Khwǐ shǎǎshǎo htě awǐashu kî̌yakhlonu toǒ pě.
21Natali, na mî̌ asǒsǒta tikhimo̤ htě a pe̤phwè dě a ǒpelesesǎ mi̤kla tado.
Dě a phû̌ǒnṳ tikhiphû̌ htě awî̤ toǒ.
22Jǒjè, na mî̌ asǒsǒta sobîmṳ htě asǎ sǎcǒlǒ tṳmṳ.
Dě a dǒhtò̌ wî̤wǒ shihtǎpo̤htu.
Dě aphò toǒ yṳ̂htò̌ tûlû̌bò ta wî̤we̤.
23Pwa̤khǎkhlǐ toǒ hèshějîshějû mè̤mè̤̌ na.
Dě asî sò̌khěkhû̌khwè mè̤mè̤̌ na.
Dě a hèkhǎ lǒkho na.
24Pwǎ̤ta he Cǒmaradû̌ htě apo̤aphǎ dě he sabahtò̌ yǎ,
dě kò kaǎ yǎta pwa̤gèǐ sophû̌, pwa̤ma̤kwaǐ Israelphû̌nu tapwa̤, ma̤jè na akhû̌akhî,
nakhlǐnu awî̌wò tò̤,
nacǔdenu ashû̌asho mè̤mè̤̌.
25He Cǒmaradû̌ glè ma̤jè na,
Cǒmara htě apo̤aphǎ htǒotapwa̤ glè howi̤homò̤lò̤ na ta mǒkhû̌ ata̤howi̤.
A howi̤homò̤ na ta shihtǎpo̤ dě hǎla̤nu toǒ.
A howi̤homò̤tû̌ nata̤phû̌ta̤li̤ ta naphû̌nali̤ dě a ǒplṳ̂ tû̌ta nî̌꤮.
26He ta̤howi̤ toǒ mî̌ adû̌khlo ta kholo děwǐkha ata̤howi̤ toǒ.
Awǒkhlope ta kholo htě aněyî̤lapwa̤ toǒ ata̤wî̤ta̤wǒ toǒ.
Jǒjè, na nî̤bǎbòtû̌ ta̤howi̤ htǒotoǒ pě nî̌꤮.
Na nî̤bǎ tû̌ta ta̤howi̤ htě la̤htò̌htûdû̌htûpwa̤ dě napṳwè̤sî toǒ akhû̌nu pě nî̌꤮.
27Bejame, na mî̌ asǒsǒta Chyǐmi̤ htě ahǒwi̤sǎǎ mè̤mè̤̌ ashǎ tado.
Bǎ lṳmṳlî akha a ǎ ta̤mi̤yî̌.
Bǎ lṳmṳhǎ akha a mèǎ bǎ kò ta̤ htě a pṳ̂ǎnṳnu toǒ.”
28Lǒ̤꤮ bò htǒotoǒ mî̌ Israel khli shǐgi̤nǐ̤khli toǒ hǒ, htǒomî̌ ta̤hî̌bǎ htě apha howi̤homò̤kè asî pwǐ atoabǎ ta asî tapwa̤꤮ ta tapwa̤nu toǒ hǒ.
Yǎ̤kò sǎlò̤te̤kè
29Htodě Yǎ̤kò mǎnǎ aphû̌sî ta̤hî̌bǎ, “He glè̌ phǔsi hǒ, lǔ kû̌dǒ he ta hemo̤phaphiphu sî lo̤kû ǒ bǎ Hǐtǐ khlilèphû̌ Ephro ahǔklakhû̌nu tò̤glò nî̌. 30Hephu Abraham pwî̤kè lo̤kû tûkû htě a ǒ dě Mèpelǎ gûla̤, Mè̌mare mṳhtò̌ Khana̤gakûnu. A pwî̤ nû̌û bǎ Hǐtǐ khlilèphû̌ Ephro acǔdekû dě a ma̤kè nû̌ûta ala̤lǔnṳ akhlialè gûla̤.#Mǒhtûlû̌hǎhtûsa 23:3-20 31Kò lǔnṳkè hephihephu Abraham ta ama Sharǎ bǎnu hǒ, htohǒtò̤ hemo̤hepha Isǎko ta Ribè̌ka mî̌ kò lǔnṳ asî bǎnu hǒhǒ, htodě sîmo̤ Le̤a mî̌ he lǔnṳ yǎ bǎnu hǒhǒ.#Mǒhtûlû̌hǎhtûsa 25:9-10, 35:29 32Hǔkla ta lo̤kû ǒ hǔklanu ta̤la̤ akûnu mî̌ kò pwî̤ yǎ bǎ Hǐtǐ khlilèphû̌ acǔdekû, dě lǔnṳkè he bǎ lo̤kûnu nî̌꤮.”
33Bǎ Yǎ̤kò mǎnǎhto aphû̌sî ta̤hî̌bǎ akhanu, a hǎmoǒlò̤ gesǒ la̤mi̤khû̌ dě a sǎlò̤te̤kè. Dě a cû̌ǒhtu kû̌kè ta amo̤phaphiphu sî toǒ.#Pwa̤nophû̌ toǒ 7:15
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA