Pwa̤nophû̌ toǒ 18
18
Dě Kòrî̌tiawî̤kû
1Ta̤htûhtò̌hto pwǐhè̌o dě, Pò̌lu ǒ bǎ Atîwî̤nu dě a hǎhtò̌cû̌ Kòrî̌tiawî̤. 2Dě a cû̌ kè̌shǐ glashǔ ta Yṳ̌daphû̌ tapwa̤ htě ami̤ mî̌ Akǔlǎ htǒo bǎnu tò̤glò. Akǔlǎ htǒonu, a phû̌jalò̤ Pòtǔwî̤ dě a ta ama Prî̌kǐlǎ hèto̤sa lǒkho mǒ̤pepwǎ bǎnu pwǎ. Khwǐdû̌ Klò̌dǐ hî̌lò̤ ayo̤ ta Yṳ̌daphû̌ lǒ̤꤮ bò toǒnu, bǎ hǎhtò̌cû̌kèbò bǎ Rò̌mǎwî̤kû htǒo. Dě Khwǐ hî̌lò̤ ayo̤ pwǐhè̌o akhû̌akhî, Akǔlǎ htǒo ta ama Prî̌kǐlǎ hǎhtò̌cû̌kè Italigakû dě hèto̤pwǎ lǒkho bǎo. Dě Pò̌lu cû̌ kè̌shǐ glashǔ ta asî. 3Dě Pò̌lu ǒkû̌ta asî bǎnu. Dě a ma̤plǒkû̌ ta̤ ta asî, ma̤tè̤hî̌dě Pò̌lunu a bǔǎ pwǎ a ta̤htûpwa̤ ta a shò̌hǐphû̌hǔgòpwî̌ sǒsǒta ma ta wṳ̂ htǒosò̌gini̤ ma̤nupwǎ. 4Yṳ̌daphû̌ mṳni̤dǔ pṳ̂̌꤮ plǎplǎnu, Pò̌lu dǒhtû̌ htè̌kè̌khî kò bǎ ta̤sabahǐ akûnu. Ma̤pûhǐ Yṳ̌daphû̌ ta Greekphû̌ ginǐ̤prṳ̂bò yṳǎna̤ǎ kû̌ Ye̤shǔ ayanu, Pò̌lu jipwi̤ hî̌bǎ cǐnṳ asî sò̌phlǒ.
5Bǎ Tilǎ ta Timò̤̌te ǒ Makedò̌niaga hǎhtò̌cû̌ dě a hèto̤ Pò̌lu ǒ akhanu, Pò̌lu ǐlò̤bò a khîakha dě a glè dǒhtû̌ǐ bǎ kò ta ta̤sò̌le̤sò̌lò̤ awi̤akè̌. Dě a khòlṳ dě a dǒhtû̌ǐlṳ bǎ Yṳ̌daphû̌ toǒ ta Ye̤shǔ mî̌ Khrî̌stu, a mî̌ kòyò htě Cǒmara wû̌lǎ yǎ dě a glè ma̤lû̌htò̌ge kòyòhǎkhû̌phû̌nu tapwa̤ hǒ, a hî̌ hǐnu bǎ kò pṳ̂̌꤮ tapwa̤ a lo̤mo̤. 6Pò̤̌ta Yṳ̌daphû̌ toǒ htè̌shǔ pi̤jishǐcǒ Pò̌lu akhû̌akhî, Pò̌lu pla̤ lò̤te̤kè hǎmǔ dě a hǐdohǐyòlo̤. A pla̤ lò̤te̤kè hǎmǔ pwǐhè̌o numî̌ a dǔlṳ ta̤ma̤dòǐ tacǎ ta kò htè̌shǔ asî hǐnu. Htodě a hî̌shǔ asî, “Sî dè to̤dě ta̤pî̌ta̤lṳ̂ hî̌numî̌ sîtasînu tû̌hǒ. Ta̤sǔta̤plě ǒpe helo̤ tò̤ hǒ. Tèhtò̌ khònò̤htǒo tǒ̤hènu, he glè cû̌ dǒhtû̌ǐ tû̌ Yṳ̌daphû̌ mè̤tò̤ toǒ aklahǒ.”
7Hǐnu akhû̌akhî, a hǎhtò̌cû̌kè asî gûla̤ dě a cû̌ ǒkû̌ Yṳ̌daphû̌ mè̤tò̤ htě ami̤ mî̌ Tǐtia Justus htǒonu tapwa̤ ahǐ, dě ahǐ ǒ bǎ ta̤sabahǐ kòshî̌nu. A mî̌ kòyò htě a subusabahtò̌ Cǒmara tapwa̤. 8Kǐrǐpǔ mî̌ kòyò htû ta̤sabahǐ ahǐkǒdû̌ bǎnu tapwa̤. A ta kòyò lǒ̤꤮ bò htě a hèǒkû̌ nû̌û bǎ ahǐnu toǒ yṳǎna̤ǎbò Běcǎ dě kòyò ahǔwa̤ htě a ǒ Kòrî̌tiawî̤kû dě a gana̤de ta̤sò̌le̤sò̌lò̤ awi̤akè̌ toǒnu, a yṳǎna̤ǎdǒ dě a ploge lǒkho ana̤ ta shi.
9Tasanu, Pò̌lu kè̌shǐ ta̤kè̌shǐlṳnǎ tacǎ dě Běcǎ hî̌bǎ yǎ, “Ǐsha pûma̤! Ǒkǔkè pûma̤ na ta̤hî̌bǎ ma̤! Ǒsî̌tukǔ pûma̤! 10Ma̤tè̤hî̌dě he ǒkû̌tû̌ ta na, dě kò ma̤pò̤ma̤shajò nǒ na dǐpwǎ̤꤮ tò̤, ma̤tè̤hî̌dě kòyò ǒbǎ wî̤htǒo tî̤wî̤ akûnu toǒmî̌ pwa̤htě a yṳǎna̤ǎ he numî̌ a ǒplṳ̂ǒphǎ hǒ.” 11Hǐnudě Pò̌lu ǒbǎ Kòrî̌tiawî̤nu taně ta lasusǒ dě a sû̌ǐtòwòǐ bǎ kòyò saprṳ̂ toǒ ta Cǒmara ale̤ayo̤.
12Bǎ Gǎlia htû Rò̌mǎ Khwǐdû̌ dě Akhayaga akhanu, Yṳ̌daphû̌ toǒ kaǎplǒbò nû̌û dě a cû̌pṳ̂ lǒkho Pò̌lu a sûcû̌ nû̌û bǎ la̤cèrò gûla̤. 13Asî hî̌ ta, “Kòyò htǒotapwa̤mî̌, kòyò cû̌shido lǒǎplò̤ǎbò kòyò saprṳ̂. Dě a nosabahtò̌ kò ta Cǒmara htě a khǒ ta ta̤sû̌ta̤tòwònu toǒ.”
14Bǎ Pò̌lu glè̌ hî̌bǎhǎhtò̌ akhanu, Khwǐdû̌ Gǎlia hî̌ Yṳ̌daphû̌ sîtoǒ, “Yṳ̌daphû̌ sî꤮, ta̤wi̤ta̤kè̌ htǒonu a dè mè̤nò ta̤ htě a tûlû̌talǎ shiga a ta̤sû̌ta̤tòwò toǒ bǎbǎ, he tobǎ sò̌phlǒhtû gana̤de tû̌ sî ta̤bè̌lṳhtò̌ htǒotoǒ. 15Pwǎ̤tadě ta̤wi̤ta̤kè̌ htǒonumî̌ a mî̌pwǎ ta̤hî̌bǎ htè̌kè̌khî nû̌û yo̤ toǒ ta mi̤ toǒ, ta sî Yṳ̌daphû̌ ta̤sû̌ta̤tòwònu toǒ pwǎ akhû̌akhî, sî tobǎ cèrò tû̌pwǎ sîta pwǎ. He mî̌ kòyò htě a htû bǎ kò pwa̤cèrò ta̤wi̤ta̤kè̌ pwǐhè̌onu toǒ ayanu mè̤tò̤.” 16Dě a wṳ̂hǎhtò̌kè Yṳ̌daphû̌ toǒ bǎ la̤cèrò gûla̤ htǒonu akhlo. 17Htodě asî pṳ̂̌꤮ tapwa̤ pṳ̂mě ta̤sabahǐ hǐkǒdû̌ Sotani htǒo, dě a phlě nû̌û bǎ la̤cèrò agûla̤ htǒonu alo̤mo̤ hǐnudě Khwǐdû̌ Gǎlia hî̌dǐdò ma̤dǐdò asî dǐcǎ꤮ tò̤.
Pò̌lu getîkhîsǒ dě Atiǒwî̤
18Pò̌lu ǒhèyî̤po̤ mṳni̤mṳsa bǎ Kòrî̌tiawî̤kûnu, htodě a hǎhtò̌cû̌kè pwa̤yṳǎphû̌ bǎnu toǒ ala̤. A dò̌nṳ sǒkhlidû̌ dě a hǎhtò̌cû̌ Shurǐaga. Dě a hǎhtò̌cû̌ htuta Prî̌kǐlǎ ta Akǔlǎ. Bǎ a htò̌dò̌ sǒkhlidû̌ hǒtò̤nu, a bè ana̤ dě Cǒmara a lo̤mo̤ bǎ Kekharewî̤kûnu dě a dî̌kè akhû̌lṳ.#Ta̤dǒbǎ 6:18 19Asî cû̌to̤ Ephè̌shiawî̤ dě a bè̌kè Prî̌kǐlǎ ta Akǔlǎ bǎnu. A cû̌nṳ ta̤sabahǐkû dě a cû̌ dǒhtû̌ htè̌kè̌khî ta Yṳ̌daphû̌ toǒ. 20Yṳ̌daphû̌ toǒ kwigwèbǎǐ nû̌û ta a glè ǒyî̤ kû̌po̤ asî bǎnu hǐnudě a jûtò̤. 21Pwǎ̤tadě bǎ a hǎhtò̌cû̌ akhanu, a hî̌ asî, “A dè to Cǒmara asò̌phlǒ hî̌dě he gesǒ sîǒ pě.” A hî̌ htodě a htò̌dò̌ sǒkhlidû̌ bǎ Ephè̌shiawî̤kûnu dě a hǎhtò̌cû̌kè. 22Bǎ a cû̌to̤ dě Kèsarǐwî̤ akhanu, a htò̌ Ye̤rǔshèlèwî̤ dě a htò̌ hî̌mo̤hî̌wǒ pwa̤yṳǎta̤ aprṳ̂ahophû̌ bǎnu toǒ, dě a lò̤ Atiǒwî̤.
23A lò̤ ǒ bǎnu teděsǎphû̌ dě a hǎhtò̌cû̌kè sǒ. A cû̌shido bǎ Galatǐaga ta Phrǔkǐ gakûnu tò̤glò hto tò̤glò. Htodě a cû̌ ǐshû̌ǐshohtò̌ pwa̤yṳǎphû̌ ǒ bǎnu toǒ akhû̌aǎ.
Apò̌lu ma̤ta̤ dě Ephè̌shiawî̤kû ta Kòrî̌tiawî̤kû
24Yṳ̌daphû̌ htě ami̤ mî̌ Apò̌lu ǒtapwa̤. A ǒphijaû̌lò̤ Alexandriawî̤, dě a hè Ephè̌shiawî̤. A mî̌ kòyò hî̌bǎsî̌jò tapwa̤. Htohǒtò̤ lî̤cahtǐ a ta̤khwè̌mǎnǎ toǒ mî̌ a sî̌yaphlophǎbò. 25Kò sû̌ǐtòwòǐhto yǎta Běcǎ aklè̌aklò toǒ hǒ. Htodě a sò̌phlǒsho dǒhtû̌ǐbǎ mè̤mè̤̌ kò, htodě a sû̌ǐtòwòǐ te̤mǎ mè̤mè̤̌ kò ta Ye̤shǔ awi̤akè̌ toǒ. Pò̤̌ta a sî̌ya pwǎpǒ̤ Jowǎ̤ni̤ a ta̤ploshi awi̤akè̌ tacǎpa pwǎ. 26A tèhtò̌ hî̌bǎkhuha dě ta̤sabahǐ akû. Bǎ Prî̌kǐlǎ ta Akǔlǎ gana̤de a ta̤hî̌bǎ akhanu, a kaǎge nû̌û ahǐ. Ma̤pûhǐ a sî̌yahè te̤mǎbòkhlopo̤ ta a gûla̤li̤ htǒonudě, Prî̌kǐlǎ ta Akǔlǎ hî̌lṳpo̤ nû̌û ta Cǒmara aklè̌aklò toǒ.
27Bǎ Apò̌lu sò̌yṳ cû̌ dě Akhayaga akhanu, pwa̤yṳǎphû̌ bǎ Ephè̌shiawî̤nu toǒ ma̤jè nû̌û ta asî ata̤khwè̌lî̤ dě a ǐshû̌ǐshohtò̌ pwa̤yṳǎphû̌ htě a ǒ dě Akhayagakûnu toǒ. A khwè̌cû̌nṳ bǎ asî lî̤ pwǐhè̌o ma̤tè̤hî̌dě ma̤pûhǐ kò dǒshuǐwǒ Apò̌lu ayanu pwǎ. A cû̌to̤ bǎnu dě a htûbwǐhtûsîrî bǎmè̤mè̤ kòyò htě a htûge pwa̤yṳǎphû̌ ta Cǒmara abwǐasîrî akhû̌akhînu toǒ aya pwǎ. 28Ma̤tè̤hî̌dě, a ta̤hî̌bǎdǒhtû̌ǐ htè̌kè̌khî kò toǒnu a ǒta ta̤po̤ta̤phǎshû̌sho, htohǒtò̤ a yṳ̂lṳbò̌ bǎ kò lî̤cahtǐ sasî̌ toǒ ta Ye̤shǔ mî̌ Khrî̌stu, htohǒtò̤ Ye̤shǔ mî̌ pwa̤ htě Cǒmara wû̌lǎ yǎta a glè ma̤lû̌htò̌ge kòyòhǎkhû̌phû̌ akhû̌akhî, a htè̌pè̤bò Yṳ̌daphû̌ toǒ dě kòyò tṳ̂prṳ̂taphǎ a lo̤mo̤.
Currently Selected:
Pwa̤nophû̌ toǒ 18: KRC
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA
Pwa̤nophû̌ toǒ 18
18
Dě Kòrî̌tiawî̤kû
1Ta̤htûhtò̌hto pwǐhè̌o dě, Pò̌lu ǒ bǎ Atîwî̤nu dě a hǎhtò̌cû̌ Kòrî̌tiawî̤. 2Dě a cû̌ kè̌shǐ glashǔ ta Yṳ̌daphû̌ tapwa̤ htě ami̤ mî̌ Akǔlǎ htǒo bǎnu tò̤glò. Akǔlǎ htǒonu, a phû̌jalò̤ Pòtǔwî̤ dě a ta ama Prî̌kǐlǎ hèto̤sa lǒkho mǒ̤pepwǎ bǎnu pwǎ. Khwǐdû̌ Klò̌dǐ hî̌lò̤ ayo̤ ta Yṳ̌daphû̌ lǒ̤꤮ bò toǒnu, bǎ hǎhtò̌cû̌kèbò bǎ Rò̌mǎwî̤kû htǒo. Dě Khwǐ hî̌lò̤ ayo̤ pwǐhè̌o akhû̌akhî, Akǔlǎ htǒo ta ama Prî̌kǐlǎ hǎhtò̌cû̌kè Italigakû dě hèto̤pwǎ lǒkho bǎo. Dě Pò̌lu cû̌ kè̌shǐ glashǔ ta asî. 3Dě Pò̌lu ǒkû̌ta asî bǎnu. Dě a ma̤plǒkû̌ ta̤ ta asî, ma̤tè̤hî̌dě Pò̌lunu a bǔǎ pwǎ a ta̤htûpwa̤ ta a shò̌hǐphû̌hǔgòpwî̌ sǒsǒta ma ta wṳ̂ htǒosò̌gini̤ ma̤nupwǎ. 4Yṳ̌daphû̌ mṳni̤dǔ pṳ̂̌꤮ plǎplǎnu, Pò̌lu dǒhtû̌ htè̌kè̌khî kò bǎ ta̤sabahǐ akûnu. Ma̤pûhǐ Yṳ̌daphû̌ ta Greekphû̌ ginǐ̤prṳ̂bò yṳǎna̤ǎ kû̌ Ye̤shǔ ayanu, Pò̌lu jipwi̤ hî̌bǎ cǐnṳ asî sò̌phlǒ.
5Bǎ Tilǎ ta Timò̤̌te ǒ Makedò̌niaga hǎhtò̌cû̌ dě a hèto̤ Pò̌lu ǒ akhanu, Pò̌lu ǐlò̤bò a khîakha dě a glè dǒhtû̌ǐ bǎ kò ta ta̤sò̌le̤sò̌lò̤ awi̤akè̌. Dě a khòlṳ dě a dǒhtû̌ǐlṳ bǎ Yṳ̌daphû̌ toǒ ta Ye̤shǔ mî̌ Khrî̌stu, a mî̌ kòyò htě Cǒmara wû̌lǎ yǎ dě a glè ma̤lû̌htò̌ge kòyòhǎkhû̌phû̌nu tapwa̤ hǒ, a hî̌ hǐnu bǎ kò pṳ̂̌꤮ tapwa̤ a lo̤mo̤. 6Pò̤̌ta Yṳ̌daphû̌ toǒ htè̌shǔ pi̤jishǐcǒ Pò̌lu akhû̌akhî, Pò̌lu pla̤ lò̤te̤kè hǎmǔ dě a hǐdohǐyòlo̤. A pla̤ lò̤te̤kè hǎmǔ pwǐhè̌o numî̌ a dǔlṳ ta̤ma̤dòǐ tacǎ ta kò htè̌shǔ asî hǐnu. Htodě a hî̌shǔ asî, “Sî dè to̤dě ta̤pî̌ta̤lṳ̂ hî̌numî̌ sîtasînu tû̌hǒ. Ta̤sǔta̤plě ǒpe helo̤ tò̤ hǒ. Tèhtò̌ khònò̤htǒo tǒ̤hènu, he glè cû̌ dǒhtû̌ǐ tû̌ Yṳ̌daphû̌ mè̤tò̤ toǒ aklahǒ.”
7Hǐnu akhû̌akhî, a hǎhtò̌cû̌kè asî gûla̤ dě a cû̌ ǒkû̌ Yṳ̌daphû̌ mè̤tò̤ htě ami̤ mî̌ Tǐtia Justus htǒonu tapwa̤ ahǐ, dě ahǐ ǒ bǎ ta̤sabahǐ kòshî̌nu. A mî̌ kòyò htě a subusabahtò̌ Cǒmara tapwa̤. 8Kǐrǐpǔ mî̌ kòyò htû ta̤sabahǐ ahǐkǒdû̌ bǎnu tapwa̤. A ta kòyò lǒ̤꤮ bò htě a hèǒkû̌ nû̌û bǎ ahǐnu toǒ yṳǎna̤ǎbò Běcǎ dě kòyò ahǔwa̤ htě a ǒ Kòrî̌tiawî̤kû dě a gana̤de ta̤sò̌le̤sò̌lò̤ awi̤akè̌ toǒnu, a yṳǎna̤ǎdǒ dě a ploge lǒkho ana̤ ta shi.
9Tasanu, Pò̌lu kè̌shǐ ta̤kè̌shǐlṳnǎ tacǎ dě Běcǎ hî̌bǎ yǎ, “Ǐsha pûma̤! Ǒkǔkè pûma̤ na ta̤hî̌bǎ ma̤! Ǒsî̌tukǔ pûma̤! 10Ma̤tè̤hî̌dě he ǒkû̌tû̌ ta na, dě kò ma̤pò̤ma̤shajò nǒ na dǐpwǎ̤꤮ tò̤, ma̤tè̤hî̌dě kòyò ǒbǎ wî̤htǒo tî̤wî̤ akûnu toǒmî̌ pwa̤htě a yṳǎna̤ǎ he numî̌ a ǒplṳ̂ǒphǎ hǒ.” 11Hǐnudě Pò̌lu ǒbǎ Kòrî̌tiawî̤nu taně ta lasusǒ dě a sû̌ǐtòwòǐ bǎ kòyò saprṳ̂ toǒ ta Cǒmara ale̤ayo̤.
12Bǎ Gǎlia htû Rò̌mǎ Khwǐdû̌ dě Akhayaga akhanu, Yṳ̌daphû̌ toǒ kaǎplǒbò nû̌û dě a cû̌pṳ̂ lǒkho Pò̌lu a sûcû̌ nû̌û bǎ la̤cèrò gûla̤. 13Asî hî̌ ta, “Kòyò htǒotapwa̤mî̌, kòyò cû̌shido lǒǎplò̤ǎbò kòyò saprṳ̂. Dě a nosabahtò̌ kò ta Cǒmara htě a khǒ ta ta̤sû̌ta̤tòwònu toǒ.”
14Bǎ Pò̌lu glè̌ hî̌bǎhǎhtò̌ akhanu, Khwǐdû̌ Gǎlia hî̌ Yṳ̌daphû̌ sîtoǒ, “Yṳ̌daphû̌ sî꤮, ta̤wi̤ta̤kè̌ htǒonu a dè mè̤nò ta̤ htě a tûlû̌talǎ shiga a ta̤sû̌ta̤tòwò toǒ bǎbǎ, he tobǎ sò̌phlǒhtû gana̤de tû̌ sî ta̤bè̌lṳhtò̌ htǒotoǒ. 15Pwǎ̤tadě ta̤wi̤ta̤kè̌ htǒonumî̌ a mî̌pwǎ ta̤hî̌bǎ htè̌kè̌khî nû̌û yo̤ toǒ ta mi̤ toǒ, ta sî Yṳ̌daphû̌ ta̤sû̌ta̤tòwònu toǒ pwǎ akhû̌akhî, sî tobǎ cèrò tû̌pwǎ sîta pwǎ. He mî̌ kòyò htě a htû bǎ kò pwa̤cèrò ta̤wi̤ta̤kè̌ pwǐhè̌onu toǒ ayanu mè̤tò̤.” 16Dě a wṳ̂hǎhtò̌kè Yṳ̌daphû̌ toǒ bǎ la̤cèrò gûla̤ htǒonu akhlo. 17Htodě asî pṳ̂̌꤮ tapwa̤ pṳ̂mě ta̤sabahǐ hǐkǒdû̌ Sotani htǒo, dě a phlě nû̌û bǎ la̤cèrò agûla̤ htǒonu alo̤mo̤ hǐnudě Khwǐdû̌ Gǎlia hî̌dǐdò ma̤dǐdò asî dǐcǎ꤮ tò̤.
Pò̌lu getîkhîsǒ dě Atiǒwî̤
18Pò̌lu ǒhèyî̤po̤ mṳni̤mṳsa bǎ Kòrî̌tiawî̤kûnu, htodě a hǎhtò̌cû̌kè pwa̤yṳǎphû̌ bǎnu toǒ ala̤. A dò̌nṳ sǒkhlidû̌ dě a hǎhtò̌cû̌ Shurǐaga. Dě a hǎhtò̌cû̌ htuta Prî̌kǐlǎ ta Akǔlǎ. Bǎ a htò̌dò̌ sǒkhlidû̌ hǒtò̤nu, a bè ana̤ dě Cǒmara a lo̤mo̤ bǎ Kekharewî̤kûnu dě a dî̌kè akhû̌lṳ.#Ta̤dǒbǎ 6:18 19Asî cû̌to̤ Ephè̌shiawî̤ dě a bè̌kè Prî̌kǐlǎ ta Akǔlǎ bǎnu. A cû̌nṳ ta̤sabahǐkû dě a cû̌ dǒhtû̌ htè̌kè̌khî ta Yṳ̌daphû̌ toǒ. 20Yṳ̌daphû̌ toǒ kwigwèbǎǐ nû̌û ta a glè ǒyî̤ kû̌po̤ asî bǎnu hǐnudě a jûtò̤. 21Pwǎ̤tadě bǎ a hǎhtò̌cû̌ akhanu, a hî̌ asî, “A dè to Cǒmara asò̌phlǒ hî̌dě he gesǒ sîǒ pě.” A hî̌ htodě a htò̌dò̌ sǒkhlidû̌ bǎ Ephè̌shiawî̤kûnu dě a hǎhtò̌cû̌kè. 22Bǎ a cû̌to̤ dě Kèsarǐwî̤ akhanu, a htò̌ Ye̤rǔshèlèwî̤ dě a htò̌ hî̌mo̤hî̌wǒ pwa̤yṳǎta̤ aprṳ̂ahophû̌ bǎnu toǒ, dě a lò̤ Atiǒwî̤.
23A lò̤ ǒ bǎnu teděsǎphû̌ dě a hǎhtò̌cû̌kè sǒ. A cû̌shido bǎ Galatǐaga ta Phrǔkǐ gakûnu tò̤glò hto tò̤glò. Htodě a cû̌ ǐshû̌ǐshohtò̌ pwa̤yṳǎphû̌ ǒ bǎnu toǒ akhû̌aǎ.
Apò̌lu ma̤ta̤ dě Ephè̌shiawî̤kû ta Kòrî̌tiawî̤kû
24Yṳ̌daphû̌ htě ami̤ mî̌ Apò̌lu ǒtapwa̤. A ǒphijaû̌lò̤ Alexandriawî̤, dě a hè Ephè̌shiawî̤. A mî̌ kòyò hî̌bǎsî̌jò tapwa̤. Htohǒtò̤ lî̤cahtǐ a ta̤khwè̌mǎnǎ toǒ mî̌ a sî̌yaphlophǎbò. 25Kò sû̌ǐtòwòǐhto yǎta Běcǎ aklè̌aklò toǒ hǒ. Htodě a sò̌phlǒsho dǒhtû̌ǐbǎ mè̤mè̤̌ kò, htodě a sû̌ǐtòwòǐ te̤mǎ mè̤mè̤̌ kò ta Ye̤shǔ awi̤akè̌ toǒ. Pò̤̌ta a sî̌ya pwǎpǒ̤ Jowǎ̤ni̤ a ta̤ploshi awi̤akè̌ tacǎpa pwǎ. 26A tèhtò̌ hî̌bǎkhuha dě ta̤sabahǐ akû. Bǎ Prî̌kǐlǎ ta Akǔlǎ gana̤de a ta̤hî̌bǎ akhanu, a kaǎge nû̌û ahǐ. Ma̤pûhǐ a sî̌yahè te̤mǎbòkhlopo̤ ta a gûla̤li̤ htǒonudě, Prî̌kǐlǎ ta Akǔlǎ hî̌lṳpo̤ nû̌û ta Cǒmara aklè̌aklò toǒ.
27Bǎ Apò̌lu sò̌yṳ cû̌ dě Akhayaga akhanu, pwa̤yṳǎphû̌ bǎ Ephè̌shiawî̤nu toǒ ma̤jè nû̌û ta asî ata̤khwè̌lî̤ dě a ǐshû̌ǐshohtò̌ pwa̤yṳǎphû̌ htě a ǒ dě Akhayagakûnu toǒ. A khwè̌cû̌nṳ bǎ asî lî̤ pwǐhè̌o ma̤tè̤hî̌dě ma̤pûhǐ kò dǒshuǐwǒ Apò̌lu ayanu pwǎ. A cû̌to̤ bǎnu dě a htûbwǐhtûsîrî bǎmè̤mè̤ kòyò htě a htûge pwa̤yṳǎphû̌ ta Cǒmara abwǐasîrî akhû̌akhînu toǒ aya pwǎ. 28Ma̤tè̤hî̌dě, a ta̤hî̌bǎdǒhtû̌ǐ htè̌kè̌khî kò toǒnu a ǒta ta̤po̤ta̤phǎshû̌sho, htohǒtò̤ a yṳ̂lṳbò̌ bǎ kò lî̤cahtǐ sasî̌ toǒ ta Ye̤shǔ mî̌ Khrî̌stu, htohǒtò̤ Ye̤shǔ mî̌ pwa̤ htě Cǒmara wû̌lǎ yǎta a glè ma̤lû̌htò̌ge kòyòhǎkhû̌phû̌ akhû̌akhî, a htè̌pè̤bò Yṳ̌daphû̌ toǒ dě kòyò tṳ̂prṳ̂taphǎ a lo̤mo̤.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Wycliffe USA