Ліст да Піліпцаў Раздзел 3
Раздзел 3
1 #
2Кар. 13:11
Урэшце, браты мае, радуйцеся ў Госпадзе. Пісаць вам тое самае мне не цяжка, вам жа яно патрэбна.
2 #
Мц. 7:6
Зважайце на сабак, зважайце на ліхіх работнікаў, зважайце на абразанне!
3 #
Ян. 4:24
Бо мы ёсць абрэзаныя, якія духам служым Богу і хвалімся Ісусам Хрыстом, і не ў целе маем надзею,
4 #
2Кар. 11:18
хоць я мог бы спадзявацца і на цела. Калі хто іншы думае спадзявацца на цела, дык тым больш я:
5 #
Дзеі 23:6; 2Кар. 11:22 абрэзаны ў восьмы дзень, родам ізраэлец з пакалення Бэньяміна, гебрай з гебраяў, фарысей паводле закону,
6праз руплівасць пераследаваў Царкву, адносна справядлівасці, што паводле закону, – беззаганны.
7 #
Мц. 13:44; Лк. 14:33 Але ўсё, што лічыў я здабыткам, тое дзеля Хрыста прызнаў я за марнасць.
8 #
Мц. 16:26
Ды сапраўды ўсё лічу за марнасць дзеля вышэйшага пазнання Ісуса Хрыста, Госпада майго, дзеля Якога я ўсё страціў і лічу за смецце, каб Хрыста здабыць
9 #
Рым. 1:17
і апынуцца ў Ім, маючы не маю справядлівасць, якая з закону, але тую, якая з веры ў Хрыста, якая ад Бога справядлівасць праз веру,
10 #
1Пёт. 4:13; Рым. 6:3 каб пазнаць Яго, і магутнасць уваскрэсення Яго, і супольнасць пакут Яго, каб упадобніцца смерці Яго,
11 #
Адкр. 20:5
каб такім чынам дасягнуць уваскрэсення з мёртвых.
12 #
Мц. 5:48
Не кажу так, што я ўжо дасягнуў або ўжо стаўся дасканалым; але імкнуся, каб здабыць, як здабыў мяне Хрыстос Ісус.
13 #
Лк. 9:62
Браты, я не лічу сябе дасягнуўшым; толькі, вось, забываючыся пра тое, што ёсць за мною, парываючыся да таго, што перада мною,
14 #
1Кар. 9:24; Геб. 12:1 імкнуся да мэты, да ўзнагароды вышэйшага паклікання Божага ў Хрысце Ісусе.
15 #
Мц. 5:48
Дык, калі хто з нас дасканалы, мы думаем так; а калі што адчуваеце інакш, і гэта Бог вам выявіць;
16 #
Гал. 6:16
аднак чаго мы дасягнулі, так і будзем думаць і паводле гэтага жыць.
17 #
1Кар. 4:16; 2Тэс. 3:9; Ціт. 2:7 Браты, будзьце паслядоўнікамі маімі і ўзірайцеся на тых, якія так жывуць, як вы маеце прыклад у нас.
18 #
Гал. 1:7
Многія ж, аб якіх я вам часта казаў, а цяпер вось і, плачучы, кажу, жывуць, як ворагі крыжа Хрыстова,
19 #
Рым. 16:18; 2Кар. 11:15; Клс. 3:2 лёсам іх будзе загуба, бо бог іх – жывот, слава іх – у ганьбе іх, яны думаюць аб зямным.
20 #
Дзеі 1:11
Наша ж грамадзянства – у небе, адкуль таксама чакаем Збаўцу, Госпада Ісуса Хрыста,
21Які пераменіць цела прыніжэння нашага, каб зрабіць яго падобным целу славы Яго, магутнасцю, якою ўсё падпарадквае Сабе.
Currently Selected:
Ліст да Піліпцаў Раздзел 3: ББЧ
Highlight
Share
Copy
Want to have your highlights saved across all your devices? Sign up or sign in
© МХРБ «Біблейскае таварыства ў Рэспубліцы Беларусь», 2017
