Дзеі святых Апосталаў Раздзел 22

Раздзел 22

1 # Дзеі 7:2 «Мужы браты і бацькі, паслухайце, што я вам цяпер скажу ў сваё апраўданне».

2 # Дзеі 21:40 Пачуўшы, што ён гаворыць на гебрайскай мове, яны тым больш сціхлі. Ён жа сказаў:

3 # Рым. 10:2; 2Кар. 11:22; Гал. 1:14; Плп. 3:5 «Я – юдэй, народжаны ў Тарсе, з Цыліцыі, выгадаваны ў гэтым горадзе, ля ног Гамаліэля атрымаў руплівае навучанне ў праўдзе айцоўскага закону, шчыры паслугач Бога, як і вы ўсе сёння.

4 # Гал. 1:13; Плп. 3:6; 1Цім. 1:13 Пераследаваў я гэты шлях аж да смерці, звязваючы і кідаючы ў вязніцы мужчын і жанчын,

5 # Лк. 22:66 што могуць засведчыць пра мяне першасвятар і цэлая рада. Ад іх атрымаўшы лісты да братоў, я направіўся ў Дамаск, каб тых, што былі там, увязніўшы, прывесці ў Ерузалім для пакарання.

6І здарылася, калі я ішоў і набліжаўся да Дамаска, апоўдні раптам агарнула мяне вялікае святло з неба.

7І я ўпаў на зямлю, і пачуў голас, які казаў мне: “Саўле, Саўле, чаму ты пераследуеш Мяне?”

8А я адказаў: “Хто Ты, Госпадзе?” Ён сказаў мне: “Я – Ісус Назарэй, Якога ты пераследуеш”.

9Тыя ж, што былі са мною, бачылі, праўда, святло і перапалохаліся, але голасу Таго, Які гаварыў са мной, не чулі.

10Дык я сказаў: “Што маю рабіць, Госпадзе?” Госпад жа сказаў мне: “Устань і ідзі ў Дамаск, ды там скажуць усё, што табе прызначана рабіць”.

11І як я аслеп ад яркасці таго святла, дык, ведзены за руку таварышамі, прыбыў у Дамаск.

12 # 1Цім. 3:7 І нейкі Ананія, чалавек пабожны паводле закону, пра што сведчалі усе юдэі, якія жылі там,

13прыбыўшы да мяне і падышоўшы, сказаў мне: “Саўле, браце, праглянь!” І я ў тую ж хвіліну ўбачыў яго.

14 # 1Ян. 2:1; 1Кар. 9:1; Гал. 1:12 А ён сказаў: “Бог бацькоў нашых прадвыбраў цябе, каб пазнаў ты волю Яго і ўбачыў Справядлівага, ды пачуў голас з вуснаў Яго,

15бо будзеш сведкам Яму перад усім народам пра тое, што ты бачыў і чуў.

16 # Рым. 10:13; 1Кар. 6:11; Эф. 5:26; Геб. 10:22 Дык чаму ж ты цяпер марудзіш? Прымі хрост і абмый грахі твае, прызваўшы імя Госпада”.

17І сталася, калі вярнуўся я ў Ерузалім і маліўся ў святыні, апынуўся ў захапленні

18 # Мц. 10:14; Дзеі 22:14 і ўбачыў Яго, як Ён мне казаў: “Паспяшайся і выйдзі хутчэй з Ерузаліма, бо не прымуць твайго сведчання пра Мяне”.

19 # Мц. 10:17; Дзеі 8:3 Я ж сказаў: “Госпадзе, яны ж ведаюць, што я тых, што верылі ў Цябе, замыкаў у вязніцах і бічаваў у сінагогах;

20 # Лк. 11:48 а калі пралівана была кроў Сцяпана, сведкі Твайго, і я ўдзельнічаў, і згаджаўся з забойствам яго, ды пільнаваў адзенне забойцаў яго”.

21 # Рым. 1:5; Гал. 1:16; Эф. 3:7; 1Цім. 2:7; 2Цім. 1:11 Ён жа сказаў мне: “Ідзі, бо Я цябе пашлю далёка да паганаў”».

22 # Дзеі 21:36; 1Тэс. 2:16 І слухалі яны яго да гэтых слоў, і закрычалі, кажучы: «Вынішчы з зямлі такога, бо яму нельга жыць!»

23А калі яны крычалі, і махалі адзеннем сваім, і кідалі пясок у паветра,

24трыбун загадаў завесці яго ў крэпасць, кажучы бічаваннем дазнацца, з якой прычыны так крычаць на яго.

25І, калі яго звязалі рамянямі, Паўла сказаў сотніку, што стаяў побач: «Ці дазволена вам без суда бічаваць грамадзяніна рымскага?»

26Пачуўшы гэта, сотнік пайшоў да трыбуна і паведаміў яму, кажучы: «Глядзі, што ты думаеш рабіць? Гэты ж чалавек – рымлянін».

27Трыбун падышоў і сказаў яму: «Скажы мне, ці ты – рымлянін?» Ён жа сказаў: «Так».

28Трыбун адказаў: «Я за вялікую суму здабыў гэтае грамадзянства». А Паўла гаворыць: «Я маю яго ад нараджэння».

29Адразу таму адышлі ад яго тыя, што меліся дапытваць яго. А трыбун спалохаўся, як даведаўся, што Паўла – рымлянін, а ён яго звязаў.

30На другі дзень, хочучы лепш даведацца, з якой прычыны вінавацяць яго юдэі, ён вызваліў яго ад кайданоў, ды загадаў прыйсці першасвятарам і ўсёй радзе, і, прывёўшы Паўлу, паставіў яго перад імі.

Currently Selected:

Дзеі святых Апосталаў Раздзел 22: ББЧ

Highlight

Copy