Hechos 22
22
1«Guluzenaag le gie'a lbi'ili bë'cha'a len lbi'ili bënni naguul.»
2Kati gulayëën'de ki rue'e diidza hebreo gulabë'r'ke dxiiz. Ati Pablo gudxe leke:
3«Neda naka bënni Judea, guulja yëdz Tarso ki yu Cilicia, san guluskuule neda Jerusalén ni, ati Gamaliel nake bënni pseed'de neda, ka'teez rna xhba kieke xuuz'xhtau'ru guul. Len chi be'laadxi'tekza guuna le ryaazlaadxe'e Dios, ka run'li na'a yugute'li. 4Zia'a gdxia'laadxa'a gdëëdi'kda'ne yugu bënni'a zjak'leene Nëëz Kub ni, len gxhën'ka'ne len glu'u'ka'ne liidx'gia, ley bënni ley nguul. 5Le' pxuuz blou len yugu bënni guul tuzeajni'i'de gunn lujxaka'lau'ke le ni. Leke glun'ke gich bi'a kieke bënni bë'chi'ru ki Judea ni len nakua'ke Damasco, ati gyiija ni' yajdiilj'ka'ne bënni nayajle'ke naar yuche'ka'ne Jerusalén ni len ksaka'zi'ka'ne.
6»San tzal ziija yu'a nëëz, len chi zuakz gdxiina Damasco lau'i dza'a, kati ka zua ka' tu gi' le za' lu xhba gyep'yës'lni' gdu ga zea'a, 7na' gbixa lyu, len byëën'da tu chi'i le re' neda: “Saulo, Saulo, ¿bixhkia' rlaag'yuudxu neda?” 8Na' bnaaba: “¿Nuxh li', Xan?” Ati chi'i ni re' neda: “Neda naka Jesús ki Nazaret, larakz bënni'a li' rlaag'yuudxu'ne.” 9Gulale'i'de gi'a bënni'a zak'leene neda san ti gulayëën'de chi'i ni rliidz neda. 10Neda bnaaba: “¿Bixh rala guuna, Xan?” Ati Xan'ru gudxe neda: “Gyas ati psiuudx gyaj Damasco. Ni' le'ke li' le rala guunu.” 11Ati bënni lza'a gulazëën'de na'a guluche'ke neda Damasco, koma yeni ki gi'a ben ga kchul lau'a.
12»Ni' zue' tue' bënni le' Ananías, bënni riijilaadxe'e Dios len rzenaage le rna xhba kie' Moisés, len yugute'ke bënni Judea nakua'ke Damasco tui'tzka'ke kie' diidza dxia'a. 13Ananías biide duyue' neda, len kati bdxiine gne': “Saulo bë'cha'a, bule'i.” Len na'teez bule'i'da, len benn ble'i'da'ne. 14Len chi nak ka' gne': “Dios kieke xuuz'xhtau'ru guul grëe' li' naar gnëëz'du le Le' ryaazlaadxe'e, naar gle'i'du'ne bënni dxia'a len gyëën'du le gie'e li' kuin'kze. 15Koma li' tzajxaka'lau'u kie' lau'ke yugute'ke bunach, len kixhjë'u le chi byëën'du len chi ble'i'du. 16Ati na'a tirbi këëzu. Gyas, bdiil nis len bliidze Xan'ru ki uxhie' xhtu'lu'u.”
17»Kati budxiina Jerusalén, gyiija gdou' len yaje'leena'ne diidza Dios, ati Dios blui'de neda. 18Ble'i'da'ne Xan'ru, len gudxe neda: “Ben ziuub, buroj'te Jerusalén ni, koma ti luzenaagi'de li' le rnou' kia'.” 19Neda gudxa'ne: “Xan, leke nëëzi'kde ki neda gyiija gdu gap nakua' yu'u useed len gdin'ka'ne ati glu'u'ka'ne liidx'gia bënni tayajle'ke li', 20ati kati guludëëd'de le' Esteban bënni'a dujxaka'lau'e kiu', kuin'kza zea' ni' run'ka'ne tuuz, len ben'chi'a xha'ke bënni'a guludëëd'de le'.” 21San le' Xan'ru gudxe neda: “Gyaj, ki neda ksë'la'a li' len bënni yëdz yubl.”»
Bënni'a rnabe'i'de bënni'a rajake gdil guk'lu'ne'e Pablo
22Tzka'z guluzenaag'ke le'; na' gulazulau'ke tuskua'ke: «¡Bënni'a ti nake bach zue' yëdz'lyu! ¡Bdëëd'de!» 23Ati tzka'ti'ga tuskua'ke len tabiib'ke xha'ke len tuzal'ke bexhtë lu bë', 24bënni'a rnabe'i'de bënni'a rajake gdil'a gnabe'e lagu'u'ke Pablo ga taga'ane bënni'a rajake gdil, na' lagiine le' naar kixhjë'e bixhkia' bunach'a dxia'laadxi'ke le' diidza. 25San kati chi nuuga'ke le' ki lagiine le', Pablo bnaab'de bënni'a rnabe'i'de bënni'a rajake gdil:
—¿Naru nap'li lbi'ili yëla rnabe' kin'li'ne tue' bënni nabaabe lu yëdz Roma, xhki ti nabeki'xhbei'ni'li kie'?
26Kati byëën'de le ni, bënni ni yajyue bënni xaane len gudxe le':
—¿Bixh guunu na'a? Bënni ni nabaabe yëdz Roma.
27Na' bënni'a rnabe'i'de bënni'a rajake gdil gbiige'e ga ze' Pablo, len bnaab'de le':
—¿Naru leel naku bënni nabaabe yëdz Roma?
Pablo bubi'e diidza:
—Ja'.
28Bënni ni gudxe le':
—Neda zxhëni dumi gyui'i'da naar gbaaba Roma.
Ati Pablo bubi'e kie' diidza:
—Neda ka guulj'za nabaaba ni'.
29Ka guk ni, bënni'a rala lagiine le' Pablo gulubiiga'ke len lekz'ka' bënni rnabe'i'de leke kati guk'be'i'de ki Pablo nabaabe Roma, guudxi'de koma beege'e le'.
Pablo rdxiine ra dxin'lau'i blou kieke bënni Judea
30Bueikj dza'a, bënni'a rnabe'i'de bënni'a rajake gdil gu'un'de gnëëz'de dxia'a'tit bixh xhgia' tudxia'ke le' Pablo, na' pseedxe le' du gia'a len butzaage bënni tunabe'i'de pxuuz len yugute'ke bënni dxin'lau'i blou'a. Len chi nak ka' gliije Pablo len bze' le' lau'ke.
Currently Selected:
Hechos 22: PZD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Biblica de México AC
Hechos 22
22
1«Guluzenaag le gie'a lbi'ili bë'cha'a len lbi'ili bënni naguul.»
2Kati gulayëën'de ki rue'e diidza hebreo gulabë'r'ke dxiiz. Ati Pablo gudxe leke:
3«Neda naka bënni Judea, guulja yëdz Tarso ki yu Cilicia, san guluskuule neda Jerusalén ni, ati Gamaliel nake bënni pseed'de neda, ka'teez rna xhba kieke xuuz'xhtau'ru guul. Len chi be'laadxi'tekza guuna le ryaazlaadxe'e Dios, ka run'li na'a yugute'li. 4Zia'a gdxia'laadxa'a gdëëdi'kda'ne yugu bënni'a zjak'leene Nëëz Kub ni, len gxhën'ka'ne len glu'u'ka'ne liidx'gia, ley bënni ley nguul. 5Le' pxuuz blou len yugu bënni guul tuzeajni'i'de gunn lujxaka'lau'ke le ni. Leke glun'ke gich bi'a kieke bënni bë'chi'ru ki Judea ni len nakua'ke Damasco, ati gyiija ni' yajdiilj'ka'ne bënni nayajle'ke naar yuche'ka'ne Jerusalén ni len ksaka'zi'ka'ne.
6»San tzal ziija yu'a nëëz, len chi zuakz gdxiina Damasco lau'i dza'a, kati ka zua ka' tu gi' le za' lu xhba gyep'yës'lni' gdu ga zea'a, 7na' gbixa lyu, len byëën'da tu chi'i le re' neda: “Saulo, Saulo, ¿bixhkia' rlaag'yuudxu neda?” 8Na' bnaaba: “¿Nuxh li', Xan?” Ati chi'i ni re' neda: “Neda naka Jesús ki Nazaret, larakz bënni'a li' rlaag'yuudxu'ne.” 9Gulale'i'de gi'a bënni'a zak'leene neda san ti gulayëën'de chi'i ni rliidz neda. 10Neda bnaaba: “¿Bixh rala guuna, Xan?” Ati Xan'ru gudxe neda: “Gyas ati psiuudx gyaj Damasco. Ni' le'ke li' le rala guunu.” 11Ati bënni lza'a gulazëën'de na'a guluche'ke neda Damasco, koma yeni ki gi'a ben ga kchul lau'a.
12»Ni' zue' tue' bënni le' Ananías, bënni riijilaadxe'e Dios len rzenaage le rna xhba kie' Moisés, len yugute'ke bënni Judea nakua'ke Damasco tui'tzka'ke kie' diidza dxia'a. 13Ananías biide duyue' neda, len kati bdxiine gne': “Saulo bë'cha'a, bule'i.” Len na'teez bule'i'da, len benn ble'i'da'ne. 14Len chi nak ka' gne': “Dios kieke xuuz'xhtau'ru guul grëe' li' naar gnëëz'du le Le' ryaazlaadxe'e, naar gle'i'du'ne bënni dxia'a len gyëën'du le gie'e li' kuin'kze. 15Koma li' tzajxaka'lau'u kie' lau'ke yugute'ke bunach, len kixhjë'u le chi byëën'du len chi ble'i'du. 16Ati na'a tirbi këëzu. Gyas, bdiil nis len bliidze Xan'ru ki uxhie' xhtu'lu'u.”
17»Kati budxiina Jerusalén, gyiija gdou' len yaje'leena'ne diidza Dios, ati Dios blui'de neda. 18Ble'i'da'ne Xan'ru, len gudxe neda: “Ben ziuub, buroj'te Jerusalén ni, koma ti luzenaagi'de li' le rnou' kia'.” 19Neda gudxa'ne: “Xan, leke nëëzi'kde ki neda gyiija gdu gap nakua' yu'u useed len gdin'ka'ne ati glu'u'ka'ne liidx'gia bënni tayajle'ke li', 20ati kati guludëëd'de le' Esteban bënni'a dujxaka'lau'e kiu', kuin'kza zea' ni' run'ka'ne tuuz, len ben'chi'a xha'ke bënni'a guludëëd'de le'.” 21San le' Xan'ru gudxe neda: “Gyaj, ki neda ksë'la'a li' len bënni yëdz yubl.”»
Bënni'a rnabe'i'de bënni'a rajake gdil guk'lu'ne'e Pablo
22Tzka'z guluzenaag'ke le'; na' gulazulau'ke tuskua'ke: «¡Bënni'a ti nake bach zue' yëdz'lyu! ¡Bdëëd'de!» 23Ati tzka'ti'ga tuskua'ke len tabiib'ke xha'ke len tuzal'ke bexhtë lu bë', 24bënni'a rnabe'i'de bënni'a rajake gdil'a gnabe'e lagu'u'ke Pablo ga taga'ane bënni'a rajake gdil, na' lagiine le' naar kixhjë'e bixhkia' bunach'a dxia'laadxi'ke le' diidza. 25San kati chi nuuga'ke le' ki lagiine le', Pablo bnaab'de bënni'a rnabe'i'de bënni'a rajake gdil:
—¿Naru nap'li lbi'ili yëla rnabe' kin'li'ne tue' bënni nabaabe lu yëdz Roma, xhki ti nabeki'xhbei'ni'li kie'?
26Kati byëën'de le ni, bënni ni yajyue bënni xaane len gudxe le':
—¿Bixh guunu na'a? Bënni ni nabaabe yëdz Roma.
27Na' bënni'a rnabe'i'de bënni'a rajake gdil gbiige'e ga ze' Pablo, len bnaab'de le':
—¿Naru leel naku bënni nabaabe yëdz Roma?
Pablo bubi'e diidza:
—Ja'.
28Bënni ni gudxe le':
—Neda zxhëni dumi gyui'i'da naar gbaaba Roma.
Ati Pablo bubi'e kie' diidza:
—Neda ka guulj'za nabaaba ni'.
29Ka guk ni, bënni'a rala lagiine le' Pablo gulubiiga'ke len lekz'ka' bënni rnabe'i'de leke kati guk'be'i'de ki Pablo nabaabe Roma, guudxi'de koma beege'e le'.
Pablo rdxiine ra dxin'lau'i blou kieke bënni Judea
30Bueikj dza'a, bënni'a rnabe'i'de bënni'a rajake gdil gu'un'de gnëëz'de dxia'a'tit bixh xhgia' tudxia'ke le' Pablo, na' pseedxe le' du gia'a len butzaage bënni tunabe'i'de pxuuz len yugute'ke bënni dxin'lau'i blou'a. Len chi nak ka' gliije Pablo len bze' le' lau'ke.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© Sociedad Biblica de México AC