Zwz Nduq 43
43
Yaqgowh Daeuq Nemz Boangx Lug zaiz Dix Bae Aizjih Swx Kaeuj
1Kaeujpyaek Zaznanh mboq baenz saek'i. 2Rownz Yaqgowh haeuz jin nauq suq kaeuj bae Aizjih swx maz naeh. Yaqgowh daj le lug zaiz dix hax: "Su daeuq saeh raeuz bae swx kaeuj maz tem." 3Yaeuhdaq daj dix hax: "Goanz gaeng naeh haeuz saengq piu singjringh, jixzawh gaenqpiu mboq zowz nongx zaiz piu daj piu zaemh bae, gaenqpiu zoq mboq ndaej taen naj dix. 4Jixzawh mawz hawj nongx zaiz piu daj piu zaemh bae, gaenqpiu zoq saeh mawz bae swx kaeuj. 5Jixzawh mawz mboq hawj dix bae, piu goj mboq bae. Unj goanz gaengnaeh haeuz daj piu hax yaq, jixzawh gaenqpiu mboq zowz nongx zaiz piu daj piu zaemh bae, gaenqpiu zoq mboq ndaej taen naj dix." 6Yixsowhleh hax: "Gaenqsu baenzrawz haxdoq goanz naeh gaenqsu naengz miz goanz nongx zaiz ux mux? Gaenqsu baenzzaqrawz hawj gux hoak raix baenzzaqnaeh mux." 7Paenqdix yaeng: "Goanz gaeng naeh cham gaenqpiu daj dij goanz rownz piu tiq taeuq, cham dez piu naengz zaeu mbaeuq, cham piu naengz miz bihnongx zaiz tem mbaeuq. Dix cham gaeng gaenqpiu zoq hax gaeng. Gaenqpiu gawz goj mboq naemz dix rux nemz piu zowz nongx zaiz piu bae." 8Yaeuhdaq daeuq daj dez dix Yixsowhleh hax: "Mawz nemz maeng naeh daj piu zaemh bae, gaenqpiu zoq cenq bae. Hoakzaqnaeh gaenqpiu daj mawz, lug piu zux zaeu ndaej, mboq rux yaeg tai. 9Gux hawj dix baenzrawz mboq ndaej. Jixzawh dix baenzzaqrawz, zoq hawj gux tw. Jixzawh gux mboq zowz dix dauh maz, mboq zowz dix maz haenz mawz, gux venq hawj mawz gvaiq daengz zohgoanz. 10Jixzawh piu daj mawz hax, mawz cenq hawj Benqyaqminh daj piu zaemh bae, gannaeh jiab daih ngih haeuz dauh maz eh."
11 Yixsowhleh, dez paenqdix, daj paenqdix hax: "Jixzawh hoakzaqnaeh zuxbaenz, gaenqsu zoq hoakzaqnaeh hoak. Gaenqsu aeu daeh laep gaenq ndae dih raeuz bae soangq goanz gaengnaeh, zoq zawh aeu sowh ya aeu daz naeh loaj, i towngdoq ux loaj, gaenqhom loaj, maeg taeqhaeb loaj, hoiqmaeg loaj. 12Gaenqsu laep ngaenz bae swx kaeuj, laep daengz gaenq ngaenz mbaednduq su aeu bae swx kaeuj naeh, mbangjzwz zawh daenh laep loang loaj. 13Gaenqsu zowz nongx zaiz su bae dih goanz gaeng naeh. 14Mbangjbaez dij Sen gaeng goj rux hoak naeh zawchaej su, daeuq zoangq goanz bihnongx zaiz su daj Benqyaqminh. Gaj gaenqgux mbeh'ej, jixzawh hax hawj gux ndoi lug zaiz zuxbaenz, gux goj dih hoak rawz mboq miz." 15Yaq paenqdix tw le gaenq za'hoq naeh, laep ngaenz lai nyeuz mbaednduq daep ux, zowz Benqyaqminh bae Aizjih. Bae taeng Aizjih dih Yezsowh naeh, paenqdix zoq in yuq doqnaj Yezsowh.
Yezsowh Qingj Le Bihnongx Dix Jin Ngaiz
16 Yezsowh taen Benqyaqminh daj paenqdix zaemh maz, zoq daj goanz saeh dix gvanx ndaw rownz naeh hax: "Mawz zowz boangx naeh mwz rownz gux, naw naeh paenqdix daj gux zaemh jin ngaiz, mawz mwz kaj doihdo hoak ngaiz." 17Goanz naeh zoq biak gaemz Yezsowh hax naeh bae hoak. Zowz boangx naeh mwz rownz Yezsowh. 18Paenqdix ruxndeq paenqdix zoah zowz mwz rownz Yezsowh, gaj goanz gaj mbu, paenqdix hax: "Gaenqraeuz zoah zowz maz inxnaeh, toj zawh cho sowh ngaenz mbaednduq daenh aeu laep ndaw daeh raeuz naeh, gannaeh paenqdix daz moakndai raeuz, nemz raeuz yuq inxnaeh hoak puj koij, yaq longx dij loix raeuz." 19Gau zaekgaj daeux naeh, paenqdix zoq daeq mwz haenz goanz saeh Yezsowh gvanx ndaw rownz naeh, yuq baegdu daj dix hax kauq. 20Paenqdix hax: "Saeq aj, mbaednduq gaenqpiu maz inxnaeh, zawh maz swx kaeuj zaeh. 21Gaj daeklaeng piu bae taeng dih piu ced naeh, gau piu aj daeh naeh, piu gawz goj nwh mboq taeng ngaenz gawz goj naengz yuq ndaw daeh, dit rawz goj mboq cauz, gannaeh piu daeuq laep dauh maz. 22Gaenqpiu goj daeuq laep ngaenz maz swx kaeuj. Gaenqpiu mboq ruxndeq mbaednduq zawh gawz aeu ngaenz laep bae ndaw daeh piu." 23Goanz saeh Yezsowh gvanx ndaw rownz naeh hax: "Gaenqsu yumq yuq vangqdangh, laek mbu gaeng. Zawh dij Sen gaenqsu daj dij Sen dez su aeu ngaenz hawj su, aeu laep bae ndaw daeh su. Ngaenz su gux haeuz deq yaq eh." Yaq goanz saeh Yezsowh gvanx ndaw rownz naeh zoq zowz Cizmyenx maz haenz paenqdix. 24Goanz naeh zowz paenqdix mwz rownz Yezsowh, aeu naemx hawj paenqdix soiq din, aeu fangz kun dij loix. 25Paenqdix ruxnyinz daenh hax Yezsowh ngaeuzmaenz maz rux maz daj paenqdix zaemh jin ngaiz. Paenqdix zoq aeu sowh za'hoq aeu soangq naeh nyaengx ndaej, taj Yezsowh maz.
26 Yezsowh maz taeng rownz, paenqdix zoq aeu sowh za'hoq daz aeu soangq naeh, aeu mwz soangq dix, gvih bae doqnaj dix. 27Yezsowh dongx paenqdix, yaq cham paenqdix: "Dez su, laux jeq su hax naeh, dix naengz zaeu mbaeuq, yuqndae mbaeuq?" 28Paenqdix yaeng: "Dez piu, koij mawz, naengz zaeu, kaeuj naengz van." Yaq paenqdix gaeuz to gvih. 29Yezsowh ngangh to lez, leztaen nongx zaiz dix Benqyaqminh, goanz daj dix zawh zaemh meh ux zowngx naeh, zoq cham: "Dix zawh goanz nongx zaiz ex nyeuz daengzle, goanz gaenqsu daj gux hax naeh raj?" Daeuq daj Benqyaqminh hax: "Lug gux aj, ngwz dij Sen gumx mawz." 30Yezsowh nwh nongx zaiz dix gvaq, daengz naemxta zaekgaj daeuj saw, dix zoq cenq bae cha dih ux haej. Yaq dix zoq ndonj mwz ndaw ruk dix haej. 31Gvaq ndaej gau ux, dix soiq naj, yaq og daeuj. Dix gaemx yaengh gaemx, mboq hawj daenh ruxndeq ndaw zaw dix nwh gaeng, yaq dix nemz daenh: "Zawxzongz, jin ngaiz yah." 32Laemh zwz naeh puj Aizjih mboq hawj daj puj Cizboahlaiz zaemh yuq zongz ndeu jin kaeuj, paenqdix ywjhwnq daj puj Cizboahlaiz naengh zaemh zongz jin kaeuj. Baenznaeh paenqdix zoq saeh Yezsowh haeggaj zawx zongz ux, saeh le bihnongx zaiz Yezsowh zawx zongz ux, yaq daeuq zawx zongz ux hawj sowh dij goanz Aizjih daj Yezsowh zaemh yuq naeh. 33Yezsowh hawj le bihnongx zaiz dix naengh daeuj, nganq puj dwx goj daeuj daeuj. Le bihnongx zaiz dix goanz lej lez goanz, gawz goj sawzsowq se, mboq ruxndeq Yezsowh baenzzaqrawz hoakzaqnaeh hoak. 34Yezsowh aeu kaeujpyaek dix baen hawj paenqdix, gaj dix hawj Benqyaqminh lai nyeuz daengzle, lai nyeuz bihnongx ndai haj gong. Paenqdix zoq daj Yezsowh zaemh jin niz jinz, ndut niz ndut, faengz taeuq.
Currently Selected:
Zwz Nduq 43: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Zwz Nduq 43
43
Yaqgowh Daeuq Nemz Boangx Lug zaiz Dix Bae Aizjih Swx Kaeuj
1Kaeujpyaek Zaznanh mboq baenz saek'i. 2Rownz Yaqgowh haeuz jin nauq suq kaeuj bae Aizjih swx maz naeh. Yaqgowh daj le lug zaiz dix hax: "Su daeuq saeh raeuz bae swx kaeuj maz tem." 3Yaeuhdaq daj dix hax: "Goanz gaeng naeh haeuz saengq piu singjringh, jixzawh gaenqpiu mboq zowz nongx zaiz piu daj piu zaemh bae, gaenqpiu zoq mboq ndaej taen naj dix. 4Jixzawh mawz hawj nongx zaiz piu daj piu zaemh bae, gaenqpiu zoq saeh mawz bae swx kaeuj. 5Jixzawh mawz mboq hawj dix bae, piu goj mboq bae. Unj goanz gaengnaeh haeuz daj piu hax yaq, jixzawh gaenqpiu mboq zowz nongx zaiz piu daj piu zaemh bae, gaenqpiu zoq mboq ndaej taen naj dix." 6Yixsowhleh hax: "Gaenqsu baenzrawz haxdoq goanz naeh gaenqsu naengz miz goanz nongx zaiz ux mux? Gaenqsu baenzzaqrawz hawj gux hoak raix baenzzaqnaeh mux." 7Paenqdix yaeng: "Goanz gaeng naeh cham gaenqpiu daj dij goanz rownz piu tiq taeuq, cham dez piu naengz zaeu mbaeuq, cham piu naengz miz bihnongx zaiz tem mbaeuq. Dix cham gaeng gaenqpiu zoq hax gaeng. Gaenqpiu gawz goj mboq naemz dix rux nemz piu zowz nongx zaiz piu bae." 8Yaeuhdaq daeuq daj dez dix Yixsowhleh hax: "Mawz nemz maeng naeh daj piu zaemh bae, gaenqpiu zoq cenq bae. Hoakzaqnaeh gaenqpiu daj mawz, lug piu zux zaeu ndaej, mboq rux yaeg tai. 9Gux hawj dix baenzrawz mboq ndaej. Jixzawh dix baenzzaqrawz, zoq hawj gux tw. Jixzawh gux mboq zowz dix dauh maz, mboq zowz dix maz haenz mawz, gux venq hawj mawz gvaiq daengz zohgoanz. 10Jixzawh piu daj mawz hax, mawz cenq hawj Benqyaqminh daj piu zaemh bae, gannaeh jiab daih ngih haeuz dauh maz eh."
11 Yixsowhleh, dez paenqdix, daj paenqdix hax: "Jixzawh hoakzaqnaeh zuxbaenz, gaenqsu zoq hoakzaqnaeh hoak. Gaenqsu aeu daeh laep gaenq ndae dih raeuz bae soangq goanz gaengnaeh, zoq zawh aeu sowh ya aeu daz naeh loaj, i towngdoq ux loaj, gaenqhom loaj, maeg taeqhaeb loaj, hoiqmaeg loaj. 12Gaenqsu laep ngaenz bae swx kaeuj, laep daengz gaenq ngaenz mbaednduq su aeu bae swx kaeuj naeh, mbangjzwz zawh daenh laep loang loaj. 13Gaenqsu zowz nongx zaiz su bae dih goanz gaeng naeh. 14Mbangjbaez dij Sen gaeng goj rux hoak naeh zawchaej su, daeuq zoangq goanz bihnongx zaiz su daj Benqyaqminh. Gaj gaenqgux mbeh'ej, jixzawh hax hawj gux ndoi lug zaiz zuxbaenz, gux goj dih hoak rawz mboq miz." 15Yaq paenqdix tw le gaenq za'hoq naeh, laep ngaenz lai nyeuz mbaednduq daep ux, zowz Benqyaqminh bae Aizjih. Bae taeng Aizjih dih Yezsowh naeh, paenqdix zoq in yuq doqnaj Yezsowh.
Yezsowh Qingj Le Bihnongx Dix Jin Ngaiz
16 Yezsowh taen Benqyaqminh daj paenqdix zaemh maz, zoq daj goanz saeh dix gvanx ndaw rownz naeh hax: "Mawz zowz boangx naeh mwz rownz gux, naw naeh paenqdix daj gux zaemh jin ngaiz, mawz mwz kaj doihdo hoak ngaiz." 17Goanz naeh zoq biak gaemz Yezsowh hax naeh bae hoak. Zowz boangx naeh mwz rownz Yezsowh. 18Paenqdix ruxndeq paenqdix zoah zowz mwz rownz Yezsowh, gaj goanz gaj mbu, paenqdix hax: "Gaenqraeuz zoah zowz maz inxnaeh, toj zawh cho sowh ngaenz mbaednduq daenh aeu laep ndaw daeh raeuz naeh, gannaeh paenqdix daz moakndai raeuz, nemz raeuz yuq inxnaeh hoak puj koij, yaq longx dij loix raeuz." 19Gau zaekgaj daeux naeh, paenqdix zoq daeq mwz haenz goanz saeh Yezsowh gvanx ndaw rownz naeh, yuq baegdu daj dix hax kauq. 20Paenqdix hax: "Saeq aj, mbaednduq gaenqpiu maz inxnaeh, zawh maz swx kaeuj zaeh. 21Gaj daeklaeng piu bae taeng dih piu ced naeh, gau piu aj daeh naeh, piu gawz goj nwh mboq taeng ngaenz gawz goj naengz yuq ndaw daeh, dit rawz goj mboq cauz, gannaeh piu daeuq laep dauh maz. 22Gaenqpiu goj daeuq laep ngaenz maz swx kaeuj. Gaenqpiu mboq ruxndeq mbaednduq zawh gawz aeu ngaenz laep bae ndaw daeh piu." 23Goanz saeh Yezsowh gvanx ndaw rownz naeh hax: "Gaenqsu yumq yuq vangqdangh, laek mbu gaeng. Zawh dij Sen gaenqsu daj dij Sen dez su aeu ngaenz hawj su, aeu laep bae ndaw daeh su. Ngaenz su gux haeuz deq yaq eh." Yaq goanz saeh Yezsowh gvanx ndaw rownz naeh zoq zowz Cizmyenx maz haenz paenqdix. 24Goanz naeh zowz paenqdix mwz rownz Yezsowh, aeu naemx hawj paenqdix soiq din, aeu fangz kun dij loix. 25Paenqdix ruxnyinz daenh hax Yezsowh ngaeuzmaenz maz rux maz daj paenqdix zaemh jin ngaiz. Paenqdix zoq aeu sowh za'hoq aeu soangq naeh nyaengx ndaej, taj Yezsowh maz.
26 Yezsowh maz taeng rownz, paenqdix zoq aeu sowh za'hoq daz aeu soangq naeh, aeu mwz soangq dix, gvih bae doqnaj dix. 27Yezsowh dongx paenqdix, yaq cham paenqdix: "Dez su, laux jeq su hax naeh, dix naengz zaeu mbaeuq, yuqndae mbaeuq?" 28Paenqdix yaeng: "Dez piu, koij mawz, naengz zaeu, kaeuj naengz van." Yaq paenqdix gaeuz to gvih. 29Yezsowh ngangh to lez, leztaen nongx zaiz dix Benqyaqminh, goanz daj dix zawh zaemh meh ux zowngx naeh, zoq cham: "Dix zawh goanz nongx zaiz ex nyeuz daengzle, goanz gaenqsu daj gux hax naeh raj?" Daeuq daj Benqyaqminh hax: "Lug gux aj, ngwz dij Sen gumx mawz." 30Yezsowh nwh nongx zaiz dix gvaq, daengz naemxta zaekgaj daeuj saw, dix zoq cenq bae cha dih ux haej. Yaq dix zoq ndonj mwz ndaw ruk dix haej. 31Gvaq ndaej gau ux, dix soiq naj, yaq og daeuj. Dix gaemx yaengh gaemx, mboq hawj daenh ruxndeq ndaw zaw dix nwh gaeng, yaq dix nemz daenh: "Zawxzongz, jin ngaiz yah." 32Laemh zwz naeh puj Aizjih mboq hawj daj puj Cizboahlaiz zaemh yuq zongz ndeu jin kaeuj, paenqdix ywjhwnq daj puj Cizboahlaiz naengh zaemh zongz jin kaeuj. Baenznaeh paenqdix zoq saeh Yezsowh haeggaj zawx zongz ux, saeh le bihnongx zaiz Yezsowh zawx zongz ux, yaq daeuq zawx zongz ux hawj sowh dij goanz Aizjih daj Yezsowh zaemh yuq naeh. 33Yezsowh hawj le bihnongx zaiz dix naengh daeuj, nganq puj dwx goj daeuj daeuj. Le bihnongx zaiz dix goanz lej lez goanz, gawz goj sawzsowq se, mboq ruxndeq Yezsowh baenzzaqrawz hoakzaqnaeh hoak. 34Yezsowh aeu kaeujpyaek dix baen hawj paenqdix, gaj dix hawj Benqyaqminh lai nyeuz daengzle, lai nyeuz bihnongx ndai haj gong. Paenqdix zoq daj Yezsowh zaemh jin niz jinz, ndut niz ndut, faengz taeuq.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.