Ni Aizjih 28
28
Yaix Daenh Saeh Puj Mbud Dij Sen Hoak Ndangnungh
1"Dij goanz Yixsowhleh, mawz lowg goz mawz Yaqlunh daj lug zaiz dix Nahdah, Yaqbixfuq, Yixliqyaqsax, Yixtazmax, hawj paenqdix hoak puj mbud gux. 2Hoak ndangnungh yawz hawj goz mawz Yaqlunh, tauq ndangnungh naeh hawj daenh ruxndeq hoak puj mbud dij Sen miz najta taeuq, tauq ndangnungh naeh mwz zangjpungh dij Sen gaurawz zux nungh. 3Gux hawj mbangj goanz rux hoakroiz seb taeuq, mawz hawj paenqdix saeh goz mawz hoak ndangnungh, hawj goz mawz daj puj ndai mboq dungzlumj, hawj dix hoak puj mbud gux. 4Hawj paenqdix hoak cungzpaih, Yixfuhdowh, sowj na, sowj riz, paj, sairaengx, paenqdix hoak ndangnungh hawj goz mawz daj le lug zaiz goz mawz, hawj goz mawz daj le lug zaiz dix hoak puj mbud gux. 5Sowh puj hoak ndangnungh naeh aeu sowh mae'jim, mae daeuh, mae zaemq, mae ndiang, mae'banq liak daenh aeu maz hawj paenqdix naeh hoak ndangnungh.
Hoakrawz Hoak Yixfuhdowh
6"Hawj sowh puj gux hawj rux hoakroiz seb taeuq naeh aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak Yixfuhdowh. 7Kvaix baihnaj daj kvaix baihlaeng, rongzmbaq dix hoak song sai dungzrangh, dungzrangh yaq zoq baenz gongz sowj rongx hoak Yixfuhdowh naeh. 8Hoak sairaengx ux, aeu dix doj gongz sowj Yixfuhdowh, sairaengx naeh daj hoak Yixfuhdowh dungzlumj, aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak. 9Aeu maz song ndeaj maxnaux ndiang,#28:9 Maxnaux zawh sowh tin ux, biangz taeuq. ndaw dix kaeuz minxzwh paenq lug zaiz Yixsowhleh. 10Song ndej naeh gaj ndej gaj kaeuz choak aen minxzwh, kaeuz minxzwh puj dwx goj daeuj daeuj. 11Hawj puj zanghtin kaeuz, daj kaeuz yinqzangz dungzlumj, aeu minxzwh sipngih goanz lug zaiz Yixsowhleh kaeuz nyaengx ndaw song ndeaj maxnaux ndiang naeh, aeu song ndeaj maxnaux naeh doj bae ndaw zoa jim. 12Aeu song ndeaj maxnaux naeh doj now sai rongzmbaq Yixfuhdowh naeh, tw song ndeaj maxnaux naeh zawh hax Yaqlunh saeh luglan sipngih goanz lug zaiz Yixsowhleh mbud dij Sen, hawj paenqdix yuq ndaw zaw Yez'hoahhuah. 13Aeu jim hoak song zoa, 14aeu jim gangq pow hoak song saenj zowg, song saenj zowg naeh saenj ux rangh zoa jim ux.
Hoakrawz Hoak Cungzpaih
15"Mawz hawj sowh puj hoakroiz seb naeh aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak kvaix cungzpaih ux, daj hoak Yixfuhdowh dungzlumj, mawz tungzgoaq kvaix cunghpaih naeh ruxndeq gux yaix hoak gaeng, hoakrawz hoak. 16Cungzpaih hawj dix baenz mbangh siq jimq ux, hoak song laeb, hawj baih laengriz riz hub ux, baih laengdeanj riz hub ux. 17Now cungzpaih aeu bauxswh hoak siq roangh: rongh nduq dix zawh tinngaeuz ndiang, tinngaeuz henj, tinngaeuz loak. 18Rongh daih ngih zawh tin loak, tinngaeuz daeuh, tinngaeuz maenq. 19Rongh daih sam zawh maxnaux zaemq, maxnaux kau, tinngaeuz zaemq. 20Rongh daih siq zawh tin'henj, maxnaux ndiang, viq qeu, suq naeh aeu paenqdix doj bae ndaw zoa jim. 21Hoakzaq kaeuz yinqzangz naeh, aeu minxzwh sipngih goanz lug zaiz Yixsowhleh kaeuz ndaw sipngih ndeaj tin naeh, ndeaj tin ux kaeuz aen minxzwh ux. Sipngih ndeaj tin naeh zawh hax sipngih ngah Yixsowhleh. 22Song sai aeu rangh cungzpaih naeh aeu jim gangq hoak, daj sowh zowg aeu pow naeh dungzlumj. 23Hoak song goangh jim, aeu paenqdix doj song jimq baihnow cungzpaih. 24Aeu song sai jim aeu pow naeh ndonj song goangh jim doj to cungzpaih naeh. 25Song saenj zowg aeu jim gangq pow naeh to ndai dix rangh baihnaj song zoa jim yuq rongzmbaq Yixfuhdowh naeh. 26Daeuq hoak song goangh jim, aeu dix doj song jimq baihdawj cungzpaih, aeu dix doj baihndaw Yixfuhdowh. 27Daeuq hoak song goangh jim, aeu dix doj baihdawj song sai Yixfuhdowh dih daj sairaengx dungzmex naeh, sairaengx Yixfuhdowh zawh aeu daemq hoak. 28Aeu mae daeuh qiat Yixfuhdowh daj goangh jim cungzpaih naeh, hawj paenqdix dungzrangh, hawj cungzpaih daeb baihnow sairaengx Yixfuhdowh naeh, hawj paenqdix dungzrangh naeuz jinx ux. 29Yaqlunh ndonj mwz ndaw zangjpungh gux gaurawz, aeu mbangh cungzpaih miz minxzwh sipngih goanz lug zaiz Yixsowhleh naeh tw mwz baeg'aek, hoakzaqnaeh gux zoq zwzzwz nyen dij goanz gux. 30Aeu uzlinh daj tuxminh nyaengx ndaw cungzpaih,#28:30 Uzlinh daj tuxminh, song yowngh naeh, zwz rawz dij goanz Yixsowhleh mboq ruxndeq hoakzaqrawz hoak, paenqdix zoq mwz cham dij Sen, dij Sen aeu song yowngh naeh hawj paenqdix ruxndeq hoj hoakzaqrawz hoak. Yaqlunh ndonj mwz doqnaj gux Yez'hoahhuah gaurawz, aeu dix tw baeg'aek, aeu nyaengxzaw, hoakzaqnaeh, Yaqlunh yuq doqnaj gux Yez'hoahhuah kwnzkwnz tw cungzpaih, dix zux ruxndeq gux hawj dij goanz Yixsowhleh hoak gaeng, hoakrawz hoak.
Hoakrawz Hoak Sowj Na
31"Aeu mae daeuh gangq hoak gongz sowj na ux, nungh baihndaw Yixfuhdowh. 32Hoak hozsowj, hozsowj aeu sowh paeng daemq naeh gob, daj hoak sowh hozsowj aeu nungh dungzsaeuh naeh dungzlumj, hoakzaqnaeh zux mboq rux riag. 33Din sowj aeu mae daeuh, mae zaemq, mae ndiang va hoak maegsan, va aen maegsan ux, haenz dix doj aen lengz jim ux. 34Daengz din sowj miz maegsan daj lengz jim, yowngh jeg yowngh. 35Yaqlunh mwz mbud gaurawz, nungh gongz sowj naeh, dix ndonj mwz zangjpungh gux yuq doqnaj gux Yez'hoahhuah daj og daeuj gaurawz, lengz zoq chung, hoakzaqnaeh dix zoq mboq rux tai.
Hoakrawz Hoak Kvaix Doj Baihnaj Paj Naeh
36"Aeu jim hoak kvaix ux, now dix daj kaeuz yinqzangz dungzlumj kaeuz le aen sw naeh: ‘Zawh gaenq Yez'hoahhuah.’ 37Aeu laenj mae daeuh liak ux doj kvaix naeh mwz baihnaj paj. 38Kvaix naeh hawj dix yuq najpyaeg Yaqlunh, zawh hax dij goanz Yixsowhleh aeu gaeng hawj gux zwzrawz, jixzawh paenqdix miz gaenq hoakloang gux, hawj Yaqlunh saeh tw. Kvaix naeh hawj dix zwzzwz yuq najpyaeg Yaqlunh, hoakzaqnaeh Yez'hoahhuah zux zaemz dij goanz Yixsowhleh. 39Aeu mae'banq liak daemq, hoak sowjriz, aeu sowh paeng aeu mae'banq liak hoak naeh hoak paj, hoak sairaengx, sairaengx hawj sowh puj hoakroiz seb naeh va.
Ndangnungh Puj Mbud Dij Sen Gaenqndai
40"Saeh paenq lug zaiz Yaqlunh hoak sowjriz, sairaengx, paj, hawj ndangnungh paenqdix yawz, hawj daenh ruxndeq puj mbud dij Sen miz najta taeuq. 41Hawj goz mawz Yaqlunh nungh tauq dix, hawj le lug zaiz dix nungh tauq paenqdix naeh, yaq aeu yuz zoaj to paenqdix, hawj paenqdix daj puj ndai mboq dungzlumj, hawj paenqdix hoak puj mbud gux. 42Aeu paeng mae'banq hoak kvaq hawj paenqdix, gongz kvaq naeh hawj dix yaz bae taeng ka'boaj. 43Yaqlunh daj le lug zaiz dix mwz ndaw zangjpungh gux, rux yuq haenz aen kuq mbud gux naeh gaurawz, nungh sowh kvaq naeh zuxbaenz, jixzawh paenqdix mboq nungh, paenqdix zoq hoak loang, paenqdix zoq zoah kaj. Aen goizdingq naeh hoak daengznauq, zawh goizdingq Yaqlunh daj luglan dix.
Currently Selected:
Ni Aizjih 28: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Ni Aizjih 28
28
Yaix Daenh Saeh Puj Mbud Dij Sen Hoak Ndangnungh
1"Dij goanz Yixsowhleh, mawz lowg goz mawz Yaqlunh daj lug zaiz dix Nahdah, Yaqbixfuq, Yixliqyaqsax, Yixtazmax, hawj paenqdix hoak puj mbud gux. 2Hoak ndangnungh yawz hawj goz mawz Yaqlunh, tauq ndangnungh naeh hawj daenh ruxndeq hoak puj mbud dij Sen miz najta taeuq, tauq ndangnungh naeh mwz zangjpungh dij Sen gaurawz zux nungh. 3Gux hawj mbangj goanz rux hoakroiz seb taeuq, mawz hawj paenqdix saeh goz mawz hoak ndangnungh, hawj goz mawz daj puj ndai mboq dungzlumj, hawj dix hoak puj mbud gux. 4Hawj paenqdix hoak cungzpaih, Yixfuhdowh, sowj na, sowj riz, paj, sairaengx, paenqdix hoak ndangnungh hawj goz mawz daj le lug zaiz goz mawz, hawj goz mawz daj le lug zaiz dix hoak puj mbud gux. 5Sowh puj hoak ndangnungh naeh aeu sowh mae'jim, mae daeuh, mae zaemq, mae ndiang, mae'banq liak daenh aeu maz hawj paenqdix naeh hoak ndangnungh.
Hoakrawz Hoak Yixfuhdowh
6"Hawj sowh puj gux hawj rux hoakroiz seb taeuq naeh aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak Yixfuhdowh. 7Kvaix baihnaj daj kvaix baihlaeng, rongzmbaq dix hoak song sai dungzrangh, dungzrangh yaq zoq baenz gongz sowj rongx hoak Yixfuhdowh naeh. 8Hoak sairaengx ux, aeu dix doj gongz sowj Yixfuhdowh, sairaengx naeh daj hoak Yixfuhdowh dungzlumj, aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak. 9Aeu maz song ndeaj maxnaux ndiang,#28:9 Maxnaux zawh sowh tin ux, biangz taeuq. ndaw dix kaeuz minxzwh paenq lug zaiz Yixsowhleh. 10Song ndej naeh gaj ndej gaj kaeuz choak aen minxzwh, kaeuz minxzwh puj dwx goj daeuj daeuj. 11Hawj puj zanghtin kaeuz, daj kaeuz yinqzangz dungzlumj, aeu minxzwh sipngih goanz lug zaiz Yixsowhleh kaeuz nyaengx ndaw song ndeaj maxnaux ndiang naeh, aeu song ndeaj maxnaux naeh doj bae ndaw zoa jim. 12Aeu song ndeaj maxnaux naeh doj now sai rongzmbaq Yixfuhdowh naeh, tw song ndeaj maxnaux naeh zawh hax Yaqlunh saeh luglan sipngih goanz lug zaiz Yixsowhleh mbud dij Sen, hawj paenqdix yuq ndaw zaw Yez'hoahhuah. 13Aeu jim hoak song zoa, 14aeu jim gangq pow hoak song saenj zowg, song saenj zowg naeh saenj ux rangh zoa jim ux.
Hoakrawz Hoak Cungzpaih
15"Mawz hawj sowh puj hoakroiz seb naeh aeu mae'jim, mae daeuh, mae zaemq, mae ndiang, mae'banq liak sowh aeu laenz naeh hoak kvaix cungzpaih ux, daj hoak Yixfuhdowh dungzlumj, mawz tungzgoaq kvaix cunghpaih naeh ruxndeq gux yaix hoak gaeng, hoakrawz hoak. 16Cungzpaih hawj dix baenz mbangh siq jimq ux, hoak song laeb, hawj baih laengriz riz hub ux, baih laengdeanj riz hub ux. 17Now cungzpaih aeu bauxswh hoak siq roangh: rongh nduq dix zawh tinngaeuz ndiang, tinngaeuz henj, tinngaeuz loak. 18Rongh daih ngih zawh tin loak, tinngaeuz daeuh, tinngaeuz maenq. 19Rongh daih sam zawh maxnaux zaemq, maxnaux kau, tinngaeuz zaemq. 20Rongh daih siq zawh tin'henj, maxnaux ndiang, viq qeu, suq naeh aeu paenqdix doj bae ndaw zoa jim. 21Hoakzaq kaeuz yinqzangz naeh, aeu minxzwh sipngih goanz lug zaiz Yixsowhleh kaeuz ndaw sipngih ndeaj tin naeh, ndeaj tin ux kaeuz aen minxzwh ux. Sipngih ndeaj tin naeh zawh hax sipngih ngah Yixsowhleh. 22Song sai aeu rangh cungzpaih naeh aeu jim gangq hoak, daj sowh zowg aeu pow naeh dungzlumj. 23Hoak song goangh jim, aeu paenqdix doj song jimq baihnow cungzpaih. 24Aeu song sai jim aeu pow naeh ndonj song goangh jim doj to cungzpaih naeh. 25Song saenj zowg aeu jim gangq pow naeh to ndai dix rangh baihnaj song zoa jim yuq rongzmbaq Yixfuhdowh naeh. 26Daeuq hoak song goangh jim, aeu dix doj song jimq baihdawj cungzpaih, aeu dix doj baihndaw Yixfuhdowh. 27Daeuq hoak song goangh jim, aeu dix doj baihdawj song sai Yixfuhdowh dih daj sairaengx dungzmex naeh, sairaengx Yixfuhdowh zawh aeu daemq hoak. 28Aeu mae daeuh qiat Yixfuhdowh daj goangh jim cungzpaih naeh, hawj paenqdix dungzrangh, hawj cungzpaih daeb baihnow sairaengx Yixfuhdowh naeh, hawj paenqdix dungzrangh naeuz jinx ux. 29Yaqlunh ndonj mwz ndaw zangjpungh gux gaurawz, aeu mbangh cungzpaih miz minxzwh sipngih goanz lug zaiz Yixsowhleh naeh tw mwz baeg'aek, hoakzaqnaeh gux zoq zwzzwz nyen dij goanz gux. 30Aeu uzlinh daj tuxminh nyaengx ndaw cungzpaih,#28:30 Uzlinh daj tuxminh, song yowngh naeh, zwz rawz dij goanz Yixsowhleh mboq ruxndeq hoakzaqrawz hoak, paenqdix zoq mwz cham dij Sen, dij Sen aeu song yowngh naeh hawj paenqdix ruxndeq hoj hoakzaqrawz hoak. Yaqlunh ndonj mwz doqnaj gux Yez'hoahhuah gaurawz, aeu dix tw baeg'aek, aeu nyaengxzaw, hoakzaqnaeh, Yaqlunh yuq doqnaj gux Yez'hoahhuah kwnzkwnz tw cungzpaih, dix zux ruxndeq gux hawj dij goanz Yixsowhleh hoak gaeng, hoakrawz hoak.
Hoakrawz Hoak Sowj Na
31"Aeu mae daeuh gangq hoak gongz sowj na ux, nungh baihndaw Yixfuhdowh. 32Hoak hozsowj, hozsowj aeu sowh paeng daemq naeh gob, daj hoak sowh hozsowj aeu nungh dungzsaeuh naeh dungzlumj, hoakzaqnaeh zux mboq rux riag. 33Din sowj aeu mae daeuh, mae zaemq, mae ndiang va hoak maegsan, va aen maegsan ux, haenz dix doj aen lengz jim ux. 34Daengz din sowj miz maegsan daj lengz jim, yowngh jeg yowngh. 35Yaqlunh mwz mbud gaurawz, nungh gongz sowj naeh, dix ndonj mwz zangjpungh gux yuq doqnaj gux Yez'hoahhuah daj og daeuj gaurawz, lengz zoq chung, hoakzaqnaeh dix zoq mboq rux tai.
Hoakrawz Hoak Kvaix Doj Baihnaj Paj Naeh
36"Aeu jim hoak kvaix ux, now dix daj kaeuz yinqzangz dungzlumj kaeuz le aen sw naeh: ‘Zawh gaenq Yez'hoahhuah.’ 37Aeu laenj mae daeuh liak ux doj kvaix naeh mwz baihnaj paj. 38Kvaix naeh hawj dix yuq najpyaeg Yaqlunh, zawh hax dij goanz Yixsowhleh aeu gaeng hawj gux zwzrawz, jixzawh paenqdix miz gaenq hoakloang gux, hawj Yaqlunh saeh tw. Kvaix naeh hawj dix zwzzwz yuq najpyaeg Yaqlunh, hoakzaqnaeh Yez'hoahhuah zux zaemz dij goanz Yixsowhleh. 39Aeu mae'banq liak daemq, hoak sowjriz, aeu sowh paeng aeu mae'banq liak hoak naeh hoak paj, hoak sairaengx, sairaengx hawj sowh puj hoakroiz seb naeh va.
Ndangnungh Puj Mbud Dij Sen Gaenqndai
40"Saeh paenq lug zaiz Yaqlunh hoak sowjriz, sairaengx, paj, hawj ndangnungh paenqdix yawz, hawj daenh ruxndeq puj mbud dij Sen miz najta taeuq. 41Hawj goz mawz Yaqlunh nungh tauq dix, hawj le lug zaiz dix nungh tauq paenqdix naeh, yaq aeu yuz zoaj to paenqdix, hawj paenqdix daj puj ndai mboq dungzlumj, hawj paenqdix hoak puj mbud gux. 42Aeu paeng mae'banq hoak kvaq hawj paenqdix, gongz kvaq naeh hawj dix yaz bae taeng ka'boaj. 43Yaqlunh daj le lug zaiz dix mwz ndaw zangjpungh gux, rux yuq haenz aen kuq mbud gux naeh gaurawz, nungh sowh kvaq naeh zuxbaenz, jixzawh paenqdix mboq nungh, paenqdix zoq hoak loang, paenqdix zoq zoah kaj. Aen goizdingq naeh hoak daengznauq, zawh goizdingq Yaqlunh daj luglan dix.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.