Zawxkauq 5
5
Yaqnahnihyaq Daj Saxfaezlaz
1Miz goanz ux minxzwh rongx hoak Yaqnahnihyaq, dix daj mijmez dix Saxfaezlaz kai raehnaz, 2dix lupliamx aeu ngaenz leux mbangj, mijmez dix goj ruxndeq, dix aeu gaenq low naeh maz nyaengx bae doqnaj dij goanz zawxkauq Yezsuz. 3Bihdowh hax: "Yaqnahnihyaq! Mawz baenzzaqrawz hawj Sazdanz gvanx zaw mawz mux? Baenzzaqrawz haxyai Minghkoan dij Sen, lupliamx aeu sowh ngaenz kai raehnaz ndaej naeh leux mbangj mux? 4Zwz raehnaz mawz naengz mboq kai naeh, mboq zawh gaenq hoakri mawz lox? Kai yaq, sowh ngaenz kai ndaej naeh, mboq zawh mawz ngaiq aeu hoakrawz zoq aeu hoakrawz lox? Gaj mawz baenzzaqrawz miz sowh sai'zaw naeh mux? Mawz mboq zawh haxyai dij goanz ah, zawh haxyai dij Sen mbyah!" 5Yaqnahnihyaq daeh ruxnyinz gaemz kauq naeh, zoq hub laemx, kaedzaw. Sowh puj ruxnyinz naeh, gawz goj mbu taeuq. 6Miz jij goanz puj reauh ux, toq dix, tam dix bae moak. 7Gvaq ndaej teq sam aen zungztaeuh ux naeh, mijmez Yaqnahnihyaq ndonj maz, naengz mboq ruxndeq miz gaeng saeh. 8Bihdowh cham dix: "Mawz ciq haxdoq gux mbaed ux, sowh ngaenz su kai raehnaz ndaej naeh zawh suq naeh vah? "Dix yaeng: "Aenh, ndaej gaenh nez." 9Bihdowh hax: "Gaenqsu baenzzaqrawz hoak zawdoag daeg Minghkoan Zaeuj mux? Sowh puj aeu po mawz bae moak naeh haeuz maz taeng baegdu yah, paenqdix goj tam mawz bae." 10Saxfaezlaz cenq laemx bae doqnaj din Bihdowh, kaedzaw. Le goanz puj reauh naeh ndonj maz, leztaen dix haeuz tai, zoq tam og bae, aeu dix bae moak haenz po dix. 11Daengzle dij goanz zauqhoiq daj sowh dij goanz ruxnyinz mbaed saeh naeh, gaj goanz gaj mbu taeuq.
Zaeuj Hawj Dij Goanz Zawxkauq Yezsuz Rux Hoak Sowh Saenh Yaengh Saenh Naeh Lai Taeuq
12Zaeuj aeu mungz dij goanz zawxkauq Yezsuz yuq haenz daengzle hoak sowh saeh ndaw fax naeh daj sowh saeh mboq sanz taen naeh lai taeuq. Cohsaenz Yezsuz daengzle hoak zawdoag maz aen yauj Soaxloahmaenh naeh zaemh yuq. 13Puj ndai mboq ganz maz haenz paenqdix, gaj lezndaejqix paenqdix taeuq. 14Puj sinq Zaeuj gaj laeng gaj raengh, puj nyingz puj zaiz goj miz lai. 15Naengz miz dij goanz tam puj chaej bae hangzhw, aeu nyaengx now tanj, now faz, ngwz Bihdowh gvaq zoah gaurawz ngaeuz dix yaz bae zoah ndang paenqdix. 16Miz dij goanz lai taeuq zowz puj chaej daj sowh puj zoah dij pi mwz ndang naeh, daeq le longq haenzhenz Yezluqsaxlaengx naeh maz, daengzle ndaej ya ndae nauq.
Dij Goanz Zawxkauq Yezsuz Zoah Daenh Haiq
17Goanz gvanx puj mbud dij Sen saeq dwx nyeuz daengzle naeh daj sowh puj daj dix hoak baih ndeu naeh, zoq zawh dij goanz paiq Saxduzgaiz, paenqdix leztaen gaenq naeh, ta'ndaem paenqdix daengz mboq zawh haxnyaeux. 18Yaq paenqdix zoq goangz dij goanz zawxkauq Yezsuz, aeu kaeng mwz ndaw lauz. 19Hwnz gaengnaeh, miz goanz bin dij Sen ux, aj baegdu ndaw lauz, lingz paenqdix og daeuj. 20Dix daj paenqdix hax: "Gaenqsu mwz gumhhongh rownz dij Sen, aeu sowh kauqfaengz Yezsuz hawj dij goanz ndaej aen mingh mawq naeh koanx dwk goanzlai." 21Dij goanz zawxkauq Yezsuz biak gaemz kauq naeh, sowh gau fax zaekgaj rungh naeh zoq mwz gumhhongh rownz dij Sen zau daenh. Goanz gvanx puj mbud dij Sen saeq dwx nyeuz daengzle naeh daj sowh puj daj dix hoak baih ndeu naeh rongx daengzle dij goanz ndaw hoiq puj Yaeuhtaiq#5:21 Dij goanz ndaw hoiq puj Yaeuhtaiq daengle miz jiatsip laux. Paenqdix zoanzmaenh gvanx puj Yaeuhtaiq hoakzaqrawz kvej dij Sen. daj sowh puj saeq gvanx puj Yixsowhleh hoakri naeh maz dungzlaemh, yaq nemz dij goanz bae ndaw lauz gaemh dij goanz zawxkauq Yezsuz maz. 22Gau puj dawzdu bae taeng ndaw lauz naeh, leztaen dij goanz zawxkauq Yezsuz mboq yuq ndaw lauz, zoq dauh maz haxdoq, 23hax: "Gaenqpiu leztaen baegdu ndaw lauz ngaemz ndae'ndowq, sowh puj dawz naeh goj in yuq baihnog baegdu, gaj aj baegdu lez, ndaw dix mboq taen goanz rawz." 24Goanz puj saeq dawz rownz dij Sen naeh daj sowh goanz gvanx puj mbud dij Sen naeh, ruxnyinz suq kauq naeh yaq, sawz taeuq, mboq ruxndeq zawh gaeng saeh. 25Sowh gau naeh, miz goanz maz hoakzaqnaeh haxdoq: "Sowh dij goanz su aeu kaeng ndaw lauz naeh, gannaeh yuq gumhhongh rownz dij Sen zau daenh." 26Yaq goanz puj saeq dawz rownz dij Sen naeh daj puj dawzdu bae zowz dij goanz zawxkauq Yezsuz maz, gajlej mboq ganz ndead paenqdix, unj paenqdix mbu goanzlai aeu tin saeuh paenqdix. 27Paenqdix zowz maz taeng yaq, zoq yaix dij goanz zawxkauq Yezsuz in doqnaj ndaw hoiq puj Yaeuhtaiq. Goanz gvanx puj mbud dij Sen saeq dwx nyeuz daengzle naeh hax paenqdix: 28"Gux haeuz saengq su zaeh zaeh, mboq jinx aeu sowh saeh naeh koanx dwk daenh. Gaj gaenqsu gajfa aeu dauqlix su koanx daengz chaenh Yezluqsaxlaengx nauq, goanz gaengnaeh haeuz zoah kaj yaq, su naengz goq finh finh, daz hawj piu tw'taeb." 29Bihdowh daj daengzle dij goanz zawxkauq Yezsuz yaeng: "Biak dij Sen hoj nyeuz biak dij goanz, gaenqpiu biak dij Sen zuxbaenz. 30Yezsuz, goanz su aeu dix lamh mwz ndaw maex tai naeh, dij Sen puj jeq rownz raeuz haeuz hawj dix daeuq zaeu yaq. 31Dij Sen yaeuj dix, hawj dix hoak hongz, hoak Zaeuj jeuq dij goanz, hawj dix yuq baih qensa hoakri, hoakzaqnaeh hawj zaw dij goanz Yixsowhleh hoak loang rux gaix, hawj gaenq hoakloang paenqdix ndaej yangq. 32Gaenqpiu ndaej ta'taen sowh saeh naeh, haxdoq su. Dij Sen aeu Minghkoan dix hawj sowh dij goanz biak kauq dix naeh, Minghkoan dij Sen goj haxdoq daenh sowh saeh naeh zawh zaeh."
33Dij goanz ndaw hoiq Yaeuhtaiq ruxnyinz yaq, jih daengz mboq zawh haxnyaeux, daz kaj dij goanz zawxkauq Yezsuz. 34Gaj miz goanz Fahliqsaiq ux, minxzwh rongx hoak Zazmaxleh, dix zawh sowh lauxswz aeu Sw Dij Sen zau daenh naeh, dix yuq ndaw hoiq puj Yaeuhtaiq zawh goanz ux, dix dwnq maz, nemz dij goanz zowz dij goanz zawxkauq Yezsuz bae baihnog goanq, 35yaq dix daj daengzle hax: "Dij goanz Yixsowhleh aj, hoaksaeh le goanz naeh, gaenqraeuz baenz caqsiq ixux. 36Koax daekgoanq, goanz Duqdah gaengnaeh hax hoakri haen zawzmboqraeuh, miz dij goanz nowngz dix teq siq baeg goanz ux naeh, dix zoah daenh kaj yaq, sowh puj nowngz dix naeh daengzle byaeg mwz rawz mwz nauq, mboq low goanz rawz. 37Doaklaeng, sowh zwz anq dij goanz naeh, goanz Yaeuhdaq ndaw mbanj Zazliqliq naeh coak daenh nowngz dix, dix goj zoah daenh kaj, dix tai yaq, sowh puj nowngz dix naeh goj goanz ux le byaeg mwz dih ux nauq. 38Gannaeh, gux chownq su, laek gvanx paenqdix, jizzaz paenqdix ndeh, gaenq paenqdix daz naeh daj gaenq paenqdix hoak naeh, jixzawh zawh dij goanz haeggaj hoak, toj hoak mwznaj mboq ndaej goah. 39Jixzawh zawh dij Sen yaix hoak, su toj ndaep paenqdix mboq ndaej, yaj gaenqsu fanj zoah dij Sen tem." 40Dij goanz ndaw hoiq biak gaemz dix, yaq rongx dij goanz zawxkauq Yezsuz maz, dup paenqdix mwngx ux, daeuq saengq paenqdix, mboq jinx aeu sowh saeh Yezsuz naeh zau daenh, yaq zoangq paenqdix. 41Dij goanz zawxkauq Yezsuz ni ndaw hoiq puj Yaeuhtaiq, paenqdix nwh taeng Zaeuj hawj paenqdix cho zwh Zaeuj zoah daenh qiz, ndaw zaw paenqdix zoq faengz taeuq. 42Paenqdix vaenz vaenz yuq gumhhongh rownz dij Sen daj bae hoak rownz rownz zau daenh, koanx kauqfaengz dwk daenh, haxdoq daenh Yezsuz zawh Jizduz.
Currently Selected:
Zawxkauq 5: ZHN
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.
Zawxkauq 5
5
Yaqnahnihyaq Daj Saxfaezlaz
1Miz goanz ux minxzwh rongx hoak Yaqnahnihyaq, dix daj mijmez dix Saxfaezlaz kai raehnaz, 2dix lupliamx aeu ngaenz leux mbangj, mijmez dix goj ruxndeq, dix aeu gaenq low naeh maz nyaengx bae doqnaj dij goanz zawxkauq Yezsuz. 3Bihdowh hax: "Yaqnahnihyaq! Mawz baenzzaqrawz hawj Sazdanz gvanx zaw mawz mux? Baenzzaqrawz haxyai Minghkoan dij Sen, lupliamx aeu sowh ngaenz kai raehnaz ndaej naeh leux mbangj mux? 4Zwz raehnaz mawz naengz mboq kai naeh, mboq zawh gaenq hoakri mawz lox? Kai yaq, sowh ngaenz kai ndaej naeh, mboq zawh mawz ngaiq aeu hoakrawz zoq aeu hoakrawz lox? Gaj mawz baenzzaqrawz miz sowh sai'zaw naeh mux? Mawz mboq zawh haxyai dij goanz ah, zawh haxyai dij Sen mbyah!" 5Yaqnahnihyaq daeh ruxnyinz gaemz kauq naeh, zoq hub laemx, kaedzaw. Sowh puj ruxnyinz naeh, gawz goj mbu taeuq. 6Miz jij goanz puj reauh ux, toq dix, tam dix bae moak. 7Gvaq ndaej teq sam aen zungztaeuh ux naeh, mijmez Yaqnahnihyaq ndonj maz, naengz mboq ruxndeq miz gaeng saeh. 8Bihdowh cham dix: "Mawz ciq haxdoq gux mbaed ux, sowh ngaenz su kai raehnaz ndaej naeh zawh suq naeh vah? "Dix yaeng: "Aenh, ndaej gaenh nez." 9Bihdowh hax: "Gaenqsu baenzzaqrawz hoak zawdoag daeg Minghkoan Zaeuj mux? Sowh puj aeu po mawz bae moak naeh haeuz maz taeng baegdu yah, paenqdix goj tam mawz bae." 10Saxfaezlaz cenq laemx bae doqnaj din Bihdowh, kaedzaw. Le goanz puj reauh naeh ndonj maz, leztaen dix haeuz tai, zoq tam og bae, aeu dix bae moak haenz po dix. 11Daengzle dij goanz zauqhoiq daj sowh dij goanz ruxnyinz mbaed saeh naeh, gaj goanz gaj mbu taeuq.
Zaeuj Hawj Dij Goanz Zawxkauq Yezsuz Rux Hoak Sowh Saenh Yaengh Saenh Naeh Lai Taeuq
12Zaeuj aeu mungz dij goanz zawxkauq Yezsuz yuq haenz daengzle hoak sowh saeh ndaw fax naeh daj sowh saeh mboq sanz taen naeh lai taeuq. Cohsaenz Yezsuz daengzle hoak zawdoag maz aen yauj Soaxloahmaenh naeh zaemh yuq. 13Puj ndai mboq ganz maz haenz paenqdix, gaj lezndaejqix paenqdix taeuq. 14Puj sinq Zaeuj gaj laeng gaj raengh, puj nyingz puj zaiz goj miz lai. 15Naengz miz dij goanz tam puj chaej bae hangzhw, aeu nyaengx now tanj, now faz, ngwz Bihdowh gvaq zoah gaurawz ngaeuz dix yaz bae zoah ndang paenqdix. 16Miz dij goanz lai taeuq zowz puj chaej daj sowh puj zoah dij pi mwz ndang naeh, daeq le longq haenzhenz Yezluqsaxlaengx naeh maz, daengzle ndaej ya ndae nauq.
Dij Goanz Zawxkauq Yezsuz Zoah Daenh Haiq
17Goanz gvanx puj mbud dij Sen saeq dwx nyeuz daengzle naeh daj sowh puj daj dix hoak baih ndeu naeh, zoq zawh dij goanz paiq Saxduzgaiz, paenqdix leztaen gaenq naeh, ta'ndaem paenqdix daengz mboq zawh haxnyaeux. 18Yaq paenqdix zoq goangz dij goanz zawxkauq Yezsuz, aeu kaeng mwz ndaw lauz. 19Hwnz gaengnaeh, miz goanz bin dij Sen ux, aj baegdu ndaw lauz, lingz paenqdix og daeuj. 20Dix daj paenqdix hax: "Gaenqsu mwz gumhhongh rownz dij Sen, aeu sowh kauqfaengz Yezsuz hawj dij goanz ndaej aen mingh mawq naeh koanx dwk goanzlai." 21Dij goanz zawxkauq Yezsuz biak gaemz kauq naeh, sowh gau fax zaekgaj rungh naeh zoq mwz gumhhongh rownz dij Sen zau daenh. Goanz gvanx puj mbud dij Sen saeq dwx nyeuz daengzle naeh daj sowh puj daj dix hoak baih ndeu naeh rongx daengzle dij goanz ndaw hoiq puj Yaeuhtaiq#5:21 Dij goanz ndaw hoiq puj Yaeuhtaiq daengle miz jiatsip laux. Paenqdix zoanzmaenh gvanx puj Yaeuhtaiq hoakzaqrawz kvej dij Sen. daj sowh puj saeq gvanx puj Yixsowhleh hoakri naeh maz dungzlaemh, yaq nemz dij goanz bae ndaw lauz gaemh dij goanz zawxkauq Yezsuz maz. 22Gau puj dawzdu bae taeng ndaw lauz naeh, leztaen dij goanz zawxkauq Yezsuz mboq yuq ndaw lauz, zoq dauh maz haxdoq, 23hax: "Gaenqpiu leztaen baegdu ndaw lauz ngaemz ndae'ndowq, sowh puj dawz naeh goj in yuq baihnog baegdu, gaj aj baegdu lez, ndaw dix mboq taen goanz rawz." 24Goanz puj saeq dawz rownz dij Sen naeh daj sowh goanz gvanx puj mbud dij Sen naeh, ruxnyinz suq kauq naeh yaq, sawz taeuq, mboq ruxndeq zawh gaeng saeh. 25Sowh gau naeh, miz goanz maz hoakzaqnaeh haxdoq: "Sowh dij goanz su aeu kaeng ndaw lauz naeh, gannaeh yuq gumhhongh rownz dij Sen zau daenh." 26Yaq goanz puj saeq dawz rownz dij Sen naeh daj puj dawzdu bae zowz dij goanz zawxkauq Yezsuz maz, gajlej mboq ganz ndead paenqdix, unj paenqdix mbu goanzlai aeu tin saeuh paenqdix. 27Paenqdix zowz maz taeng yaq, zoq yaix dij goanz zawxkauq Yezsuz in doqnaj ndaw hoiq puj Yaeuhtaiq. Goanz gvanx puj mbud dij Sen saeq dwx nyeuz daengzle naeh hax paenqdix: 28"Gux haeuz saengq su zaeh zaeh, mboq jinx aeu sowh saeh naeh koanx dwk daenh. Gaj gaenqsu gajfa aeu dauqlix su koanx daengz chaenh Yezluqsaxlaengx nauq, goanz gaengnaeh haeuz zoah kaj yaq, su naengz goq finh finh, daz hawj piu tw'taeb." 29Bihdowh daj daengzle dij goanz zawxkauq Yezsuz yaeng: "Biak dij Sen hoj nyeuz biak dij goanz, gaenqpiu biak dij Sen zuxbaenz. 30Yezsuz, goanz su aeu dix lamh mwz ndaw maex tai naeh, dij Sen puj jeq rownz raeuz haeuz hawj dix daeuq zaeu yaq. 31Dij Sen yaeuj dix, hawj dix hoak hongz, hoak Zaeuj jeuq dij goanz, hawj dix yuq baih qensa hoakri, hoakzaqnaeh hawj zaw dij goanz Yixsowhleh hoak loang rux gaix, hawj gaenq hoakloang paenqdix ndaej yangq. 32Gaenqpiu ndaej ta'taen sowh saeh naeh, haxdoq su. Dij Sen aeu Minghkoan dix hawj sowh dij goanz biak kauq dix naeh, Minghkoan dij Sen goj haxdoq daenh sowh saeh naeh zawh zaeh."
33Dij goanz ndaw hoiq Yaeuhtaiq ruxnyinz yaq, jih daengz mboq zawh haxnyaeux, daz kaj dij goanz zawxkauq Yezsuz. 34Gaj miz goanz Fahliqsaiq ux, minxzwh rongx hoak Zazmaxleh, dix zawh sowh lauxswz aeu Sw Dij Sen zau daenh naeh, dix yuq ndaw hoiq puj Yaeuhtaiq zawh goanz ux, dix dwnq maz, nemz dij goanz zowz dij goanz zawxkauq Yezsuz bae baihnog goanq, 35yaq dix daj daengzle hax: "Dij goanz Yixsowhleh aj, hoaksaeh le goanz naeh, gaenqraeuz baenz caqsiq ixux. 36Koax daekgoanq, goanz Duqdah gaengnaeh hax hoakri haen zawzmboqraeuh, miz dij goanz nowngz dix teq siq baeg goanz ux naeh, dix zoah daenh kaj yaq, sowh puj nowngz dix naeh daengzle byaeg mwz rawz mwz nauq, mboq low goanz rawz. 37Doaklaeng, sowh zwz anq dij goanz naeh, goanz Yaeuhdaq ndaw mbanj Zazliqliq naeh coak daenh nowngz dix, dix goj zoah daenh kaj, dix tai yaq, sowh puj nowngz dix naeh goj goanz ux le byaeg mwz dih ux nauq. 38Gannaeh, gux chownq su, laek gvanx paenqdix, jizzaz paenqdix ndeh, gaenq paenqdix daz naeh daj gaenq paenqdix hoak naeh, jixzawh zawh dij goanz haeggaj hoak, toj hoak mwznaj mboq ndaej goah. 39Jixzawh zawh dij Sen yaix hoak, su toj ndaep paenqdix mboq ndaej, yaj gaenqsu fanj zoah dij Sen tem." 40Dij goanz ndaw hoiq biak gaemz dix, yaq rongx dij goanz zawxkauq Yezsuz maz, dup paenqdix mwngx ux, daeuq saengq paenqdix, mboq jinx aeu sowh saeh Yezsuz naeh zau daenh, yaq zoangq paenqdix. 41Dij goanz zawxkauq Yezsuz ni ndaw hoiq puj Yaeuhtaiq, paenqdix nwh taeng Zaeuj hawj paenqdix cho zwh Zaeuj zoah daenh qiz, ndaw zaw paenqdix zoq faengz taeuq. 42Paenqdix vaenz vaenz yuq gumhhongh rownz dij Sen daj bae hoak rownz rownz zau daenh, koanx kauqfaengz dwk daenh, haxdoq daenh Yezsuz zawh Jizduz.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Peace Publishing Co. All rights reserved.