Salmos 1
1
LIBRO 1
Ay yutsil ta melel
1Bin nax me yutsil te ants-winic
te ma st'unbey sbe te mach'atic amen yo'tanique,
te ma sc'ainbey yat'elic te mach'atic yat'elinejic sleel smulique,
soc te ma junuc yo'tan sba soc te mach'atic ya slabanic te Diose,
2te ja' bin nax yo'tan yu'un smandal te Cajwaltique,
te ja' nax baem ta yo'tan snopilayel ta c'aal ajc'ubal.
3Jich c'oem te bit'il te' te ts'unbil ta ti'muc'ja',#Job 29.19; Jer 17.8.
te ya yac' sit ta yoraile soc te ma xlubaj te yabenale.
Spisil te bila ya spase lec ya xc'ot ta loq'uel.
4Ma jichuc stuquelic te mach'atic amen yo'tanique,
jichic me te bit'il sulil trigo te ya xlicotic bael yu'un ic'.#Job 21.18; Jer 13.24; Os 13.3; Sof 2.2.
5Jich yu'un te mach'atic amen yo'tanique
ya x'ac'bot stojic te c'alal ya sta yorail te ya x'albot te smulique;
te mach'atic ay smulic ma x'ac'otic ochel ta bay te mach'atic lec yo'tanique.
6Te Cajwaltique ya scanantay ta beel te mach'atic lec yo'tanique,
yan te mach'atic amen yo'tanique sbelal ch'ayel ya xbajt' stuquelic.#Pr 4.18-19; Mt 7.13-14.
Currently Selected:
Salmos 1: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.