Nahúm 2
2
1Aiya awaiy stojol, Nínive, te jinwanej
yaquix ta beel tel ta atojol.
Chajbana abaic, canantaya abaic ta yutil te tulanil ts'ajq'ue.
Ilawilic te bee.
Chuca me ta ach'ujt' te apuñale.
Ya me atsob tel ta spisil te soldadoetic awu'une.
2Melel te Cajwaltic ya sujt'esbey yutsilal Jacob,
ja' te yutsilal Israel.
Jich nix bit'il ta neelal, te la apojbey baele,
t'anal la awijq'uitayic jilel
jich bit'il ste'el ts'usub te ma'yuc sc'ab ya xjile.
3Tsaj me smajq'uilic te soldadoetic,
soc tsaj nix te sc'u'-spaq'uique.
Chapalic yu'un te ya xtal yaq'uic guerra.
Te carretaetic yu'unic jich bit'il c'ajc' yilel;
te caballoetic mero ma sc'anic comel.
4Te carretaetic ya x'animajic ta calleetic,
ay sc'ajc'al yo'tanic yilel,
bayuc nax ya xbajt'ic ta yolil lum.
Jichic yilel te bit'il tsumbil c'ajc' te yac ta tilele;
jich xlemlajan nax ya xc'ax te bit'il tsantsewal.
5Ya yic' tel sjo'tac te muc' ajwalile,
ya sc'ojch'in sbaic ta beel c'alal ya x'animajic bael ta ts'ajc',
chajbanbilix te bay ya scoltay sbaique.
6Ya sjamic te sti' ts'ajc'ul ta bay te muc'ja'e;
te palacio yu'un te ajwalile ya xjin coel ta lum.
7Te yinam te muc' ajwalil ya x'ic'ot bael ta mosoil,
ya sjoinic bael te criadaetic yu'une.
Jich ya x'ajc'anajic te bit'il stsumutetic,
soc ya smajulay yo'tanic ta oq'uel.
8Jich bit'il ja' ya xmal loq'uel ta bay lomen ts'ajc'ul,
jich ya x'anic loq'uel te yajwal lum Nínive.
“Coma abaic. Sujt'anic tel”, xi' ta yawtaybelic;
ja'uc me to, ma'yuc mach'a ya sujt' tel.
9Elc'anaic bael plata, soc oro.
Te sc'ulejal Nínive ma'yuc slajibal.
10Lajinotix, jojch'ajix, t'analix jilel,
jich ayix te lum Nínive.
Ya xjinix yo'tanic yu'un te xiwele;
ya xnijq'uic te sjol yacanique.
Ta spisilic ma'yuquix yipic
soc sacuben yelawic yu'un xiwel.
11¿Banti ay te muc'ul lum te pajal soc xch'en te león-chojetique
soc xch'en te alal león-chojetique?
Te león-chojetic soc te yalataque
jun nax yo'tanic ta neelal;
ma'yuc mach'a la xiwtes.
12Te león-choj la stsac smil te bila la stae,
la spucbey te yantsilel soc te alal león-chojetic yu'une.
Noj ta milbil chambalam te nailch'en yu'unique.
Jinot ta jc'axel lum Nínive
13Te Cajwaltic te Spisil ya xju' yu'une
tulan ya yal:
—Li' ayon to ta jcontroinbelat.
Ya jchic'bat te carretaetic awu'un ta guerra,
ya jc'atp'unbat ta ch'ail.
Ya jmilbat te alal león-chojetic awu'une;
ya jtup' te elec' ay ta alumale.
Soc ma me ayuquix ya x'aiyot stojol sc'op abatetic awu'un —xi'.
Currently Selected:
Nahúm 2: TZOXCH
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.
Nahúm 2
2
1Aiya awaiy stojol, Nínive, te jinwanej
yaquix ta beel tel ta atojol.
Chajbana abaic, canantaya abaic ta yutil te tulanil ts'ajq'ue.
Ilawilic te bee.
Chuca me ta ach'ujt' te apuñale.
Ya me atsob tel ta spisil te soldadoetic awu'une.
2Melel te Cajwaltic ya sujt'esbey yutsilal Jacob,
ja' te yutsilal Israel.
Jich nix bit'il ta neelal, te la apojbey baele,
t'anal la awijq'uitayic jilel
jich bit'il ste'el ts'usub te ma'yuc sc'ab ya xjile.
3Tsaj me smajq'uilic te soldadoetic,
soc tsaj nix te sc'u'-spaq'uique.
Chapalic yu'un te ya xtal yaq'uic guerra.
Te carretaetic yu'unic jich bit'il c'ajc' yilel;
te caballoetic mero ma sc'anic comel.
4Te carretaetic ya x'animajic ta calleetic,
ay sc'ajc'al yo'tanic yilel,
bayuc nax ya xbajt'ic ta yolil lum.
Jichic yilel te bit'il tsumbil c'ajc' te yac ta tilele;
jich xlemlajan nax ya xc'ax te bit'il tsantsewal.
5Ya yic' tel sjo'tac te muc' ajwalile,
ya sc'ojch'in sbaic ta beel c'alal ya x'animajic bael ta ts'ajc',
chajbanbilix te bay ya scoltay sbaique.
6Ya sjamic te sti' ts'ajc'ul ta bay te muc'ja'e;
te palacio yu'un te ajwalile ya xjin coel ta lum.
7Te yinam te muc' ajwalil ya x'ic'ot bael ta mosoil,
ya sjoinic bael te criadaetic yu'une.
Jich ya x'ajc'anajic te bit'il stsumutetic,
soc ya smajulay yo'tanic ta oq'uel.
8Jich bit'il ja' ya xmal loq'uel ta bay lomen ts'ajc'ul,
jich ya x'anic loq'uel te yajwal lum Nínive.
“Coma abaic. Sujt'anic tel”, xi' ta yawtaybelic;
ja'uc me to, ma'yuc mach'a ya sujt' tel.
9Elc'anaic bael plata, soc oro.
Te sc'ulejal Nínive ma'yuc slajibal.
10Lajinotix, jojch'ajix, t'analix jilel,
jich ayix te lum Nínive.
Ya xjinix yo'tanic yu'un te xiwele;
ya xnijq'uic te sjol yacanique.
Ta spisilic ma'yuquix yipic
soc sacuben yelawic yu'un xiwel.
11¿Banti ay te muc'ul lum te pajal soc xch'en te león-chojetique
soc xch'en te alal león-chojetique?
Te león-chojetic soc te yalataque
jun nax yo'tanic ta neelal;
ma'yuc mach'a la xiwtes.
12Te león-choj la stsac smil te bila la stae,
la spucbey te yantsilel soc te alal león-chojetic yu'une.
Noj ta milbil chambalam te nailch'en yu'unique.
Jinot ta jc'axel lum Nínive
13Te Cajwaltic te Spisil ya xju' yu'une
tulan ya yal:
—Li' ayon to ta jcontroinbelat.
Ya jchic'bat te carretaetic awu'un ta guerra,
ya jc'atp'unbat ta ch'ail.
Ya jmilbat te alal león-chojetic awu'une;
ya jtup' te elec' ay ta alumale.
Soc ma me ayuquix ya x'aiyot stojol sc'op abatetic awu'un —xi'.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia en Tzeltal de Oxchuc y Tenejapa © Sociedad Bíblica de México, A.C., 2001.