Ruum 16
16
Salam di Poulus
1Popointutun oku dikovu di iso sulod tokou tongondu, i Pibia ngaran. Isido nopo diti nga muup di pakarajaan do Tuhan si poiuuntunan do tulun di aparsaya silo Bandar Kingkiria. 2Aandai do sombuton muju isido miinong diri gaagaya di apatut di tulun do songonuvon di Kinoringan do isido nogi nga sanganu do Tuhan. Om tulungon mujuno isido nong kivaro iri pokitulungon disido dikovu, do antangaipo isido nga oguu tulun tinulungjo om ioku kondiri nogi nga tinulung disido.
3Om pasampajono dogo do kirim salamku di Porikila om iOukil, iolono songkoruanganku kumaraja si di Koristus Yisus. 4Om iolo nopo diti nga oruaino napatai do monulung dogo. Ioku nga monorimakasi marong diolo om kasangkat do tongopoiuuntunan di tulun okonko bansa Joudi nogi nga monorimakasi diolo. 5Om kirim salam oku nogi di poiuuntunan di tongotulun di aparsaya iri mongoi kumumpul si valai di Porikila om iOukil.
Om kirim salam oku nogi diOpinitus sulod tokou di au kojuuanku. Om isidono iri togina do naparsaya di Koristus do mantad si Vonuvo Osia. 6Om kirim salam oku nogi di Moria i okuat marong monulung dikovu sino. 7Om kirim salam oku nogi di Durunikus om i Juni, do iolo nga sabansakui om nokoinam nakavaja poinjiil. Om iolono iri nakabantug si di tongosusuuon di Yisus vokon om i nokopogulu mantad dogo naparsaya di Yisus. 8Om kirim salam oku di Piliantus i au kojuuanku sabap kopiiso ikoi di Tuhan. 9Om kirim salam oku diUrbanus i songkoruanganja kumaraja si di Koristus. Om kirim salam oku di Satakis i au kojuuanku. 10Om kirim salam oku diOpilis iri noilaan do rumalan marong si di Koristus. Om kirim salam oku nogi si di sampaganakan di Aristobul. 11Om kirim salam oku diOrudi, i sabansaku. Om kirim salam oku di tongokosuladan tokou i sampagakan di Nokisus iri naparsaya di Tuhan.
12Om kirim salam oku di Toripina om i Toripusa, sulod tokou tongondu di kumaraja diti karaja do Tuhan. Om nogi kirim salam oku di Pirsi iri au kojuuan tokou, isido nga osukup koujanan do kumaraja diti karaja do Tuhan. 13Om kirim salam oku nogi di Rupus iri nopili om nabantug saralom pakarajaan do Tuhan. Om kirim salam oku nogi diinojo, iri mananganak dogo. 14Om kirim salam oku nogi di Singkoritus, i Poligun, i Rimis, i Poturubas, om i Rimas om kasangkat do tongokosuladan i siri diolo. 15Om kirim salam oku nogi di Pilogus, i Julia, i Norius om i sulodjo tongondu, om iOulumpas om kasangkat di tulun di songonuvon di Kinoringan siri diolo.
16Poisalam-salam kouno inong di pananalam do poisusuladan saralom di Koristus. Kasangkat do tulun mantad di tongopoiuuntunan di tulun di aparsaya siti nga pokirim salam dikovu sino.
Oporlu do Ondomon
17Oou kosusuladanku, mokianu oku dikovu supaya antatangan mujuno i tongotulun di lumavan do ponudukan di nituduk dikovu. Iolo nopo diri nga popirijang dikovu om mamajajat do mamalid dikovu, jadi misti do minsodu kou diolo diri. 18Do tongotulun nopo do irad dino nga okoniko pakaraja si di Koristus, i Tuhan tokou, nga iri nopo tuan diolo nga i kouvangan do kojuvanjo kondiri. Aandai katatangaro om oomis i kakabango diolo monoro di tongotulun di aupo nokoiri di karaato diolo. 19Asanang marong i ginavoku do nokoilo kasangkat i tongotulun do maja kou marong diri ponudukan pasal di Abar do Aandai. Nga aarap oku nogi do opintar kou do onuu nopo iri aandai, nga misimbudu kou diri vaalon di araat.
20Nong irad dino kou, i Kinoringan nopo i nontodon do kopiandaian do ginavo nga pamanang dikovu kosikap supaya piulok-ulakan muju i Soitan, i kotua do rogon.
Om mokianu oku di Yisus Koristus i Tuhan tokou supaya soumur opuavang mamarakat dikovu.
21Om pokirim salam dikovu i Tomotius iri songkoruanganku kumaraja. Om pokirim salam i Lukius, i Jison om i Suspitar, iolo diti sabansakui.
22Ioku nopo diti i Totius i tukang tulis do surat diti nga pokirim salam dikovu kasangkat iri aparsaya di Tuhan.
23Om i Gayus nogi nga pokirim salam dikovu. Om siti valai disido ijononku om siti nogi nuntunon di tongotulun di aparsaya.
Om iAratus i momimiara do siin si porinta saralom bandar diti nga pokirim salam dikovu. Om i Kawartus nga pokirim salam dikovu, isido nga sulod tokou.
24[Mokianu oku di Yisus Koristus i Tuhan tokou supaya opuavang mamarakat kasangkat dikovu. Amin.]
Rojoon i Kinoringan
25Rojoo tokouno i Kinoringan, do Isidono kikuasa papatatap dino ginavo muju do mantad di Abar do Aandai pasal di Yisus Koristus iri niabarku. Om nombo nopo iri nipointalang do Kinoringan dogo pasal diri gaagayaJo momijau di tongotulun i aparsaya Disido nga irino iabarku. Om iri nopo nga aupo nivantang di Kinoringan si di tongotulun mantad di pogulupo. 26Om iri nopo aupo nivantang di pogulupo nga pinavantangno marong maino diri pinintulisan di tongonabi, i popolombus di tinangaran do Kinoringan. Om maja diri isuu di Kinoringan Diri Auso Tinimpuunon om Koovion, abar diti polombuson siri kasangkat do bansa supaya abasa di tongotulun, om aparsayai iolo di Kinoringan om mangasip di tinangaranJo.
27I Kinoringanno i sosoiso om Isido noo i opintar marong, sabap diri rojoo tokouno Isido gosob salaid-laid auso kotingkadan om pangarajou#16:27 pangarajou: pongompod tokou di Kinoringan nga mantad di Yisus Koristus. Amin.
Mantad dogo,
Poulus
Currently Selected:
Ruum 16: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Ruum 16
16
Salam di Poulus
1Popointutun oku dikovu di iso sulod tokou tongondu, i Pibia ngaran. Isido nopo diti nga muup di pakarajaan do Tuhan si poiuuntunan do tulun di aparsaya silo Bandar Kingkiria. 2Aandai do sombuton muju isido miinong diri gaagaya di apatut di tulun do songonuvon di Kinoringan do isido nogi nga sanganu do Tuhan. Om tulungon mujuno isido nong kivaro iri pokitulungon disido dikovu, do antangaipo isido nga oguu tulun tinulungjo om ioku kondiri nogi nga tinulung disido.
3Om pasampajono dogo do kirim salamku di Porikila om iOukil, iolono songkoruanganku kumaraja si di Koristus Yisus. 4Om iolo nopo diti nga oruaino napatai do monulung dogo. Ioku nga monorimakasi marong diolo om kasangkat do tongopoiuuntunan di tulun okonko bansa Joudi nogi nga monorimakasi diolo. 5Om kirim salam oku nogi di poiuuntunan di tongotulun di aparsaya iri mongoi kumumpul si valai di Porikila om iOukil.
Om kirim salam oku nogi diOpinitus sulod tokou di au kojuuanku. Om isidono iri togina do naparsaya di Koristus do mantad si Vonuvo Osia. 6Om kirim salam oku nogi di Moria i okuat marong monulung dikovu sino. 7Om kirim salam oku nogi di Durunikus om i Juni, do iolo nga sabansakui om nokoinam nakavaja poinjiil. Om iolono iri nakabantug si di tongosusuuon di Yisus vokon om i nokopogulu mantad dogo naparsaya di Yisus. 8Om kirim salam oku di Piliantus i au kojuuanku sabap kopiiso ikoi di Tuhan. 9Om kirim salam oku diUrbanus i songkoruanganja kumaraja si di Koristus. Om kirim salam oku di Satakis i au kojuuanku. 10Om kirim salam oku diOpilis iri noilaan do rumalan marong si di Koristus. Om kirim salam oku nogi si di sampaganakan di Aristobul. 11Om kirim salam oku diOrudi, i sabansaku. Om kirim salam oku di tongokosuladan tokou i sampagakan di Nokisus iri naparsaya di Tuhan.
12Om kirim salam oku di Toripina om i Toripusa, sulod tokou tongondu di kumaraja diti karaja do Tuhan. Om nogi kirim salam oku di Pirsi iri au kojuuan tokou, isido nga osukup koujanan do kumaraja diti karaja do Tuhan. 13Om kirim salam oku nogi di Rupus iri nopili om nabantug saralom pakarajaan do Tuhan. Om kirim salam oku nogi diinojo, iri mananganak dogo. 14Om kirim salam oku nogi di Singkoritus, i Poligun, i Rimis, i Poturubas, om i Rimas om kasangkat do tongokosuladan i siri diolo. 15Om kirim salam oku nogi di Pilogus, i Julia, i Norius om i sulodjo tongondu, om iOulumpas om kasangkat di tulun di songonuvon di Kinoringan siri diolo.
16Poisalam-salam kouno inong di pananalam do poisusuladan saralom di Koristus. Kasangkat do tulun mantad di tongopoiuuntunan di tulun di aparsaya siti nga pokirim salam dikovu sino.
Oporlu do Ondomon
17Oou kosusuladanku, mokianu oku dikovu supaya antatangan mujuno i tongotulun di lumavan do ponudukan di nituduk dikovu. Iolo nopo diri nga popirijang dikovu om mamajajat do mamalid dikovu, jadi misti do minsodu kou diolo diri. 18Do tongotulun nopo do irad dino nga okoniko pakaraja si di Koristus, i Tuhan tokou, nga iri nopo tuan diolo nga i kouvangan do kojuvanjo kondiri. Aandai katatangaro om oomis i kakabango diolo monoro di tongotulun di aupo nokoiri di karaato diolo. 19Asanang marong i ginavoku do nokoilo kasangkat i tongotulun do maja kou marong diri ponudukan pasal di Abar do Aandai. Nga aarap oku nogi do opintar kou do onuu nopo iri aandai, nga misimbudu kou diri vaalon di araat.
20Nong irad dino kou, i Kinoringan nopo i nontodon do kopiandaian do ginavo nga pamanang dikovu kosikap supaya piulok-ulakan muju i Soitan, i kotua do rogon.
Om mokianu oku di Yisus Koristus i Tuhan tokou supaya soumur opuavang mamarakat dikovu.
21Om pokirim salam dikovu i Tomotius iri songkoruanganku kumaraja. Om pokirim salam i Lukius, i Jison om i Suspitar, iolo diti sabansakui.
22Ioku nopo diti i Totius i tukang tulis do surat diti nga pokirim salam dikovu kasangkat iri aparsaya di Tuhan.
23Om i Gayus nogi nga pokirim salam dikovu. Om siti valai disido ijononku om siti nogi nuntunon di tongotulun di aparsaya.
Om iAratus i momimiara do siin si porinta saralom bandar diti nga pokirim salam dikovu. Om i Kawartus nga pokirim salam dikovu, isido nga sulod tokou.
24[Mokianu oku di Yisus Koristus i Tuhan tokou supaya opuavang mamarakat kasangkat dikovu. Amin.]
Rojoon i Kinoringan
25Rojoo tokouno i Kinoringan, do Isidono kikuasa papatatap dino ginavo muju do mantad di Abar do Aandai pasal di Yisus Koristus iri niabarku. Om nombo nopo iri nipointalang do Kinoringan dogo pasal diri gaagayaJo momijau di tongotulun i aparsaya Disido nga irino iabarku. Om iri nopo nga aupo nivantang di Kinoringan si di tongotulun mantad di pogulupo. 26Om iri nopo aupo nivantang di pogulupo nga pinavantangno marong maino diri pinintulisan di tongonabi, i popolombus di tinangaran do Kinoringan. Om maja diri isuu di Kinoringan Diri Auso Tinimpuunon om Koovion, abar diti polombuson siri kasangkat do bansa supaya abasa di tongotulun, om aparsayai iolo di Kinoringan om mangasip di tinangaranJo.
27I Kinoringanno i sosoiso om Isido noo i opintar marong, sabap diri rojoo tokouno Isido gosob salaid-laid auso kotingkadan om pangarajou#16:27 pangarajou: pongompod tokou di Kinoringan nga mantad di Yisus Koristus. Amin.
Mantad dogo,
Poulus
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.