Ruum 13
13
Tonggungan Tokou si di Porinta
1Pointikid-tikid do tulun misti do mikubobojo do kuasawon di porinta, do kuasajo nopo diri nga mantad di Kinoringan. Om kasangkat diri porinta do maino nga tinantu do Kinoringan nogi. 2Sabap diri do isaai nopo lumavan do porinta om isidono iri lumavan di naatur mantad di Kinoringan. Om irad nopo diri kaayang isido do pongukuman di kojuvanjo kondiri. 3Do ii nopo porinta diri nga okoniko poporosi di tongotulun do aandai, nga poporosi di tongotulun di araat. Nong au kou uvang rumosi di tulun di kikuasa, vaalon mujuno iri aandai om rojoon kovi disido, 4do isidono susuuon di Kinoringan do manaak do kasanangan muju. Nga nong mamaal kou di araat, apatut do rumosi kou diri tulun porinta do kikuasa isido, insan mongukum gosob do apatai nga obuli. Om nogi isidono i susuuon di Kinoringan do mongungukum diri tulun di mamaal do araat. 5Nong irad dino, misti do mikubobojo kou di kuasa do porinta, sabap rumosi kouno do ukuman di Kinoringan om nogi supaya aandai i kopurimanan do ginavo muju.
6Om irino sabap do monukai kou siri porinta, do porinta nopo diri nga susuuon di Kinoringan do rumalan mamaal di karajajo do monguasa. 7Oviono mamarai i tutang muju di apatut do barajan muju, irad di lisin di apatut do barajan, om i sukai di apatut do barajan muju, om papagajo di tulun i apatut do poinggojoon muju, om mongurumat do tulun di apatut do ourumaton muju.
Tonggungan Tokou si di Tongotulun Vokon
8Ada kou pongutang do onuu nopo si do vokon, nga moisusuli kou nono do moiutang-utang do au kojuu do vokon. Do isai iri au kojuu do tulun vokon om irino kavaja marong kasangkat di Undang-undang Ugama do Joudi. 9Do kivaro pointulis siri Undang-undang Ugama do, “Adano lumapau om adano mamamatai do tulun, om adano manakau om adano moitaai-taai,” ka. Om i Undang-undang Ugama vokon mantad dino nga isoi ko saralom diti tinangaran do, “Misti do au kojuuko di tulun vokon irad dino kojuvannu kondiri,” ka.#Antangai Kinolobusan 20:13-15, 17; Gulion 5:17-19, 21; Imam 19:18.#Antangai Lukas 10:27. 10Isaai nopo au kojuu do tulun vokon om okoniko karaat disido. Iradno diri, iri nopo nisuu do au kojuu nga irino poporikot di tujuan di Undang-undang Ugama do Joudi.
11-12Om misti kou moisusuli do au kojuu sabap nokoilo kouno diti do maino do alaidno kinotuvangan diti vonuvo, om oruaino minanavau do rumikot i Yisus Koristus. Norikotno i maso do koposikan. Tungag kouno, do i pogulupo i kaparsaya tokou nogi di Yisus alaidpo aanu tokou i kovijaan soi suruga, nga do maino nopo dii nga muai-ruaino korikot soi suruga. Sabap diri do tingkadai tokouno i gaagaya tokou i araat irad di siripo totuvong, om kuutai tokouno i kovijaan di oinomod irad di soujor manansabung do ponirung di kojuvanjo si tanavau. 13Om tumilombus tokouno paandai diri gaagaya tokou miirad do kovijaan si tanavau. Ada tokou moginakanon do auso gosob, om ada tokou moginovukan, om ada tokou mamaal kalalasu, om ada tokou monongondu, om ada tokou kumiodu, om ada tokou tumaai#13:13 tumaai: dumangi do vokon. 14Om ada tokou minsoromo kavagu diri gaagaya di araat do pomobos do ginavo tokou, nga poboyoo i Tuhan Yisus Koristus tumatap si kovijaan tokou.
Currently Selected:
Ruum 13: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Ruum 13
13
Tonggungan Tokou si di Porinta
1Pointikid-tikid do tulun misti do mikubobojo do kuasawon di porinta, do kuasajo nopo diri nga mantad di Kinoringan. Om kasangkat diri porinta do maino nga tinantu do Kinoringan nogi. 2Sabap diri do isaai nopo lumavan do porinta om isidono iri lumavan di naatur mantad di Kinoringan. Om irad nopo diri kaayang isido do pongukuman di kojuvanjo kondiri. 3Do ii nopo porinta diri nga okoniko poporosi di tongotulun do aandai, nga poporosi di tongotulun di araat. Nong au kou uvang rumosi di tulun di kikuasa, vaalon mujuno iri aandai om rojoon kovi disido, 4do isidono susuuon di Kinoringan do manaak do kasanangan muju. Nga nong mamaal kou di araat, apatut do rumosi kou diri tulun porinta do kikuasa isido, insan mongukum gosob do apatai nga obuli. Om nogi isidono i susuuon di Kinoringan do mongungukum diri tulun di mamaal do araat. 5Nong irad dino, misti do mikubobojo kou di kuasa do porinta, sabap rumosi kouno do ukuman di Kinoringan om nogi supaya aandai i kopurimanan do ginavo muju.
6Om irino sabap do monukai kou siri porinta, do porinta nopo diri nga susuuon di Kinoringan do rumalan mamaal di karajajo do monguasa. 7Oviono mamarai i tutang muju di apatut do barajan muju, irad di lisin di apatut do barajan, om i sukai di apatut do barajan muju, om papagajo di tulun i apatut do poinggojoon muju, om mongurumat do tulun di apatut do ourumaton muju.
Tonggungan Tokou si di Tongotulun Vokon
8Ada kou pongutang do onuu nopo si do vokon, nga moisusuli kou nono do moiutang-utang do au kojuu do vokon. Do isai iri au kojuu do tulun vokon om irino kavaja marong kasangkat di Undang-undang Ugama do Joudi. 9Do kivaro pointulis siri Undang-undang Ugama do, “Adano lumapau om adano mamamatai do tulun, om adano manakau om adano moitaai-taai,” ka. Om i Undang-undang Ugama vokon mantad dino nga isoi ko saralom diti tinangaran do, “Misti do au kojuuko di tulun vokon irad dino kojuvannu kondiri,” ka.#Antangai Kinolobusan 20:13-15, 17; Gulion 5:17-19, 21; Imam 19:18.#Antangai Lukas 10:27. 10Isaai nopo au kojuu do tulun vokon om okoniko karaat disido. Iradno diri, iri nopo nisuu do au kojuu nga irino poporikot di tujuan di Undang-undang Ugama do Joudi.
11-12Om misti kou moisusuli do au kojuu sabap nokoilo kouno diti do maino do alaidno kinotuvangan diti vonuvo, om oruaino minanavau do rumikot i Yisus Koristus. Norikotno i maso do koposikan. Tungag kouno, do i pogulupo i kaparsaya tokou nogi di Yisus alaidpo aanu tokou i kovijaan soi suruga, nga do maino nopo dii nga muai-ruaino korikot soi suruga. Sabap diri do tingkadai tokouno i gaagaya tokou i araat irad di siripo totuvong, om kuutai tokouno i kovijaan di oinomod irad di soujor manansabung do ponirung di kojuvanjo si tanavau. 13Om tumilombus tokouno paandai diri gaagaya tokou miirad do kovijaan si tanavau. Ada tokou moginakanon do auso gosob, om ada tokou moginovukan, om ada tokou mamaal kalalasu, om ada tokou monongondu, om ada tokou kumiodu, om ada tokou tumaai#13:13 tumaai: dumangi do vokon. 14Om ada tokou minsoromo kavagu diri gaagaya di araat do pomobos do ginavo tokou, nga poboyoo i Tuhan Yisus Koristus tumatap si kovijaan tokou.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.