Ruum 11
11
Au Niada do Kinoringan i Tongotulun Israil
1Nga itipo duatonku kavagu, nong niadano naku do Kinoringan i tulun di songonuvonJo? Nga auui! Do ioku diti nga tulun okui do Israil, koturunan diIbraim ponong sukusakat di Binjamin. 2Aui nakaada do Kinoringan i tulun di nopili Disido laaid. Mimang nokoilo kou diri tinangaran siri Kitab do iIlia komoion, ontok do sinumambayang isido si di Kinoringan do pakasala di tulun Israil, kadisido, 3“Ou Tuhan, pinataino diolo iri tongonabiNu, om pininguyasno diolo iri tongopananarabanNu. Tinggal iso okupo poimvijau nga pokitilus okui diolo,” ka.#Antangai 1 Raja 19:10, 14. 4Onu nijawap di Kinoringan disido? Nga kadi Kinoringan, “Kivaropo turu noribu tulunKu do nooluKu, diri au insan sumamba do patung i roitan do Baal,” ka.#Antangai 1 Raja 19:18. 5Om irad nogi dino iti do maino do kivaropo okuuyak iri noolu di tulun nopili do Kinoringan, irino tulun Israil, sabap opuavang Isido mamarakat diolo. 6Jadi nong irad dino do nopili i tulun sabap do opuavang i Kinoringan mamarakat diolo, nga okonko sabap di gaagaya di tulun do aandai. Do nong nopili di Kinoringan i tulun sabap di gaagayajo do aandai, iri gaagaya di Kinoringan do opuavang mamarakat nga okonko oinomod do opuavang.
7Na! Potingkuro di koompusan? Iri nopo nga au naayangan di bansa do Israil iri jalan iumon diolo supaya anggapon di Kinoringan iolo do abanar. Nga kivaroi diolo i nopili do Kinoringan do nakaayang jalan diri nga okuyak. Om iri nopo vokon nga pinokodou di Kinoringan i ginavo diolo. 8Irino irad diri nokotulis si Kitab do ka,
“Pinobudu di Kinoringan i ginavo diolo
om irad do au koontong i mato diolo,
om au korongou i tolingo diolo
gosob do tadau maino,” ka.#Antangai Gulion 29:4; Yasaya 29:10.
9Om i Daud nga nakatangar do ka,
“Poboyoon ilo poginakanan diolo do sumiliu irad do tavos,
om goub om valatik diolo do monsuli kondiri.
10Om poboyooni do tumuvong ilo sinoromo diolo
gosobi do au iolo kaarati diri oinomod,
om iri diolo do likud nga tumilombus nopo do tumijongkud
sabap di kosusaan diolo,”
ka.#Antangai Buuk Sinding 69:22-23.
11Om iti nogi duatonku, kangku, “Nakasadu naku i tulun Joudi om apatut naku do kotungub iolo gosob do au kotungag sabap au aparsaya di Koristus?” ka. Aui. Nga sabap di duso diolo, om nokorikot i kovijaan si tulun di okonko bansa Joudi supaya sumolon#11:11 sumolon: tumaai i tulun Joudi diolo. 12Nga sabap diri kasalaan di tulun Joudi, pinorikot di Kinoringan i barakat di agajo si di tongotulun siti vonuvo. Om sabap do kinolijatan do barakat diolo nga pinorikot nogi i barakat di agajo kumaa si tulun di okonko bansa Joudi. Nga nong kogunggulino kavagu i tongotulun Joudi si di Kinoringan, makinpo dii kagajo do barakat do aanu di tongotulun siti vonuvo.
Kovijaan do Aanu di Tulun di Okonko Bansa Joudi
13Nga ikovu nopo tongotulun iri okonko bansa do Joudi nga mitangar oku dikovu. Salaid do susuuon okupo di Yisus do kumaa si dikovu, om anggaponku iti karajaku ongagagajo. 14Do aarap okuno daa do kivaro ginavo di bansaku kondiri tulun Joudi do tumaai#11:14 tumaai: dumangi dikovu, om kivaroi piipiro diolo kaanu do kovijaan di auso koovion. 15Do ontok di niada di Kinoringan i tongotulun Joudi, inangatan Disido i tongotulun vokon siti vonuvo do kumiandai Disido. Jadi nong torimawon do Kinoringan iolo kavagu, tantu insan irad di poimpataipo iolo nga aui minsid do ovijaui.
16Nong olidang i tapung nokopogulu pataak si di Kinoringan, diri kasangkatan tapung nogi nga olidang. Om nong olidang i gamut, iri tongoraan-raan nogi nga olidangi.#11:16 Tapung om gamut nopo nga poiradan diIbraim om iodu-aki vokon di tulun Joudi. 17Nga nosopino i piipiro raan do joitun di piniara, irino i tulun do Joudi, om pokowino i tolid mantad di guvas joitun di okonko nopiara, do pinakawin siri guvas joitun di piniara. Om ikano tulun di okonko bansa Joudi nga irad di tolid di guvas joitun di okonko nopiara i pinakawin, supaya kaanuko di vonod do kovijaan mantad si gamut do guvas joitun di piniara. 18Nong irad dino, adako lumobi-lobi diri raan do joitun di piniara. Nga nong lumobi-lobiko om ondomono marong do okoniko ika kinumuut di gamut, nga ika nono kinuutan di gamut. 19Nga kanu kama, “Kinosopian nopo di raan diri nga supaya do posisipon oku jumadi tolid diri guvas di piniara,” kanu. 20Oinomodno ino. Nga kinososopian nopo bo di tongotulun Joudi diri nga sabap au iolo aparsaya di Kinoringan, nga kogirot nopo dika tulun di okonko bansa Joudi nga i kaparsayaannu. Nga insan irad dino, adako kosumbung, nga rumosiko nono do Kinoringan. 21Do nong au orubatan i Kinoringan di raan laaid, nga au nogi orubatan Isido dika.
22Sabap diri, intutunaino marong i kaandaio om i karaatan do Kinoringan. Karaatan nopo Disido nga kumaa si di tulun di au tumatap di kaandaioJo. Nong atatapkoi tulun di okonko bansa Joudi saralom do kaandaio Disido nga aandai Isido dika. Nga nong ika om aui atatap miiradi do sopionko di Kinoringan. 23Nga insan i tongotulun Joudi nong rumorogo om aparsaya kavagu, tantu iolo nga pokowinoni kavagu, sabap i Kinoringan nopo nga kikuasai do pakawin kavagu diolo. 24Do nong ika tulun di okonko bansa Joudi komoion di raan tinatas mantad di guvas joitun do okonko nopiara om pinakawinko siri guvas joitun di piniara, iri okonko dika do guvas laaid, om makin dii i tongotulun Joudi do pogulion di Kinoringan pakawin kavagu siri guvasjo laaid, irino joitun di piniara.
Kosianan di Kinoringan di Tulun Kasangkat
25Oou kosusuladanku, aandaian oku do kaarati kou diri aupo nivantang do Kinoringan si di tongotulun di pogulu, supaya aui aandaman muju do poinlobi ino toilaan muju. Irino komoionku do nokokodou i ginavo di vokon di tulun Israil gosobi do ogonop i ginuu do tulun diri aparsaya di Kinoringan mantadi di tulun di okonko bansa Joudi. 26Om mantad diri osomok kasaangkat i tongotulun Israil do onuan do kovijaan di auso koovion irad diri nokotulis si Kitab do ka,
“Rumikotno i Raja do Palapas do mantad silo Siun, irino suruga.
Om iduonJo nunu nopo iri okonko kouvangan do Kinoringan
do mantad di koturunan di Yakub,” ka.
27Om “PogirotonKuno iti pongojonjianKu si diolo
ontok do ompunanKu iri duso diolo,”
kadi Kinoringan.#Antangai Yasaya 59:20-21; 27:9.
28Nga nosiliu dii i tulun Joudi do musu di Kinoringan, sabap au iolo naparsaya di Abar do Aandai. Nga irino dii nosiliu do kountungan dikovu tulun di okonko bansa Joudi. Nga masipo au kojuu i Kinoringan di tulun Joudi, sabap piniliJo iolo irad di nijanjiJo siri diodu-aki diolo. 29Sabap nong momili i Kinoringan om mamarakat Isido do tulun, aui ongoionJo i barakat i nitaak Disido. 30Diri pogulupo ikovu tulun di okonko bansa Joudi nga au mangasip di tinangaran do Kinoringan. Nga do maino sabap au mangasip i tulun Israil do Kinoringan, irino dii do osianan nogi Isido dikovu. 31Om irad nogi dino iri tongotulun do Israil, do au mangasip iolo di tinangaran do Kinoringan maino, supaya mantad di kosianan do Kinoringan si dikovu irino do osianan kavagu i Kinoringan diolo. 32Nga poboyoon nopo do Kinoringan kasangkat tulun do oporinta diri kouvangan do au mangasip, supaya kointalang i kosiananJo kumaa si kasangkatan do tulun.
Pangarajou do Kinoringan
33Okonko naalang-alang i kakayawo do barakat di Kinoringan!
Om okonko susuuton i kopintaroJo om i toilaan Disido!
Isaaipo nga au kosonsod di natantu do vaalonJo.
Om isaaipo nga au kaarati di gaagayaJo.
34Kivaro tangar siri Kitab do ka,
“Ausoi koilo nong potingkuro i Tuhan minsoromo.
Om auso iiso kadapat monosiat Disido.#Antangai Yasaya 40:13.
35Om ausoi nakajaman manaak do Tuhan do onuu nopo iri nitaakjo
supaya pokisulianjo do Kinoringan,”
kadiri tinangaran si Kitab.#Antangai Ayub 41:11.
36Do kasangkat do onuu nopo nga vinorun do Kinoringan,
om kasaangkat diri nga jagaanJo kaandai-andai do mantad di kuasaJo
om kasaangkat diri nogi nga koontodon do rojoon Isido.
Rojoon tokouno i Kinoringan gosob do auso koovion! Amin.
Currently Selected:
Ruum 11: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Ruum 11
11
Au Niada do Kinoringan i Tongotulun Israil
1Nga itipo duatonku kavagu, nong niadano naku do Kinoringan i tulun di songonuvonJo? Nga auui! Do ioku diti nga tulun okui do Israil, koturunan diIbraim ponong sukusakat di Binjamin. 2Aui nakaada do Kinoringan i tulun di nopili Disido laaid. Mimang nokoilo kou diri tinangaran siri Kitab do iIlia komoion, ontok do sinumambayang isido si di Kinoringan do pakasala di tulun Israil, kadisido, 3“Ou Tuhan, pinataino diolo iri tongonabiNu, om pininguyasno diolo iri tongopananarabanNu. Tinggal iso okupo poimvijau nga pokitilus okui diolo,” ka.#Antangai 1 Raja 19:10, 14. 4Onu nijawap di Kinoringan disido? Nga kadi Kinoringan, “Kivaropo turu noribu tulunKu do nooluKu, diri au insan sumamba do patung i roitan do Baal,” ka.#Antangai 1 Raja 19:18. 5Om irad nogi dino iti do maino do kivaropo okuuyak iri noolu di tulun nopili do Kinoringan, irino tulun Israil, sabap opuavang Isido mamarakat diolo. 6Jadi nong irad dino do nopili i tulun sabap do opuavang i Kinoringan mamarakat diolo, nga okonko sabap di gaagaya di tulun do aandai. Do nong nopili di Kinoringan i tulun sabap di gaagayajo do aandai, iri gaagaya di Kinoringan do opuavang mamarakat nga okonko oinomod do opuavang.
7Na! Potingkuro di koompusan? Iri nopo nga au naayangan di bansa do Israil iri jalan iumon diolo supaya anggapon di Kinoringan iolo do abanar. Nga kivaroi diolo i nopili do Kinoringan do nakaayang jalan diri nga okuyak. Om iri nopo vokon nga pinokodou di Kinoringan i ginavo diolo. 8Irino irad diri nokotulis si Kitab do ka,
“Pinobudu di Kinoringan i ginavo diolo
om irad do au koontong i mato diolo,
om au korongou i tolingo diolo
gosob do tadau maino,” ka.#Antangai Gulion 29:4; Yasaya 29:10.
9Om i Daud nga nakatangar do ka,
“Poboyoon ilo poginakanan diolo do sumiliu irad do tavos,
om goub om valatik diolo do monsuli kondiri.
10Om poboyooni do tumuvong ilo sinoromo diolo
gosobi do au iolo kaarati diri oinomod,
om iri diolo do likud nga tumilombus nopo do tumijongkud
sabap di kosusaan diolo,”
ka.#Antangai Buuk Sinding 69:22-23.
11Om iti nogi duatonku, kangku, “Nakasadu naku i tulun Joudi om apatut naku do kotungub iolo gosob do au kotungag sabap au aparsaya di Koristus?” ka. Aui. Nga sabap di duso diolo, om nokorikot i kovijaan si tulun di okonko bansa Joudi supaya sumolon#11:11 sumolon: tumaai i tulun Joudi diolo. 12Nga sabap diri kasalaan di tulun Joudi, pinorikot di Kinoringan i barakat di agajo si di tongotulun siti vonuvo. Om sabap do kinolijatan do barakat diolo nga pinorikot nogi i barakat di agajo kumaa si tulun di okonko bansa Joudi. Nga nong kogunggulino kavagu i tongotulun Joudi si di Kinoringan, makinpo dii kagajo do barakat do aanu di tongotulun siti vonuvo.
Kovijaan do Aanu di Tulun di Okonko Bansa Joudi
13Nga ikovu nopo tongotulun iri okonko bansa do Joudi nga mitangar oku dikovu. Salaid do susuuon okupo di Yisus do kumaa si dikovu, om anggaponku iti karajaku ongagagajo. 14Do aarap okuno daa do kivaro ginavo di bansaku kondiri tulun Joudi do tumaai#11:14 tumaai: dumangi dikovu, om kivaroi piipiro diolo kaanu do kovijaan di auso koovion. 15Do ontok di niada di Kinoringan i tongotulun Joudi, inangatan Disido i tongotulun vokon siti vonuvo do kumiandai Disido. Jadi nong torimawon do Kinoringan iolo kavagu, tantu insan irad di poimpataipo iolo nga aui minsid do ovijaui.
16Nong olidang i tapung nokopogulu pataak si di Kinoringan, diri kasangkatan tapung nogi nga olidang. Om nong olidang i gamut, iri tongoraan-raan nogi nga olidangi.#11:16 Tapung om gamut nopo nga poiradan diIbraim om iodu-aki vokon di tulun Joudi. 17Nga nosopino i piipiro raan do joitun di piniara, irino i tulun do Joudi, om pokowino i tolid mantad di guvas joitun di okonko nopiara, do pinakawin siri guvas joitun di piniara. Om ikano tulun di okonko bansa Joudi nga irad di tolid di guvas joitun di okonko nopiara i pinakawin, supaya kaanuko di vonod do kovijaan mantad si gamut do guvas joitun di piniara. 18Nong irad dino, adako lumobi-lobi diri raan do joitun di piniara. Nga nong lumobi-lobiko om ondomono marong do okoniko ika kinumuut di gamut, nga ika nono kinuutan di gamut. 19Nga kanu kama, “Kinosopian nopo di raan diri nga supaya do posisipon oku jumadi tolid diri guvas di piniara,” kanu. 20Oinomodno ino. Nga kinososopian nopo bo di tongotulun Joudi diri nga sabap au iolo aparsaya di Kinoringan, nga kogirot nopo dika tulun di okonko bansa Joudi nga i kaparsayaannu. Nga insan irad dino, adako kosumbung, nga rumosiko nono do Kinoringan. 21Do nong au orubatan i Kinoringan di raan laaid, nga au nogi orubatan Isido dika.
22Sabap diri, intutunaino marong i kaandaio om i karaatan do Kinoringan. Karaatan nopo Disido nga kumaa si di tulun di au tumatap di kaandaioJo. Nong atatapkoi tulun di okonko bansa Joudi saralom do kaandaio Disido nga aandai Isido dika. Nga nong ika om aui atatap miiradi do sopionko di Kinoringan. 23Nga insan i tongotulun Joudi nong rumorogo om aparsaya kavagu, tantu iolo nga pokowinoni kavagu, sabap i Kinoringan nopo nga kikuasai do pakawin kavagu diolo. 24Do nong ika tulun di okonko bansa Joudi komoion di raan tinatas mantad di guvas joitun do okonko nopiara om pinakawinko siri guvas joitun di piniara, iri okonko dika do guvas laaid, om makin dii i tongotulun Joudi do pogulion di Kinoringan pakawin kavagu siri guvasjo laaid, irino joitun di piniara.
Kosianan di Kinoringan di Tulun Kasangkat
25Oou kosusuladanku, aandaian oku do kaarati kou diri aupo nivantang do Kinoringan si di tongotulun di pogulu, supaya aui aandaman muju do poinlobi ino toilaan muju. Irino komoionku do nokokodou i ginavo di vokon di tulun Israil gosobi do ogonop i ginuu do tulun diri aparsaya di Kinoringan mantadi di tulun di okonko bansa Joudi. 26Om mantad diri osomok kasaangkat i tongotulun Israil do onuan do kovijaan di auso koovion irad diri nokotulis si Kitab do ka,
“Rumikotno i Raja do Palapas do mantad silo Siun, irino suruga.
Om iduonJo nunu nopo iri okonko kouvangan do Kinoringan
do mantad di koturunan di Yakub,” ka.
27Om “PogirotonKuno iti pongojonjianKu si diolo
ontok do ompunanKu iri duso diolo,”
kadi Kinoringan.#Antangai Yasaya 59:20-21; 27:9.
28Nga nosiliu dii i tulun Joudi do musu di Kinoringan, sabap au iolo naparsaya di Abar do Aandai. Nga irino dii nosiliu do kountungan dikovu tulun di okonko bansa Joudi. Nga masipo au kojuu i Kinoringan di tulun Joudi, sabap piniliJo iolo irad di nijanjiJo siri diodu-aki diolo. 29Sabap nong momili i Kinoringan om mamarakat Isido do tulun, aui ongoionJo i barakat i nitaak Disido. 30Diri pogulupo ikovu tulun di okonko bansa Joudi nga au mangasip di tinangaran do Kinoringan. Nga do maino sabap au mangasip i tulun Israil do Kinoringan, irino dii do osianan nogi Isido dikovu. 31Om irad nogi dino iri tongotulun do Israil, do au mangasip iolo di tinangaran do Kinoringan maino, supaya mantad di kosianan do Kinoringan si dikovu irino do osianan kavagu i Kinoringan diolo. 32Nga poboyoon nopo do Kinoringan kasangkat tulun do oporinta diri kouvangan do au mangasip, supaya kointalang i kosiananJo kumaa si kasangkatan do tulun.
Pangarajou do Kinoringan
33Okonko naalang-alang i kakayawo do barakat di Kinoringan!
Om okonko susuuton i kopintaroJo om i toilaan Disido!
Isaaipo nga au kosonsod di natantu do vaalonJo.
Om isaaipo nga au kaarati di gaagayaJo.
34Kivaro tangar siri Kitab do ka,
“Ausoi koilo nong potingkuro i Tuhan minsoromo.
Om auso iiso kadapat monosiat Disido.#Antangai Yasaya 40:13.
35Om ausoi nakajaman manaak do Tuhan do onuu nopo iri nitaakjo
supaya pokisulianjo do Kinoringan,”
kadiri tinangaran si Kitab.#Antangai Ayub 41:11.
36Do kasangkat do onuu nopo nga vinorun do Kinoringan,
om kasaangkat diri nga jagaanJo kaandai-andai do mantad di kuasaJo
om kasaangkat diri nogi nga koontodon do rojoon Isido.
Rojoon tokouno i Kinoringan gosob do auso koovion! Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.