Susuuon 27
27
Sinumako i Poulus di Kapal Laut Minongoi siri Bandar Ruum
1Natantuno dii do pokoyon i Poulus soi Bandar Ruum soi Vonuvo Itolia. Om ioku, i Lukas i monulis diti buuk, nga minaja disido. Om pataakon i Poulus om i tongovokon i pinojiil si di iso kotua do aatus soujor, ngaranjo i Jolius. Isidono kotua do songuntunan di soujor pinonguranan do “Kountunan do Raja Koisar”. 2IOritakus mantad Bandar Tosolunika soi Vonuvo Mokodunia nga kinumoruang dagai. Om sinumako ikoi di kapal laut iri sinumodia mongoi siri tongobandar si timbing vaig siri Vonuvo Osia. Iri nopo kapal laut diri nga mantad Bandar Doromitium.
3Susuvabpo dii om korikot ikoino dii siri Bandar Sidun. Aandai ginavo di Jolius di Poulus do minongolila isido di Poulus tumindal siri Sidun mongoi sumamung diri tongokoruangjo. Om onuaino dii di tongokoruangjo i Poulus di kokuranganjo. 4Sako ikoino dii kavagu di kapal laut om sinumondipau ikoi soi Puru#27:4 Puru: Pulau Siprus. Om linumiput ikoi diri puru mintirung do nokosunsang#27:4 nokosunsang: nokotori ikoi di sarup. 5Om sinumondipau ikoi siri laut do Vonuvo Kilikia om Pompilia, om linumombus ikoi siri Bandar Mira siri Vonuvo Likia. 6Om poduukopo dii diolo iri kapal sinakaanja siri. Om tindal ikoino dii, om ampa nogi dii do nakaayang i kotua di aatus soujor iso kapal laut mantad Bandar Sokondoria do mongoi siri Vonuvo Itolia, jadi posokoo ikoino dii disido siri kapal laut diri.
7Om aayad i kapal sinakaanja mampanau piipiro tadau linaid, om osusa ikoi minsomok do Bandar Konidus. Om au ikoi dii kolombus do nokosunsang ikoi di sarup tologod. Jadi sinumondipau ikoi soi Puru Koriti om tinumalib ikoi ponong di Tomui do Solmuni do tumirung ikoi di Puru Koriti. 8Om osusa ikoi do marup-sarup. Jadi minimbibir ikoi lumombus mongoi soi iso tuunjungan i ponguranan do Tuunjungan Taandai, aui osodu mantad si Bandar Losia.
9Om minindada ikoi siri piipiro tadau. Om nakatalibno i Tadau Tagajo do Puasa#27:9 Tadau Tagajo do Puasa: Tadau Tagajo nopo diri nga ramajon ontok do pongovian do bulan sombilan, ko kotimpuunon do bulan sopulu. Irino ontok do gumompus gosob do kororosi mampanau i kapal si laut. di tongotulun Joudi, om rumosi ikoi lumombus do tumimpuun gumompus. Jadi minonosiat i Poulus diolo do ka, 10“Kosusuladanku, ada tokou mampanau maino do osusa iti pampanaan tokou. Nong lumombus tokou orugi iti kapal om iti tongoporompon tokou. Insan itokou nogi nga apatai,” ka. 11Nga au momoduli i kotua di aatus soujor di tinangaran di Poulus do aarap isido di tinangaran di kotua do kapal laut om i sanganu do kapal laut diri. 12Koguuo di tongotulun do moo lumombus do au songkuro aandai iri tuunjungan do musim do gompus. Om kadiolo, “Nong bulino mongoi tokou siri Bandar Pinik,” ka. Pinik nopo nga iso tuunjungan siri Puru Koriti do au osuat do sarup do musim do gompus, om buli mijon soi gosob do katalib i gompus diri.
Nosuat do Taipun Ontok do Mampanau
13Om opian tumongus i sarup mantad si salatan, om panantaman daa diolo do buli rumikot soi Tuunjungan Pinik. Jadi kodongono dii diolo i jangkar om imbibirno dii ikoi siri Puru Koriti. 14Nga au dii kalalaid om rikotno dii i sarup taipun tologod mantad ponong di puru, pialatan di utara om kovulajon do tadau. 15Jadi tigog kai dii do notongusan di sarup i kapal, om au ikoi buli kotori di sarup. Jadi poboyoonja dii i kapal rumulun do oimpi di sarup. 16Om nokorikot nopo dii si somok di iso puru topoyok, ngaran do Kouda, om tirung ikoi dii di puru. Jadi osusa ikoi mongongoi di talud topoyok, iri tooviton di kapal do pokogoson siri kapal do luminggang iri kapal. 17Om kinagasan diolo nogi do tali iri kapal do rumosi lumapak i kapal. Om rumosi nogi iolo do kosontul i kapal siri pantai toribau i ponguranan do Sirtis.#27:17 Sirtis nopo nga siri somok Vonuvo Libia. Jadi linulun diolo iri tongolayar#27:17 layar: layag ko lajag supaya aayadan diri kapal rumulun. Om poboyoon dii diolo iri kapal rumulun do oimpi di sarup. 18Lumogod nopo dii iri sarup, om au tumingkod-tingkod iri kapal luminggang do okuvo diri umbak. Jadi susuvabpo dii tumimpuun iolo papataam diri porompon siri laut mantad si saralom kapal. 19Om koduvo tadau nopo dii i longon diolo kondiri papataam di tongopakakas di kapal. 20Om alaid nopo dii irad diri, ausono dii naantanganja i tadau om i korombituon, om okonko naalang-alang kologodo diri sarup. Jadi ausono daa arapanja do mijau.
21Alaid nopo dii au nakaakan iri tongotulun. Jadi gumotuvang i Poulus diolo om kadisido, “Kosusuladanku, natangaranku ikovu soi Puru Koriti do, ‘Ada kou mampanau mantad siti,’ kangku. Nga nong minongkinongou kouno dogo, nga aui osuat tokou diti kosusaan do agajo kinorusako om kinorubato do tongoporompon. 22Nga maino ada kou rumosi. Poondodono ino ginavo muju, do ausoi apatai daton,#27:22 daton: ditokou nga iti noo kapal orusak. 23Oilaankui do irad dino, do kosodop kivaro iso moloikat rinumikot siti dogo mantad do Kinoringan i manansanganu dogo om i sambawonku. 24Om kadi moloikat, ‘Ou Poulus, adako rumosi. Misti gumotuvangko di Raja Koisar. Tulungonko do Kinoringan kasangkat diti tongotulun vokon siti kapal supaya om aui apatai iolo,’ kadi moloikat. 25Jadi, kosusuladanku, poondodo mujuno ino ginavo muju, do aparsaya oku do Kinoringan do misti orikoti iri irad di tinangaran Disido. 26Nga misti kosontul iti kapal tokou siri iso puru,” kadi Poulus.
27Di kopulu om apat sodop mantad di korikatan di sarup, om auso dii vooi di kapal rumulun do oimpi ikoi di sarup siri Laut Odoria. Tanga sodop kama om panantaman di tongotulun i kumaraja si kapal om momok-somok i kapal siri disan do katanaan. 28Jadi tinuntun#27:28 tinuntun: tinonun diolo iri vaig nong komuro rinalom di vaig, nga irino duvo nopulu rinapaan. Aui osodu om tuntunono#27:28 tuntuno: tonungo dii diolo kavagu om irino opulu om limo rinapaan. 29Om rumosi dii daa iolo do kosontul do dalamas, jadi pouluono dii diolo apat jangkar siri muri, om miintong dii iolo do osikap anavau. 30Mogidu daa dii i tongotulun kumaraja si kapal, jadi pouluono dii diolo i talud si dulung do puupura iolo poulu do jangkar do kapal. 31Nga kadi Poulus di kotua di aatus soujor om i tongosoujorjo, “Nong mongidu iti tongotulun kumuri siti kapal mantad diti kapal, au kou mijau,” ka. 32Jadi tinotok di tongosoujor i tongokogos di talud om poboyoon dii diolo rumulun.
33Diri oruaino dii minanavau, om mitangar i Poulus di tongotulun do mangangat diolo mangakan. Kadisido, “Opulu om apat tadau linaid tokou maino aupo nakaakan. 34Gaam do mangakan tokou maino supaya apanggor ino kojuvan tokou. Do ausoi oliong daton,#27:34 daton: ditokou insan iso tobuk nga auso,” kadi Poulus.
35Koopodpo dii i Poulus mitangar, om onuono dii disido iri kuui, om monorimakasi isido do Kinoringan om poikokib-kokibo nogi dii disido i kuui, om timpuunno dii isido mangakan. 36Om ogirot nogi dii i ginavoja kasangkat do nokoontong ikoi dii di Poulus do nokopogulu mangakan. Om minangakan ikoi dii kasangkat. 37Kinoguuanja nopo siri kapal nga duvo naatus om turu nopulu om onom tulun. 38Om novijau nopo dii ikoi mangakan, om pintotobungai dii diolo kasangkat iri gandum siri vaig do monginggaan iolo diri kapal.
Norusakno iri Kapal Laut
39Nakanavau nopo dii, om au kotutun i tongotulun kumaraja si kapal di puru dii. Nga nokoontong iolo do iso luok-luok#27:39 luok-luok: olimbuan do kipantai siri om minoiupakat iolo nong kukuroyon padadal#27:39 padadal: palalang iri kapal siri pantai nong obuli. 40Jadi pintototokono dii diolo iri tali di tongojangkar om pobojoo nopo dii diolo do nolosod si laut. Om inujadan diolo i bansaan di kapal. Koujadai nopo dii diolo iri layar#27:40 layar: layag ko lajag si dulung, om poboyoon dii diolo i kapal mimbibir oimpi di sarup. 41Nga nokosontul nopo dii i dulung di kapal siri pantai di lintanga vaig om auno dii kogugurapo. Om kosimpuk nopo dii iri umbak siri muri om rumusak i kapal.
42Moiupapakat i tongosoujor mamatai di tongotulun mantad si jiil supaya au iolo tumojog mogidu. 43Nga ii nopo kotua di aatus soujor om pinotingkod diolo do au moo isido patajon i Poulus. Jadi pinopogulu di kotua di soujor i tongotulun moilo tumojog tumobung si vaig do rumapit si pantai. 44Ii nopo dii tongotulun vokon nga songkuut-kuut dii di papan om kaju kinoupakan di kapal supaya alantung tumojog. Jadi kasangkat dagai nga nokoidu siri pantai mantad si kapal.
Currently Selected:
Susuuon 27: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 27
27
Sinumako i Poulus di Kapal Laut Minongoi siri Bandar Ruum
1Natantuno dii do pokoyon i Poulus soi Bandar Ruum soi Vonuvo Itolia. Om ioku, i Lukas i monulis diti buuk, nga minaja disido. Om pataakon i Poulus om i tongovokon i pinojiil si di iso kotua do aatus soujor, ngaranjo i Jolius. Isidono kotua do songuntunan di soujor pinonguranan do “Kountunan do Raja Koisar”. 2IOritakus mantad Bandar Tosolunika soi Vonuvo Mokodunia nga kinumoruang dagai. Om sinumako ikoi di kapal laut iri sinumodia mongoi siri tongobandar si timbing vaig siri Vonuvo Osia. Iri nopo kapal laut diri nga mantad Bandar Doromitium.
3Susuvabpo dii om korikot ikoino dii siri Bandar Sidun. Aandai ginavo di Jolius di Poulus do minongolila isido di Poulus tumindal siri Sidun mongoi sumamung diri tongokoruangjo. Om onuaino dii di tongokoruangjo i Poulus di kokuranganjo. 4Sako ikoino dii kavagu di kapal laut om sinumondipau ikoi soi Puru#27:4 Puru: Pulau Siprus. Om linumiput ikoi diri puru mintirung do nokosunsang#27:4 nokosunsang: nokotori ikoi di sarup. 5Om sinumondipau ikoi siri laut do Vonuvo Kilikia om Pompilia, om linumombus ikoi siri Bandar Mira siri Vonuvo Likia. 6Om poduukopo dii diolo iri kapal sinakaanja siri. Om tindal ikoino dii, om ampa nogi dii do nakaayang i kotua di aatus soujor iso kapal laut mantad Bandar Sokondoria do mongoi siri Vonuvo Itolia, jadi posokoo ikoino dii disido siri kapal laut diri.
7Om aayad i kapal sinakaanja mampanau piipiro tadau linaid, om osusa ikoi minsomok do Bandar Konidus. Om au ikoi dii kolombus do nokosunsang ikoi di sarup tologod. Jadi sinumondipau ikoi soi Puru Koriti om tinumalib ikoi ponong di Tomui do Solmuni do tumirung ikoi di Puru Koriti. 8Om osusa ikoi do marup-sarup. Jadi minimbibir ikoi lumombus mongoi soi iso tuunjungan i ponguranan do Tuunjungan Taandai, aui osodu mantad si Bandar Losia.
9Om minindada ikoi siri piipiro tadau. Om nakatalibno i Tadau Tagajo do Puasa#27:9 Tadau Tagajo do Puasa: Tadau Tagajo nopo diri nga ramajon ontok do pongovian do bulan sombilan, ko kotimpuunon do bulan sopulu. Irino ontok do gumompus gosob do kororosi mampanau i kapal si laut. di tongotulun Joudi, om rumosi ikoi lumombus do tumimpuun gumompus. Jadi minonosiat i Poulus diolo do ka, 10“Kosusuladanku, ada tokou mampanau maino do osusa iti pampanaan tokou. Nong lumombus tokou orugi iti kapal om iti tongoporompon tokou. Insan itokou nogi nga apatai,” ka. 11Nga au momoduli i kotua di aatus soujor di tinangaran di Poulus do aarap isido di tinangaran di kotua do kapal laut om i sanganu do kapal laut diri. 12Koguuo di tongotulun do moo lumombus do au songkuro aandai iri tuunjungan do musim do gompus. Om kadiolo, “Nong bulino mongoi tokou siri Bandar Pinik,” ka. Pinik nopo nga iso tuunjungan siri Puru Koriti do au osuat do sarup do musim do gompus, om buli mijon soi gosob do katalib i gompus diri.
Nosuat do Taipun Ontok do Mampanau
13Om opian tumongus i sarup mantad si salatan, om panantaman daa diolo do buli rumikot soi Tuunjungan Pinik. Jadi kodongono dii diolo i jangkar om imbibirno dii ikoi siri Puru Koriti. 14Nga au dii kalalaid om rikotno dii i sarup taipun tologod mantad ponong di puru, pialatan di utara om kovulajon do tadau. 15Jadi tigog kai dii do notongusan di sarup i kapal, om au ikoi buli kotori di sarup. Jadi poboyoonja dii i kapal rumulun do oimpi di sarup. 16Om nokorikot nopo dii si somok di iso puru topoyok, ngaran do Kouda, om tirung ikoi dii di puru. Jadi osusa ikoi mongongoi di talud topoyok, iri tooviton di kapal do pokogoson siri kapal do luminggang iri kapal. 17Om kinagasan diolo nogi do tali iri kapal do rumosi lumapak i kapal. Om rumosi nogi iolo do kosontul i kapal siri pantai toribau i ponguranan do Sirtis.#27:17 Sirtis nopo nga siri somok Vonuvo Libia. Jadi linulun diolo iri tongolayar#27:17 layar: layag ko lajag supaya aayadan diri kapal rumulun. Om poboyoon dii diolo iri kapal rumulun do oimpi di sarup. 18Lumogod nopo dii iri sarup, om au tumingkod-tingkod iri kapal luminggang do okuvo diri umbak. Jadi susuvabpo dii tumimpuun iolo papataam diri porompon siri laut mantad si saralom kapal. 19Om koduvo tadau nopo dii i longon diolo kondiri papataam di tongopakakas di kapal. 20Om alaid nopo dii irad diri, ausono dii naantanganja i tadau om i korombituon, om okonko naalang-alang kologodo diri sarup. Jadi ausono daa arapanja do mijau.
21Alaid nopo dii au nakaakan iri tongotulun. Jadi gumotuvang i Poulus diolo om kadisido, “Kosusuladanku, natangaranku ikovu soi Puru Koriti do, ‘Ada kou mampanau mantad siti,’ kangku. Nga nong minongkinongou kouno dogo, nga aui osuat tokou diti kosusaan do agajo kinorusako om kinorubato do tongoporompon. 22Nga maino ada kou rumosi. Poondodono ino ginavo muju, do ausoi apatai daton,#27:22 daton: ditokou nga iti noo kapal orusak. 23Oilaankui do irad dino, do kosodop kivaro iso moloikat rinumikot siti dogo mantad do Kinoringan i manansanganu dogo om i sambawonku. 24Om kadi moloikat, ‘Ou Poulus, adako rumosi. Misti gumotuvangko di Raja Koisar. Tulungonko do Kinoringan kasangkat diti tongotulun vokon siti kapal supaya om aui apatai iolo,’ kadi moloikat. 25Jadi, kosusuladanku, poondodo mujuno ino ginavo muju, do aparsaya oku do Kinoringan do misti orikoti iri irad di tinangaran Disido. 26Nga misti kosontul iti kapal tokou siri iso puru,” kadi Poulus.
27Di kopulu om apat sodop mantad di korikatan di sarup, om auso dii vooi di kapal rumulun do oimpi ikoi di sarup siri Laut Odoria. Tanga sodop kama om panantaman di tongotulun i kumaraja si kapal om momok-somok i kapal siri disan do katanaan. 28Jadi tinuntun#27:28 tinuntun: tinonun diolo iri vaig nong komuro rinalom di vaig, nga irino duvo nopulu rinapaan. Aui osodu om tuntunono#27:28 tuntuno: tonungo dii diolo kavagu om irino opulu om limo rinapaan. 29Om rumosi dii daa iolo do kosontul do dalamas, jadi pouluono dii diolo apat jangkar siri muri, om miintong dii iolo do osikap anavau. 30Mogidu daa dii i tongotulun kumaraja si kapal, jadi pouluono dii diolo i talud si dulung do puupura iolo poulu do jangkar do kapal. 31Nga kadi Poulus di kotua di aatus soujor om i tongosoujorjo, “Nong mongidu iti tongotulun kumuri siti kapal mantad diti kapal, au kou mijau,” ka. 32Jadi tinotok di tongosoujor i tongokogos di talud om poboyoon dii diolo rumulun.
33Diri oruaino dii minanavau, om mitangar i Poulus di tongotulun do mangangat diolo mangakan. Kadisido, “Opulu om apat tadau linaid tokou maino aupo nakaakan. 34Gaam do mangakan tokou maino supaya apanggor ino kojuvan tokou. Do ausoi oliong daton,#27:34 daton: ditokou insan iso tobuk nga auso,” kadi Poulus.
35Koopodpo dii i Poulus mitangar, om onuono dii disido iri kuui, om monorimakasi isido do Kinoringan om poikokib-kokibo nogi dii disido i kuui, om timpuunno dii isido mangakan. 36Om ogirot nogi dii i ginavoja kasangkat do nokoontong ikoi dii di Poulus do nokopogulu mangakan. Om minangakan ikoi dii kasangkat. 37Kinoguuanja nopo siri kapal nga duvo naatus om turu nopulu om onom tulun. 38Om novijau nopo dii ikoi mangakan, om pintotobungai dii diolo kasangkat iri gandum siri vaig do monginggaan iolo diri kapal.
Norusakno iri Kapal Laut
39Nakanavau nopo dii, om au kotutun i tongotulun kumaraja si kapal di puru dii. Nga nokoontong iolo do iso luok-luok#27:39 luok-luok: olimbuan do kipantai siri om minoiupakat iolo nong kukuroyon padadal#27:39 padadal: palalang iri kapal siri pantai nong obuli. 40Jadi pintototokono dii diolo iri tali di tongojangkar om pobojoo nopo dii diolo do nolosod si laut. Om inujadan diolo i bansaan di kapal. Koujadai nopo dii diolo iri layar#27:40 layar: layag ko lajag si dulung, om poboyoon dii diolo i kapal mimbibir oimpi di sarup. 41Nga nokosontul nopo dii i dulung di kapal siri pantai di lintanga vaig om auno dii kogugurapo. Om kosimpuk nopo dii iri umbak siri muri om rumusak i kapal.
42Moiupapakat i tongosoujor mamatai di tongotulun mantad si jiil supaya au iolo tumojog mogidu. 43Nga ii nopo kotua di aatus soujor om pinotingkod diolo do au moo isido patajon i Poulus. Jadi pinopogulu di kotua di soujor i tongotulun moilo tumojog tumobung si vaig do rumapit si pantai. 44Ii nopo dii tongotulun vokon nga songkuut-kuut dii di papan om kaju kinoupakan di kapal supaya alantung tumojog. Jadi kasangkat dagai nga nokoidu siri pantai mantad si kapal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.