Susuuon 25
25
Minangapil#25:1 Mangapil nopo diti nga mokisalasai si poibisaraan tagajo supaya koidu daa mantad si pongukuman. i Poulus di Koisar
1Kotolu tadau mantad di kinorikatan di Gobonor Pitus siri Vonuvo Yudia, om tinumakad dii isido soi Yorusalim mantad Bandar Koisoria. 2Om i tongokotua do imam om i tongokotua di tulun Joudi vokon siri Yorusalim nga mangadaawa di Poulus si di Pitus. Om mokitulung marong iolo, 3supaya suuon di Pitus i Poulus mongoi siri Yorusalim, do minoiupakat iolo laid do mongoi mamatai di Poulus siri tanga ralan. 4Jawapno dii i Pitus do ka, “I Poulus nopo diri nga pinojiil soi Bandar Koisoria. Auno alaid om gumungguli okuno soi. 5Aandai do povojoon muju piipiro kotua mongoi soi Bandar Koisoria do mangadaawa di Poulus nong onu kinasalaanjo,” ka.
6Okonko valu tadau ko opulu tadau poindada i Pitus siri di tongokotua di tulun Joudi siri Yorusalim, om ruuk nogi dii isido kavagu soi Bandar Koisoria. Susuvabpo dii om minogom i Pitus siri poibisaraan. Om ponuuno dii isido do tulun mongongoi di Poulus do bisarawon. 7Korikot nopo dii i Poulus, om miningkakat i tongotulun Joudi mantad soi Yorusalim si misoliput di Poulus. Om papasala iolo di Poulus do oguu kasalaan disido do araat, nga aui koilo iolo papatarang di tinangaran diolo.
8Nga minisinjawap i Poulus diri daawaan-daawaan diolo disido do ka, “Okonko au oku maja di Undang-undang Ugamaja tulun Joudi. Om okonko au oku momoduli do Valai Sasambayangan Tagajo. Om ausoi nunuu vinaalku lumavan do Raja Koisar,” kadi Poulus.
9Nga kouvangan di Pitus monoluod#25:9 monoluod: monginsasamod di ginavo di tongotulun Joudi. Jadi duatono dii disido i Poulus, “Mookoi mongoi soi Yorusalim pasal diti pangadaawaan di tongotulun Joudi dikau?” ka.
10Nga jinumawap i Poulus, “Nga aukui dii mangakun do irad dino, do ati okuno poingkakat siti gotuvang di poibisaraan di Raja Koisar. Om sitino pantok do apatut pombisaraan muju dogo, do oilaannu marong do ausoi kasalaan vinaalku si di tongotulun Joudi. 11Nong au maja oku di undang-undang om mamaal oku do nunuu nopo do apatut apatai oku, nga aakui mokiidu mantad siri kapatajon. Nga nong auso oinomod iri pangadaawaan di tongotulun Joudi dogo nga auso iso tulun kadapat pataak dogo si diolo. Mokiapil#25:11 Mokiapil nopo diti nga mokisalasai si poibisaraan tagajo supaya koidu daa mantad si pongukuman. oku di Raja Koisar maino,” kadi Poulus.
12Om minoiupakat i Pitus di tongotulun i monulung disido manalasai di bisara. Om jawapno dii i Pitus di Poulus, “Mokiapilko nopo di Raja Koisar, om sirino Koisar ongoionnu,” ka.
Popoilo i Pitus di Raja Ogoripa pasal di Poulus
13Katalibpo dii piipiro tadau om kivaro iso raja, ngaranjo iOgoripa, om i sulodjo tongondu, ngaranjo i Borniki, minongoi sumamung di Pitus siri Bandar Koisoria do osuau iolo do nokorikot i Pitus. 14Nokoijon nopo dii iOgoripa om i Borniki siri di Pitus piipiro tadau, om popoilo dii i Pitus di Raja Ogoripa pasal di Poulus. Om kadi Pitus, “Kivaro iso tulun, ngaranjo nopo nga i Poulus, i pinoopung di Gobonor Pilik saralom jiil. 15Nga ontok do nokoongoi oku soi Yorusalim, i tongokotua di imam om i tongomoloingon di tulun Joudi nga mangadaawa di Poulus. Om mokitulung iolo dogo mokisalasai bisara disido supaya oukuman isido. 16Jadi jinumawap oku diolo do, ‘Adat nopo dagai tulun Ruum nga irino pogotuvangon iso tulun i daawaan siri di tulun mangadaawa disido supaya misinjawap isido diri daawaan-daawaan diolo disido. Okonko adatja momutus do bisara di tulun nong aupo kogotuvang i tulun daawaan siri di tulun mangadaawa disido,’ kangku diolo. 17Jadi korikotpo dii kasangkat iri tongotulun Joudi siti, nga aakui minangantara diolo. Nga susuvabpo dii om minongoi oku siri poibisaraan, om minonuu oku do tulun mongongoi di Poulus. 18Nokoingkakat i tongotulun Joudi mangadaawa di Poulus, om andasanku daa om agajo kasalaan disido do daawaan diolo. Nga ausoi kasalaan tagajo disido, 19do iri nopo pinoisisivalan diolo nga irino ugama diolo, om iso tulun napatai, ngaranjo i Yisus. Nga kadi Poulus, ‘Novijau i Yisus kavagu,’ ka. 20Aaku nokoilo mangatur diri do oboringou oku. Jadi dinuatku i Poulus nong moo isido mongoi soi Yorusalim om bisarawon isido soi. 21Nga au moo i Poulus, om mokiapil#25:21 Antangai ayat 11. isido di Raja Koisar om kadisido, ‘Gaam nogi do pojiilon oku gosob do orikot i pongovitan dogo si Raja Koisar do momutus marong di bisaraku,’ kadisido. Jadi sinuuku i tongosoujor mangajaga di Poulus gosob do koongoi isido soi Raja Koisar,” kadi Pitus.
22Kadi Raja Ogoripa di Pitus, “Moo okui do mongkinongou di tulun dino,” ka.
Jawapno dii i Pitus, “Korongoukoi dino suvab,” ka.
23Susuvab nopo dii, om panansabung i Raja Ogoripa om i Borniki do sabung do raja. Om pampanauno dii iolo mongoi siri poibisaraan. Om samvaja-vajano dii i tongokotua di oribu soujor om i tongotulun do agajo pangkat siri bandar do mongurumat diolo. Om sinuu di Pitus i soujor mongovit di Poulus gumotuvang diolo. 24Om kadi Pitus, “Raja Ogoripa, om kasangkat di tongotulun siti, antangaino i Poulus, do poriputon di tongotulun Joudi siti om i tongotulun Joudi soi Yorusalim siti dogo, do oguu iolo sonluvap-luvap do, ‘Misti do patajon tokou i Poulus,’ kadiolo. 25Nga auso oilaanku kasalaanjo do apatut do patajon isido. Om i Poulus minokiapil di Raja Koisar, jadi tinantuku dii do porikotonku isido soi di Raja Koisar. 26Monulis oku daa do surat pokirimonku soi di Raja Koisar, nga ausopo oilaanku nong onu patangaronku si suratku do itunuiku si di Raja Koisar. Jadi irino dii do inovitku i Poulus gumotuvang dikovu, om koisono marong do inovitku i Poulus gumotuvang dikau Raja Ogoripa, nga supaya oopod tokou monorisid mongoduat, om kivaro nogi dino surat tulisonku vagu pataakon di tuanku Raja Koisar. 27Soromononku do au apatut do porikoton iso tulun soi di Raja Koisar do ausopo surat katarangan nong onu pangadaawaan diolo disido,” kadi Pitus.
Currently Selected:
Susuuon 25: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 25
25
Minangapil#25:1 Mangapil nopo diti nga mokisalasai si poibisaraan tagajo supaya koidu daa mantad si pongukuman. i Poulus di Koisar
1Kotolu tadau mantad di kinorikatan di Gobonor Pitus siri Vonuvo Yudia, om tinumakad dii isido soi Yorusalim mantad Bandar Koisoria. 2Om i tongokotua do imam om i tongokotua di tulun Joudi vokon siri Yorusalim nga mangadaawa di Poulus si di Pitus. Om mokitulung marong iolo, 3supaya suuon di Pitus i Poulus mongoi siri Yorusalim, do minoiupakat iolo laid do mongoi mamatai di Poulus siri tanga ralan. 4Jawapno dii i Pitus do ka, “I Poulus nopo diri nga pinojiil soi Bandar Koisoria. Auno alaid om gumungguli okuno soi. 5Aandai do povojoon muju piipiro kotua mongoi soi Bandar Koisoria do mangadaawa di Poulus nong onu kinasalaanjo,” ka.
6Okonko valu tadau ko opulu tadau poindada i Pitus siri di tongokotua di tulun Joudi siri Yorusalim, om ruuk nogi dii isido kavagu soi Bandar Koisoria. Susuvabpo dii om minogom i Pitus siri poibisaraan. Om ponuuno dii isido do tulun mongongoi di Poulus do bisarawon. 7Korikot nopo dii i Poulus, om miningkakat i tongotulun Joudi mantad soi Yorusalim si misoliput di Poulus. Om papasala iolo di Poulus do oguu kasalaan disido do araat, nga aui koilo iolo papatarang di tinangaran diolo.
8Nga minisinjawap i Poulus diri daawaan-daawaan diolo disido do ka, “Okonko au oku maja di Undang-undang Ugamaja tulun Joudi. Om okonko au oku momoduli do Valai Sasambayangan Tagajo. Om ausoi nunuu vinaalku lumavan do Raja Koisar,” kadi Poulus.
9Nga kouvangan di Pitus monoluod#25:9 monoluod: monginsasamod di ginavo di tongotulun Joudi. Jadi duatono dii disido i Poulus, “Mookoi mongoi soi Yorusalim pasal diti pangadaawaan di tongotulun Joudi dikau?” ka.
10Nga jinumawap i Poulus, “Nga aukui dii mangakun do irad dino, do ati okuno poingkakat siti gotuvang di poibisaraan di Raja Koisar. Om sitino pantok do apatut pombisaraan muju dogo, do oilaannu marong do ausoi kasalaan vinaalku si di tongotulun Joudi. 11Nong au maja oku di undang-undang om mamaal oku do nunuu nopo do apatut apatai oku, nga aakui mokiidu mantad siri kapatajon. Nga nong auso oinomod iri pangadaawaan di tongotulun Joudi dogo nga auso iso tulun kadapat pataak dogo si diolo. Mokiapil#25:11 Mokiapil nopo diti nga mokisalasai si poibisaraan tagajo supaya koidu daa mantad si pongukuman. oku di Raja Koisar maino,” kadi Poulus.
12Om minoiupakat i Pitus di tongotulun i monulung disido manalasai di bisara. Om jawapno dii i Pitus di Poulus, “Mokiapilko nopo di Raja Koisar, om sirino Koisar ongoionnu,” ka.
Popoilo i Pitus di Raja Ogoripa pasal di Poulus
13Katalibpo dii piipiro tadau om kivaro iso raja, ngaranjo iOgoripa, om i sulodjo tongondu, ngaranjo i Borniki, minongoi sumamung di Pitus siri Bandar Koisoria do osuau iolo do nokorikot i Pitus. 14Nokoijon nopo dii iOgoripa om i Borniki siri di Pitus piipiro tadau, om popoilo dii i Pitus di Raja Ogoripa pasal di Poulus. Om kadi Pitus, “Kivaro iso tulun, ngaranjo nopo nga i Poulus, i pinoopung di Gobonor Pilik saralom jiil. 15Nga ontok do nokoongoi oku soi Yorusalim, i tongokotua di imam om i tongomoloingon di tulun Joudi nga mangadaawa di Poulus. Om mokitulung iolo dogo mokisalasai bisara disido supaya oukuman isido. 16Jadi jinumawap oku diolo do, ‘Adat nopo dagai tulun Ruum nga irino pogotuvangon iso tulun i daawaan siri di tulun mangadaawa disido supaya misinjawap isido diri daawaan-daawaan diolo disido. Okonko adatja momutus do bisara di tulun nong aupo kogotuvang i tulun daawaan siri di tulun mangadaawa disido,’ kangku diolo. 17Jadi korikotpo dii kasangkat iri tongotulun Joudi siti, nga aakui minangantara diolo. Nga susuvabpo dii om minongoi oku siri poibisaraan, om minonuu oku do tulun mongongoi di Poulus. 18Nokoingkakat i tongotulun Joudi mangadaawa di Poulus, om andasanku daa om agajo kasalaan disido do daawaan diolo. Nga ausoi kasalaan tagajo disido, 19do iri nopo pinoisisivalan diolo nga irino ugama diolo, om iso tulun napatai, ngaranjo i Yisus. Nga kadi Poulus, ‘Novijau i Yisus kavagu,’ ka. 20Aaku nokoilo mangatur diri do oboringou oku. Jadi dinuatku i Poulus nong moo isido mongoi soi Yorusalim om bisarawon isido soi. 21Nga au moo i Poulus, om mokiapil#25:21 Antangai ayat 11. isido di Raja Koisar om kadisido, ‘Gaam nogi do pojiilon oku gosob do orikot i pongovitan dogo si Raja Koisar do momutus marong di bisaraku,’ kadisido. Jadi sinuuku i tongosoujor mangajaga di Poulus gosob do koongoi isido soi Raja Koisar,” kadi Pitus.
22Kadi Raja Ogoripa di Pitus, “Moo okui do mongkinongou di tulun dino,” ka.
Jawapno dii i Pitus, “Korongoukoi dino suvab,” ka.
23Susuvab nopo dii, om panansabung i Raja Ogoripa om i Borniki do sabung do raja. Om pampanauno dii iolo mongoi siri poibisaraan. Om samvaja-vajano dii i tongokotua di oribu soujor om i tongotulun do agajo pangkat siri bandar do mongurumat diolo. Om sinuu di Pitus i soujor mongovit di Poulus gumotuvang diolo. 24Om kadi Pitus, “Raja Ogoripa, om kasangkat di tongotulun siti, antangaino i Poulus, do poriputon di tongotulun Joudi siti om i tongotulun Joudi soi Yorusalim siti dogo, do oguu iolo sonluvap-luvap do, ‘Misti do patajon tokou i Poulus,’ kadiolo. 25Nga auso oilaanku kasalaanjo do apatut do patajon isido. Om i Poulus minokiapil di Raja Koisar, jadi tinantuku dii do porikotonku isido soi di Raja Koisar. 26Monulis oku daa do surat pokirimonku soi di Raja Koisar, nga ausopo oilaanku nong onu patangaronku si suratku do itunuiku si di Raja Koisar. Jadi irino dii do inovitku i Poulus gumotuvang dikovu, om koisono marong do inovitku i Poulus gumotuvang dikau Raja Ogoripa, nga supaya oopod tokou monorisid mongoduat, om kivaro nogi dino surat tulisonku vagu pataakon di tuanku Raja Koisar. 27Soromononku do au apatut do porikoton iso tulun soi di Raja Koisar do ausopo surat katarangan nong onu pangadaawaan diolo disido,” kadi Pitus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.