Susuuon 20
20
Ginumungguli i Poulus soi Vonuvo Mokodunia om soi Vonuvo Yunani
1Notingkod nopo dii i tongotulun ongolalava, om loovono dii di Poulus i tongotulun di Yisus, om nosiataino dii disido diolo do pogirot di ginavo diolo. Om rijangno dii i Poulus mantad diolo om pampanauno dii isido mongoi soi Vonuvo Mokodunia. 2Nokotongkop i Poulus di tongokampung siri Vonuvo Mokodunia do popogirot di ginavo di tongotulun. Om nokorikot nogi dii isido siri Vonuvo Yunani, 3om minijon isido siri tolu novulan linaid. Om siapno dii i Poulus do sumako di kapal laut sumondipau soi Vonuvo Siria, nga nokorongou dii isido do minoiupakat i tongotulun Joudi mamatai disido. Jadi tinantu dii disido do gumungguli kavagu soi Vonuvo Siria do tumalib soi Vonuvo Mokodunia. 4Kivaro piipiro tulun minaja di Poulus mampanau soi Vonuvo Siria. Ngaran nopo diolo nga i Supator i tanak di Pirus mantad Boria, om iOritakus om i Sokundus mantad Bandar Tosolunika, om i Gayus mantad Bandar Dabi, om i Tokikus om i Torupimus mantad Vonuvo Osia om i Tomotius. 5Nokorikot nopo dii i Poulus om i songkoruanganjo soi Vonuvo Mokodunia, om minogulu i songkoruanganjo sumondipau soi Bandar Tarawas do mongindad iolo di Poulus soi. Iokuno, i Lukas, sinumamung di Poulus soi Bandar Polipi om minaja oku disido. 6Katalib nopo dii i Tadau Tagajo dagai di tulun Joudi Kapangakananja di Kuui do Auso Poudor, om ongoi ikoino dii di Poulus sumako di kapal laut siri Bandar Polipi do sumondipau siri Bandar Tarawas. Kivaro kolimo tadau mantad diri om mingkosup ikoi rumikot soi songkoruanganja soi Bandar Tarawas om minijon ikoi siri Bandar Tarawas turu tadau linaid.
Sinumamung i Poulus di Tongotulun soi Bandar Tarawas di Pongovian
7Mintutuvong diri Ari Anam om nokountun ikoi mangakan di kuui do mongondom di kinapatajan di Yisus. Om monuduk dii i Poulus dagai sampai tanga sodop do mampanauno dii gia isido di minsarap di susuvab. 8Om oguu iri tongolampu pinuang si saralom do bilik siri inuntunonja si tingkat kotolu. 9Om kivaro iso tomulok,#20:9 tomulok: vavajoi ngaranjo nopo nga iUtikas, do minogom siri jindila rumongou di Poulus monorita. Nga alaid marong i Poulus monorita gosob do siodopon marong iUtikas, om nokoodopno dii isido. Om naratu dii isido mantad siri jindila siri tingkat kotolu. Om ongoiono dii di tongotulun isido nga napataino dii isido. 10Nga indaauno dii i Poulus om ongoiono dii tungubai iUtikas. Om gopusono dii di Poulus isido, om kadi Poulus, “Ada kovi kosurau, do ovijaui bo isido diti,” ka. 11Om nokoindakod nopo dii i Poulus om i tongotulun kavagu siri savat, om poikokib-kokibo dii di Poulus iri kuui do akanonja. Om alaidpo dii i Poulus kumitatangar dagai gosob do minanavauno dii om pampanau ikoi nogi dii. 12Om ovitono dii di tulun i tomulok muli, om okonko aalang-alang asanang i ginavo diolo do novijau iri tomulok diri.
Minampanau i Poulus mantad Bandar Tarawas Mongoi soi Bandar Militus
13Nga uvang i Poulus mampanau takod mongoi soi Bandar Osus mantad si Bandar Tarawas. Jadi sinuu ikoi di Poulus sumako do kapal laut sumampaping mantad siri Tarawas mongoi soi Bandar Osus, om minintana i Poulus. 14Om inopitanja i Poulus siri Osus di sumako di kapal laut, om mongoi nogi soi Bandar Mitolini. 15Susuvabpo dii om sondipau ikoino dii mantad siri, om nokorikot ikoi siri osondipaan di Puru#20:15 Puru: Pulau Kius. Kotolu tadau om nokorikot ikoi nogi dii siri Puru Samus om apit ikoino dii siri. Kaapat tadau om nokorikot ikoi nogi dii soi Bandar Militus. 16Tinantu di Poulus do tumalib si Bandar Ipisus supaya au alaid siri Vonuvo Osia, do mogoogo isido rumikot soi Yorusalim do mingkosup di Tadau Tagajo Pintokusta#20:16 Pintokusta: Antangai Susuuon 2:1. nong obuli.
Binilinan di Poulus i Tongokotua di Poiuuntunan mantad siri Ipisus
17Om minonuu i Poulus do tulun mongoi siri Ipisus do mongongoi di tongokotua siri poiuuntunan do pokoyon siri Bandar Militus. 18Korikot nopo dii iolo siri di Poulus, om kadisido, “Oou dikovu tongokotua, oilaan mujuno nong potingkukuro i gaagayaku salaidku siti dikovu, mantad diri nokoulok oku siti tana do Osia. 19Ontok do kumaraja oku si di Tuhan nga aavi-avi osuribak i ginavoku, om soumur do mogiad oku, om oguu kosusaanku sabap miupakat i tongotulun Joudi do mamatai dogo. 20Om oilaan muju nogi do ausoi nokolosokku, do nunuu nopo iri buli monulung dikovu nga irino nipoiloku dikovu. Om monuduk oku dikovu siri gotuvang do tulun toguu om siri pointikid-tikid do valai muju. 21Om popoilo oku do kaandai-andai di tongotulun Joudi om tongotulun di okonko bansa Joudi nogi do misti rumorogo iolo, om gumotuvang do Kinoringan, om aparsaya di Yisus i Tuhan tokou,” kadi Poulus di tongokotua.
22Om kadi Poulus kavagu, “Maino mongoi oku soi Yorusalim do maja oku do nisuu di Tatod do Kinoringan. Nga au oku koilo nong kukuroyon oku di tongotulun soi. 23Itino oilaanku do pointikid-tikid do bandar tinoolikan#20:23 tinoolikan: woningon oku do Tatod Tolidang do osuat oku do kosusaan om pojiilon oku nogi soi Yorusalim. 24Nga insan matai ko mijau oku, nga aukui orubatan diti kojuvanku. Do kouvanganku nopo nga mangavi diti pampanaanku, om mangavi diti karajaku i naanuku mantad di Tuhan Yisus. Sinuu oku Disido popoilo di Abar do Aandai do opuavang i Kinoringan di tongotulun,” kadi Poulus.
25Om kadi Poulus kavagu, “Nokotongkop oku siti dikovu popoilo di gaagaya di Kinoringan do monguasa di tongotulunJo. Nga maino oilaankui do ausono dino dikovu do koontongpo dogo kavagu. 26-27Jadi tadau maino poiloonku ikovu do atarang, do onuu nopo iri kouvangan do Kinoringan nga niabarku dikovu. Auso nilosokku. Jadi nong kivaro nolijot dikovu nga auso natanggungku.
28Nga jaajagawo mujuno kondiri, om jaajagawo mujuno i tongotulun i naparsaya di Yisus do sinuu kou do Tatod Tolidang do mangajaga diolo, irad do tulun momimiara diri kambing biri-birijo kondiri. Piarawono i poiuuntunan di tongotulun diri naparsaya, do nolukatno iolo di Kinoringan sabap di kinapatajan di TanakJo. 29Nga oilaankui do kapanau oku nopo dino om kivaro dino tulun momumudut rumikot siti dikovu. Om au osianan iolo di tulun i naparsaya di Yisus irad di kaakaa torongit au osianan di kambing biri-biri do ongoionjo akano. 30Om kivaropo mantad diri do piipiro tulun mimbulai siti dikovu nogi do momudut do mamalid di tongotulun di Yisus om pavaja doisido. 31Pipupurimanai mujuno, om ondomo mujuno do tolu notoun linaid tadau sodop oku monuduk dikovu, om mogiad oku do au oku kojuu dikovu,” kadi Poulus.
32Om kadi Poulus kavagu, “Itino iti tangaronku do mokianu oku do Kinoringan do momiara dikovu. Vaja kouno di Abar do Aandai pasal do opuavang i Kinoringan dikovu, do iri nopo Abar do Aandai diri nga papapanggor di kaparsayaan muju. Om barakatan kou di Kinoringan do touri#20:32 touri: toudi tadau do porunggumon kou Disido kasangkat di tongotulun linidangan Disido. 33Au insan oku tumaai#20:33 tumaai: dumangi do pirok do koruang, ko amasjo ko sabungjo. 34Oilaan mujuno do gibang vanan oku kumaraja mamaal do kiim mantad do kulit do dupot do mogium oku akanonku om ilo songkoruanganku. 35Om kinumaraja oku irad diri supaya monuduk dikovu do misti kou arajin kumuri om monguup di tulun apalo ginavo. Om ondomono i tinangaran di Tuhan Yisus do irad diti, ‘Asanang nogi ginavo di tulun di manaak mantad diri ginavo di tulun di mangaramit,’ ka,” kadi Poulus di tongokotua di poiuuntunan mantad Bandar Ipisus.
36Nokoopod nopo dii i Poulus mitangar, om singkotudno dii isido do sumambayang mivaja kasangkat i tongokotua di poiuuntunan mantad Bandar Ipisus. 37Om kasangkat diolo nga minogiad om ginumapus di Poulus iri tongokotua om moisasalam ontodon do moiririjang iolo. 38Oludus#20:38 oludus: olunggui ko osusa marong ginavo marong iolo do nokorongou di tinangaran di Poulus do auno dii kasamung iolo disido kavagu. Jadi minaja iolo di Poulus gosob siri kapal laut.
Currently Selected:
Susuuon 20: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 20
20
Ginumungguli i Poulus soi Vonuvo Mokodunia om soi Vonuvo Yunani
1Notingkod nopo dii i tongotulun ongolalava, om loovono dii di Poulus i tongotulun di Yisus, om nosiataino dii disido diolo do pogirot di ginavo diolo. Om rijangno dii i Poulus mantad diolo om pampanauno dii isido mongoi soi Vonuvo Mokodunia. 2Nokotongkop i Poulus di tongokampung siri Vonuvo Mokodunia do popogirot di ginavo di tongotulun. Om nokorikot nogi dii isido siri Vonuvo Yunani, 3om minijon isido siri tolu novulan linaid. Om siapno dii i Poulus do sumako di kapal laut sumondipau soi Vonuvo Siria, nga nokorongou dii isido do minoiupakat i tongotulun Joudi mamatai disido. Jadi tinantu dii disido do gumungguli kavagu soi Vonuvo Siria do tumalib soi Vonuvo Mokodunia. 4Kivaro piipiro tulun minaja di Poulus mampanau soi Vonuvo Siria. Ngaran nopo diolo nga i Supator i tanak di Pirus mantad Boria, om iOritakus om i Sokundus mantad Bandar Tosolunika, om i Gayus mantad Bandar Dabi, om i Tokikus om i Torupimus mantad Vonuvo Osia om i Tomotius. 5Nokorikot nopo dii i Poulus om i songkoruanganjo soi Vonuvo Mokodunia, om minogulu i songkoruanganjo sumondipau soi Bandar Tarawas do mongindad iolo di Poulus soi. Iokuno, i Lukas, sinumamung di Poulus soi Bandar Polipi om minaja oku disido. 6Katalib nopo dii i Tadau Tagajo dagai di tulun Joudi Kapangakananja di Kuui do Auso Poudor, om ongoi ikoino dii di Poulus sumako di kapal laut siri Bandar Polipi do sumondipau siri Bandar Tarawas. Kivaro kolimo tadau mantad diri om mingkosup ikoi rumikot soi songkoruanganja soi Bandar Tarawas om minijon ikoi siri Bandar Tarawas turu tadau linaid.
Sinumamung i Poulus di Tongotulun soi Bandar Tarawas di Pongovian
7Mintutuvong diri Ari Anam om nokountun ikoi mangakan di kuui do mongondom di kinapatajan di Yisus. Om monuduk dii i Poulus dagai sampai tanga sodop do mampanauno dii gia isido di minsarap di susuvab. 8Om oguu iri tongolampu pinuang si saralom do bilik siri inuntunonja si tingkat kotolu. 9Om kivaro iso tomulok,#20:9 tomulok: vavajoi ngaranjo nopo nga iUtikas, do minogom siri jindila rumongou di Poulus monorita. Nga alaid marong i Poulus monorita gosob do siodopon marong iUtikas, om nokoodopno dii isido. Om naratu dii isido mantad siri jindila siri tingkat kotolu. Om ongoiono dii di tongotulun isido nga napataino dii isido. 10Nga indaauno dii i Poulus om ongoiono dii tungubai iUtikas. Om gopusono dii di Poulus isido, om kadi Poulus, “Ada kovi kosurau, do ovijaui bo isido diti,” ka. 11Om nokoindakod nopo dii i Poulus om i tongotulun kavagu siri savat, om poikokib-kokibo dii di Poulus iri kuui do akanonja. Om alaidpo dii i Poulus kumitatangar dagai gosob do minanavauno dii om pampanau ikoi nogi dii. 12Om ovitono dii di tulun i tomulok muli, om okonko aalang-alang asanang i ginavo diolo do novijau iri tomulok diri.
Minampanau i Poulus mantad Bandar Tarawas Mongoi soi Bandar Militus
13Nga uvang i Poulus mampanau takod mongoi soi Bandar Osus mantad si Bandar Tarawas. Jadi sinuu ikoi di Poulus sumako do kapal laut sumampaping mantad siri Tarawas mongoi soi Bandar Osus, om minintana i Poulus. 14Om inopitanja i Poulus siri Osus di sumako di kapal laut, om mongoi nogi soi Bandar Mitolini. 15Susuvabpo dii om sondipau ikoino dii mantad siri, om nokorikot ikoi siri osondipaan di Puru#20:15 Puru: Pulau Kius. Kotolu tadau om nokorikot ikoi nogi dii siri Puru Samus om apit ikoino dii siri. Kaapat tadau om nokorikot ikoi nogi dii soi Bandar Militus. 16Tinantu di Poulus do tumalib si Bandar Ipisus supaya au alaid siri Vonuvo Osia, do mogoogo isido rumikot soi Yorusalim do mingkosup di Tadau Tagajo Pintokusta#20:16 Pintokusta: Antangai Susuuon 2:1. nong obuli.
Binilinan di Poulus i Tongokotua di Poiuuntunan mantad siri Ipisus
17Om minonuu i Poulus do tulun mongoi siri Ipisus do mongongoi di tongokotua siri poiuuntunan do pokoyon siri Bandar Militus. 18Korikot nopo dii iolo siri di Poulus, om kadisido, “Oou dikovu tongokotua, oilaan mujuno nong potingkukuro i gaagayaku salaidku siti dikovu, mantad diri nokoulok oku siti tana do Osia. 19Ontok do kumaraja oku si di Tuhan nga aavi-avi osuribak i ginavoku, om soumur do mogiad oku, om oguu kosusaanku sabap miupakat i tongotulun Joudi do mamatai dogo. 20Om oilaan muju nogi do ausoi nokolosokku, do nunuu nopo iri buli monulung dikovu nga irino nipoiloku dikovu. Om monuduk oku dikovu siri gotuvang do tulun toguu om siri pointikid-tikid do valai muju. 21Om popoilo oku do kaandai-andai di tongotulun Joudi om tongotulun di okonko bansa Joudi nogi do misti rumorogo iolo, om gumotuvang do Kinoringan, om aparsaya di Yisus i Tuhan tokou,” kadi Poulus di tongokotua.
22Om kadi Poulus kavagu, “Maino mongoi oku soi Yorusalim do maja oku do nisuu di Tatod do Kinoringan. Nga au oku koilo nong kukuroyon oku di tongotulun soi. 23Itino oilaanku do pointikid-tikid do bandar tinoolikan#20:23 tinoolikan: woningon oku do Tatod Tolidang do osuat oku do kosusaan om pojiilon oku nogi soi Yorusalim. 24Nga insan matai ko mijau oku, nga aukui orubatan diti kojuvanku. Do kouvanganku nopo nga mangavi diti pampanaanku, om mangavi diti karajaku i naanuku mantad di Tuhan Yisus. Sinuu oku Disido popoilo di Abar do Aandai do opuavang i Kinoringan di tongotulun,” kadi Poulus.
25Om kadi Poulus kavagu, “Nokotongkop oku siti dikovu popoilo di gaagaya di Kinoringan do monguasa di tongotulunJo. Nga maino oilaankui do ausono dino dikovu do koontongpo dogo kavagu. 26-27Jadi tadau maino poiloonku ikovu do atarang, do onuu nopo iri kouvangan do Kinoringan nga niabarku dikovu. Auso nilosokku. Jadi nong kivaro nolijot dikovu nga auso natanggungku.
28Nga jaajagawo mujuno kondiri, om jaajagawo mujuno i tongotulun i naparsaya di Yisus do sinuu kou do Tatod Tolidang do mangajaga diolo, irad do tulun momimiara diri kambing biri-birijo kondiri. Piarawono i poiuuntunan di tongotulun diri naparsaya, do nolukatno iolo di Kinoringan sabap di kinapatajan di TanakJo. 29Nga oilaankui do kapanau oku nopo dino om kivaro dino tulun momumudut rumikot siti dikovu. Om au osianan iolo di tulun i naparsaya di Yisus irad di kaakaa torongit au osianan di kambing biri-biri do ongoionjo akano. 30Om kivaropo mantad diri do piipiro tulun mimbulai siti dikovu nogi do momudut do mamalid di tongotulun di Yisus om pavaja doisido. 31Pipupurimanai mujuno, om ondomo mujuno do tolu notoun linaid tadau sodop oku monuduk dikovu, om mogiad oku do au oku kojuu dikovu,” kadi Poulus.
32Om kadi Poulus kavagu, “Itino iti tangaronku do mokianu oku do Kinoringan do momiara dikovu. Vaja kouno di Abar do Aandai pasal do opuavang i Kinoringan dikovu, do iri nopo Abar do Aandai diri nga papapanggor di kaparsayaan muju. Om barakatan kou di Kinoringan do touri#20:32 touri: toudi tadau do porunggumon kou Disido kasangkat di tongotulun linidangan Disido. 33Au insan oku tumaai#20:33 tumaai: dumangi do pirok do koruang, ko amasjo ko sabungjo. 34Oilaan mujuno do gibang vanan oku kumaraja mamaal do kiim mantad do kulit do dupot do mogium oku akanonku om ilo songkoruanganku. 35Om kinumaraja oku irad diri supaya monuduk dikovu do misti kou arajin kumuri om monguup di tulun apalo ginavo. Om ondomono i tinangaran di Tuhan Yisus do irad diti, ‘Asanang nogi ginavo di tulun di manaak mantad diri ginavo di tulun di mangaramit,’ ka,” kadi Poulus di tongokotua di poiuuntunan mantad Bandar Ipisus.
36Nokoopod nopo dii i Poulus mitangar, om singkotudno dii isido do sumambayang mivaja kasangkat i tongokotua di poiuuntunan mantad Bandar Ipisus. 37Om kasangkat diolo nga minogiad om ginumapus di Poulus iri tongokotua om moisasalam ontodon do moiririjang iolo. 38Oludus#20:38 oludus: olunggui ko osusa marong ginavo marong iolo do nokorongou di tinangaran di Poulus do auno dii kasamung iolo disido kavagu. Jadi minaja iolo di Poulus gosob siri kapal laut.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.