Susuuon 14
14
Minonuduk i Poulus om i Banabas siri Bandar Kunium
1Korikot nopo dii i Poulus duvo di Banabas siri Bandar Kunium, om irad nogi soi Bandar Ontukia soi Vonuvo Pisidia. Nakaasu iolo siri valai sasambayangan do tulun Joudi om oingod iolo monuduk gosob do oguu i tongotulun Joudi, om i tongotulun do okonko bansa do Joudi nga aparsaya di Yisus. 2Om ii nopo tongotulun Joudi iri au aparsaya nga popibonsi di tulun do okonko bansa do Joudi, om pakaraat di ginavo di tongotulun supaya lumavan di tongosulod i naparsaya di Yisus. 3Om alaid i Poulus om i Banabas mijon siri Bandar Kunium. Om opusu iolo popoilo di Abar do Aandai pasal di Tuhan. Om nitaak di Tuhan i kuasaJo si di Poulus om i Banabas supaya mamaal iolo do kosunduvan om pongintutunan, om irad diri ipoontong di Tuhan di tongotulun do iri nopo Abar do Aandai i nituduk di Poulus om i Banabas nga oinomod do opuavang i Tuhan di tongotulun. 4Om nopiduvono dii i tongotulun siri bandar diri; nopintanga maja di tulun Joudi, om nopintanga maja di susuuon di Yisus.
5Om minoiupakat i tongotulun Joudi om i tongotulun di okonko bansa Joudi om i tongokotua diolo do mongurun daa di Poulus om i Banabas do mongodumpau di vatu. 6-7Koilaai nopo dii di susuuon di Yisus iri poiupakatan diolo om minogidu iolo mongoi soi Bandar Listuria om Dabi siri Vonuvo Likunia. Om popoilo iolo di Abar do Aandai di tongotulun siri bandar diri, om pointongkop di tongokampung vokon siri Vonuvo Likunia.
Minonuduk i Poulus om i Banabas siri Bandar Listuria om Dabi
8Kivaro iso kusai siri Bandar Listuria do nokimai duvo-duvo i takodjo, om au kapanau isido mantad di kosususupo. 9Mogom-ogom isido rumongou di tinangaran di Poulus. Kaantangai nopo dii di Poulus iri tulun nokimai do aparsaya do obuli olingasan, om natantangan dii di Poulus iri tulun nokimai diri, 10om tangarono dii disido do opuod do ka, “Ingkakatno,” ka. Om simpodno dii iri tulun diri miningkakat om pipapanauno dii isido.
11Kaantangai nopo dii di tongotulun siri i vinaal di Poulus, om muvap-luvap dii iolo saralom do tangar Likunia, “Nokoindaauno i divato#14:11 divato: i pinokokinoringan tokou do sinumiliu iolo do tulun toomod,” ka. 12Om pinonguranan diolo i Banabas do Jius, om i Poulus pinonguranan diolo do Orumis, irino ngaran do divato koduvo, do isidono monunuduk. 13Iri nopo valai di pinoijanan di patung di Jius nga si luar do bandar, om ongoiono dii di imam di Jius i tongosapi kusai om i tongovusak mantad si valai di pinoijanan di patung do oviton mongoi siri pintu, do monogit daa iri imam om iri tongotulun di Poulus duvo di Banabas.
14Karangaai nopo dii di susuuon di Yisus, irino i Banabas om i Poulus, do monogit i tongotulun diolo, om ruakono dii diolo i sabung doisido kondiri do osusa ginavo. Om moginangkus#14:14 moginangkus: mogundak iolo siri pialatan di tongotulun toguu, om lumuvap do kadiolo, 15“Ooi tongotulun kasangkat, ada kou irad dino do ikoi nga iradi dikovu, tulun toomod noopo! Mongovit ikoi di Abar do Aandai supaya tumolikud kou diti divato muju, om gumotuvang kou do Kinoringan. I Kinoringan nopo nga minomorun dilo tavan,#14:15 tavan: langit om diti tana, om vaig om kasangkat diti saralom vonuvo. 16I poguluupo pobojoon do Kinoringan i tongobansa maja do kouvanganjo kondiri. 17Nga insan irad diri, mamaal i Kinoringan do aandai di tongotulun supaya oilaan diolo i kaandaioJo. Om manaak Isido diri darun daton#14:17 daton: ditokou mantad soi tavan. Om manaak Isido do kouvaan pointikid-tikid toun. Om manaak Isido do taakanon supaya povijau daton om aandaian dii i ginavo tokou,” kadi Poulus. 18Insan irad diri tinangar di Poulus, osusa iolo duvo di Banabas potingkod di tongotulun do monogit doisido.
19Nga korikot nopo dii piipiro tulun Joudi mantad siri Bandar Ontukia siri Vonuvo Pisidia, om mantad siri Bandar Kunium om papavaja iolo di tongotulun Listuria do monusa di Poulus. Dumpauo dii diolo i Poulus do vatu om andasan nopo daa dii diolo do napataino i Poulus. Jadi gajato dii diolo palabus mantad siri bandar om iduai dii diolo muli. 20Om kivaro piipiro tulun naparsaya di Yisus si Bandar Listuria do nokorikot si di Poulus, om songingkakat dii iolo misoliput disido. Nga tungagno dii i Poulus do gumungguli kavagu siri bandar. Susuvab nopo dii om lombusno dii iolo duvo di Banabas soi Bandar Dabi.
Muli i Poulus om i Banabas Soi Vonuvo Siria
21Papaabar i Poulus duvo di Banabas di tongotulun di Abar do Aandai siri Bandar Dabi, om oguu dii i tongotulun do naparsaya di Yisus siri. Om gunggulino dii kavagu i duvo susuuon di Yisus siri Bandar Listuria, Kunium om Ontukia siri Vonuvo Pisidia. 22Om popogirot i Poulus duvo di Banabas di ginavo diri tongotulun di Yisus siri tongobandar diri. Om monosiat i Poulus om i Banabas diolo do tumilombus do aparsaya di Yisus. Om minonuduk iolo mongiduvo irad diti, “Misti osuat tokou oguu kasansaraan maino siti vonuvo sabap aparsaya tokou di Yisus, om ampa nogi opurimanan tokou do kasandadan do ginavo soi Kopomorintaan do Kinoringan,” ka. 23Om pomilino dii i Poulus om i Banabas di tongokotua siri pointikid-tikid do poiuuntunan di tulun i naparsaya di Yisus. Koopodpo dii iri, om mogpuasa nogi dii iolo om sumambayang do mokitulung di Tuhan supaya momiara Isido di tongotulun. Om popoilo nogi dii iolo diri tongotulun do, “Misti do piarawon kou di Tuhan do naparsaya kou Disido,” ka.
24Jadi nakapanau nopo dii i Poulus om i Banabas tumalib siri Vonuvo Pisidia om rumikot nogi siri Bandar Paraga siri Vonuvo Pompilia. 25Om koopod nopo dii iolo popoilo di Abar do Aandai soi Bandar Paraga om ruukno dii iolo siri Bandar Otolia. 26Om sakono dii i Poulus om i Banabas di kapal laut siri Otolia do gumungguli siri Bandar Ontukia siri Vonuvo Siria i nontodon diolo. I pogulu do aupo nakapanau iolo om sinambayangan iolo di tongosulod i naparsaya di Yisus siri Bandar Ontukia di Kinoringan supaya piarawon di Kinoringan iolo mamaal do karaja. Nga naavino dii iri karaja diolo maino.
27Om nokouli nopo dii i Poulus om i Banabas siri Bandar Ontukia, om untunono dii diolo i tongotulun i naparsaya di Yisus saralom poiuuntunan siri. Om popoilo dii i Poulus duvo di Banabas di tongotulun si Bandar Ontukia pasal diri kuasa do Kinoringan monulung doisido salaid diri minongoi iolo siri di tongotulun do okonko bansa do Joudi. Om popoilo iolo nogi di tongotulun si Bandar Ontukia do inukab do Kinoringan i tongoginavo di tongotulun do okonko bansa do Joudi supaya obuli iolo aparsaya di Yisus. 28Om mijonpo i Poulus duvo di Banabas siri di tongotulun di Yisus piipiro vulan.
Currently Selected:
Susuuon 14: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
Susuuon 14
14
Minonuduk i Poulus om i Banabas siri Bandar Kunium
1Korikot nopo dii i Poulus duvo di Banabas siri Bandar Kunium, om irad nogi soi Bandar Ontukia soi Vonuvo Pisidia. Nakaasu iolo siri valai sasambayangan do tulun Joudi om oingod iolo monuduk gosob do oguu i tongotulun Joudi, om i tongotulun do okonko bansa do Joudi nga aparsaya di Yisus. 2Om ii nopo tongotulun Joudi iri au aparsaya nga popibonsi di tulun do okonko bansa do Joudi, om pakaraat di ginavo di tongotulun supaya lumavan di tongosulod i naparsaya di Yisus. 3Om alaid i Poulus om i Banabas mijon siri Bandar Kunium. Om opusu iolo popoilo di Abar do Aandai pasal di Tuhan. Om nitaak di Tuhan i kuasaJo si di Poulus om i Banabas supaya mamaal iolo do kosunduvan om pongintutunan, om irad diri ipoontong di Tuhan di tongotulun do iri nopo Abar do Aandai i nituduk di Poulus om i Banabas nga oinomod do opuavang i Tuhan di tongotulun. 4Om nopiduvono dii i tongotulun siri bandar diri; nopintanga maja di tulun Joudi, om nopintanga maja di susuuon di Yisus.
5Om minoiupakat i tongotulun Joudi om i tongotulun di okonko bansa Joudi om i tongokotua diolo do mongurun daa di Poulus om i Banabas do mongodumpau di vatu. 6-7Koilaai nopo dii di susuuon di Yisus iri poiupakatan diolo om minogidu iolo mongoi soi Bandar Listuria om Dabi siri Vonuvo Likunia. Om popoilo iolo di Abar do Aandai di tongotulun siri bandar diri, om pointongkop di tongokampung vokon siri Vonuvo Likunia.
Minonuduk i Poulus om i Banabas siri Bandar Listuria om Dabi
8Kivaro iso kusai siri Bandar Listuria do nokimai duvo-duvo i takodjo, om au kapanau isido mantad di kosususupo. 9Mogom-ogom isido rumongou di tinangaran di Poulus. Kaantangai nopo dii di Poulus iri tulun nokimai do aparsaya do obuli olingasan, om natantangan dii di Poulus iri tulun nokimai diri, 10om tangarono dii disido do opuod do ka, “Ingkakatno,” ka. Om simpodno dii iri tulun diri miningkakat om pipapanauno dii isido.
11Kaantangai nopo dii di tongotulun siri i vinaal di Poulus, om muvap-luvap dii iolo saralom do tangar Likunia, “Nokoindaauno i divato#14:11 divato: i pinokokinoringan tokou do sinumiliu iolo do tulun toomod,” ka. 12Om pinonguranan diolo i Banabas do Jius, om i Poulus pinonguranan diolo do Orumis, irino ngaran do divato koduvo, do isidono monunuduk. 13Iri nopo valai di pinoijanan di patung di Jius nga si luar do bandar, om ongoiono dii di imam di Jius i tongosapi kusai om i tongovusak mantad si valai di pinoijanan di patung do oviton mongoi siri pintu, do monogit daa iri imam om iri tongotulun di Poulus duvo di Banabas.
14Karangaai nopo dii di susuuon di Yisus, irino i Banabas om i Poulus, do monogit i tongotulun diolo, om ruakono dii diolo i sabung doisido kondiri do osusa ginavo. Om moginangkus#14:14 moginangkus: mogundak iolo siri pialatan di tongotulun toguu, om lumuvap do kadiolo, 15“Ooi tongotulun kasangkat, ada kou irad dino do ikoi nga iradi dikovu, tulun toomod noopo! Mongovit ikoi di Abar do Aandai supaya tumolikud kou diti divato muju, om gumotuvang kou do Kinoringan. I Kinoringan nopo nga minomorun dilo tavan,#14:15 tavan: langit om diti tana, om vaig om kasangkat diti saralom vonuvo. 16I poguluupo pobojoon do Kinoringan i tongobansa maja do kouvanganjo kondiri. 17Nga insan irad diri, mamaal i Kinoringan do aandai di tongotulun supaya oilaan diolo i kaandaioJo. Om manaak Isido diri darun daton#14:17 daton: ditokou mantad soi tavan. Om manaak Isido do kouvaan pointikid-tikid toun. Om manaak Isido do taakanon supaya povijau daton om aandaian dii i ginavo tokou,” kadi Poulus. 18Insan irad diri tinangar di Poulus, osusa iolo duvo di Banabas potingkod di tongotulun do monogit doisido.
19Nga korikot nopo dii piipiro tulun Joudi mantad siri Bandar Ontukia siri Vonuvo Pisidia, om mantad siri Bandar Kunium om papavaja iolo di tongotulun Listuria do monusa di Poulus. Dumpauo dii diolo i Poulus do vatu om andasan nopo daa dii diolo do napataino i Poulus. Jadi gajato dii diolo palabus mantad siri bandar om iduai dii diolo muli. 20Om kivaro piipiro tulun naparsaya di Yisus si Bandar Listuria do nokorikot si di Poulus, om songingkakat dii iolo misoliput disido. Nga tungagno dii i Poulus do gumungguli kavagu siri bandar. Susuvab nopo dii om lombusno dii iolo duvo di Banabas soi Bandar Dabi.
Muli i Poulus om i Banabas Soi Vonuvo Siria
21Papaabar i Poulus duvo di Banabas di tongotulun di Abar do Aandai siri Bandar Dabi, om oguu dii i tongotulun do naparsaya di Yisus siri. Om gunggulino dii kavagu i duvo susuuon di Yisus siri Bandar Listuria, Kunium om Ontukia siri Vonuvo Pisidia. 22Om popogirot i Poulus duvo di Banabas di ginavo diri tongotulun di Yisus siri tongobandar diri. Om monosiat i Poulus om i Banabas diolo do tumilombus do aparsaya di Yisus. Om minonuduk iolo mongiduvo irad diti, “Misti osuat tokou oguu kasansaraan maino siti vonuvo sabap aparsaya tokou di Yisus, om ampa nogi opurimanan tokou do kasandadan do ginavo soi Kopomorintaan do Kinoringan,” ka. 23Om pomilino dii i Poulus om i Banabas di tongokotua siri pointikid-tikid do poiuuntunan di tulun i naparsaya di Yisus. Koopodpo dii iri, om mogpuasa nogi dii iolo om sumambayang do mokitulung di Tuhan supaya momiara Isido di tongotulun. Om popoilo nogi dii iolo diri tongotulun do, “Misti do piarawon kou di Tuhan do naparsaya kou Disido,” ka.
24Jadi nakapanau nopo dii i Poulus om i Banabas tumalib siri Vonuvo Pisidia om rumikot nogi siri Bandar Paraga siri Vonuvo Pompilia. 25Om koopod nopo dii iolo popoilo di Abar do Aandai soi Bandar Paraga om ruukno dii iolo siri Bandar Otolia. 26Om sakono dii i Poulus om i Banabas di kapal laut siri Otolia do gumungguli siri Bandar Ontukia siri Vonuvo Siria i nontodon diolo. I pogulu do aupo nakapanau iolo om sinambayangan iolo di tongosulod i naparsaya di Yisus siri Bandar Ontukia di Kinoringan supaya piarawon di Kinoringan iolo mamaal do karaja. Nga naavino dii iri karaja diolo maino.
27Om nokouli nopo dii i Poulus om i Banabas siri Bandar Ontukia, om untunono dii diolo i tongotulun i naparsaya di Yisus saralom poiuuntunan siri. Om popoilo dii i Poulus duvo di Banabas di tongotulun si Bandar Ontukia pasal diri kuasa do Kinoringan monulung doisido salaid diri minongoi iolo siri di tongotulun do okonko bansa do Joudi. Om popoilo iolo nogi di tongotulun si Bandar Ontukia do inukab do Kinoringan i tongoginavo di tongotulun do okonko bansa do Joudi supaya obuli iolo aparsaya di Yisus. 28Om mijonpo i Poulus duvo di Banabas siri di tongotulun di Yisus piipiro vulan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.