1 Korintus 4
4
Susuuon di Yisus Koristus
1Aandai daa do ponguranan ikoi dikovu do susuuon di Koristus om i momimiara di ponudukan do Kinoringan iri aupo nivantang Disido si di tongotulun di pogulu. 2Om kumoiso nopo iri togijon moi siri tulun do momimiara nga misti do moilo isido pangaarapan di onuu nopo i nisuu di tuanjo. 3Nga au okui osurau insan pakasalawon okupo dikovu ko onuu nopo gaagaya do tulun pakasala dogo, om au nogi oku misompori momutus nong kisala oku ko au. 4Do auso iiso opurimananku do asala oku, nga insan irad dino, okoniko iri pakabanar dogo do i Tuhanno i momutus dogo. 5Jadi nong irad diri, adapo pomutus do isaai nopo do aupo orikot i maso di natantu laaid, irino ontok di korikatan di Tuhan, do Isidono iri popointalang do onuu nopo i vinaal di songinlosok si totuvong. Om nogi popointalang Isido di kouvangan di tongotulun. Om iri nogi dino do monikid i Kinoringan do mangarajou di tongotulun diri maja diri gaagayajo do aandai.
6Oou kosusuladanku, tinangaran diri pinoontokku siri kojuvanja diOpulus kumaa si dikovu, supaya aantangan ikoi dikovu om sumugut kou dagai gosob do koontok i gaagaya muju di tinangaran si Kitab. Irino do ada kou pakagajo diri iso tulun om pokosuribak di tulun vokon. 7Om ada do kivaro tulun minsoromo dika do poinlobiko mantad di tulun vokon. I Kinoringanno minanaak dikau do onuu nopo i kivaro sino dika. Nong irad dino adakono pisinggagajo, maad di okonko pinataak dika toomod i kivaro sino dika.
8Panantaman muju daa om osukupno ino barakat muju do ausono iumon muju! Om panantaman muju daa om akaya kou! Om panantaman muju daa om osiliu kouno do raja, nga ikoi aupo. Nga songkuro kaandaio nong osiliu kou daa do raja, supaya osiliu ikoi nogi dino do raja koruang muju! 9Sabap do soromononku nopo om ikoi nopo diti tongosusuuon di Yisus nga siniliu do Kinoringan do kolimumuson di lobi osuribak, miinong do tulun di noukuman di patajon si gotuvang do tulun toguu do kasangkat do tongotulun siti vonuvo ko iipo i tongomoloikat nga maja do mongintotori. 10Pokobuduvon ikoi sabap maja di Koristus, nga panantaman muju daa om apandai kou dikovu saralom di Koristus! Ikoi nopo nga oluoi, nga panantaman muju daa om ogirot kou! Ikoi nopo nga intotorion nga panantaman muju daa om urumaton kou di tulun vokon! 11Sampai do maino pun vitilon om tuuvan ikoi, om okurang dagai pakaian, om pinloposon ikoi, om mombo-ombo ikoi do auso tantu koijononja. 12Om oujan iri longonja kumaraja do mogium balanja. Om insasanawon ikoi nga barakatanja nogi om pokorualan ikoi nga taananja nopo. 13Pakaraaton ikoi do tulun nga otuud i panambutja. Ikoi nopo nga pinakasampa siti vonuvo om kogonguk#4:13 kogonguk: kogomuk ikoi kaantangan do kasangkat di tongotulun gosob do maino.
14Kotutulisku nopo do irad diti om okoniko popoikum dikovu, nga irino ponosiatku dikovu do ikovuno pinakatanakku di au marong kojuuanku. 15Nga insan opulu noribu daa guru muju do potuduk do kovijaan muju saralom di Koristus, au maliu do isoi iri tama muju. Sabap do kopiiso di Koristus Yisus nga isoi oku sinumiliu do pinakatama muju do pinoporongou dikovu di Abar do Aandai di togina. 16Irino sabap do monuu oku marong dikovu supaya sumugut kou di gaagayaku. 17Om iri nogi koponuuanku di Tomotius mongoi sino dikovu do popoondom dikovu do kasangkat diri gaagayaku do maja di Koristus Yisus, do irad di pinotudukku do sinombo nopo do poiuuntunan do tulun di aparsaya. I Tomotius nopo diti nga pinakatanakkuno saralom do Tuhan, iri moilo pangaarapan om i au marong kojuuanku.
18Nga kivaro piipiro tulun sino dikovu do misinggagajo, do osoromo nopo daa diolo om au okuno rumikot kavagu sino dikovu. 19Nong kouvangan do Tuhan om oruai okui korikot sino dikovu daa. Nga mongoi okui sino supaya oilaanku nong kikuasa iri tulun diri misinggagajo mantad do Kinoringan ko au, nga okoniko rumongou oku noopo diri tangaron diolo. 20Do ontok do momorinta i Kinoringan daton#4:20 daton: ditokou om kointalangi nogi dino i kuasaJo siri gaagaya tokou om okoniko oilaan mantad do tangar noo. 21Ombo naku kouvangan muju? Pilio mujuno nong kilalapos oku do rumikot sino dikovu, ko otuud oku do au oku kojuu dikovu.
Currently Selected:
1 Korintus 4: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
1 Korintus 4
4
Susuuon di Yisus Koristus
1Aandai daa do ponguranan ikoi dikovu do susuuon di Koristus om i momimiara di ponudukan do Kinoringan iri aupo nivantang Disido si di tongotulun di pogulu. 2Om kumoiso nopo iri togijon moi siri tulun do momimiara nga misti do moilo isido pangaarapan di onuu nopo i nisuu di tuanjo. 3Nga au okui osurau insan pakasalawon okupo dikovu ko onuu nopo gaagaya do tulun pakasala dogo, om au nogi oku misompori momutus nong kisala oku ko au. 4Do auso iiso opurimananku do asala oku, nga insan irad dino, okoniko iri pakabanar dogo do i Tuhanno i momutus dogo. 5Jadi nong irad diri, adapo pomutus do isaai nopo do aupo orikot i maso di natantu laaid, irino ontok di korikatan di Tuhan, do Isidono iri popointalang do onuu nopo i vinaal di songinlosok si totuvong. Om nogi popointalang Isido di kouvangan di tongotulun. Om iri nogi dino do monikid i Kinoringan do mangarajou di tongotulun diri maja diri gaagayajo do aandai.
6Oou kosusuladanku, tinangaran diri pinoontokku siri kojuvanja diOpulus kumaa si dikovu, supaya aantangan ikoi dikovu om sumugut kou dagai gosob do koontok i gaagaya muju di tinangaran si Kitab. Irino do ada kou pakagajo diri iso tulun om pokosuribak di tulun vokon. 7Om ada do kivaro tulun minsoromo dika do poinlobiko mantad di tulun vokon. I Kinoringanno minanaak dikau do onuu nopo i kivaro sino dika. Nong irad dino adakono pisinggagajo, maad di okonko pinataak dika toomod i kivaro sino dika.
8Panantaman muju daa om osukupno ino barakat muju do ausono iumon muju! Om panantaman muju daa om akaya kou! Om panantaman muju daa om osiliu kouno do raja, nga ikoi aupo. Nga songkuro kaandaio nong osiliu kou daa do raja, supaya osiliu ikoi nogi dino do raja koruang muju! 9Sabap do soromononku nopo om ikoi nopo diti tongosusuuon di Yisus nga siniliu do Kinoringan do kolimumuson di lobi osuribak, miinong do tulun di noukuman di patajon si gotuvang do tulun toguu do kasangkat do tongotulun siti vonuvo ko iipo i tongomoloikat nga maja do mongintotori. 10Pokobuduvon ikoi sabap maja di Koristus, nga panantaman muju daa om apandai kou dikovu saralom di Koristus! Ikoi nopo nga oluoi, nga panantaman muju daa om ogirot kou! Ikoi nopo nga intotorion nga panantaman muju daa om urumaton kou di tulun vokon! 11Sampai do maino pun vitilon om tuuvan ikoi, om okurang dagai pakaian, om pinloposon ikoi, om mombo-ombo ikoi do auso tantu koijononja. 12Om oujan iri longonja kumaraja do mogium balanja. Om insasanawon ikoi nga barakatanja nogi om pokorualan ikoi nga taananja nopo. 13Pakaraaton ikoi do tulun nga otuud i panambutja. Ikoi nopo nga pinakasampa siti vonuvo om kogonguk#4:13 kogonguk: kogomuk ikoi kaantangan do kasangkat di tongotulun gosob do maino.
14Kotutulisku nopo do irad diti om okoniko popoikum dikovu, nga irino ponosiatku dikovu do ikovuno pinakatanakku di au marong kojuuanku. 15Nga insan opulu noribu daa guru muju do potuduk do kovijaan muju saralom di Koristus, au maliu do isoi iri tama muju. Sabap do kopiiso di Koristus Yisus nga isoi oku sinumiliu do pinakatama muju do pinoporongou dikovu di Abar do Aandai di togina. 16Irino sabap do monuu oku marong dikovu supaya sumugut kou di gaagayaku. 17Om iri nogi koponuuanku di Tomotius mongoi sino dikovu do popoondom dikovu do kasangkat diri gaagayaku do maja di Koristus Yisus, do irad di pinotudukku do sinombo nopo do poiuuntunan do tulun di aparsaya. I Tomotius nopo diti nga pinakatanakkuno saralom do Tuhan, iri moilo pangaarapan om i au marong kojuuanku.
18Nga kivaro piipiro tulun sino dikovu do misinggagajo, do osoromo nopo daa diolo om au okuno rumikot kavagu sino dikovu. 19Nong kouvangan do Tuhan om oruai okui korikot sino dikovu daa. Nga mongoi okui sino supaya oilaanku nong kikuasa iri tulun diri misinggagajo mantad do Kinoringan ko au, nga okoniko rumongou oku noopo diri tangaron diolo. 20Do ontok do momorinta i Kinoringan daton#4:20 daton: ditokou om kointalangi nogi dino i kuasaJo siri gaagaya tokou om okoniko oilaan mantad do tangar noo. 21Ombo naku kouvangan muju? Pilio mujuno nong kilalapos oku do rumikot sino dikovu, ko otuud oku do au oku kojuu dikovu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.