1 Korintus 2
2
Ponudukan pasal di Koristus i Pinasalib
1Oou kosusuladanku, kavagupo di rikot oku nopo sino dikovu do porongou di abar pasal do Kinoringan iri aupo nivantang di tongotulun pogulu, om aui aralom i tinangaranku om okoniko kopintaroku mitangar do poporongou dikovu. 2Do natatapno i kouvanganku di sino okupo dikovu do okoniko minsoromo oku do sondiang, nga iri noo i Yisus Koristus om i kinapatajan Disido siri salib. 3Om iri sino okupo dikovu opurimananku do oluoi oku, om mongkopor oku do rumosi marong do auosukup oku apandai do monuduk. 4Om i tangarku om ponudukanku dikovu pun okoniko kopintaro do tulun mitangar do kabajajat di ginavo do tulun. Nga gaagayaku nopo do monuduk nga popointalang diri kuasa di Tatod do Kinoringan, 5supaya ontok do aparsaya kou om mangaarap di ginirot do Kinoringan nga okoniko mangaarap di kopintaro do tulun.
Kopintaro mantad di Tatod di Kinoringan
6Nga insan pun irad dino opintar ikoji do monuduk di tulun do nokosukod i ginavojo, nga okoniko kopintaro do tulun siti vonuvo monuduk, om okon nogi ko kopintaro di kikuasa siti vonuvo, iri oruai om olijotno. 7Nga iti nopo kopintaro do potudukonja nga irino kopintaro do Kinoringan iri aupo nivantang si di tongotulun di pogulu do poinlosokpo iri, nga natantuno mantad do Kinoringan di aupo novorun#2:7 novorun: navaal iti vonuvo do onuan tokou do vinaang do kagajaan. 8Om iti tongokotua maino siti vonuvo nga au nokoilo do kopintaro diri aupo nivantang do Kinoringan di pogulu, sabap nong nokoilono iolo diri kopintaro do Kinoringan aui daa pinasalib diolo i Tuhan di kivinaang do kagajaan. 9Nga nokotulis si Kitab do irad diti,
“Iri au insan antangan
om au insan orongou
om au insan osoromo do tulun do osiliu,
om irino pinosodia do Kinoringan do itaak diri tulun di au kojuu Disido,” ka.#Antangai Yasaya 64:4.
10Nga nokointalangno do Kinoringan iri si daton#2:10 daton: ditokou mantad di TatodJo, iri au nivantang si daton daa.
Do i Tatod do Kinoringanno monorisid do mongilo kasangkat, insan i gaagaya do Kinoringan di taralom. 11Do ausoi koilo di ginavo do tulun nga irino i tatodjo kondiri koilo. Om irad nogi dino, auso kaarati nong onu si ginavo do Kinoringan nga irino i TatodJo kondiri kaarati. 12Nga okoniko i tatod diti vonuvo naanu tokou nga irino i Tatod do mantad di Kinoringan, supaya oilaan tokovi kasangkat onuu nopo iri itaak toomod do Kinoringan si daton.
13Jadi ikoi nopo nga okoniko mantad di kopintaro do tulun i potudukonja nga irino i pinotuduk di Tatod do Kinoringan dagai. Do papatarang ikoi do onuu nopo iri oinomod mantad di Tatod di Kinoringan om polombusonja si di tulun i kiTatod di Kinoringan.
14Nga tulun nopo di auso Tatod do Kinoringan nga aui kaanu do onuu nopo iri itaak toomod mantad do Kinoringan, sabap kobudu diolo iri do aui gia kaarati iolo. Do irino i tulun di kiTatod di Kinoringan do moilo monimbang diri. 15Nga tulun nopo do kiTatod di Kinoringan nga kadapat monimbang om momutus do onuu nopo. Om au kadapat i tulun di auso Tatod di Kinoringan do monginsala disido, 16do irad di nokotulis siri Kitab do ka,
“Ausoi koilo di sinoromo di Tuhan
om auso kadapat do monosiat Disido,” ka.
Nga itokou nopo om kisinoromo irad di sinoromo di Koristus.#Antangai Yasaya 40:13.
Currently Selected:
1 Korintus 2: LabukPKV
Highlight
Share
Copy
Want to have your highlights saved across all your devices? Sign up or sign in
© 1995, Wycliffe Bible Translators, Inc. All rights reserved.
