Naum 2
2
Fulan Ninibi nu Karasras
1Am fag ngay taw Ninibi, ay ngay fabarangyan gfabarangyan wa ayu ay gfasaruwayan. Nu katanya, uliti ay fulan at ngay alad ay linggati sa sangay dalan. Fafuli ay ngay sundalu ay famasadani nu an am nanfabarangyan. 2Dewa am nababo ebi taw Israel ay taw Uda kata sik ngay tanum ubas nu e narabrab, Yawi gfafoli yay talun Israel at fagmadaragangun.
3Ay ay ngay fabarangyan at balukas ay at famabarangyan maraska. Ay gina gfabarangyan gadganyangun at ngay karwai ay at ngay kabayu gtarung. 4Ay at ngay karwai matuyung nu gtarung sa sangaba dalan, nu ginfolian sa sangay faglanuwan. Ay kata sik salung gigang ay gdamlag kata fangkilat. 5Ay at fun nasugu at ngay tagfangguna ngay sundalu. Ay kanya gfangataid way ngap nu gtarung sa ay ngay alad laman nanfatsanya at ngay famabarangyan. 6Ay e lumuwang ay ngay sakbawan fulan tagsa baliwas safa ay e rumufa fun bale daul. 7E nafatuyan wa te, e tumaban wa ban ayu sa tibak talun. Ay ay fanuguwan fag ngay mangena garusngusan guyway kata sik linatad nu guni kadugenya katvngvdan nu kabalu. 8Ay taglagyu fag ngay taw siginans Ninibi kata wa sik safa nu kalimus siginan sik falinoan nu kasawang. Ay at ngay taglagyu gfafoli yama at iba ay roro we nfoli nus di sadi.
9Ay am tagfabarangyan sas Ninibi, buli wan sanya fag fulan at ngay gintu ay at ngay pilak, teway sanya ngayu dawdaw at fagmabalanun. 10Mamin wan ay umrasras wan Ninibi! Nu katanya, at ngay tagbanwan sanya kalimu. Ay at ngay bilug ay at ngay tud malukme wan, ay kadkalaksian wan. 11-12Ninibi kata sik luwib sik liyun talanan at fagbanwanan. Ay we gbabo anya sasad luwib, anway liyun tama gyugfu ay gfate at ngay fabarangyan ay gfon sat talnayan. Ay gfapnu wa karni sasad luwib siginan at ngay nafate. Ay katsi garasrasun wan Ninibi. 13Yawi at Madaragang nalong te, “Dungugani, am fag ngay taw Ninibi! Ku fabarangyan way am! Nu katanya, lumabe aw ay ngay karwai. Ay ay ngay sundalu umkate wa sat fagbarangyanan. Ay gfatabu kwan ay ngay fagbulun at mauri sas fagdaul daga. Ay wam mafafasugu ay ngay fanuguwan te, ‘Loi sa tibak talun ay foyungi ngay taw sanya te, katanya em fun at fakaumsigun.’ ”
Currently Selected:
Naum 2: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Naum 2
2
Fulan Ninibi nu Karasras
1Am fag ngay taw Ninibi, ay ngay fabarangyan gfabarangyan wa ayu ay gfasaruwayan. Nu katanya, uliti ay fulan at ngay alad ay linggati sa sangay dalan. Fafuli ay ngay sundalu ay famasadani nu an am nanfabarangyan. 2Dewa am nababo ebi taw Israel ay taw Uda kata sik ngay tanum ubas nu e narabrab, Yawi gfafoli yay talun Israel at fagmadaragangun.
3Ay ay ngay fabarangyan at balukas ay at famabarangyan maraska. Ay gina gfabarangyan gadganyangun at ngay karwai ay at ngay kabayu gtarung. 4Ay at ngay karwai matuyung nu gtarung sa sangaba dalan, nu ginfolian sa sangay faglanuwan. Ay kata sik salung gigang ay gdamlag kata fangkilat. 5Ay at fun nasugu at ngay tagfangguna ngay sundalu. Ay kanya gfangataid way ngap nu gtarung sa ay ngay alad laman nanfatsanya at ngay famabarangyan. 6Ay e lumuwang ay ngay sakbawan fulan tagsa baliwas safa ay e rumufa fun bale daul. 7E nafatuyan wa te, e tumaban wa ban ayu sa tibak talun. Ay ay fanuguwan fag ngay mangena garusngusan guyway kata sik linatad nu guni kadugenya katvngvdan nu kabalu. 8Ay taglagyu fag ngay taw siginans Ninibi kata wa sik safa nu kalimus siginan sik falinoan nu kasawang. Ay at ngay taglagyu gfafoli yama at iba ay roro we nfoli nus di sadi.
9Ay am tagfabarangyan sas Ninibi, buli wan sanya fag fulan at ngay gintu ay at ngay pilak, teway sanya ngayu dawdaw at fagmabalanun. 10Mamin wan ay umrasras wan Ninibi! Nu katanya, at ngay tagbanwan sanya kalimu. Ay at ngay bilug ay at ngay tud malukme wan, ay kadkalaksian wan. 11-12Ninibi kata sik luwib sik liyun talanan at fagbanwanan. Ay we gbabo anya sasad luwib, anway liyun tama gyugfu ay gfate at ngay fabarangyan ay gfon sat talnayan. Ay gfapnu wa karni sasad luwib siginan at ngay nafate. Ay katsi garasrasun wan Ninibi. 13Yawi at Madaragang nalong te, “Dungugani, am fag ngay taw Ninibi! Ku fabarangyan way am! Nu katanya, lumabe aw ay ngay karwai. Ay ay ngay sundalu umkate wa sat fagbarangyanan. Ay gfatabu kwan ay ngay fagbulun at mauri sas fagdaul daga. Ay wam mafafasugu ay ngay fanuguwan te, ‘Loi sa tibak talun ay foyungi ngay taw sanya te, katanya em fun at fakaumsigun.’ ”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines