Matiyu 9
9
Isus Nafafiya sik Ama at yud Malelegan
(Mar. 2:1-12; Lukas 5:17-26)
1Ay Isus nasakay wa sa sik balutu laman nandife ay noli wa sa at fulan. 2Ay nut sanya wan, e ngay taw nauba sas Isus sik taw at yud malelegan at matagilid si at fagtiyugan. Ay Isus nasaful wan ka fag ngay taw at fagafanudun, ay kanya nalong sa at yud malelegan te, “Sama, lag gafanawa, anway nafalyam wan am ngay asalanan.” 3Ay tibak tagfoyung Muisis at Suguwan nu nadungug igsulitanan sit dayu te, “Kanya fag taw at longan mauri way sas Diyus baliwa.” 4Ay roro Isus gsaful way at amatanganan, ay glong te, “Taw ro ay fagamatanganun mauri? 5Amatangani, inday fag longan at mafali kalong? Go lumong aw te, ‘Nafalyam wan am ngay asalanan,’ ay go ate lumong aw te, ‘Malindugi ay loi wan’? 6Katsi kaumsig aw gfatuyan sa ayu te, aw, Taw at Baguwama, e fagmadaragangun aktuwa ste swa daga gfalyam taw at asalanan.” Ay Isus nalong sa at yud malelegan te, “Alindugi. Ay ubanani am fagtiyugan ay ulii wa sam bale!” 7Ay kanya fag taw inlindug wa fiya ay noli wan. 8Ay ngay taw nu nalag, nadulawan dawdaw, ay naseg Diyus at tagfon fagmadaragangun takatanya sa sangay taw.
Isus Nataban Matiyu
(Mar. 2:13-17; Lukas 5:27-32)
9Ay Isus nu nalo wa sanya ginan, nalag sik ama at ngayan Matiyu nu malunggung sis fagsalian buwis fag bale. Ay Isus nalong sas Matiyu te, “Aloi wa angku.” Ay Matiyu nlindug ay naalo wa fiya Isus.
10Ay gina Isus igfangon gasfuwan at ngay tagadal sis Matiyu bale, ngayuk taget buwis ay tiba yak tagasalanan fag ngay taw at kindasug ay nafasfuwan yangay gfangon. 11Ay ngay taw Parisiyu nu nalag, ginto sas Isus at ngay tagadal te, “Taw ro ay takamoyung fagfasfuwanun gfangon sa sangay taget buwis ay sa sangay tagasalanan fag ngay taw?” 12Ay Isus nu nadungug at longan, nalong te, “Sik taw at yud e daylan wa long gayudan sik tagfafiya, kayu way at ke daylan tagayudan. 13Amatangani ay asafuli at masuwad at marirukan sis Diyus at longan te, ‘Bunwa ay anyun ku fakaumsigun, antuwa nu kafanyu am ay iba.’#9:13 Usea 6:6. Ku fagnastiyeun bunwa te, nan-gewan aw at matuyan fag ngay taw laman ku tagadal. Ku fagnastiyeun antuwa te, nan-gewan aw at tagasalanan fag ngay taw laman ku tagadal.”
Sik Fagintoun sa baliwa nu Gfe lungud gyud Gfangon laman Gdarangin
(Mar. 2:18-22; Lukas 5:33-39)
14Ay Uan Tagfasurung at ngay tagadal inkakbang sas Isus ay ginto te, “Ami ay anggan taw Parisiyu gfe lungud ami gyud gfangon laman gdarangin. Go taw manga am ngay tagadal at fagyudun gfe lungud gyud gfangon laman gdarangin?” 15Ay Isus nabalus te, “Go takadaduwa fag mangama ngay fagwes kabalu dewa gfaygaluwan at takadaduwa fag mangama? Igdi! Ay roro tibak menit ban e tumaban kanya fag mangama. Ay ginanya yay ban at ngay iba nu gfe lungud gyud gfangon laman gdarangin.”
16Ay Isus glong yay te, “We taw nansimat at bagu fag falefe sa at dan fag falefe tagasulat, teway fagalay nasimat at bagu fag falefe gina nalaba kanya umkitut ay rodi ngap umdaul wan at sulat. 17Ay we taw nantalin at bagu fag fangaranug fag safa sa at dan fag balat balan fag fagsuwadan safa, anway nu natalin way sanya, gina at bagu fag fangaranug fag safa lumafas, umbugsang, ay rodi, gsud wa ngap yud e fanambagun. Sik taw nu gtalin at bagu fag fangaranug fag safa sa tuwa at bagu fag balat balan fag fagsuwadan safa.”
Isus Nafafiya sik Mangena ay Nafaleleg sik Baguyna at Matean
(Mar. 5:21-43; Lukas 8:40-56)
18Kaduge Isus gelongan, indasug sik tagmagurang sa sangay taw Udyu at bale fakafulan. Ay kanya nlub sas Isus akbang ay glong te, “Ku baguyna bagu yay inkate. Ay satu ro adasugi ngay ro sa ku bale, ay fatayuki ngay ro am daluwap sa anya umleleg yay ro fiya.” 19Nu katanya, Isus ay anggan at ngay tagadal inlindug ay naalo ka fag tagmagurang. 20Ay kaduge sangaba dalan, sanya e sik mangena, labi duwak banwa wan nu gyud batang katuwas nu gfangigusan. Ay kanya nkakbang sas Isus day guyuy ay nated Isus balukas at baringbingan. 21Fakatanyaun, kanya gamatanganan te, “Dewa kro sirut tumed at balukas, umfiya kwa ro.” 22Ay Isus inbiling, ay nu nalag ka fag ina, nalong te, “Sena, lag kalimu. Am fagafanudun at nafafiya emu.” Ay rodi tv ka fag ina infiya wan at daylan.
23Ay Isus gina ndasug sa ka fag tagmagurang bale, nalag at ngay tagfauni tulali gina e matean ay anggan sik ngay taw tagaringang ayuwayu. 24Ay Isus nalong te, “Lakloi yap am, anway tuy fag baguyna wa nkate; gtiyug way.” Ay ka fag ngay taw nafangasean ayuwayu gafayudun Isus. 25Ay ka fag ngay taw nu nalaklo wan, Isus nasakbo sasad silid ay nated ka fag baguyna at daluwap. Ay ka fag baguyna nlunggung wan. 26Ay ka fag fagbulun indungug sanya fag talun fagdaul.
Isus Nafafiya Duwak Taw yud Glag
27Ay gina Isus nalo sanya ginan, e duwak taw yud glag galo anya, ay guro te, “Dabid at kadagdagan, afanyui emi!” 28Ay Isus nu nasakbo wa sad bale, anggan kanya fag duwama at yud glag nasakbo yangay, ay inkakbang anya. Ay Isus ginto te, “Go gafanud tuwam te, mafafiya aw ayu?” Ay ka fag duwama nabalus te, “Kin tuwa, em Fun.” 29Ay Isus nated sanya fag duwama at mata ay glong te, “Umgurungan wa fiya sa ayu kata ay fagafanudun.” 30Ay rodi ka fag duwama glag wa fiya. Ay Isus matvngvd nu gsalag ka fag duwama te, “Dungugani angku. Lag gfoyung dewa nus nga sinu aro ku nafagbulun.” 31Ay roro ngap ka fag duwama gina nalaklo, gfoyung wan nus nganday sanya fag fulan fagdaul Isus at nafagbulun aro ataw.
Isus Nafafiya sik Taw yud Mafaelongan
32Ay gina aro fag duwama at yud glag glo, e nataban sas Isus sik ama yud mafaelongan ay e mafurat fag falad. 33Ay Isus nu naayan wa ka fag mafurat fag falad siginan ka fag taw, rodi ka fag taw mafaelongan tuwa. Ay at ngay taw sanya nadulawan dawdaw te, “Wami batang e nalag takatvngvd anya at fagbulun sas fagdaul talun Israel.” 34Ay taw Parisiyu nalong te, “At fagmafaayanun at ngay mafurat fag falad, at fagmadaragangun siginan way at ngay mafurat fag falad at fun.”
Isus Kafanyu sa sangay Taw
35Ay Isus nalo wa sa sangay fulan daul ay sa sangay fulan sirut ay nafoyung sa sangay taw Udyu at ngay bale fakafulan. Ay at foyungan sanya at Masine fag Barita sa baliwas Diyus nu gmagurang taw, ay nafafiya nus nge wain at taw at daylan. 36Ay Isus nu nalag sik ngay taw, kanya infanyu, anway kanya fagayu gatakan ay we gtarabang. Kanya kata way sik ngay tupa yud e gtanud. 37Nu katanya, Isus nalong sat ngay tagadal te, “Ngayu wa fag faganiun, ay roro gsadsadian way at tagani. 38Nu katanya, darangini sa tam Fun Diyus, kanya tagbilug faganiun te, laman sumugu ban sik ngay tagani sat faganiun.”
Currently Selected:
Matiyu 9: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 9
9
Isus Nafafiya sik Ama at yud Malelegan
(Mar. 2:1-12; Lukas 5:17-26)
1Ay Isus nasakay wa sa sik balutu laman nandife ay noli wa sa at fulan. 2Ay nut sanya wan, e ngay taw nauba sas Isus sik taw at yud malelegan at matagilid si at fagtiyugan. Ay Isus nasaful wan ka fag ngay taw at fagafanudun, ay kanya nalong sa at yud malelegan te, “Sama, lag gafanawa, anway nafalyam wan am ngay asalanan.” 3Ay tibak tagfoyung Muisis at Suguwan nu nadungug igsulitanan sit dayu te, “Kanya fag taw at longan mauri way sas Diyus baliwa.” 4Ay roro Isus gsaful way at amatanganan, ay glong te, “Taw ro ay fagamatanganun mauri? 5Amatangani, inday fag longan at mafali kalong? Go lumong aw te, ‘Nafalyam wan am ngay asalanan,’ ay go ate lumong aw te, ‘Malindugi ay loi wan’? 6Katsi kaumsig aw gfatuyan sa ayu te, aw, Taw at Baguwama, e fagmadaragangun aktuwa ste swa daga gfalyam taw at asalanan.” Ay Isus nalong sa at yud malelegan te, “Alindugi. Ay ubanani am fagtiyugan ay ulii wa sam bale!” 7Ay kanya fag taw inlindug wa fiya ay noli wan. 8Ay ngay taw nu nalag, nadulawan dawdaw, ay naseg Diyus at tagfon fagmadaragangun takatanya sa sangay taw.
Isus Nataban Matiyu
(Mar. 2:13-17; Lukas 5:27-32)
9Ay Isus nu nalo wa sanya ginan, nalag sik ama at ngayan Matiyu nu malunggung sis fagsalian buwis fag bale. Ay Isus nalong sas Matiyu te, “Aloi wa angku.” Ay Matiyu nlindug ay naalo wa fiya Isus.
10Ay gina Isus igfangon gasfuwan at ngay tagadal sis Matiyu bale, ngayuk taget buwis ay tiba yak tagasalanan fag ngay taw at kindasug ay nafasfuwan yangay gfangon. 11Ay ngay taw Parisiyu nu nalag, ginto sas Isus at ngay tagadal te, “Taw ro ay takamoyung fagfasfuwanun gfangon sa sangay taget buwis ay sa sangay tagasalanan fag ngay taw?” 12Ay Isus nu nadungug at longan, nalong te, “Sik taw at yud e daylan wa long gayudan sik tagfafiya, kayu way at ke daylan tagayudan. 13Amatangani ay asafuli at masuwad at marirukan sis Diyus at longan te, ‘Bunwa ay anyun ku fakaumsigun, antuwa nu kafanyu am ay iba.’#9:13 Usea 6:6. Ku fagnastiyeun bunwa te, nan-gewan aw at matuyan fag ngay taw laman ku tagadal. Ku fagnastiyeun antuwa te, nan-gewan aw at tagasalanan fag ngay taw laman ku tagadal.”
Sik Fagintoun sa baliwa nu Gfe lungud gyud Gfangon laman Gdarangin
(Mar. 2:18-22; Lukas 5:33-39)
14Ay Uan Tagfasurung at ngay tagadal inkakbang sas Isus ay ginto te, “Ami ay anggan taw Parisiyu gfe lungud ami gyud gfangon laman gdarangin. Go taw manga am ngay tagadal at fagyudun gfe lungud gyud gfangon laman gdarangin?” 15Ay Isus nabalus te, “Go takadaduwa fag mangama ngay fagwes kabalu dewa gfaygaluwan at takadaduwa fag mangama? Igdi! Ay roro tibak menit ban e tumaban kanya fag mangama. Ay ginanya yay ban at ngay iba nu gfe lungud gyud gfangon laman gdarangin.”
16Ay Isus glong yay te, “We taw nansimat at bagu fag falefe sa at dan fag falefe tagasulat, teway fagalay nasimat at bagu fag falefe gina nalaba kanya umkitut ay rodi ngap umdaul wan at sulat. 17Ay we taw nantalin at bagu fag fangaranug fag safa sa at dan fag balat balan fag fagsuwadan safa, anway nu natalin way sanya, gina at bagu fag fangaranug fag safa lumafas, umbugsang, ay rodi, gsud wa ngap yud e fanambagun. Sik taw nu gtalin at bagu fag fangaranug fag safa sa tuwa at bagu fag balat balan fag fagsuwadan safa.”
Isus Nafafiya sik Mangena ay Nafaleleg sik Baguyna at Matean
(Mar. 5:21-43; Lukas 8:40-56)
18Kaduge Isus gelongan, indasug sik tagmagurang sa sangay taw Udyu at bale fakafulan. Ay kanya nlub sas Isus akbang ay glong te, “Ku baguyna bagu yay inkate. Ay satu ro adasugi ngay ro sa ku bale, ay fatayuki ngay ro am daluwap sa anya umleleg yay ro fiya.” 19Nu katanya, Isus ay anggan at ngay tagadal inlindug ay naalo ka fag tagmagurang. 20Ay kaduge sangaba dalan, sanya e sik mangena, labi duwak banwa wan nu gyud batang katuwas nu gfangigusan. Ay kanya nkakbang sas Isus day guyuy ay nated Isus balukas at baringbingan. 21Fakatanyaun, kanya gamatanganan te, “Dewa kro sirut tumed at balukas, umfiya kwa ro.” 22Ay Isus inbiling, ay nu nalag ka fag ina, nalong te, “Sena, lag kalimu. Am fagafanudun at nafafiya emu.” Ay rodi tv ka fag ina infiya wan at daylan.
23Ay Isus gina ndasug sa ka fag tagmagurang bale, nalag at ngay tagfauni tulali gina e matean ay anggan sik ngay taw tagaringang ayuwayu. 24Ay Isus nalong te, “Lakloi yap am, anway tuy fag baguyna wa nkate; gtiyug way.” Ay ka fag ngay taw nafangasean ayuwayu gafayudun Isus. 25Ay ka fag ngay taw nu nalaklo wan, Isus nasakbo sasad silid ay nated ka fag baguyna at daluwap. Ay ka fag baguyna nlunggung wan. 26Ay ka fag fagbulun indungug sanya fag talun fagdaul.
Isus Nafafiya Duwak Taw yud Glag
27Ay gina Isus nalo sanya ginan, e duwak taw yud glag galo anya, ay guro te, “Dabid at kadagdagan, afanyui emi!” 28Ay Isus nu nasakbo wa sad bale, anggan kanya fag duwama at yud glag nasakbo yangay, ay inkakbang anya. Ay Isus ginto te, “Go gafanud tuwam te, mafafiya aw ayu?” Ay ka fag duwama nabalus te, “Kin tuwa, em Fun.” 29Ay Isus nated sanya fag duwama at mata ay glong te, “Umgurungan wa fiya sa ayu kata ay fagafanudun.” 30Ay rodi ka fag duwama glag wa fiya. Ay Isus matvngvd nu gsalag ka fag duwama te, “Dungugani angku. Lag gfoyung dewa nus nga sinu aro ku nafagbulun.” 31Ay roro ngap ka fag duwama gina nalaklo, gfoyung wan nus nganday sanya fag fulan fagdaul Isus at nafagbulun aro ataw.
Isus Nafafiya sik Taw yud Mafaelongan
32Ay gina aro fag duwama at yud glag glo, e nataban sas Isus sik ama yud mafaelongan ay e mafurat fag falad. 33Ay Isus nu naayan wa ka fag mafurat fag falad siginan ka fag taw, rodi ka fag taw mafaelongan tuwa. Ay at ngay taw sanya nadulawan dawdaw te, “Wami batang e nalag takatvngvd anya at fagbulun sas fagdaul talun Israel.” 34Ay taw Parisiyu nalong te, “At fagmafaayanun at ngay mafurat fag falad, at fagmadaragangun siginan way at ngay mafurat fag falad at fun.”
Isus Kafanyu sa sangay Taw
35Ay Isus nalo wa sa sangay fulan daul ay sa sangay fulan sirut ay nafoyung sa sangay taw Udyu at ngay bale fakafulan. Ay at foyungan sanya at Masine fag Barita sa baliwas Diyus nu gmagurang taw, ay nafafiya nus nge wain at taw at daylan. 36Ay Isus nu nalag sik ngay taw, kanya infanyu, anway kanya fagayu gatakan ay we gtarabang. Kanya kata way sik ngay tupa yud e gtanud. 37Nu katanya, Isus nalong sat ngay tagadal te, “Ngayu wa fag faganiun, ay roro gsadsadian way at tagani. 38Nu katanya, darangini sa tam Fun Diyus, kanya tagbilug faganiun te, laman sumugu ban sik ngay tagani sat faganiun.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines