Matiyu 22
22
Isus At Fafaskudanan sa sik ngay Fakonun Ayuwayu
(Lukas 14:16-24)
1Ay Isus gdog yay nafoyung sanya fag ngay taw sik fafaskudanan te, 2“Diyus nu gmagurang taw kata yangay sik fun nu gfamasadan sik ngay fakonun ayuwayu anway gafadaduwaun at baguwama. 3Ay ka fag fun nasugu at ngay fanuguwan, laman nanfatsanya ebi ataw at nagewan fag ngay taw. Ay ka fag ngay taw wa mangaro kaumsig glo sanya. 4Ay ka fag fun nasugu yangay tibak fanuguwan te, ‘Foyungi sa ebi ku nagewan fag ngay taw te, nafate akwan ku ngay baka ay tiba yak balan at mataglu. Ay katsi ntama wan, ay nanlagi wan nanfangoni.’ 5Ay kanya fag ngay taw wa gadunguganun at fun at ngay fanuguwan at longan. Ay ka fag ngay taw gfaning way mandi at fasadan ay nalo wan. Ay at sadi sa wa at gamasun. Ay at sadi sat fagfabilian nus nge wain. 6Ay tiba nated ka fag fun at ngay fanuguwan ay nafauri ayuwayu ay anggan wa nafate anya. 7Ay ka fag fun kadotama dawdaw, ay nasugu at ngay sundalu laman nanfate kanya fag ngay tagfate tiba. Ay anggan wa nalabe at fulan. 8Ay rodi ka fag fun nalong sat ngay fanuguwan te, ‘Nafamasadan kwan sik ngay fakonun ayuwayu sa ku baguwama takadaduwa. Ay ebi ku nagewan fag ngay taw wa kalong kalong masine nu gsakbo. 9Ay katsi loi wan sa sangay dalan daul. Ay fagayu ay nalag fag taw sanya foyungi, laman stumiye sa ku nafamasadan fag ngay fakonun.’ 10Ay at ngay fanuguwan nalo wa fiya sa sangay dalan daul, ay gfaful fagayu at nalag fag taw, dewa mauri ay dewa masine fag taw. Ay katsi long inkapnu wan at taw at fagfadaduwaan fag bale.
11“Ay kanya fag fun nasakbo sat fagfadaduwaan fag bale, laman nanlag at maful fag ngay taw. Ay manlag di sadik taw we balukas sas fangadaduwa baliwa. 12Ay at fun nainto anya te, ‘Sama, nataw way am fagyudun e balukas sas fangadaduwa baliwa dewa o nasakbo?’ Ay kanya fag ama wa mafabalus. 13Ay at fun nalong sat ngay fanuguwan te, ‘Siyuki wan ka fag ama at take ay at bitis. Ay ukasi wa sasad marum, sas faguywayan ban dawdaw ay anggan sas fagfaringgitan at bagang.’ ” 14Ay Isus nalong yangay te, “Dewa ngayu at nagewan, gsadsadian way at nafili.”
Go Masine manga nu Gfon Buwis sas Talun Ruma at Fun fiya fiya?
(Mar. 12:13-17; Lukas 20:20-26)
15Ay ka fag ngay taw Parisiyu nalo wan ay gsulitanan te, “Tain nu gfe asalanan tam ka fag Isus siginan at elongan?” 16Ay kanya fagayu nasugu at ngay tagadal gfasfuwan Erudes at ngay fanuguwan laman nanginto sas Isus te, “Takamoyung, nasaful wami te, matuyan am longan, ay matuyan nu gfoyung o Diyus at ugali. Ay di o kaalo dewa nus nga sinu fag taw. 17Tain emu am amatanganan? Foyungi emi! Go manga sik taw masine tuwa nu gfon at buwis sas talun Ruma at fun fiya fiya, ay go yaya?” 18Ay Isus nasaful wan ka fag ngay taw at amatanganan. Ay nalong sanya fag ngay taw te, “Am, sik ngay tagfanluk way am! Taw ro ay fagnanfaskudun angku? 19Foni angku sik singku fanbuwis.” Ay ka fag ngay taw nafon wa fiya. 20Ay Isus nainto te, “Sinu at ke aninu, ay at ke rirukan iste sis singku?” 21Ay ka fag ngay taw nabalus anya te, “Talun Ruma at fun.” Ay Isus nalong te, “Kin! Nu katanya, foni sas fun tagsis fun, ay foni sas Diyus tagsis Diyus.” 22Ay ka fag ngay taw nu nadungug Isus at famalus, nadulawan ay nalo wan siginans Isus at akbang.
Go at Kinkate Gdog yay Gleleg?
(Mar. 12:18-27; Lukas 20:27-38)
23Ay ginanya yangay fag menit sik ngay taw Sadusiyu nkakbang sas Isus. (Ka fag ngay taw Sadusiyu gafanud te, sik taw fagalay inkate wa ban gdog gleleg.) 24Kanya nainto te, “Takamoyung, ebi ebi Muisis nafoyung te, sik mangama nu nkate wan ay wa nke unga, at masine at fadugsay fag ama adaduwai yap sa ebi ataw at kaka mangena, laman umke unga yay, bilang at kaka unga. 25Ebi si emi e fituk dugsayan mangama. Ay at turungana indaduwa sa sik mangena, ay bandi inkate wan. Ay wa nke unga. Ay at ariyan indaduwa yay fiya sa at kaka mangena. 26Ay katanya yangay at fatulu ay at faufat anggan wa sat fuyu. Ay ka fag dugsayan inkate ay wa nke unga. 27Ay bandi inkate yangay ka fag mangena. 28Ay go gina ban fagayu taw gdog yay gleleg, sinu ban ka fag mangena at mangama, anway ebi ataw fagayu dugsayan namangenaan wanay anya?”
29Ay Isus nabalus te, “Gsalan way am, anway wam nasaful Diyus at longan ay anggan at fagmadaragangun. 30Gina ban gdog gleleg, wa ban e gdaduwaan. Ginanya ban, fagayu taw kata way Diyus at ngay tagfabarita sas banwa. 31Ay sa baliwas taw nu gdog yay gleleg, go yam natap at marirukan sis Diyus at longan sa ayu te, 32‘Aw wan Abrayam, Isaak, ay Akub at Diyus.’ Ay dewa ka fag tuluk taw inkate wan ebi, kanya gdog yay gleleg, anway at Diyus bundi at matean fag taw at Diyus. Kanya at tagleleg tuwa fag taw at Diyus.” 33Ay ka fag ngay taw nu nadungug nadulawan, anway sas Isus nafoyungan.
Diyus At Longan at Tiba Tungud
(Mar. 12:28-34; Lukas 10:25-28)
34Ay taw Parisiyu nu nadungug te, Isus nababo taw Sadusiyu si at elongan, kanya nful ay inkakbang sas Isus. 35Ay at sadik taw Parisiyu, tagfoyung Muisis at Suguwan, nanfaskud Isus te, 36“Takamoyung, nataw Diyus at Suguwan at tiba tungud?” 37Ay Isus gbalus anya te, “ ‘Esugi am Fun am Diyus fagdaul am amatanganan ay fagdaul am fagsafulun.’ 38Kanya tuwa at tiba tungud fiya fiya at suguwan. 39Ay sit daga tv fag longan katatuy te, ‘Esugi am iba katvngvdi nu kesug o emu.’ 40Sanya ginan way fag duwak longan at fagmasadian, fagayu Muisis Suguwan ay anggan sigon ebi Diyus at ngay taglong at foyungan.”
Sinu Tam Diyus at Nafili fag Fun?
(Mar. 12:35-37; Lukas 20:41-44)
41Ay gina at ngay taw Parisiyu maful, Isus nainto te, 42“Tain nu gfasad am sa baliwas Diyus at nafili fag Fun? Sinu kanya ke kadagdagan?” Ay kanya fag ngay taw nabalus te, “Fun Dabid at kadagdagan.” 43Ay Isus ginto yangay fiya te, “Nu katanya, taw ro fun Dabid at fagnangayanun anya te, ‘Ku Fun,’ gina at Masine fag Falad nafaamatanganan anya? Dabid nalong te:
44‘Tam Fun Diyus nalong sa ku Fun te,
Malunggungi sas faglunggungan taglabi mauseganan si ku day tigyangan,
anggan aw gfatsa am daga fagmadaragangun am ngay fabarangyan.’#22:44 Danyu 110:1.
45Taw ro fun Dabid fagnafangayanun anya te, ‘Ku Fun,’ ay nu fun Dabid way ngap at kadagdagan?” 46Ay ka fag ngay taw sanya wa nafabalus Isus. Ay siginan ginanya, we taw ganangintoun sas Isus nus di sadik fagintoun.
Currently Selected:
Matiyu 22: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 22
22
Isus At Fafaskudanan sa sik ngay Fakonun Ayuwayu
(Lukas 14:16-24)
1Ay Isus gdog yay nafoyung sanya fag ngay taw sik fafaskudanan te, 2“Diyus nu gmagurang taw kata yangay sik fun nu gfamasadan sik ngay fakonun ayuwayu anway gafadaduwaun at baguwama. 3Ay ka fag fun nasugu at ngay fanuguwan, laman nanfatsanya ebi ataw at nagewan fag ngay taw. Ay ka fag ngay taw wa mangaro kaumsig glo sanya. 4Ay ka fag fun nasugu yangay tibak fanuguwan te, ‘Foyungi sa ebi ku nagewan fag ngay taw te, nafate akwan ku ngay baka ay tiba yak balan at mataglu. Ay katsi ntama wan, ay nanlagi wan nanfangoni.’ 5Ay kanya fag ngay taw wa gadunguganun at fun at ngay fanuguwan at longan. Ay ka fag ngay taw gfaning way mandi at fasadan ay nalo wan. Ay at sadi sa wa at gamasun. Ay at sadi sat fagfabilian nus nge wain. 6Ay tiba nated ka fag fun at ngay fanuguwan ay nafauri ayuwayu ay anggan wa nafate anya. 7Ay ka fag fun kadotama dawdaw, ay nasugu at ngay sundalu laman nanfate kanya fag ngay tagfate tiba. Ay anggan wa nalabe at fulan. 8Ay rodi ka fag fun nalong sat ngay fanuguwan te, ‘Nafamasadan kwan sik ngay fakonun ayuwayu sa ku baguwama takadaduwa. Ay ebi ku nagewan fag ngay taw wa kalong kalong masine nu gsakbo. 9Ay katsi loi wan sa sangay dalan daul. Ay fagayu ay nalag fag taw sanya foyungi, laman stumiye sa ku nafamasadan fag ngay fakonun.’ 10Ay at ngay fanuguwan nalo wa fiya sa sangay dalan daul, ay gfaful fagayu at nalag fag taw, dewa mauri ay dewa masine fag taw. Ay katsi long inkapnu wan at taw at fagfadaduwaan fag bale.
11“Ay kanya fag fun nasakbo sat fagfadaduwaan fag bale, laman nanlag at maful fag ngay taw. Ay manlag di sadik taw we balukas sas fangadaduwa baliwa. 12Ay at fun nainto anya te, ‘Sama, nataw way am fagyudun e balukas sas fangadaduwa baliwa dewa o nasakbo?’ Ay kanya fag ama wa mafabalus. 13Ay at fun nalong sat ngay fanuguwan te, ‘Siyuki wan ka fag ama at take ay at bitis. Ay ukasi wa sasad marum, sas faguywayan ban dawdaw ay anggan sas fagfaringgitan at bagang.’ ” 14Ay Isus nalong yangay te, “Dewa ngayu at nagewan, gsadsadian way at nafili.”
Go Masine manga nu Gfon Buwis sas Talun Ruma at Fun fiya fiya?
(Mar. 12:13-17; Lukas 20:20-26)
15Ay ka fag ngay taw Parisiyu nalo wan ay gsulitanan te, “Tain nu gfe asalanan tam ka fag Isus siginan at elongan?” 16Ay kanya fagayu nasugu at ngay tagadal gfasfuwan Erudes at ngay fanuguwan laman nanginto sas Isus te, “Takamoyung, nasaful wami te, matuyan am longan, ay matuyan nu gfoyung o Diyus at ugali. Ay di o kaalo dewa nus nga sinu fag taw. 17Tain emu am amatanganan? Foyungi emi! Go manga sik taw masine tuwa nu gfon at buwis sas talun Ruma at fun fiya fiya, ay go yaya?” 18Ay Isus nasaful wan ka fag ngay taw at amatanganan. Ay nalong sanya fag ngay taw te, “Am, sik ngay tagfanluk way am! Taw ro ay fagnanfaskudun angku? 19Foni angku sik singku fanbuwis.” Ay ka fag ngay taw nafon wa fiya. 20Ay Isus nainto te, “Sinu at ke aninu, ay at ke rirukan iste sis singku?” 21Ay ka fag ngay taw nabalus anya te, “Talun Ruma at fun.” Ay Isus nalong te, “Kin! Nu katanya, foni sas fun tagsis fun, ay foni sas Diyus tagsis Diyus.” 22Ay ka fag ngay taw nu nadungug Isus at famalus, nadulawan ay nalo wan siginans Isus at akbang.
Go at Kinkate Gdog yay Gleleg?
(Mar. 12:18-27; Lukas 20:27-38)
23Ay ginanya yangay fag menit sik ngay taw Sadusiyu nkakbang sas Isus. (Ka fag ngay taw Sadusiyu gafanud te, sik taw fagalay inkate wa ban gdog gleleg.) 24Kanya nainto te, “Takamoyung, ebi ebi Muisis nafoyung te, sik mangama nu nkate wan ay wa nke unga, at masine at fadugsay fag ama adaduwai yap sa ebi ataw at kaka mangena, laman umke unga yay, bilang at kaka unga. 25Ebi si emi e fituk dugsayan mangama. Ay at turungana indaduwa sa sik mangena, ay bandi inkate wan. Ay wa nke unga. Ay at ariyan indaduwa yay fiya sa at kaka mangena. 26Ay katanya yangay at fatulu ay at faufat anggan wa sat fuyu. Ay ka fag dugsayan inkate ay wa nke unga. 27Ay bandi inkate yangay ka fag mangena. 28Ay go gina ban fagayu taw gdog yay gleleg, sinu ban ka fag mangena at mangama, anway ebi ataw fagayu dugsayan namangenaan wanay anya?”
29Ay Isus nabalus te, “Gsalan way am, anway wam nasaful Diyus at longan ay anggan at fagmadaragangun. 30Gina ban gdog gleleg, wa ban e gdaduwaan. Ginanya ban, fagayu taw kata way Diyus at ngay tagfabarita sas banwa. 31Ay sa baliwas taw nu gdog yay gleleg, go yam natap at marirukan sis Diyus at longan sa ayu te, 32‘Aw wan Abrayam, Isaak, ay Akub at Diyus.’ Ay dewa ka fag tuluk taw inkate wan ebi, kanya gdog yay gleleg, anway at Diyus bundi at matean fag taw at Diyus. Kanya at tagleleg tuwa fag taw at Diyus.” 33Ay ka fag ngay taw nu nadungug nadulawan, anway sas Isus nafoyungan.
Diyus At Longan at Tiba Tungud
(Mar. 12:28-34; Lukas 10:25-28)
34Ay taw Parisiyu nu nadungug te, Isus nababo taw Sadusiyu si at elongan, kanya nful ay inkakbang sas Isus. 35Ay at sadik taw Parisiyu, tagfoyung Muisis at Suguwan, nanfaskud Isus te, 36“Takamoyung, nataw Diyus at Suguwan at tiba tungud?” 37Ay Isus gbalus anya te, “ ‘Esugi am Fun am Diyus fagdaul am amatanganan ay fagdaul am fagsafulun.’ 38Kanya tuwa at tiba tungud fiya fiya at suguwan. 39Ay sit daga tv fag longan katatuy te, ‘Esugi am iba katvngvdi nu kesug o emu.’ 40Sanya ginan way fag duwak longan at fagmasadian, fagayu Muisis Suguwan ay anggan sigon ebi Diyus at ngay taglong at foyungan.”
Sinu Tam Diyus at Nafili fag Fun?
(Mar. 12:35-37; Lukas 20:41-44)
41Ay gina at ngay taw Parisiyu maful, Isus nainto te, 42“Tain nu gfasad am sa baliwas Diyus at nafili fag Fun? Sinu kanya ke kadagdagan?” Ay kanya fag ngay taw nabalus te, “Fun Dabid at kadagdagan.” 43Ay Isus ginto yangay fiya te, “Nu katanya, taw ro fun Dabid at fagnangayanun anya te, ‘Ku Fun,’ gina at Masine fag Falad nafaamatanganan anya? Dabid nalong te:
44‘Tam Fun Diyus nalong sa ku Fun te,
Malunggungi sas faglunggungan taglabi mauseganan si ku day tigyangan,
anggan aw gfatsa am daga fagmadaragangun am ngay fabarangyan.’#22:44 Danyu 110:1.
45Taw ro fun Dabid fagnafangayanun anya te, ‘Ku Fun,’ ay nu fun Dabid way ngap at kadagdagan?” 46Ay ka fag ngay taw sanya wa nafabalus Isus. Ay siginan ginanya, we taw ganangintoun sas Isus nus di sadik fagintoun.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines