Matiyu 11
11
Isus ay Uan Tagfasurung
(Lukas 7:18-35)
1Ay nu ntabu wan Isus nu gfoyung at labi duwak tagadal, kanya nalo wan sanya ginan laman nanfoyung sat ngaba dayu fag ngay fulan.
2Ay gina Uan Tagfasurung sas fagsungsungan, kanya nadungug yay tam Fun Isus at ngay nafagbulun. Nu katanya, nasugu yay at tagadal at tiba sas Isus, 3laman nanginto sa Isus te, “Go o wan em fagfanyaun at takadasug? Ay go gfanya yap ami gugat?” 4Ay Isus igbalus sas Uan at ngay tagadal te, “Ulii wan. Ay foyungi sas Uan ay nalag ay ay nadungug te, 5at yud glag ebi, katsi glag tuwa. Ay at yud malo ebi, katsi malo tuwa. Ay at mason at ke daylan sit balat, katsi nfiya tuwa. Ay at yud gdungug ebi, katsi gdungug tuwa. Ay at kinkate ebi, katsi gleleg yangay. Ay e nafoyung at Masine fag Barita sat yud e kwa. 6Ay nus nga sinu at yud gfainfolian at amatanganan sa angku baliwa, useganani tuwa.”
7Ay Uan at ngay tagadal nu nalo wan, Isus ginto sa sangay taw sas Uan baliwa te, “Taw ro ay fagnaloun sas talun at yud e taw? Taw sangay ay fagyalagun sanya? Go ay fagyalagun sik taw takata sik sigbo taginkaloan sas tagmara? 8Ay nu bunyay kanya, nataw tuwa ay fagyalagun? Go ay fagyalagun antuwa sik taw at ke balukas at masine dawdaw? At ke balukas at masine dawdaw, nu gbanwan sa tuwa fun at bale. 9Ay nu bunyay kanya, inday tuwa ro ay fagyalagun? Go antuwa Diyus at taglong? Ay kin, nu katanya, glong aw sa ayu te, Uan glabi yay tibak taglong. 10Anway kanya wan ebi ebi at marirukan sis Diyus at longan te, ‘Sumugu aw ku tagfoyung at gumuna emu laman nanfamasadan am dalan.’ ” 11At matuyan iglong aw ayu te, anggan katsi we taw at kinsalug glabi yay Uan nu kadungug. Ay roro dewa tiba daga fag taw sas Diyus at fagmagurangan taw, kanya glabi yay Uan. 12Ay siginan ngay ebi Uan bagu kamoyung anggan katsi, at ngay taw gfabulun nangatap sas Diyus at fagmagurangan taw. 13Anway fagayu taglong ay anggan Muisis at Suguwan nadiyuganan nu naguna nafoyung Diyus at fagmagurangan taw gina Uan yud indasug. 14Ay nu gafanud tuwam kanya fag ngay foyungan te, Uan wan, kanya wan Elyas ay fagfanyaun takadasug. 15Nu nadungug tuwam amatangani tuwa.
16“Tain ro nu gfaladlabian aw katsi fag ngay taw? Kanya kata way sik ngay sisiyan at malunggung si sangaba lungud talun faglanuwan, ay guro sa at tiba te, 17‘Dewa ami gfantulalian, am, wam gsayaw. Ay dewa ami guyway, am, wam gauywayun.’ 18Katatuy ku longan aro at masuwad. Uan gina ndasug, kanya yud gfangon tibak menit ay yud ginum. Ay ngay taw glong te, ‘Uan e mafurat way fag falad.’ 19Ay gina nalag angku, Taw at Baguwama, nu gfangon ay ginum, ngay taw glong te, ‘Linggati nin fag taw ngayu dawdaw nu kon, ay ginum fangaranug ay gfafagwesanan ngay taget buwis anggan tiba yak tagasalanan.’ ”
Ay Isus nalong yangay te, sumaful way tam sik taw at mamatanganan at fagbulun, nu lumag tam at fagbulun at masine.
E Nanfauri ban sa sik ngay Fulan at yud Naubun at Asalanan
(Lukas 10:13-15)
20Ay Isus nabaya ngay fulan at ngay taw, teway dewa ngayu at nafalag ebi at madaragang fag fagbulun, wa naubun at asalanan. Ay Isus nalong te, 21“E nanfauri ban sa ayu, fulan Kurasin at ngay taw! Ay e nanfauri yangay ban sa ayu, fulan Betsayda at ngay taw! Anway nu sa di ro fulan Tiru ay fulan Sidun nu gfagbulun aw ka fag madaragang fag ngay fagbulun ku nafagbulun sa ayu, glugo wa ro gugat taw Tiru ay taw Sidun nu nasulun saku ay namalunggung sas wa dafug, sik fagsafulan te, naubun wan at asalanan. 22Nu katanya, glong aw ayu te, gina ban sis fakatabuwan fag ngay menit, glabi yay ban kamataka sas Tiru ay Sidun ku faurianan sa ayu. 23Ay am fulan Kapernaum at ngay taw, go nu gfasad am, e sumeg ayu dewa sas banwa? Ay roro ngap ay fakadasugan sa way ban at matean at talun. Anway nu sa di ro fulan Suduma nu gfalag aw ku fagbulun at madulawan ay nalag, satu ro sanya yay ka fag fulan anggan katsi. 24Nu katanya, amatangani wa te, gina ban sis fakatabuwan fag ngay menit, glabi yay ban kamataka sas fulan Suduma ku faurianan sa ayu.”
Tam Fun Isus Tagfanabayan Antam
(Lukas 10:21-22)
25Ginanya Isus igdarangin sat Tama te, “Mama, o wan banwa ay daga at Fun. Guseganan aw sa emu, anway nafafalyu tuwo ku foyungan at masuwad sat mamatanganan fag ngay taw ay anggan sat ke fagsafulun fag ngay taw. Ay nafasure tuwo ku foyungan at masuwad sa sangay taw takata sik ngay sisiyan. 26Kin, Mama, anway katanya tuwa am fakaumsigun.”
27Ay Isus igfoyung yangay sat ngay taw te, “Ku Mama nafon wa angku fagayu nus nge wain. Ay we taw nasaful ku ugali, ku Mama way tagsaful. Ay we taw nasaful ku Mama at ugali, aw way, at baguwama. Ay kayu ku fakaumsigun gfasaful, anggan kanya, sumaful yangay ku Mama at ugali. 28Fagayu am at ke fagatakanun ay at ke nabiyatan dawdaw sat amatanganan akbangi sa angku, ay nanfanabayan aw ayu. 29Faningi ku foyungan laman sumaful am gfaning angku, anway malukme ay gfababaun aktuwa. Ay igfanabayan aktuwa ayu, 30anway di mataka ku ngay suguwan sa ayu.”
Currently Selected:
Matiyu 11: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Matiyu 11
11
Isus ay Uan Tagfasurung
(Lukas 7:18-35)
1Ay nu ntabu wan Isus nu gfoyung at labi duwak tagadal, kanya nalo wan sanya ginan laman nanfoyung sat ngaba dayu fag ngay fulan.
2Ay gina Uan Tagfasurung sas fagsungsungan, kanya nadungug yay tam Fun Isus at ngay nafagbulun. Nu katanya, nasugu yay at tagadal at tiba sas Isus, 3laman nanginto sa Isus te, “Go o wan em fagfanyaun at takadasug? Ay go gfanya yap ami gugat?” 4Ay Isus igbalus sas Uan at ngay tagadal te, “Ulii wan. Ay foyungi sas Uan ay nalag ay ay nadungug te, 5at yud glag ebi, katsi glag tuwa. Ay at yud malo ebi, katsi malo tuwa. Ay at mason at ke daylan sit balat, katsi nfiya tuwa. Ay at yud gdungug ebi, katsi gdungug tuwa. Ay at kinkate ebi, katsi gleleg yangay. Ay e nafoyung at Masine fag Barita sat yud e kwa. 6Ay nus nga sinu at yud gfainfolian at amatanganan sa angku baliwa, useganani tuwa.”
7Ay Uan at ngay tagadal nu nalo wan, Isus ginto sa sangay taw sas Uan baliwa te, “Taw ro ay fagnaloun sas talun at yud e taw? Taw sangay ay fagyalagun sanya? Go ay fagyalagun sik taw takata sik sigbo taginkaloan sas tagmara? 8Ay nu bunyay kanya, nataw tuwa ay fagyalagun? Go ay fagyalagun antuwa sik taw at ke balukas at masine dawdaw? At ke balukas at masine dawdaw, nu gbanwan sa tuwa fun at bale. 9Ay nu bunyay kanya, inday tuwa ro ay fagyalagun? Go antuwa Diyus at taglong? Ay kin, nu katanya, glong aw sa ayu te, Uan glabi yay tibak taglong. 10Anway kanya wan ebi ebi at marirukan sis Diyus at longan te, ‘Sumugu aw ku tagfoyung at gumuna emu laman nanfamasadan am dalan.’ ” 11At matuyan iglong aw ayu te, anggan katsi we taw at kinsalug glabi yay Uan nu kadungug. Ay roro dewa tiba daga fag taw sas Diyus at fagmagurangan taw, kanya glabi yay Uan. 12Ay siginan ngay ebi Uan bagu kamoyung anggan katsi, at ngay taw gfabulun nangatap sas Diyus at fagmagurangan taw. 13Anway fagayu taglong ay anggan Muisis at Suguwan nadiyuganan nu naguna nafoyung Diyus at fagmagurangan taw gina Uan yud indasug. 14Ay nu gafanud tuwam kanya fag ngay foyungan te, Uan wan, kanya wan Elyas ay fagfanyaun takadasug. 15Nu nadungug tuwam amatangani tuwa.
16“Tain ro nu gfaladlabian aw katsi fag ngay taw? Kanya kata way sik ngay sisiyan at malunggung si sangaba lungud talun faglanuwan, ay guro sa at tiba te, 17‘Dewa ami gfantulalian, am, wam gsayaw. Ay dewa ami guyway, am, wam gauywayun.’ 18Katatuy ku longan aro at masuwad. Uan gina ndasug, kanya yud gfangon tibak menit ay yud ginum. Ay ngay taw glong te, ‘Uan e mafurat way fag falad.’ 19Ay gina nalag angku, Taw at Baguwama, nu gfangon ay ginum, ngay taw glong te, ‘Linggati nin fag taw ngayu dawdaw nu kon, ay ginum fangaranug ay gfafagwesanan ngay taget buwis anggan tiba yak tagasalanan.’ ”
Ay Isus nalong yangay te, sumaful way tam sik taw at mamatanganan at fagbulun, nu lumag tam at fagbulun at masine.
E Nanfauri ban sa sik ngay Fulan at yud Naubun at Asalanan
(Lukas 10:13-15)
20Ay Isus nabaya ngay fulan at ngay taw, teway dewa ngayu at nafalag ebi at madaragang fag fagbulun, wa naubun at asalanan. Ay Isus nalong te, 21“E nanfauri ban sa ayu, fulan Kurasin at ngay taw! Ay e nanfauri yangay ban sa ayu, fulan Betsayda at ngay taw! Anway nu sa di ro fulan Tiru ay fulan Sidun nu gfagbulun aw ka fag madaragang fag ngay fagbulun ku nafagbulun sa ayu, glugo wa ro gugat taw Tiru ay taw Sidun nu nasulun saku ay namalunggung sas wa dafug, sik fagsafulan te, naubun wan at asalanan. 22Nu katanya, glong aw ayu te, gina ban sis fakatabuwan fag ngay menit, glabi yay ban kamataka sas Tiru ay Sidun ku faurianan sa ayu. 23Ay am fulan Kapernaum at ngay taw, go nu gfasad am, e sumeg ayu dewa sas banwa? Ay roro ngap ay fakadasugan sa way ban at matean at talun. Anway nu sa di ro fulan Suduma nu gfalag aw ku fagbulun at madulawan ay nalag, satu ro sanya yay ka fag fulan anggan katsi. 24Nu katanya, amatangani wa te, gina ban sis fakatabuwan fag ngay menit, glabi yay ban kamataka sas fulan Suduma ku faurianan sa ayu.”
Tam Fun Isus Tagfanabayan Antam
(Lukas 10:21-22)
25Ginanya Isus igdarangin sat Tama te, “Mama, o wan banwa ay daga at Fun. Guseganan aw sa emu, anway nafafalyu tuwo ku foyungan at masuwad sat mamatanganan fag ngay taw ay anggan sat ke fagsafulun fag ngay taw. Ay nafasure tuwo ku foyungan at masuwad sa sangay taw takata sik ngay sisiyan. 26Kin, Mama, anway katanya tuwa am fakaumsigun.”
27Ay Isus igfoyung yangay sat ngay taw te, “Ku Mama nafon wa angku fagayu nus nge wain. Ay we taw nasaful ku ugali, ku Mama way tagsaful. Ay we taw nasaful ku Mama at ugali, aw way, at baguwama. Ay kayu ku fakaumsigun gfasaful, anggan kanya, sumaful yangay ku Mama at ugali. 28Fagayu am at ke fagatakanun ay at ke nabiyatan dawdaw sat amatanganan akbangi sa angku, ay nanfanabayan aw ayu. 29Faningi ku foyungan laman sumaful am gfaning angku, anway malukme ay gfababaun aktuwa. Ay igfanabayan aktuwa ayu, 30anway di mataka ku ngay suguwan sa ayu.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines