Fagsigadan 49
49
Akub Longan sat ngay Baguwama
1-2Ay Akub nauro at ngay baguwama ay nalong te, “Am ku ngay baguwama, akbangi angku. Nanfoyung aw ayu at kumgurungan ban, ay ngay fagdumalanun sa ay fagunaan fag ngay menit. Laman, kanya ku faglumongun, anggan wa ban sa ay ngay fufu sat dagat daga at fagdumalanun. Nu katanya, fagayu am, dungugani wa fiya.
3“Rubin, o wan ku turungana. O wan taguna ku unga ebi gina aw mabitsug. Nu katanya, o wan taglabi am iba sisiyan nu madaragang. Ay am iba sisiyan igfaning tuwa emu, teway o wan at kaka. 4Dewa katanya, nu glag aw emu, wo mafatawad am amatanganan. Kata way o sik safa at nalabi at fakalimusan ebi ginan. Ay nu katanya am iba sisiyan way ban taglabi emu, teway natsa o ku mangena at sadi.
5“Ay nu am ma duwa Simyun ay Lebi, kata way am at sadi. Ay ugali wan takamabarangyan ay iba. 6Madyay ebi nafate wam sik ngay taw gina am kadotama. Ay kaumsig way am gfangauyanan ay iba ngay balan. Nabasing wam ka fag ngay balan at lupnan, laman wa malo fiya fiya. Ay katanya way amay, kwa gfadiyuganan si ayu ay ngay fasadanan. 7Ay kalimata kway nu gfangadotama am dawdaw. Ay katanya way long amay, glong aw ayu te, tam Diyus farapyagan wa long ban ay ngay fufu sat dagat daga sa tam ngay fufu at ngaba fagbanwanan ban.
8“Nu si man emu Uda, madaragang tuwo, ay am iba sisiyan igfaning tuwa ban emu ay nanseg tuwa ban gugat emu. Fagayu ban am fabarangyan o tuwa gugat tagbabo. 9Katvngvdan nu madaragang o, kata tuwo sik liyun at ke nafagamat. Ay ganabayan tuwa kon at nafagamat, ay nu napsug wan kafoli wa sat fagtiyugan, ay gtiyug tuwa manabayan, ay we nanfulo anya. Kalimu wadi. 10Ay kaduge yap ngay o gleleg, o ban sik tagmagurang wo. Ay anggan sat dagat daga am fufu at tiba sik tagmagurang yangay, anggan wa ban umdasug sa am fufu at sadi. Kanya am fufu at sadi, kanya wa ban tibak fulan fagnansegan ay at fagnanguban at ngay famanyun. 11Ay kanya dewa rumabing at asnu sat wat ubas, ay at asnu umon gugat gugat at buwadan, wa long kamin, teway at kayuwan wan. Ay anggan dewa te, at fanlaba at balukas siginan was buwadan ubas at safa, wa mamin. 12Ay kanya ban am fufu at mata nu masine, glabi yay kamasine buwadan ubas at safa. Ay at bagang nu malagsi, glabi yay kamalagsi sik susu bilug.
13“Ay nut si emu Sibulun, am ngay fufu ban sat dagat daga nu gbanwan, sa sangaba tigyangan dagat. Ay at ngay balutu siginan tibak talun, sanya nu nangatungkud. Ay at kadaulan ban emu am talun, gfagit wa ban sas taw Sidun at talun.
14“Ay o Isakar kata o sik asnu at magong. Ay ka fag asnu nu gtiyug, malub wa sit buknga ubanan. 15Ay am ngay fufu ban sat dagat daga, gfaning yangay katanya. Kanya gina ban lumag te ‘E ste mangaro fag talun masine dawdaw,’ nansungatan wa ban nanbanwan sanya dewa gafanuguwanan ay dewa mataka at fagbulun.
16“Ay o Dan, mafafatvngvdun tuwa ban o am ngay kalongan. Ay nute ngap wam ngayu. Ay dewa katanya, lag gasirutan, teway mafafaatul tuwo emu am ngay fufu mandi, kata am ngay fadugsay nu gatul anya at ngay fufu. 17Ay dewam yud ngayu, gbabo tuwam ay ngay fabarangyan, teway kata am sik ubyanun at ke fangkate. Masafulan am igfanbalyavtan, kata sik ubyanun tagsuksuwanan sis day dalan gbalabag kabayu nu glangfe laman ro gina kabayu dumalan, sumangdu at bitis ay tagsakay fag taw umtong.”
18Ay Akub gdarangin yadi. Ay get te, “Yawi, o wa ban tagdingding emi.” 19Ay rodi daw, gfatunglus yay fiya nu gfoyung sat ngay baguwama. Glong te,
“Ay si emu Gad am fufu ban sat dagat daga, takamul fag ngay taw gfabarangyan ban gugat anya. Ay roro ka fag ngay takamul nu guli wan, am ngay fufu nan-guyan yay. Nanfabarangyan yadi.
20“Ay emu Asir am ngay fufu ban sat dagat daga at fakonun ngayu tuwa ban. Ay nus tuwa, kamayayum tuwa sik fun daul at fakonun.
21“Ay o Naptali, kata o sik mela fag arasyo at nafasalug sik masine fag ngay riyangan.
22“Ay o Use, kata o sik mela fag asnu at malindug sis bukbuwan safa ay ate sis tungud abat. 23Ay ginanya sik ngay taw tagfanan indasug. Ay gayon emu. Igfana wa gugat gugat teway gyafateun emu. 24Ay roro di o gatungulan. Fangkabat o tuwa baliwa tagfana anya, teway faggugat am take magong tuwa. Di kalukme. Fakatanyaun, tam Diyus igtarabang tuwa emu. Kanya wan tagfatvngvdun antam. Ay kanya yangay takata sik batu daul tagdingding ku ngay taw. 25Nu katanya, tam Tiba Tungud gtunglusanan tuwa ban nu gtarabang emu. Ay kanya wa ban tagfamoyan ay tagfe safa siginan sangay bukbuwan laman gfabasa tuwa fagdaul am talun. Ay gfaayu yangay ban am ngay unga ay anggan am ngay balan. 26Nu nanfaamatanganun way ro ta, siginan ngay ebi, ngayu wa ro dawdaw at ngay taw nabul takaon siginan at ngay tanuman sangay muyud. Ay roro tam Diyus at natarabang angku ayu yap fiya fiya kanya fag ngay taw at nabul sanya ginan. Ay si emu ku baguwama Use, tam Diyus ban nu tumarabang emu kata yangay ebi nu gtarabang angku. Fakatanyaun ku longan, o wan taglabi am ngay fadugsay.
27“Ay si emu Benamin, am ngay fufu ban sat dagat daga malimu, kata sik tagfangagat fag idu talun. Kaba menit bulun wa gbabo at ngay fabarangyan. Ay nus fafun wan, gafudan wat ngay nabul.”
28Ay katanya wan Akub at foyungan sat baguwama fag labi duwa. Nafaguna nafoyung at fagdumalanun ban sat ngaba banwanan, anggan ban sat ngay fufu sat dagat daga. Nu gfoyung, nafalungud wa kata at ngay baguwama banwanan ebi ataw. Ay kanya fagayu Akub ngay baguwama fag labi duwa, at ngay fufu sat dagat daga umsik fulan taw tuwa mandi. Ay kanya fag labi duwak fulan taw, kanya wan katsi tam longan fag taw Israel.#49:28 Fakatanyaun nu gngayan tam, roro mangaro Akub at ngayan, duwa, Akub ay Israel. Ay kanya fagayu dewa nainkafudan, kanya nu glong tam, taw Israel way gugat, teway, fakatanyaun, Israel yay gugat at ngay fufu sat dagat daga.
Akub nu Kate
29-32Ay Akub nalong te, “Dewa gina, sisiyan am, nu nkate kwan, ubai yap ku bilug sas talun Kanaan. Ay sandigi angku sa ku aguyangan fagsandigan sat nabili fag luwib. Ebi kanya fag luwib, ku aguyangan Abrayam nabili laman at fagsandigan at kinkate. Ay at nabili bundi fagtvngvd ka fag luwib, sanya wa nu sedaw fag lungud talun sangaba day luwib. Ebi, sanya fag lungud daga, taw Kit way at ke daga. Ay sik taw Kit at ngayan Efrun nafabili sa tam aguyangan. Ay sanya fag lungud daga at ngayan, Makpela. Ay kanya fag Makpela, makbang bangan Mamri. Ay sanya wa fag luwib nu masandigan ku fufuwama Abrayam ay anggan at mangena Sara, ay anggan ku mama Isaak ay anggan ku mina Ribika. Ay sanya yangay nu gsandig aw ku mangena Liya, sanya fag luwib sis talun Kanaan.”
33Ay Akub nu ntabu wan nu gelongan sa at ngay baguwama, intagilid wan. Ay naengas wa taguyan. Ay nbul wan.
Currently Selected:
Fagsigadan 49: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Fagsigadan 49
49
Akub Longan sat ngay Baguwama
1-2Ay Akub nauro at ngay baguwama ay nalong te, “Am ku ngay baguwama, akbangi angku. Nanfoyung aw ayu at kumgurungan ban, ay ngay fagdumalanun sa ay fagunaan fag ngay menit. Laman, kanya ku faglumongun, anggan wa ban sa ay ngay fufu sat dagat daga at fagdumalanun. Nu katanya, fagayu am, dungugani wa fiya.
3“Rubin, o wan ku turungana. O wan taguna ku unga ebi gina aw mabitsug. Nu katanya, o wan taglabi am iba sisiyan nu madaragang. Ay am iba sisiyan igfaning tuwa emu, teway o wan at kaka. 4Dewa katanya, nu glag aw emu, wo mafatawad am amatanganan. Kata way o sik safa at nalabi at fakalimusan ebi ginan. Ay nu katanya am iba sisiyan way ban taglabi emu, teway natsa o ku mangena at sadi.
5“Ay nu am ma duwa Simyun ay Lebi, kata way am at sadi. Ay ugali wan takamabarangyan ay iba. 6Madyay ebi nafate wam sik ngay taw gina am kadotama. Ay kaumsig way am gfangauyanan ay iba ngay balan. Nabasing wam ka fag ngay balan at lupnan, laman wa malo fiya fiya. Ay katanya way amay, kwa gfadiyuganan si ayu ay ngay fasadanan. 7Ay kalimata kway nu gfangadotama am dawdaw. Ay katanya way long amay, glong aw ayu te, tam Diyus farapyagan wa long ban ay ngay fufu sat dagat daga sa tam ngay fufu at ngaba fagbanwanan ban.
8“Nu si man emu Uda, madaragang tuwo, ay am iba sisiyan igfaning tuwa ban emu ay nanseg tuwa ban gugat emu. Fagayu ban am fabarangyan o tuwa gugat tagbabo. 9Katvngvdan nu madaragang o, kata tuwo sik liyun at ke nafagamat. Ay ganabayan tuwa kon at nafagamat, ay nu napsug wan kafoli wa sat fagtiyugan, ay gtiyug tuwa manabayan, ay we nanfulo anya. Kalimu wadi. 10Ay kaduge yap ngay o gleleg, o ban sik tagmagurang wo. Ay anggan sat dagat daga am fufu at tiba sik tagmagurang yangay, anggan wa ban umdasug sa am fufu at sadi. Kanya am fufu at sadi, kanya wa ban tibak fulan fagnansegan ay at fagnanguban at ngay famanyun. 11Ay kanya dewa rumabing at asnu sat wat ubas, ay at asnu umon gugat gugat at buwadan, wa long kamin, teway at kayuwan wan. Ay anggan dewa te, at fanlaba at balukas siginan was buwadan ubas at safa, wa mamin. 12Ay kanya ban am fufu at mata nu masine, glabi yay kamasine buwadan ubas at safa. Ay at bagang nu malagsi, glabi yay kamalagsi sik susu bilug.
13“Ay nut si emu Sibulun, am ngay fufu ban sat dagat daga nu gbanwan, sa sangaba tigyangan dagat. Ay at ngay balutu siginan tibak talun, sanya nu nangatungkud. Ay at kadaulan ban emu am talun, gfagit wa ban sas taw Sidun at talun.
14“Ay o Isakar kata o sik asnu at magong. Ay ka fag asnu nu gtiyug, malub wa sit buknga ubanan. 15Ay am ngay fufu ban sat dagat daga, gfaning yangay katanya. Kanya gina ban lumag te ‘E ste mangaro fag talun masine dawdaw,’ nansungatan wa ban nanbanwan sanya dewa gafanuguwanan ay dewa mataka at fagbulun.
16“Ay o Dan, mafafatvngvdun tuwa ban o am ngay kalongan. Ay nute ngap wam ngayu. Ay dewa katanya, lag gasirutan, teway mafafaatul tuwo emu am ngay fufu mandi, kata am ngay fadugsay nu gatul anya at ngay fufu. 17Ay dewam yud ngayu, gbabo tuwam ay ngay fabarangyan, teway kata am sik ubyanun at ke fangkate. Masafulan am igfanbalyavtan, kata sik ubyanun tagsuksuwanan sis day dalan gbalabag kabayu nu glangfe laman ro gina kabayu dumalan, sumangdu at bitis ay tagsakay fag taw umtong.”
18Ay Akub gdarangin yadi. Ay get te, “Yawi, o wa ban tagdingding emi.” 19Ay rodi daw, gfatunglus yay fiya nu gfoyung sat ngay baguwama. Glong te,
“Ay si emu Gad am fufu ban sat dagat daga, takamul fag ngay taw gfabarangyan ban gugat anya. Ay roro ka fag ngay takamul nu guli wan, am ngay fufu nan-guyan yay. Nanfabarangyan yadi.
20“Ay emu Asir am ngay fufu ban sat dagat daga at fakonun ngayu tuwa ban. Ay nus tuwa, kamayayum tuwa sik fun daul at fakonun.
21“Ay o Naptali, kata o sik mela fag arasyo at nafasalug sik masine fag ngay riyangan.
22“Ay o Use, kata o sik mela fag asnu at malindug sis bukbuwan safa ay ate sis tungud abat. 23Ay ginanya sik ngay taw tagfanan indasug. Ay gayon emu. Igfana wa gugat gugat teway gyafateun emu. 24Ay roro di o gatungulan. Fangkabat o tuwa baliwa tagfana anya, teway faggugat am take magong tuwa. Di kalukme. Fakatanyaun, tam Diyus igtarabang tuwa emu. Kanya wan tagfatvngvdun antam. Ay kanya yangay takata sik batu daul tagdingding ku ngay taw. 25Nu katanya, tam Tiba Tungud gtunglusanan tuwa ban nu gtarabang emu. Ay kanya wa ban tagfamoyan ay tagfe safa siginan sangay bukbuwan laman gfabasa tuwa fagdaul am talun. Ay gfaayu yangay ban am ngay unga ay anggan am ngay balan. 26Nu nanfaamatanganun way ro ta, siginan ngay ebi, ngayu wa ro dawdaw at ngay taw nabul takaon siginan at ngay tanuman sangay muyud. Ay roro tam Diyus at natarabang angku ayu yap fiya fiya kanya fag ngay taw at nabul sanya ginan. Ay si emu ku baguwama Use, tam Diyus ban nu tumarabang emu kata yangay ebi nu gtarabang angku. Fakatanyaun ku longan, o wan taglabi am ngay fadugsay.
27“Ay si emu Benamin, am ngay fufu ban sat dagat daga malimu, kata sik tagfangagat fag idu talun. Kaba menit bulun wa gbabo at ngay fabarangyan. Ay nus fafun wan, gafudan wat ngay nabul.”
28Ay katanya wan Akub at foyungan sat baguwama fag labi duwa. Nafaguna nafoyung at fagdumalanun ban sat ngaba banwanan, anggan ban sat ngay fufu sat dagat daga. Nu gfoyung, nafalungud wa kata at ngay baguwama banwanan ebi ataw. Ay kanya fagayu Akub ngay baguwama fag labi duwa, at ngay fufu sat dagat daga umsik fulan taw tuwa mandi. Ay kanya fag labi duwak fulan taw, kanya wan katsi tam longan fag taw Israel.#49:28 Fakatanyaun nu gngayan tam, roro mangaro Akub at ngayan, duwa, Akub ay Israel. Ay kanya fagayu dewa nainkafudan, kanya nu glong tam, taw Israel way gugat, teway, fakatanyaun, Israel yay gugat at ngay fufu sat dagat daga.
Akub nu Kate
29-32Ay Akub nalong te, “Dewa gina, sisiyan am, nu nkate kwan, ubai yap ku bilug sas talun Kanaan. Ay sandigi angku sa ku aguyangan fagsandigan sat nabili fag luwib. Ebi kanya fag luwib, ku aguyangan Abrayam nabili laman at fagsandigan at kinkate. Ay at nabili bundi fagtvngvd ka fag luwib, sanya wa nu sedaw fag lungud talun sangaba day luwib. Ebi, sanya fag lungud daga, taw Kit way at ke daga. Ay sik taw Kit at ngayan Efrun nafabili sa tam aguyangan. Ay sanya fag lungud daga at ngayan, Makpela. Ay kanya fag Makpela, makbang bangan Mamri. Ay sanya wa fag luwib nu masandigan ku fufuwama Abrayam ay anggan at mangena Sara, ay anggan ku mama Isaak ay anggan ku mina Ribika. Ay sanya yangay nu gsandig aw ku mangena Liya, sanya fag luwib sis talun Kanaan.”
33Ay Akub nu ntabu wan nu gelongan sa at ngay baguwama, intagilid wan. Ay naengas wa taguyan. Ay nbul wan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines