Galasya 2
2
Kata tuwa at Sadi, Pablu Foyungan ay Tagsis Erusalem fag ngay Takamoyung at Foyungan
1-2Ay nu nlangfe wan labi ufat banwa, tam Diyus nalong yay angku te, “Dogi yap fiya loi sas Erusalem.” Nu katanya nalo kwa fiya. E ufud aktuwa duwama, Bernabe ay Titu. Ay nu ndasug wamis Erusalem, nananfasulitanan akwan sanya at ngay takamoyung. Ay tagsulitanan, ami way, at ngay takamoyung ay ami tulu.
Ay nu gsulitanan wami, an aw igfayamag at Masine fag Barita. Igfoyung aw ku nafoyung ebi ginan sas yud Udyu fag ngay taw. Fakatanyaun ku fagbulun, nandungug aw te, go kata tuwa at sadi em nasaful sat Masine fag Barita baliwa. Teway way ro kumata at sadi em nasaful, aw gamatangan aw te, fanlufuy way ku nafoyungan sa sangay talun.
3Ay roro nu gsulitanan wami, nasaful ami te, kanya fag ngay takamoyung at nasaful, kata yangay si emi, madyay di gfabulun taw yud Udyu te faningi tuwa taw Udyu ugali. Em usama Titu wa matulian, teway kanya bunwa sik taw Udyu. Ay dewa katanya, ka fag ngay tagmagurang di nalong te fatulii yap.
4Ay roro tibak taw Udyu sis Erusalem glong wa fiya dawdaw te “Fatulii yap.” Kanya fag ngay taw maful tuwa sa sangay tagafanud sas Isus, ay roro anya at amatanganan wa gurunganan gafanud. Fagnangafulun sas tagafanud, kanya fag ngay taw anway nanfatuyan te, go tibak tagafanud, wa gfaning Diyus suguwan sas taw Udyu. Teway kanya fag ngay taw at fakaumsigun, gafanuguwanan yakman tam gugat sanya fag ngay suguwan. Ay roro nu gafanud watam sa tam Fun Isus, di tam gafanuguwanan sanya fag ngay suguwan ayuwayu.
5Ay kanya fag ngay taw dewa gfabulun emi kaduge ami sanya sis Erusalem, roro wami nafaning dewa sayginan. Teway nu nafaning way ami, kata way ro ami igfadiyuganan ka fag ngay taw fagbulun, nu gafabaliun at Masine fag Barita. Ay roro kesug ami at Masine fag Barita, teway kanya tuwa at matuyan. Ay kesug yangay ami te, laman ay nadungug ban sanyas talun Galasya antuwa at matuyan fag barita.
6Ku ngay fadugsay, dan watam igdungug te, sis Erusalem tuwa at madaragang fag ngay takamoyung. Ay roro, at gurungan wan, we masuwad sa angku at ngay taw longan te, sanya tuwa at madaragang. Teway Diyus nu glinggat taw, sudan tuwa. Ay nus tuwa, kata tuwa at sadi, angku ku nafoyung ayu ay tagsis Erusalem fag ngay takamoyung at foyungan. Madyay ebi gina aw igfasulitanan sis fulan Erusalem at ngay takamoyung, kanya wa fag ngay takamoyung taglong te, “Kin, katanya wa fiya Masine fag Barita. Wami e fagafamutun.”
7-9Ay Santiagu, Pedru, ay Uan, kanya wan tam nadungug at madaragang fag ngay takamoyung sis Erusalem. Kanya fag ngay takamoyung intuyan te, Diyus wa fiya at nafili angku, kata yangay Diyus nu gfili Pedru. Nu katanya, ami fagduwa, Pablu ay Pedru, Diyus tuwa at nafili emi, laman Pedru igfamoyung sas Udyu fag ngay taw Masine fag Barita. Ay aw Pablu, igfoyung aw sas yud Udyu fag ngay taw.
Kanya fag tuluk takamoyung nu ntuyan wa te Diyus nafili wa fiya Pablu, e longan yangay sa emi fag duwa ku sama Bernabe. Nalong emi te, “Igsudan tuwa tam sik ngay takamoyung sa sangay taw.” Ay glong te, “At masine, nanfatunglus ami gfoyung sas taw Udyu, ay am, famoyungi sas yud Udyu fag ngay taw. 10Anway te, em fagetun ayu, fatunglusi tuwa nu gtarabang am at yud e kwa.” Katanya takamoyung longan. Ay katanya at fagetun kaumsig aktuwa, teway katanya wa gugat ebi ginan ku fagbulun. Kaumsig kwa fiya igtarabang at yud e kwa.
Pablu nu Kamansulit Ebi at Fagnabayaun Pedru
11Bandi ataw, Pedru indasug sas fulan Antiukia. Ay nu maful wami gugat sanya, sayginan nabaya aw tam usama Pedru, teway nalag aw at fagbulun, te wa gtungul. 12Ebi ataw, kanya nu gfangon, maful tuwa at yud Udyu fag ngay taw. Ay bandi nu glugo wan, sik fulan taw Udyu indasug yangay, at usama Santiagu nasugu fag ngay taw. Ay siginan indasug, Pedru nafasaman wan nu gfangon. Wa maful at yud Udyu fag ngay taw. Teway kalimu sik ngay taw Udyu, te manlimata anya. 13Anggan sik ngay Udyu at maful yud Udyu nu gfangon, nafasaman yangay. Anggan tam usama Bernabe nafaningan wan. 14Ay nu nalag aw katanya at ngay fagbulun, kwa guseganan, teway katanya fag ngay fagbulun wa gtungul. Igsalan wadi. Teway wa katanya tam nasaful siginan Masine fag Barita. Kata tuwa at sadi fagayu tagafanud, dewa sik taw Udyu ay dewa yud Udyu.
Ebi, gina aw gbaya Pedru, glong aw anya te, “Sek, katanya long am fagbulun wa gtungul. Igfabulun way o taw yud Udyu te faningi wa taw Udyu at ngay ugali. Ay ita ngani, dewa ta sik taw Udyu, di ta gfaning kanya fag ngay ugali. Taw ro am fagfabulunun tibak taw te faningi wan?” Ay nu glong aw katanya, si was fagngayuwan taw.
Afanudi ngay sa tam Isus, Umlangfe tuwam
15Mangamam, mangenam, aw ngani sik taw Udyu aw, kata ku sama Pedru. Ay em fagin-ngayanun te taw Udyu ami, teway siginan ngay em magurang, taw Udyu wan. Ay nu katanya, nu gamatangan ami emi, masine tuwami fag fulan taw. Igfaning tuwami Diyus at ngay suguwan, ebi at nafon sas Muisis. Di ami kata tibak fulan taw at yud igfaning. 16Ay roro mangaro, sik taw dewa gfaning dawdaw Diyus ngay suguwan, ka fag taw e asalanan way gugat, Diyus nu glag. Roro mangaro, ani tuwa afanudi sa tam Fun Isus, ay Diyus nu glag antam, di tam e asalanan.
Ay katsi ngani nu gafanud ami, sa tam Fun Isus tuwa, teway nasaful ami te, katanya tuwa mangaro Diyus faglumongun sa sik taw te “kata wo yud e asalanan.” Afanudi sas Isus. Teway tam Diyus fanfalyam asalanan, bundi tam nafaningan sik ngay suguwan. Lag tam gamatangan te, “Nu nafafaning aktuwa Diyus suguwan, umkalyam ku ngay asalanan.” Teway nu katanya way ro tam amatanganan, Diyus nu glag antam, e asalanan way tam gugat.
17Tibak taw nu gfasad, nu gafanud watam sa tam Isus, gasalanan way tam unu, teway wa tam igfaning sa ebi fag ngay suguwan. Tam Fun Isus unu, igfaasalanan way antam, teway nu gafanud watam sa anya, wa tam igfaning sanya fag ngay suguwan. Katanya way tibak taw amatanganan. Igsalan way dawdaw.
18Nu batang watam gubun ebi fag ngay suguwan, wa masine nu nandog yay tam fiya nangafanuguwanan sanya fag ngay suguwan. Kanya asalanan wan, nu nangafoli way tam sanya fag ngay suguwan.
19Katsi, kanya fag ngay suguwan wa long mafafabulun angku, teway nasaful aw te, kanya wa long mafafalyam ku asalanan. Nu katanya katsi, nafon kwa daw ku leleg sas Diyus. 20Kata kwa inkate gasfuwan tam Fun Isus, sis salibagan kayu. Ay nu katanya katsi, bundi aw tagfaamatanganan angku ay tagfaleleganan angku. Tam Fun Isus wan. Ay ku fagmaabanwanun ste swa daga, teway gafanud aw sa anya. Gafanud aw sa tam Diyus at Baguwama. Teway kanya infanyu dawdaw angku, ay nafon wa daw at leleg, at fantubus angku.
21Katatuy angku ku nasaful. Tam Diyus nu dway ro infanyu antam, wa long ro tam umlangfe. Madyay tam Fun Isus nanangate yay. Satu ro, itam taw nu mafafaning di tam tam Diyus suguwan, sak fafalyam tam asalanan, satu ro deyud wan tam Fun Isus naatean. Ay roro tam Fun Isus nanangate yay, teway itam watam fafalyam tam asalanan mandi.
Currently Selected:
Galasya 2: TAWEAST
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines
Galasya 2
2
Kata tuwa at Sadi, Pablu Foyungan ay Tagsis Erusalem fag ngay Takamoyung at Foyungan
1-2Ay nu nlangfe wan labi ufat banwa, tam Diyus nalong yay angku te, “Dogi yap fiya loi sas Erusalem.” Nu katanya nalo kwa fiya. E ufud aktuwa duwama, Bernabe ay Titu. Ay nu ndasug wamis Erusalem, nananfasulitanan akwan sanya at ngay takamoyung. Ay tagsulitanan, ami way, at ngay takamoyung ay ami tulu.
Ay nu gsulitanan wami, an aw igfayamag at Masine fag Barita. Igfoyung aw ku nafoyung ebi ginan sas yud Udyu fag ngay taw. Fakatanyaun ku fagbulun, nandungug aw te, go kata tuwa at sadi em nasaful sat Masine fag Barita baliwa. Teway way ro kumata at sadi em nasaful, aw gamatangan aw te, fanlufuy way ku nafoyungan sa sangay talun.
3Ay roro nu gsulitanan wami, nasaful ami te, kanya fag ngay takamoyung at nasaful, kata yangay si emi, madyay di gfabulun taw yud Udyu te faningi tuwa taw Udyu ugali. Em usama Titu wa matulian, teway kanya bunwa sik taw Udyu. Ay dewa katanya, ka fag ngay tagmagurang di nalong te fatulii yap.
4Ay roro tibak taw Udyu sis Erusalem glong wa fiya dawdaw te “Fatulii yap.” Kanya fag ngay taw maful tuwa sa sangay tagafanud sas Isus, ay roro anya at amatanganan wa gurunganan gafanud. Fagnangafulun sas tagafanud, kanya fag ngay taw anway nanfatuyan te, go tibak tagafanud, wa gfaning Diyus suguwan sas taw Udyu. Teway kanya fag ngay taw at fakaumsigun, gafanuguwanan yakman tam gugat sanya fag ngay suguwan. Ay roro nu gafanud watam sa tam Fun Isus, di tam gafanuguwanan sanya fag ngay suguwan ayuwayu.
5Ay kanya fag ngay taw dewa gfabulun emi kaduge ami sanya sis Erusalem, roro wami nafaning dewa sayginan. Teway nu nafaning way ami, kata way ro ami igfadiyuganan ka fag ngay taw fagbulun, nu gafabaliun at Masine fag Barita. Ay roro kesug ami at Masine fag Barita, teway kanya tuwa at matuyan. Ay kesug yangay ami te, laman ay nadungug ban sanyas talun Galasya antuwa at matuyan fag barita.
6Ku ngay fadugsay, dan watam igdungug te, sis Erusalem tuwa at madaragang fag ngay takamoyung. Ay roro, at gurungan wan, we masuwad sa angku at ngay taw longan te, sanya tuwa at madaragang. Teway Diyus nu glinggat taw, sudan tuwa. Ay nus tuwa, kata tuwa at sadi, angku ku nafoyung ayu ay tagsis Erusalem fag ngay takamoyung at foyungan. Madyay ebi gina aw igfasulitanan sis fulan Erusalem at ngay takamoyung, kanya wa fag ngay takamoyung taglong te, “Kin, katanya wa fiya Masine fag Barita. Wami e fagafamutun.”
7-9Ay Santiagu, Pedru, ay Uan, kanya wan tam nadungug at madaragang fag ngay takamoyung sis Erusalem. Kanya fag ngay takamoyung intuyan te, Diyus wa fiya at nafili angku, kata yangay Diyus nu gfili Pedru. Nu katanya, ami fagduwa, Pablu ay Pedru, Diyus tuwa at nafili emi, laman Pedru igfamoyung sas Udyu fag ngay taw Masine fag Barita. Ay aw Pablu, igfoyung aw sas yud Udyu fag ngay taw.
Kanya fag tuluk takamoyung nu ntuyan wa te Diyus nafili wa fiya Pablu, e longan yangay sa emi fag duwa ku sama Bernabe. Nalong emi te, “Igsudan tuwa tam sik ngay takamoyung sa sangay taw.” Ay glong te, “At masine, nanfatunglus ami gfoyung sas taw Udyu, ay am, famoyungi sas yud Udyu fag ngay taw. 10Anway te, em fagetun ayu, fatunglusi tuwa nu gtarabang am at yud e kwa.” Katanya takamoyung longan. Ay katanya at fagetun kaumsig aktuwa, teway katanya wa gugat ebi ginan ku fagbulun. Kaumsig kwa fiya igtarabang at yud e kwa.
Pablu nu Kamansulit Ebi at Fagnabayaun Pedru
11Bandi ataw, Pedru indasug sas fulan Antiukia. Ay nu maful wami gugat sanya, sayginan nabaya aw tam usama Pedru, teway nalag aw at fagbulun, te wa gtungul. 12Ebi ataw, kanya nu gfangon, maful tuwa at yud Udyu fag ngay taw. Ay bandi nu glugo wan, sik fulan taw Udyu indasug yangay, at usama Santiagu nasugu fag ngay taw. Ay siginan indasug, Pedru nafasaman wan nu gfangon. Wa maful at yud Udyu fag ngay taw. Teway kalimu sik ngay taw Udyu, te manlimata anya. 13Anggan sik ngay Udyu at maful yud Udyu nu gfangon, nafasaman yangay. Anggan tam usama Bernabe nafaningan wan. 14Ay nu nalag aw katanya at ngay fagbulun, kwa guseganan, teway katanya fag ngay fagbulun wa gtungul. Igsalan wadi. Teway wa katanya tam nasaful siginan Masine fag Barita. Kata tuwa at sadi fagayu tagafanud, dewa sik taw Udyu ay dewa yud Udyu.
Ebi, gina aw gbaya Pedru, glong aw anya te, “Sek, katanya long am fagbulun wa gtungul. Igfabulun way o taw yud Udyu te faningi wa taw Udyu at ngay ugali. Ay ita ngani, dewa ta sik taw Udyu, di ta gfaning kanya fag ngay ugali. Taw ro am fagfabulunun tibak taw te faningi wan?” Ay nu glong aw katanya, si was fagngayuwan taw.
Afanudi ngay sa tam Isus, Umlangfe tuwam
15Mangamam, mangenam, aw ngani sik taw Udyu aw, kata ku sama Pedru. Ay em fagin-ngayanun te taw Udyu ami, teway siginan ngay em magurang, taw Udyu wan. Ay nu katanya, nu gamatangan ami emi, masine tuwami fag fulan taw. Igfaning tuwami Diyus at ngay suguwan, ebi at nafon sas Muisis. Di ami kata tibak fulan taw at yud igfaning. 16Ay roro mangaro, sik taw dewa gfaning dawdaw Diyus ngay suguwan, ka fag taw e asalanan way gugat, Diyus nu glag. Roro mangaro, ani tuwa afanudi sa tam Fun Isus, ay Diyus nu glag antam, di tam e asalanan.
Ay katsi ngani nu gafanud ami, sa tam Fun Isus tuwa, teway nasaful ami te, katanya tuwa mangaro Diyus faglumongun sa sik taw te “kata wo yud e asalanan.” Afanudi sas Isus. Teway tam Diyus fanfalyam asalanan, bundi tam nafaningan sik ngay suguwan. Lag tam gamatangan te, “Nu nafafaning aktuwa Diyus suguwan, umkalyam ku ngay asalanan.” Teway nu katanya way ro tam amatanganan, Diyus nu glag antam, e asalanan way tam gugat.
17Tibak taw nu gfasad, nu gafanud watam sa tam Isus, gasalanan way tam unu, teway wa tam igfaning sa ebi fag ngay suguwan. Tam Fun Isus unu, igfaasalanan way antam, teway nu gafanud watam sa anya, wa tam igfaning sanya fag ngay suguwan. Katanya way tibak taw amatanganan. Igsalan way dawdaw.
18Nu batang watam gubun ebi fag ngay suguwan, wa masine nu nandog yay tam fiya nangafanuguwanan sanya fag ngay suguwan. Kanya asalanan wan, nu nangafoli way tam sanya fag ngay suguwan.
19Katsi, kanya fag ngay suguwan wa long mafafabulun angku, teway nasaful aw te, kanya wa long mafafalyam ku asalanan. Nu katanya katsi, nafon kwa daw ku leleg sas Diyus. 20Kata kwa inkate gasfuwan tam Fun Isus, sis salibagan kayu. Ay nu katanya katsi, bundi aw tagfaamatanganan angku ay tagfaleleganan angku. Tam Fun Isus wan. Ay ku fagmaabanwanun ste swa daga, teway gafanud aw sa anya. Gafanud aw sa tam Diyus at Baguwama. Teway kanya infanyu dawdaw angku, ay nafon wa daw at leleg, at fantubus angku.
21Katatuy angku ku nasaful. Tam Diyus nu dway ro infanyu antam, wa long ro tam umlangfe. Madyay tam Fun Isus nanangate yay. Satu ro, itam taw nu mafafaning di tam tam Diyus suguwan, sak fafalyam tam asalanan, satu ro deyud wan tam Fun Isus naatean. Ay roro tam Fun Isus nanangate yay, teway itam watam fafalyam tam asalanan mandi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Copyright © 2023 by OMF International, Philippines