Nu Galin 4
4
Diyus Nafagbulun at ngay Madulawan
1Ay Muisis ginto te, “Taw Israel nu dway gdungugan ku longan, ay wa gafanud, ay lumong ya te, ‘Yaya, Yawi wa nsure sa emu,’ tain ro ku fagbulun?” 2Yawi nabalus te, “Taw kanya am bitbitan?” Ay Muisis nabalus te, “Ku suwan.” 3Ay Yawi nalong te, “Ukasi sas wa daga.” Ay Muisis naukas wa fiya ay insik ubyanun wa daw. Ay Muisis inlimu ay insugud.
4Yawi nalong te, “Iyugi.” Ay Muisis naiyug wa fiya ay nu glag kata yangay aro taw at suwan. 5Ay Yawi nalong te, “Nu ndasug wo sas talun Iptu, katanyai am fagbulun, laman taw Israel umfanud te, Yawi ay aguyangan Abrayam, ay Isaak, ay Akub at Diyus, kanya at kinsure sa emu.”
6Yawi nalong yay fiya te, “Fatsai am basad balukas am take.” Ay Muisis nafaning wa fiya, ay nu nabul wan at take malagsi wa daw teway e daylan mason sis balat. 7Ay Yawi nalong yangay te, “Dogi yap fatsai am basad balukas am take.” Ay Muisis nafaning wa fiya, ay nu nabul wan at take infiya wan, kata aro taw.
8Yawi nalong te, “Nu nafagbulun wa ro o at taguna fag madulawan, ay nu dyay gugat gafanud, sis faduwak madulawan umfanud wa ro. 9Dewa o nafagbulun ka fag duwak madulawan, ay nu dyay gugat gafanud, buli sik safa siginans Safa Nilu ay busbusi sas wa daga, ay ka fag safa umsik taguk.”
10Ay Muisis nalong sas Yawi te, “Ku Fun, siginan ngay ebi anggan katsi, kwa gsaful gelongan sis wa taw dewo gsugu angku. Wa gturunanan nu gelongan aw.” 11Ay Yawi nalong anya te, “Sinu sangay at naawat taw bibig? Sinu sangay at naawat taw laman wa gdungug ay ate wa mafaelongan? Sinu sangay at naawat taw laman wa glag? Go sangay bunwa aw, Yawi? 12Loi wan, tumarabang akwa ro emu gina o gelongan. Ay moyung akwa ro emu am fagnanlongun.”
13Ay roro Muisis nalong te, “Ku Fun, lagi aw, tibak taw yakman.” 14Ay Yawi nu nadungug Muisis at longan, indotama wan, ay nalong te, “Kin ate, gfili kyangay am fadugsay Arun, sik taw Lebi yangay. Kanya masine tuwa nu gelongan. Ay katsi kadasug wan nanlag emu, ay nu lumag emu, guseganan ro. 15Ay fasulitanani ay foyungi anya at fagnanlongun. Ay aw, tagfoyung aw ayu te, ‘Katatuy ay longan ay ay fagbulun.’ 16Ay bunwa o tagelongan sa sangay taw, Arun wan. Kanya am tagelongan ay o, kata o sik Diyus sa anya. 17Ay ubai tuwa am suwan, laman ban mafafasure tuwo at ngay madulawan.”
Muisis nu Kafoli sas Talun Iptu
18Ay Muisis infoli wa sat nugangama Itru ay glong te, “Nu masine di, kafoli kwa nangus sas talun Iptu. Nanlag aw ku ngay kalongan te, go manabayan tuwa.” Ay at nugangama nabalus te, “Kin wan, lag gasubuwan.”
19Muisis nu galoun wan siginans talun Midyan, Yawi nalong anya te, “Katsi, afolii wa sas talun Iptu teway fagayu ebi tagafateun emu inkate wan.” 20Ay Muisis nafasakay at mangena ay at ngay baguwama sas asnu, ay infoli wa sas talun Iptu. Ay nauba wan Diyus suwan at nafauba anya.
21Yawi nalong sas Muisis te, “Nu ndasug wo sas talun Iptu, fagbuluni sas fun daga salubangan fagayu at madulawan ku nafoyung emu te, fagbuluni, teway gfon kwa emu fagmadaragangun. Ay roro dewa o magbulun katanya, at fun wa kaumsig gfalfas taw Israel, teway gfafaning kyay gugat at fasadan. 22Ay foyungi anya te, ‘Katatuy Yawi at longan emu: Taw Israel kata ku turungana fag ama. 23Ay nu katanya, nasugu aw emu te, falfasi wan taw Israel laman sumeg angku, ay wo nkumsig. Ay nu katanya, katsi nanfate akwan am turungana fag ama!’ ”
24Ay Muisis talanan gina glo sangaba dalan, natiyug yay sa sik bale. Ay Yawi nananlag Muisis laman nanfate anya. 25-26Ay roro Sifura nabul sik mataga fag batu ay natuli at unga, ay at balat fag sirut at nabul nafadafut sas Muisis darafa. Ay Sifura nalong te, “O wan ku mangama tagatagukun.” At masuwad te, sa baliwa nu gtuli. Ay nu katanya, Yawi di nafate Muisis.
27Ay Yawi nalong sas Arun te, “Loi wan ay fablangi Muisis sas talun at yud e taw.” Ay kanya nalo wa fiya nanfablang Muisis sas Diyus at muyud. Ay nu naladlagan wan, kanya guseganan.#4:27 Sis Fangebriyu, nalong te, kanya fag duwa gadgayukan. Sas taw Ebriyu ebi, nu guseganan gina naladlagan, gadgayukan. 28Ay Muisis nafoyung sas Arun fagayu Yawi at suguwan sa anya, ay fagayu at fagnanfagbulunun at madulawan.
29Ay kanya fag duwa nalo wan ay nafaful taw Israel at ngay tagmagurang. 30Ay Arun nafoyung sa sangay tagmagurang fagayu Yawi at nalong sas Muisis. Ay Muisis nu nafalag at ngay madulawan sa sangay taw, 31at ngay taw gafanud wan. Ay nu nasaful te, Yawi kafanyu tuwa anya, ay glag nu gatakan, kanya namalub ay naseg sas Yawi.
Currently Selected:
Nu Galin 4: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Nu Galin 4
4
Diyus Nafagbulun at ngay Madulawan
1Ay Muisis ginto te, “Taw Israel nu dway gdungugan ku longan, ay wa gafanud, ay lumong ya te, ‘Yaya, Yawi wa nsure sa emu,’ tain ro ku fagbulun?” 2Yawi nabalus te, “Taw kanya am bitbitan?” Ay Muisis nabalus te, “Ku suwan.” 3Ay Yawi nalong te, “Ukasi sas wa daga.” Ay Muisis naukas wa fiya ay insik ubyanun wa daw. Ay Muisis inlimu ay insugud.
4Yawi nalong te, “Iyugi.” Ay Muisis naiyug wa fiya ay nu glag kata yangay aro taw at suwan. 5Ay Yawi nalong te, “Nu ndasug wo sas talun Iptu, katanyai am fagbulun, laman taw Israel umfanud te, Yawi ay aguyangan Abrayam, ay Isaak, ay Akub at Diyus, kanya at kinsure sa emu.”
6Yawi nalong yay fiya te, “Fatsai am basad balukas am take.” Ay Muisis nafaning wa fiya, ay nu nabul wan at take malagsi wa daw teway e daylan mason sis balat. 7Ay Yawi nalong yangay te, “Dogi yap fatsai am basad balukas am take.” Ay Muisis nafaning wa fiya, ay nu nabul wan at take infiya wan, kata aro taw.
8Yawi nalong te, “Nu nafagbulun wa ro o at taguna fag madulawan, ay nu dyay gugat gafanud, sis faduwak madulawan umfanud wa ro. 9Dewa o nafagbulun ka fag duwak madulawan, ay nu dyay gugat gafanud, buli sik safa siginans Safa Nilu ay busbusi sas wa daga, ay ka fag safa umsik taguk.”
10Ay Muisis nalong sas Yawi te, “Ku Fun, siginan ngay ebi anggan katsi, kwa gsaful gelongan sis wa taw dewo gsugu angku. Wa gturunanan nu gelongan aw.” 11Ay Yawi nalong anya te, “Sinu sangay at naawat taw bibig? Sinu sangay at naawat taw laman wa gdungug ay ate wa mafaelongan? Sinu sangay at naawat taw laman wa glag? Go sangay bunwa aw, Yawi? 12Loi wan, tumarabang akwa ro emu gina o gelongan. Ay moyung akwa ro emu am fagnanlongun.”
13Ay roro Muisis nalong te, “Ku Fun, lagi aw, tibak taw yakman.” 14Ay Yawi nu nadungug Muisis at longan, indotama wan, ay nalong te, “Kin ate, gfili kyangay am fadugsay Arun, sik taw Lebi yangay. Kanya masine tuwa nu gelongan. Ay katsi kadasug wan nanlag emu, ay nu lumag emu, guseganan ro. 15Ay fasulitanani ay foyungi anya at fagnanlongun. Ay aw, tagfoyung aw ayu te, ‘Katatuy ay longan ay ay fagbulun.’ 16Ay bunwa o tagelongan sa sangay taw, Arun wan. Kanya am tagelongan ay o, kata o sik Diyus sa anya. 17Ay ubai tuwa am suwan, laman ban mafafasure tuwo at ngay madulawan.”
Muisis nu Kafoli sas Talun Iptu
18Ay Muisis infoli wa sat nugangama Itru ay glong te, “Nu masine di, kafoli kwa nangus sas talun Iptu. Nanlag aw ku ngay kalongan te, go manabayan tuwa.” Ay at nugangama nabalus te, “Kin wan, lag gasubuwan.”
19Muisis nu galoun wan siginans talun Midyan, Yawi nalong anya te, “Katsi, afolii wa sas talun Iptu teway fagayu ebi tagafateun emu inkate wan.” 20Ay Muisis nafasakay at mangena ay at ngay baguwama sas asnu, ay infoli wa sas talun Iptu. Ay nauba wan Diyus suwan at nafauba anya.
21Yawi nalong sas Muisis te, “Nu ndasug wo sas talun Iptu, fagbuluni sas fun daga salubangan fagayu at madulawan ku nafoyung emu te, fagbuluni, teway gfon kwa emu fagmadaragangun. Ay roro dewa o magbulun katanya, at fun wa kaumsig gfalfas taw Israel, teway gfafaning kyay gugat at fasadan. 22Ay foyungi anya te, ‘Katatuy Yawi at longan emu: Taw Israel kata ku turungana fag ama. 23Ay nu katanya, nasugu aw emu te, falfasi wan taw Israel laman sumeg angku, ay wo nkumsig. Ay nu katanya, katsi nanfate akwan am turungana fag ama!’ ”
24Ay Muisis talanan gina glo sangaba dalan, natiyug yay sa sik bale. Ay Yawi nananlag Muisis laman nanfate anya. 25-26Ay roro Sifura nabul sik mataga fag batu ay natuli at unga, ay at balat fag sirut at nabul nafadafut sas Muisis darafa. Ay Sifura nalong te, “O wan ku mangama tagatagukun.” At masuwad te, sa baliwa nu gtuli. Ay nu katanya, Yawi di nafate Muisis.
27Ay Yawi nalong sas Arun te, “Loi wan ay fablangi Muisis sas talun at yud e taw.” Ay kanya nalo wa fiya nanfablang Muisis sas Diyus at muyud. Ay nu naladlagan wan, kanya guseganan.#4:27 Sis Fangebriyu, nalong te, kanya fag duwa gadgayukan. Sas taw Ebriyu ebi, nu guseganan gina naladlagan, gadgayukan. 28Ay Muisis nafoyung sas Arun fagayu Yawi at suguwan sa anya, ay fagayu at fagnanfagbulunun at madulawan.
29Ay kanya fag duwa nalo wan ay nafaful taw Israel at ngay tagmagurang. 30Ay Arun nafoyung sa sangay tagmagurang fagayu Yawi at nalong sas Muisis. Ay Muisis nu nafalag at ngay madulawan sa sangay taw, 31at ngay taw gafanud wan. Ay nu nasaful te, Yawi kafanyu tuwa anya, ay glag nu gatakan, kanya namalub ay naseg sas Yawi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines