Fagbulun 28
28
Indasug sas Furu Malta
1Nu nalfas wami siginans balutu, sanya e nafoyung emi te, ste fag furu at ngayan Malta. 2Ay at ngay taw tagbanwan sanya kafanyu dawdaw emi. Ay nafaigang sik afuy ay nalong emi te, “Stei wan fagayu am.” Anway ginanya bagu gfasigad gmoyan ay mariyos. 3Ay Pablu nafaful sik ngay sarab at famadaul at afuy. Ay rodi nsure sik kubra siginan sad famaigang anway insugba ay naagat Pablu at take. 4Ay sanya fag furu at ngay taw nu nalag sik kubra nu kabaringbing sis Pablu take, nalodlongan te, “Matuyan kanya fag taw sik tagfate way taw. Ay dewa ngap inlangfe sis dagat, sik diyus at ngayan Matuyan wa long kaumsig kanya nu gleleg.” 5Ay Pablu nafarikfik wa ka fag kubra sasad afuy, ay kata tuwa aro ataw. 6Ay ngay taw sanya gfanya te, go ro ka fag taw at take umbaga, ay ate umbungle daw ay umkate way sigad. Ay dewa glugo gfanya, di nbali. Ay nu katanya, at ngay taw nafasaman at amatanganan, ay nalong te, “Kanya sik diyus mangaro.”
7Ay sanya fag furu makbang sa sik taw at ngayan Publiyu at daga. Ay Publiyu tiba tungud fag fun sanya fag furu. Ay kanya nafasakbo emi ay nafatvngvdun emi tuluk menit. 8Ay ginanya Publiyu at tama gadaylan, masugba at bilug ay karatas. Ay Pablu nananlag anya, ay igdarangin sa anya. Ay gina nated at daluwap, infiya wan. 9Ay nu katanya, fagayu taw at ke daylan sanya fag furu inful ay infiya wan. 10Ay at ngay taw sanya ngayu tuwa at nafon emi. Ay bandi ataw gina yangay ami nasakay sa sik balutu, kanya nafasakay wa at ngay famanyun sa emi, em ngay fagayudanun.
Pablu Ndasug sas Talun Ruma
11Nu nlangfe wa tuluk magdanun nu gbanwan ami sis furu Malta, nasakay yangay ami sa sik balutu, ebi ataw at nasuksuk sanya fag furu gina e mafurat fag lungud. Ka fag balutu siginans fulan Aleandria, ay e ngayan at fagsegan sas fagunaan te, “Kambal fag Fagsegan.” 12Ay indasug wami sas fulan Sirakusa ay sanya yay ami tuluk menit. 13Ay sanya ginan nabarikwayun yay em dalan, ay indasug ami sas fulan Regiu. Ay balabag di, sik tagmara siginans siyun baliwa fag tigyangan nauyup. Ay sit dayu fag menit indasug wami sas fulan Puteuli. 14Ay nalag ami sanya sik ngay tagafanud. Ay kanya nalong emi te, “Stei yap am si emi fituk menit.” Ay bandi gfatunglus yay ami glo sas talun Ruma. 15Ay at ngay tagafanud sas Ruma nu nadungug te, umdasug ro ami, kanya nalo laman nanfablang emi. Ay at tiba nu gfablang emi sas fulan Apiu fag Fagbilian, ay at tiba sas fulan Tuluk Bale Fagtiyugan. Ay Pablu nu nalag ka fag ngay taw guseganan sas Diyus ay intvngvd at amatanganan. 16Ay nu ndasug wami sas Ruma, at fun sanya nafabayan Pablu nus nganday nu gbanwan, ay at tagtanud anya sik sundalu.
17Ay nu nlangfe wa tuluk menit, Pablu nafakbang sa anya taw Udyu at ngay tagmagurang sis Ruma. Ay nu ndasug, Pablu nalong te, “Ku ngay fadugsay, dewa gyud aw e asalanan sa tam fulan ay sa tam ngay aguyangan baliwa at ugali, e nagamat angku sas Erusalem ay nataban angku sas taw Ruma. 18Ay talun Ruma at ngay tagmagurang matvngvd nu nainto angku, taw fiya fiya ku nafagbulun. Ay rodi kaumsig wa nafalfas angku, anway kwe fagbulun sak nanfate angku. 19Ay taw Udyu kalimata nu e gfalfas way angku. Ay katanya wayay, nanget akyay fanarabangun sas talun Ruma at fun fiya fiya, dewa yud aw elongan malimata sa ku ngay kalongan baliwa. 20Anway katanya, kaumsig akyay gyalagun ayu ay nanfamatuwan akyay nangus ayu. At fagnakadinaun angku anway ku fagsegun, taw Udyu yangay at fagsegun.”
21Ay taw Udyu at ngay tagmagurang nalong sas Pablu te, “Wami batang gbul sik rirukan sa am fagbulun baliwa siginans talun Udiya. Ay dewa tibak taw Udyu ndasug stiye, wa nafoyung te, mauri am fagbulun. 22Ay em fakaumsigun fiya fiya, foyungi way emi am amatanganan mandi. Anway nasaful wami te, sas fagayu talun e nafoyung wa te, wa masine am fagafanudun.” 23Ay ka fag ngay tagmagurang nafili yay sik menit, laman Pablu nanfoyung yangay anya. Ay ginanya, at ngay taw indasug sas Pablu at bale. Ay Pablu nu gfoyung sanya fag ngay taw, siginan was balabag ay anggan inyabi. Ay at foyungan sa baliwas Diyus nu gmagurang taw, ay anggan sa baliwas Isus. Ay at foyungan siginans Muisis at Suguwan ay anggan siginans Diyus at ngay taglong at rirukan, laman tagdungugan gafanud ban sas Isus. 24Ay tiba at tagdungugan sanya gafanud tuwa. Ay tiba yaya. 25Ay nu katanya, at ngay taw nainkafudan. Ay bagu lumo Pablu nafoyung yay anya te, “Matuyan at Masine fag Falad at foyungan siginans Diyus at taglong at ngayan Isayas. 26Diyus nalong te,
‘Nanlagi sanya fag ngay taw ay foyungi anya te:
Dewa am nadungug, wam namatang. Ay dewa am nalag, wam nasaful.
27Anway tuy fag ngay taw at amatanganan marananan way.
Ay at talinga kata way yud gtogdungug.
Ay at mata mafutsik way, laman wa glag ay wa nasaful.
Ay wa gtogdungug ay wa namatang.
Ay at amatanganan wa nasaful at masine.
Ay wa nbiling sa angku, laman nanfafiya aw anya.’#28:27 Isayas 6:9-10.”
28Ay Pablu nafatunglus yay nu gfoyung te, “Nu katanya, asafuli tuwa te, tuy fag foyungan sa baliwas Diyus nu mafabalabag sik taw, ay nafoyung wan sat yud Udyu fag ngay taw; ay gafanud wa ban.” [29Ay Pablu nu nalong wa katanya, taw Udyu nalo wan ay matvngvd dawdaw nu garingangan.]
30Ay Pablu nu gbanwan sanya duwak banwa nu si aba. Ay kanya tuwa mandi at tagsali at bale. Ay gfasakbo tuwa fagayu at nansibo anya. 31Ay maseganama tuwa nu gfoyung sas Diyus nu gmagurang taw baliwa, ay anggan sa tam Fun Isus baliwa. Ay di e gsalag anya.
Currently Selected:
Fagbulun 28: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Fagbulun 28
28
Indasug sas Furu Malta
1Nu nalfas wami siginans balutu, sanya e nafoyung emi te, ste fag furu at ngayan Malta. 2Ay at ngay taw tagbanwan sanya kafanyu dawdaw emi. Ay nafaigang sik afuy ay nalong emi te, “Stei wan fagayu am.” Anway ginanya bagu gfasigad gmoyan ay mariyos. 3Ay Pablu nafaful sik ngay sarab at famadaul at afuy. Ay rodi nsure sik kubra siginan sad famaigang anway insugba ay naagat Pablu at take. 4Ay sanya fag furu at ngay taw nu nalag sik kubra nu kabaringbing sis Pablu take, nalodlongan te, “Matuyan kanya fag taw sik tagfate way taw. Ay dewa ngap inlangfe sis dagat, sik diyus at ngayan Matuyan wa long kaumsig kanya nu gleleg.” 5Ay Pablu nafarikfik wa ka fag kubra sasad afuy, ay kata tuwa aro ataw. 6Ay ngay taw sanya gfanya te, go ro ka fag taw at take umbaga, ay ate umbungle daw ay umkate way sigad. Ay dewa glugo gfanya, di nbali. Ay nu katanya, at ngay taw nafasaman at amatanganan, ay nalong te, “Kanya sik diyus mangaro.”
7Ay sanya fag furu makbang sa sik taw at ngayan Publiyu at daga. Ay Publiyu tiba tungud fag fun sanya fag furu. Ay kanya nafasakbo emi ay nafatvngvdun emi tuluk menit. 8Ay ginanya Publiyu at tama gadaylan, masugba at bilug ay karatas. Ay Pablu nananlag anya, ay igdarangin sa anya. Ay gina nated at daluwap, infiya wan. 9Ay nu katanya, fagayu taw at ke daylan sanya fag furu inful ay infiya wan. 10Ay at ngay taw sanya ngayu tuwa at nafon emi. Ay bandi ataw gina yangay ami nasakay sa sik balutu, kanya nafasakay wa at ngay famanyun sa emi, em ngay fagayudanun.
Pablu Ndasug sas Talun Ruma
11Nu nlangfe wa tuluk magdanun nu gbanwan ami sis furu Malta, nasakay yangay ami sa sik balutu, ebi ataw at nasuksuk sanya fag furu gina e mafurat fag lungud. Ka fag balutu siginans fulan Aleandria, ay e ngayan at fagsegan sas fagunaan te, “Kambal fag Fagsegan.” 12Ay indasug wami sas fulan Sirakusa ay sanya yay ami tuluk menit. 13Ay sanya ginan nabarikwayun yay em dalan, ay indasug ami sas fulan Regiu. Ay balabag di, sik tagmara siginans siyun baliwa fag tigyangan nauyup. Ay sit dayu fag menit indasug wami sas fulan Puteuli. 14Ay nalag ami sanya sik ngay tagafanud. Ay kanya nalong emi te, “Stei yap am si emi fituk menit.” Ay bandi gfatunglus yay ami glo sas talun Ruma. 15Ay at ngay tagafanud sas Ruma nu nadungug te, umdasug ro ami, kanya nalo laman nanfablang emi. Ay at tiba nu gfablang emi sas fulan Apiu fag Fagbilian, ay at tiba sas fulan Tuluk Bale Fagtiyugan. Ay Pablu nu nalag ka fag ngay taw guseganan sas Diyus ay intvngvd at amatanganan. 16Ay nu ndasug wami sas Ruma, at fun sanya nafabayan Pablu nus nganday nu gbanwan, ay at tagtanud anya sik sundalu.
17Ay nu nlangfe wa tuluk menit, Pablu nafakbang sa anya taw Udyu at ngay tagmagurang sis Ruma. Ay nu ndasug, Pablu nalong te, “Ku ngay fadugsay, dewa gyud aw e asalanan sa tam fulan ay sa tam ngay aguyangan baliwa at ugali, e nagamat angku sas Erusalem ay nataban angku sas taw Ruma. 18Ay talun Ruma at ngay tagmagurang matvngvd nu nainto angku, taw fiya fiya ku nafagbulun. Ay rodi kaumsig wa nafalfas angku, anway kwe fagbulun sak nanfate angku. 19Ay taw Udyu kalimata nu e gfalfas way angku. Ay katanya wayay, nanget akyay fanarabangun sas talun Ruma at fun fiya fiya, dewa yud aw elongan malimata sa ku ngay kalongan baliwa. 20Anway katanya, kaumsig akyay gyalagun ayu ay nanfamatuwan akyay nangus ayu. At fagnakadinaun angku anway ku fagsegun, taw Udyu yangay at fagsegun.”
21Ay taw Udyu at ngay tagmagurang nalong sas Pablu te, “Wami batang gbul sik rirukan sa am fagbulun baliwa siginans talun Udiya. Ay dewa tibak taw Udyu ndasug stiye, wa nafoyung te, mauri am fagbulun. 22Ay em fakaumsigun fiya fiya, foyungi way emi am amatanganan mandi. Anway nasaful wami te, sas fagayu talun e nafoyung wa te, wa masine am fagafanudun.” 23Ay ka fag ngay tagmagurang nafili yay sik menit, laman Pablu nanfoyung yangay anya. Ay ginanya, at ngay taw indasug sas Pablu at bale. Ay Pablu nu gfoyung sanya fag ngay taw, siginan was balabag ay anggan inyabi. Ay at foyungan sa baliwas Diyus nu gmagurang taw, ay anggan sa baliwas Isus. Ay at foyungan siginans Muisis at Suguwan ay anggan siginans Diyus at ngay taglong at rirukan, laman tagdungugan gafanud ban sas Isus. 24Ay tiba at tagdungugan sanya gafanud tuwa. Ay tiba yaya. 25Ay nu katanya, at ngay taw nainkafudan. Ay bagu lumo Pablu nafoyung yay anya te, “Matuyan at Masine fag Falad at foyungan siginans Diyus at taglong at ngayan Isayas. 26Diyus nalong te,
‘Nanlagi sanya fag ngay taw ay foyungi anya te:
Dewa am nadungug, wam namatang. Ay dewa am nalag, wam nasaful.
27Anway tuy fag ngay taw at amatanganan marananan way.
Ay at talinga kata way yud gtogdungug.
Ay at mata mafutsik way, laman wa glag ay wa nasaful.
Ay wa gtogdungug ay wa namatang.
Ay at amatanganan wa nasaful at masine.
Ay wa nbiling sa angku, laman nanfafiya aw anya.’#28:27 Isayas 6:9-10.”
28Ay Pablu nafatunglus yay nu gfoyung te, “Nu katanya, asafuli tuwa te, tuy fag foyungan sa baliwas Diyus nu mafabalabag sik taw, ay nafoyung wan sat yud Udyu fag ngay taw; ay gafanud wa ban.” [29Ay Pablu nu nalong wa katanya, taw Udyu nalo wan ay matvngvd dawdaw nu garingangan.]
30Ay Pablu nu gbanwan sanya duwak banwa nu si aba. Ay kanya tuwa mandi at tagsali at bale. Ay gfasakbo tuwa fagayu at nansibo anya. 31Ay maseganama tuwa nu gfoyung sas Diyus nu gmagurang taw baliwa, ay anggan sa tam Fun Isus baliwa. Ay di e gsalag anya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines