Fagbulun 26
26
Pablu Gfoyung at Fagbulun sas Fun Agripa
1Fun Agripa nalong sas Pablu te, “Nanfanusetaw akwa emu katsi, laman gfoyung o am fagbulun.” Ay Pablu nafalelegan at daluwap laman gbaliwa mandi anya. Glong te,
2“Ku fun Agripa, guseganan aw nu gbaliwa aw angku sam daga salubangan sa sangay taw Udyu baliwa at nalimatan angku fagayu. 3O wan at nasaful fiya fiya taw Udyu at ugali ay at fagaringanganun. Ay nu katanya, get aw sa emu te, dungugani yap ku longan. 4Ay aw, indaul akwa sa ku ngay kalongan fag taw Udyu sas fulan Erusalem. Ay taw Udyu sanya nasaful wan ku ugali siginan ngay aw alay. 5Ay kanya dan wa nasaful ku ugali, ay nu nafoyung di ro, mafafoyung wa ro te, aw, sik taw Parisiyu aw. Ami fag fulan taw, mason tuwa nu gfaning ami em fagafanudun. 6Ay katsi dewa aw iste sa ay daga salubangan, anway e fagsegun akwa siginan tam Diyus at fatuyanan sa em aguyangan. 7Ay katsi ami fag labi duwak fulan taw e fagsegun wami te, umgurungan wa fiya ka fag fatuyanan. Ay nu katanya, fagayu menit ay fagayu yabi matvngvd tuwa nu gseg ami em Diyus. Ay ku fun Agripa, asafuli te, taw Udyu at nalimatan angku antuwa sa ka fag fagsegun baliwa. 8Ay taw way sangay am ay fagyudun gafanud te, Diyus mafafaleleg yay at kinkate?
9“Ebi anggan aw, gamatangan akyangay te, sumalag aw kanya fag taw at ngayan Isus, sik taw Nasaret. 10Ay katanya wa fiya ku nafagbulun ebi sas Erusalem. Nasungsung aw Diyus at ngay unga, anway e fagmadaragangun aw siginan at ngay taganyun daul. Ay nu e fate wa Diyus at ngay unga, anggan aw igfadiyuganan akyangay sa ka fag fagbulun baliwa. 11Ay ngayu ginan nu gfauri aw anya sas fagayu taw Udyu at bale fakafulan. Ay gfaunatan aw anya laman kanya lumong at mauri sas Diyus baliwa, ay roro kanya di gaguyudan. Ay inkugat yay nu kadotama aw sa anya. Ay gfauri aw anya dewa sa ku ngay baklayan fag ngay talun.”
Pablu Nafoyung at Fagbulun gina bagu Tagafanud
(Fagbulun 9:1-19; 22:6-16)
12“Katanya wan ku fagnaloun sas fulan Damasku, teway e ba rirukan aw siginan sangay taganyun daul. Sanya ginan ka fag rirukan e fagmadaragangun aw gfagbulun nus nga setaw ku fakaumsigun sanya. 13Ay o, ku fun Agripa, dungugani ku longan. Gina swa bilug menit, gina aw glo sa sangaba dalan, nalag aw sik damlag mafali siginans banwa, glabi yay tam menit nu masulo. Ay nadamlag sa angku ay anggan sa ku ngay ufud gina ami glo. 14Ay fagayu ami, nagfu wami sas daga. Ay e dungganan aw nu e glong sa angku sas Ebriyu at fanlongan te, ‘Saulu! Saulu! Taw ro am fagfauriun angku? O wa mandi tagfauri sa emu, kata nu gturang o sa sik kayu malasay.’ 15Ay nainto aw te, ‘Sinu o, ku Fun?’ Ay tam Fun nabalus angku te, ‘Aw wan Isus, am fagfauriun. 16Alindugi wan. Ku faginsureun sa emu aro teway nafili akwa emu, laman nanfaning ban o angku. Ay laman nanfatuyan ban o sa sangay taw am nalag katsi, ay anggan ban ku fagnanfalagun emu. 17Ay igdingding aktuwa ban emu siginan am kaiban taw Udyu at fagmadaragangun. Ay anggan siginan at yud Udyu fag ngay taw at fagmadaragangun. Sumugu ban aw emu sa anya, 18laman at faglinggatun ban sa tuwa at matuyan, ay mubun at marum ay suma tuwa sad mayamag, ay mubun Satanas at fagmadaragangun ay suma tuwa sas Diyus. Teway gafanud tuwa sa angku, e gfalyam ban at ngay asalanan, ay katap yangay sas Diyus at nafili fag ngay taw.’
Pablu Kaumsig nangus fagayu Taw nu Gafanud
19“Ay nu katanya, ku fun Agripa, aw, dakdi kamabo ku nalag siginans banwa. 20Ay ku fagfoyungan taguna sa sangay taw sas fulan Damasku. Ay at fadogan sa sangay taw sas Erusalem. Ay anggan sas fagdaul talun Udiya at ngay taw. Ay anggan sat yud Udyu fag ngay taw, laman kanya mubun at ngay asalanan ay gfaning tuwa sas Diyus. Ay laman ban masine tuwa at fagbulun nu naubun tuwa at asalanan. 21Ay nu katanya, taw Udyu nagamat angku sas Diyus bale ay gananfateun way angku. 22Ay dewa katanya, Diyus natarabang tuwa angku anggan katsi. Ay katanya ku fagsteun katsi laman nanfoyung aw sas fagayu, sa at yud madaragang ay sa at madaragang fag ngay taw. Ku foyungan sa way baliwa Diyus at ngay taglong ay anggan Muisis at nalong at takagurungan ban: 23e faurianan ban dawdaw sas Diyus at nafili fag Fun. Ay kanya yay at naguna at nadog gleleg, laman dumamlag sa sangay taw Udyu ay anggan sat yud Udyu fag ngay taw.”
24Ay gina Pablu gfoyung, Festus gbiya nu gelongan te, “Pablu, wo e amatanganan! Anway ngayu wan am fagsafulun, kalyam wo am amatanganan!” 25Ay Pablu nabalus anya te, “Igdi, ku nesugan ku gubernadur Festus. Di nalyam ku amatanganan. Ku foyungan matuyan tuwa. 26Ay dakdi kapla nu gfoyung aw sa emu, anway kanya nasaful sa ku foyungan baliwa. Ay nasaful kwa te, ka fag fagbulun wa mafalyu sa anya, anway bunwa kata sik masuksukan sasad suluk. 27Ku fun Agripa, go gafanud tuwo sas Diyus at ngay taglong at foyungan? Ay kin, nasaful kwa te, gafanud tuwo.” 28Ay fun Agripa nainto sas Pablu te, “Nu sik kadugayun ya sirut, go gayup o te, gafanud akwa sa am longan laman Diyus at nafili fag Fun akwa at taw?” 29Ay Pablu nabalus te, “Dewa glugo ay dewa yud glugo, ku fagetun sas Diyus te, bundi o fagsadi, anggan tuwa fagayu at nadungug angku katsi, nu kumata nangus angku nu gafanud. Ay roro lag am nangus kasungsung kata angku.”
30Ay rodi fun Agripa nlindug, ay anggan gubernadur Festus, ay Bernise, ay fagayu at taglunggungan sanya. 31Ay nalo yay sirut sat dayu, ay nalodlongan te, “Tuy fag taw we asalanan laman sak tam nanfate, ay ate sumungsung anya.” 32Ay fun Agripa nalong sas Festus te, “Satu ro e mafafalfas way anya, nu dway ro nanget fanarabangun sa tam fun fiya fiya.”
Currently Selected:
Fagbulun 26: TAWEAST
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines
Fagbulun 26
26
Pablu Gfoyung at Fagbulun sas Fun Agripa
1Fun Agripa nalong sas Pablu te, “Nanfanusetaw akwa emu katsi, laman gfoyung o am fagbulun.” Ay Pablu nafalelegan at daluwap laman gbaliwa mandi anya. Glong te,
2“Ku fun Agripa, guseganan aw nu gbaliwa aw angku sam daga salubangan sa sangay taw Udyu baliwa at nalimatan angku fagayu. 3O wan at nasaful fiya fiya taw Udyu at ugali ay at fagaringanganun. Ay nu katanya, get aw sa emu te, dungugani yap ku longan. 4Ay aw, indaul akwa sa ku ngay kalongan fag taw Udyu sas fulan Erusalem. Ay taw Udyu sanya nasaful wan ku ugali siginan ngay aw alay. 5Ay kanya dan wa nasaful ku ugali, ay nu nafoyung di ro, mafafoyung wa ro te, aw, sik taw Parisiyu aw. Ami fag fulan taw, mason tuwa nu gfaning ami em fagafanudun. 6Ay katsi dewa aw iste sa ay daga salubangan, anway e fagsegun akwa siginan tam Diyus at fatuyanan sa em aguyangan. 7Ay katsi ami fag labi duwak fulan taw e fagsegun wami te, umgurungan wa fiya ka fag fatuyanan. Ay nu katanya, fagayu menit ay fagayu yabi matvngvd tuwa nu gseg ami em Diyus. Ay ku fun Agripa, asafuli te, taw Udyu at nalimatan angku antuwa sa ka fag fagsegun baliwa. 8Ay taw way sangay am ay fagyudun gafanud te, Diyus mafafaleleg yay at kinkate?
9“Ebi anggan aw, gamatangan akyangay te, sumalag aw kanya fag taw at ngayan Isus, sik taw Nasaret. 10Ay katanya wa fiya ku nafagbulun ebi sas Erusalem. Nasungsung aw Diyus at ngay unga, anway e fagmadaragangun aw siginan at ngay taganyun daul. Ay nu e fate wa Diyus at ngay unga, anggan aw igfadiyuganan akyangay sa ka fag fagbulun baliwa. 11Ay ngayu ginan nu gfauri aw anya sas fagayu taw Udyu at bale fakafulan. Ay gfaunatan aw anya laman kanya lumong at mauri sas Diyus baliwa, ay roro kanya di gaguyudan. Ay inkugat yay nu kadotama aw sa anya. Ay gfauri aw anya dewa sa ku ngay baklayan fag ngay talun.”
Pablu Nafoyung at Fagbulun gina bagu Tagafanud
(Fagbulun 9:1-19; 22:6-16)
12“Katanya wan ku fagnaloun sas fulan Damasku, teway e ba rirukan aw siginan sangay taganyun daul. Sanya ginan ka fag rirukan e fagmadaragangun aw gfagbulun nus nga setaw ku fakaumsigun sanya. 13Ay o, ku fun Agripa, dungugani ku longan. Gina swa bilug menit, gina aw glo sa sangaba dalan, nalag aw sik damlag mafali siginans banwa, glabi yay tam menit nu masulo. Ay nadamlag sa angku ay anggan sa ku ngay ufud gina ami glo. 14Ay fagayu ami, nagfu wami sas daga. Ay e dungganan aw nu e glong sa angku sas Ebriyu at fanlongan te, ‘Saulu! Saulu! Taw ro am fagfauriun angku? O wa mandi tagfauri sa emu, kata nu gturang o sa sik kayu malasay.’ 15Ay nainto aw te, ‘Sinu o, ku Fun?’ Ay tam Fun nabalus angku te, ‘Aw wan Isus, am fagfauriun. 16Alindugi wan. Ku faginsureun sa emu aro teway nafili akwa emu, laman nanfaning ban o angku. Ay laman nanfatuyan ban o sa sangay taw am nalag katsi, ay anggan ban ku fagnanfalagun emu. 17Ay igdingding aktuwa ban emu siginan am kaiban taw Udyu at fagmadaragangun. Ay anggan siginan at yud Udyu fag ngay taw at fagmadaragangun. Sumugu ban aw emu sa anya, 18laman at faglinggatun ban sa tuwa at matuyan, ay mubun at marum ay suma tuwa sad mayamag, ay mubun Satanas at fagmadaragangun ay suma tuwa sas Diyus. Teway gafanud tuwa sa angku, e gfalyam ban at ngay asalanan, ay katap yangay sas Diyus at nafili fag ngay taw.’
Pablu Kaumsig nangus fagayu Taw nu Gafanud
19“Ay nu katanya, ku fun Agripa, aw, dakdi kamabo ku nalag siginans banwa. 20Ay ku fagfoyungan taguna sa sangay taw sas fulan Damasku. Ay at fadogan sa sangay taw sas Erusalem. Ay anggan sas fagdaul talun Udiya at ngay taw. Ay anggan sat yud Udyu fag ngay taw, laman kanya mubun at ngay asalanan ay gfaning tuwa sas Diyus. Ay laman ban masine tuwa at fagbulun nu naubun tuwa at asalanan. 21Ay nu katanya, taw Udyu nagamat angku sas Diyus bale ay gananfateun way angku. 22Ay dewa katanya, Diyus natarabang tuwa angku anggan katsi. Ay katanya ku fagsteun katsi laman nanfoyung aw sas fagayu, sa at yud madaragang ay sa at madaragang fag ngay taw. Ku foyungan sa way baliwa Diyus at ngay taglong ay anggan Muisis at nalong at takagurungan ban: 23e faurianan ban dawdaw sas Diyus at nafili fag Fun. Ay kanya yay at naguna at nadog gleleg, laman dumamlag sa sangay taw Udyu ay anggan sat yud Udyu fag ngay taw.”
24Ay gina Pablu gfoyung, Festus gbiya nu gelongan te, “Pablu, wo e amatanganan! Anway ngayu wan am fagsafulun, kalyam wo am amatanganan!” 25Ay Pablu nabalus anya te, “Igdi, ku nesugan ku gubernadur Festus. Di nalyam ku amatanganan. Ku foyungan matuyan tuwa. 26Ay dakdi kapla nu gfoyung aw sa emu, anway kanya nasaful sa ku foyungan baliwa. Ay nasaful kwa te, ka fag fagbulun wa mafalyu sa anya, anway bunwa kata sik masuksukan sasad suluk. 27Ku fun Agripa, go gafanud tuwo sas Diyus at ngay taglong at foyungan? Ay kin, nasaful kwa te, gafanud tuwo.” 28Ay fun Agripa nainto sas Pablu te, “Nu sik kadugayun ya sirut, go gayup o te, gafanud akwa sa am longan laman Diyus at nafili fag Fun akwa at taw?” 29Ay Pablu nabalus te, “Dewa glugo ay dewa yud glugo, ku fagetun sas Diyus te, bundi o fagsadi, anggan tuwa fagayu at nadungug angku katsi, nu kumata nangus angku nu gafanud. Ay roro lag am nangus kasungsung kata angku.”
30Ay rodi fun Agripa nlindug, ay anggan gubernadur Festus, ay Bernise, ay fagayu at taglunggungan sanya. 31Ay nalo yay sirut sat dayu, ay nalodlongan te, “Tuy fag taw we asalanan laman sak tam nanfate, ay ate sumungsung anya.” 32Ay fun Agripa nalong sas Festus te, “Satu ro e mafafalfas way anya, nu dway ro nanget fanarabangun sa tam fun fiya fiya.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Copyright © 2023 by OMF International, Philippines