2 Akorinti 12
12
1NEO nanilitamye, chukanga sichuwamila; lomba ninize ku mensompenya na mavundululiwe a Asikuru. 2Nuziŵa muntu wa mwa Kristo, virimika kumi na vine vipitapo (kano mmuŵili, nuziŵa lini; kano kunja kwa muŵili, nuziŵa lini; Mlungu oziŵa), wotetyo esompolewa kuya kumulu kwakatatu. 3Nane numziŵa wotetyo (kano mmuŵili kano aliye muŵili, nuziŵa lini; Mlungu oziŵa), 4akuti esompolewa kuya mParadiso, na kumvwa malizu ŵosalaŵirika, asazomereka ku muntu kwanena. 5Zya wotetyo nilitamye: sembe zya neka sinilitamya, sembe mvyolenda vyangu nimo. 6Angati nusakolitamya, siningaŵe wopusa, pakuti ninene vyendi: lomba naleka, muntu anganilinge kupula mwakuniŵonera kano kumvwa kuli neo. 7Lomba chikomo chokuru ngawo wa mavundululiwe — ningatumpuke chiŵichiŵi, ni pikwipewa kwangu mbandu ya mmuŵili, ntumi ya Satana yonigung'ulagung'ula, ningatumpuke chiŵichiŵi. 8Zya ichi nimtetelela Asikuru katatu chifumepo pali neo. 9Naye eniuzya, Chawanzi changu chukukumanira: pakuti mpamvu yangu yukumanizyiwa mkulenda. Teti nakusangalala kulitamya ngakongako mvyolenda vyangu, kuti mpamvu ya Kristo yonkalilila pali neo. 10Ni panutemwa na vyolenda, na mapunzo, na kukangamizyiwa, nosulushiwa, na matamano, pa mutu wa Kristo; pakuti pamene panulenda ni panukosa.
11Napusa neo: nimwe mwinikakamizya; nkasa angati nilumbiwa namwe, pakuti niliyosentana na apostolo akuru ngaŵo mkantu konse, chukanga nine watyala. 12Lezee viziŵikwilo vyopostolo vichitika pakati panu mmakoselelo ŵonse, pa viziŵikwilo na vyamazuzu na vyampamvu. 13Chilipo ni chinji chimwisentana nacho ku maeklezya ŵambi, sembe muniliyomzingwirani? munilekelele chiipa ichi.
14Ŵonani, aka ni katatu kanuliikilatu kumzilani; nane sinimzingwirani, panisasaka vyanu sembe mweo: pakuti ŵana sowamila kwalongera eŵavyala, sembe eŵavyala ku ŵana. 15Nane nakutemwa ngako kutaya notaiwa ku moyo wanu. Kati nupulamo nomtemwani, kansi nutemwewa kutonto? 16Lomba nakuŵe, neo niliyomzingwirani; sembe panili wochenjera nimkatani nochenjezi. 17Kansi nimchenjererani kwa ŵala ŵonse ŵinituma kwanu? 18Nimuyumilizya Tito nomtuma mkwasu pamo naye. Kansi Tito emchenjererani kantu? kansi sitenzoyendayenda na Mzimu umo? sikwenze mmakasa ŵamo?
19Mulinga lomba lino lonse kuti tulikanila kwanu. Pa menso pa Mlungu tulaŵira mwa Kristo. Sembe vyonse, mwaŵotemweka, ni vyomuwamyani. 20Pakuti nuyopa kuti nikaza ningamfwaneni kano ŵotetyo anisapangwa, nane namwine kufwaniwa wotetyo umsapangwa mweo; pangaŵe kano vyoŵalana, tima, nzandukila, malekano, mvweku, vyoŵereŵesya, vyolizanza, viwawa; 21kano penti nize soti Mlungu wangu anganisisye pali mweo, na neo ningalilile anyinji ŵala eifya kale, nosalapa vyachiputa na tuyense na videde vyechichita.
Currently Selected:
2 Akorinti 12: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
2 Akorinti 12
12
1NEO nanilitamye, chukanga sichuwamila; lomba ninize ku mensompenya na mavundululiwe a Asikuru. 2Nuziŵa muntu wa mwa Kristo, virimika kumi na vine vipitapo (kano mmuŵili, nuziŵa lini; kano kunja kwa muŵili, nuziŵa lini; Mlungu oziŵa), wotetyo esompolewa kuya kumulu kwakatatu. 3Nane numziŵa wotetyo (kano mmuŵili kano aliye muŵili, nuziŵa lini; Mlungu oziŵa), 4akuti esompolewa kuya mParadiso, na kumvwa malizu ŵosalaŵirika, asazomereka ku muntu kwanena. 5Zya wotetyo nilitamye: sembe zya neka sinilitamya, sembe mvyolenda vyangu nimo. 6Angati nusakolitamya, siningaŵe wopusa, pakuti ninene vyendi: lomba naleka, muntu anganilinge kupula mwakuniŵonera kano kumvwa kuli neo. 7Lomba chikomo chokuru ngawo wa mavundululiwe — ningatumpuke chiŵichiŵi, ni pikwipewa kwangu mbandu ya mmuŵili, ntumi ya Satana yonigung'ulagung'ula, ningatumpuke chiŵichiŵi. 8Zya ichi nimtetelela Asikuru katatu chifumepo pali neo. 9Naye eniuzya, Chawanzi changu chukukumanira: pakuti mpamvu yangu yukumanizyiwa mkulenda. Teti nakusangalala kulitamya ngakongako mvyolenda vyangu, kuti mpamvu ya Kristo yonkalilila pali neo. 10Ni panutemwa na vyolenda, na mapunzo, na kukangamizyiwa, nosulushiwa, na matamano, pa mutu wa Kristo; pakuti pamene panulenda ni panukosa.
11Napusa neo: nimwe mwinikakamizya; nkasa angati nilumbiwa namwe, pakuti niliyosentana na apostolo akuru ngaŵo mkantu konse, chukanga nine watyala. 12Lezee viziŵikwilo vyopostolo vichitika pakati panu mmakoselelo ŵonse, pa viziŵikwilo na vyamazuzu na vyampamvu. 13Chilipo ni chinji chimwisentana nacho ku maeklezya ŵambi, sembe muniliyomzingwirani? munilekelele chiipa ichi.
14Ŵonani, aka ni katatu kanuliikilatu kumzilani; nane sinimzingwirani, panisasaka vyanu sembe mweo: pakuti ŵana sowamila kwalongera eŵavyala, sembe eŵavyala ku ŵana. 15Nane nakutemwa ngako kutaya notaiwa ku moyo wanu. Kati nupulamo nomtemwani, kansi nutemwewa kutonto? 16Lomba nakuŵe, neo niliyomzingwirani; sembe panili wochenjera nimkatani nochenjezi. 17Kansi nimchenjererani kwa ŵala ŵonse ŵinituma kwanu? 18Nimuyumilizya Tito nomtuma mkwasu pamo naye. Kansi Tito emchenjererani kantu? kansi sitenzoyendayenda na Mzimu umo? sikwenze mmakasa ŵamo?
19Mulinga lomba lino lonse kuti tulikanila kwanu. Pa menso pa Mlungu tulaŵira mwa Kristo. Sembe vyonse, mwaŵotemweka, ni vyomuwamyani. 20Pakuti nuyopa kuti nikaza ningamfwaneni kano ŵotetyo anisapangwa, nane namwine kufwaniwa wotetyo umsapangwa mweo; pangaŵe kano vyoŵalana, tima, nzandukila, malekano, mvweku, vyoŵereŵesya, vyolizanza, viwawa; 21kano penti nize soti Mlungu wangu anganisisye pali mweo, na neo ningalilile anyinji ŵala eifya kale, nosalapa vyachiputa na tuyense na videde vyechichita.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.