1 Akorinti 15
15
1LOMBA, mwakwasu, numziŵisyani evangelo iniŵirizya kuli mweo, yamene ila soti imwipokera, muli yamene ni mmupanama soti, 2ila soti imupuzumuka nayo; nuziŵisya na malizu ŵosyani eniiŵirizya naŵo kwanu, kati muikatisya, kati simwizomera tyala. 3Pakuti nipeleka kwanu potatika chamene chinipokera nane, chakuti Kristo efwila viipa vyasu mwa malembo; 4na kuti eikiwa mu msitu; na kuti eushiwa siku la mazo mwa malembo; 5na kuti emuŵonekera Kefa; pamene apo kwa ŵala kumi na aŵiri; 6nipo eŵaŵonekera akwasu kupula myanda isano nsita imo, amene ŵala anyinji alipo kuza na lomba, sembe ŵambine ŵali mtulo. 7Pamene apo emuŵonekera Yakobo, pavuli pake kwa apostolo ŵonse. 8Posila pa ŵonse, nga nine mwana wovyalikwa ntungwa eniŵonekera nane soti. 9Chikomo neo nne mton ngako mwa apostolo, sinuwamila kuitiwa mpostolo, pakuti niitamanya eklezya ya Mlungu. 10Sembe kwa chawanzi cha Mlungu nili umo munilili: chawanzi chake chinipewa sichenze chatyala; sembe neo nenzokatisya mulimo kwapula ŵala ŵonse: nti neo mwandi, sembe chawanzi cha Mlungu chila chenze pamo nane. 11Pambi ni neo, pambi ni ŵeve, teti ni mtuŵirizizya, teti ni mmwizomerera.
12Lomba kati Kristo oŵirizyiwa kuti eushiwa kwa akufwa, nga ŵambi a mweo paakuti kuuka kwa akufwa kuliye? 13Sembe kati kuuka kwa akufwa kuliye, na Kristo aliyoushiwa: 14soti kati Kristo aliyoushiwa, ninga kuŵirizya kwasu ni kwatyala, mvwano wanu nawo ni watyala. 15Aye mwandi, nase tuŵoneka ntoni zyawenye zya Mlungu, petimchitila Mlungu untoni wakuti emuusya Kristo: wamene waliyousya, kati ni chendi kuti akufwa ntoushiwa. 16Pakuti kati akufwa ntoushiwa, na Kristo aliyoushiwa: 17soti kati Kristo aliyoushiwa, mvwano wanu ni watyala; mkali mviipa vyanu. 18Tetyo na ŵala soti ali mtulo mwa Kristo aluchenekeke. 19Kati mmoyo uno weka tumchetekera Kristo, tikuŵa ŵokululuka kupula ŵantu ŵonse.
20Sembe lomba Kristo eushiwa kwa akufwa, wanchesya wa ŵala ali mtulo. 21Pakuti nga ni umo mwiizila imfwa mmuntu, tetyo na mmuntu ni mkwikwizila kuuka kwa akufwa. 22Pakuti umo mwakufwila ŵonse mwa Adamu, tetyo na mwa Kristo ŵonse ni mwati azaŵere moyo. 23Sembe ali wonse mmakonkanilano ŵake: Kristo ni wanchesya; pavuli pake aŵo ali ŵake Kristo poŵoneka kwake. 24Pamene apo ni pati paze paŵe kusila, pati azapeleke ufumu kwa Mlungu, ni Awisi, akazoperolofya kuyondolola konse nopinguzi wonse na mpamvu. 25Pakuti salekakuŵa mfumu mpaka pati akandamizye tupondo twake tonse na mendo ŵake. 26Kapondo kosalilila kati kaze kalofyewe ni imfwa. 27Pakuti, Enasya vyonse pansi pa malwayo ŵake. Sembe apo pechiti, Vyonse vunashiwa, kuŵoneka kuti uyo wasala wamene emnasyira vyonse. 28Apo vyonse vikazonashiwa kuli yeve, nipo Mwana soti yeka ninga azanashiwe kwa uyo emnasyira vyonse, kuti Mlungu aŵekuŵa vyonse mvyonse.
29Pambi nga ŵala obatiziwa pa mlandu wa akufwa achitenji? Kati akufwa ntoushiwa peka patonto, nga obatiziwiranji kwa ŵeve? 30nase nga tunkalilanji pouka nsita zyonse? 31Nunenesya pommekerani kunili nako, akwasu, mwa Kristo Yesu Asikuru wasu, nikufwa nsiku zyonse. 32Kati kwa mlingo wa ŵantu nichilwa na vilwani pa Efeso, nupindulanji? Kati akufwa ntoushiwa natilye na kumwa, pakuti mailo titifwe. 33Msaŵepekewa: Kuyoŵerezyana na aipa kuifya mankalilo aweme. 34Ukani kolungama, msachita viipa; pakuti ŵambi ni ŵopululila mvya Mlungu: nunena ichi kummvwisyani nsoni.
35Lomba muntu aati, Nga akufwa oushiwa syani? akuza na muŵili wotyani? 36We chipuŵa, chiukomola wamwine ntechikuŵa moyo chikakanakufwa: 37na icho chiukomola, suukomola muŵili uti uzoŵepo, sembe nsere yatyala, kano ni ya mapira kano ya mtundu; 38sembe Mlungu oipa muŵili nga ni mwakupangwila, na ku nsere iri yonse muŵili wa ine. 39Nyama yonse nte nyama imo: sembe iyake ni ya ŵantu, na nyama iyake ni ya vitekwa, na nyama iyake ni ya tuni, na iyake ni ya masaŵi. 40Ilipo soti miŵili ya kumulu na miŵili ya pa charo: sembe mchinzi wa ya kumulu ni umo, na wa ya pa charo ni umbi. 41Ulipo mchinzi umo wa zuŵa, na mchinzi umbi wa mwezi, na mchinzi umbi wa ntandara; pakuti ntandara imo yusiyana mchinzi na ntandara iyake. 42Tetyo na kuuka kwa akufwa. Ukomolewa mkuŵola, uushiwa mkusaŵola: 43ukomolewa mu mperu, uushiwa mu mchinzi: ukomolewa mkulenda, uushiwa mu mpamvu: 44ukomolewa muŵili wa kavyalikwilo, uushiwa muŵili wa mwa mzimu. Kati ulipo muŵili wa kavyalikwilo, ulipo soti muŵili wa mwa mzimu. 45Ni pikwilembewa soti, Muntu wotatika Adamu enze mzimu wa moyo. Adamu wosililila ni mzimu ukupa moyo. 46Chukanga teti chotatika nte cha mwa mzimu, sembe cha kavyalikwilo; pavuli pake cha mwa mzimu. 47Muntu wotatika ni wa pansi, wa lito: muntu wakaŵiri ni wa kumulu. 48Umo mwalili wa lito, tetyo na aŵo a lito: umo mwalili wa kumulu, tetyo na aŵo a kumulu. 49Nase nga ni mtuŵera na chipazyo cha wa lito, ni mtiti tiŵere soti na chipazyo cha wa kumulu.
50Lomba nunena ichi, mwakwasu, chakuti muŵili wa nyama na mlopa sungapyane ufumu wa Mlungu, kano kuŵola kupyana kusaŵola. 51Ŵonani, numuuzyani chakunsei: Sitilala tonse, sembe tonse tize tisanguke, 52kansita kamo, pokopera liso, pa mlulumo wosililila: pakuti mbata ize ilile, na akufwa azaushiwe kosaŵola, nase tize tisanguke. 53Pakuti ichi choŵola chakuvwala kusaŵola, na ichi chakufwa chakuvwala kusafwa. 54Sembe ichi choŵola chikazovwala kusaŵola, na ichi chakufwa chikazovwala kusafwa, ninga lisilizike lizu lilembewa, Imfwa yumerewa mkupulamo. 55We imfwa, kuli kuni kupulamo kwako? We imfwa, kuli kuni kuluma kwako? 56Kuluma kwa imfwa ni viipa, na mpamvu ya viipa ni dango: 57lomba Mlungu nalumbiwe, otipa kupulamo mwa Asikuru wasu Yesu Kristo. 58Teti, mwakwasu mwaŵotemweka, iŵani ŵotang'a, ŵosasung'unzika, ŵosunsuruka nsiku zyonse mmulimo wa Asikuru, pamuziŵa kuti mbevya yanu nte yatyala mwa Asikuru.
Currently Selected:
1 Akorinti 15: MA23
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.
1 Akorinti 15
15
1LOMBA, mwakwasu, numziŵisyani evangelo iniŵirizya kuli mweo, yamene ila soti imwipokera, muli yamene ni mmupanama soti, 2ila soti imupuzumuka nayo; nuziŵisya na malizu ŵosyani eniiŵirizya naŵo kwanu, kati muikatisya, kati simwizomera tyala. 3Pakuti nipeleka kwanu potatika chamene chinipokera nane, chakuti Kristo efwila viipa vyasu mwa malembo; 4na kuti eikiwa mu msitu; na kuti eushiwa siku la mazo mwa malembo; 5na kuti emuŵonekera Kefa; pamene apo kwa ŵala kumi na aŵiri; 6nipo eŵaŵonekera akwasu kupula myanda isano nsita imo, amene ŵala anyinji alipo kuza na lomba, sembe ŵambine ŵali mtulo. 7Pamene apo emuŵonekera Yakobo, pavuli pake kwa apostolo ŵonse. 8Posila pa ŵonse, nga nine mwana wovyalikwa ntungwa eniŵonekera nane soti. 9Chikomo neo nne mton ngako mwa apostolo, sinuwamila kuitiwa mpostolo, pakuti niitamanya eklezya ya Mlungu. 10Sembe kwa chawanzi cha Mlungu nili umo munilili: chawanzi chake chinipewa sichenze chatyala; sembe neo nenzokatisya mulimo kwapula ŵala ŵonse: nti neo mwandi, sembe chawanzi cha Mlungu chila chenze pamo nane. 11Pambi ni neo, pambi ni ŵeve, teti ni mtuŵirizizya, teti ni mmwizomerera.
12Lomba kati Kristo oŵirizyiwa kuti eushiwa kwa akufwa, nga ŵambi a mweo paakuti kuuka kwa akufwa kuliye? 13Sembe kati kuuka kwa akufwa kuliye, na Kristo aliyoushiwa: 14soti kati Kristo aliyoushiwa, ninga kuŵirizya kwasu ni kwatyala, mvwano wanu nawo ni watyala. 15Aye mwandi, nase tuŵoneka ntoni zyawenye zya Mlungu, petimchitila Mlungu untoni wakuti emuusya Kristo: wamene waliyousya, kati ni chendi kuti akufwa ntoushiwa. 16Pakuti kati akufwa ntoushiwa, na Kristo aliyoushiwa: 17soti kati Kristo aliyoushiwa, mvwano wanu ni watyala; mkali mviipa vyanu. 18Tetyo na ŵala soti ali mtulo mwa Kristo aluchenekeke. 19Kati mmoyo uno weka tumchetekera Kristo, tikuŵa ŵokululuka kupula ŵantu ŵonse.
20Sembe lomba Kristo eushiwa kwa akufwa, wanchesya wa ŵala ali mtulo. 21Pakuti nga ni umo mwiizila imfwa mmuntu, tetyo na mmuntu ni mkwikwizila kuuka kwa akufwa. 22Pakuti umo mwakufwila ŵonse mwa Adamu, tetyo na mwa Kristo ŵonse ni mwati azaŵere moyo. 23Sembe ali wonse mmakonkanilano ŵake: Kristo ni wanchesya; pavuli pake aŵo ali ŵake Kristo poŵoneka kwake. 24Pamene apo ni pati paze paŵe kusila, pati azapeleke ufumu kwa Mlungu, ni Awisi, akazoperolofya kuyondolola konse nopinguzi wonse na mpamvu. 25Pakuti salekakuŵa mfumu mpaka pati akandamizye tupondo twake tonse na mendo ŵake. 26Kapondo kosalilila kati kaze kalofyewe ni imfwa. 27Pakuti, Enasya vyonse pansi pa malwayo ŵake. Sembe apo pechiti, Vyonse vunashiwa, kuŵoneka kuti uyo wasala wamene emnasyira vyonse. 28Apo vyonse vikazonashiwa kuli yeve, nipo Mwana soti yeka ninga azanashiwe kwa uyo emnasyira vyonse, kuti Mlungu aŵekuŵa vyonse mvyonse.
29Pambi nga ŵala obatiziwa pa mlandu wa akufwa achitenji? Kati akufwa ntoushiwa peka patonto, nga obatiziwiranji kwa ŵeve? 30nase nga tunkalilanji pouka nsita zyonse? 31Nunenesya pommekerani kunili nako, akwasu, mwa Kristo Yesu Asikuru wasu, nikufwa nsiku zyonse. 32Kati kwa mlingo wa ŵantu nichilwa na vilwani pa Efeso, nupindulanji? Kati akufwa ntoushiwa natilye na kumwa, pakuti mailo titifwe. 33Msaŵepekewa: Kuyoŵerezyana na aipa kuifya mankalilo aweme. 34Ukani kolungama, msachita viipa; pakuti ŵambi ni ŵopululila mvya Mlungu: nunena ichi kummvwisyani nsoni.
35Lomba muntu aati, Nga akufwa oushiwa syani? akuza na muŵili wotyani? 36We chipuŵa, chiukomola wamwine ntechikuŵa moyo chikakanakufwa: 37na icho chiukomola, suukomola muŵili uti uzoŵepo, sembe nsere yatyala, kano ni ya mapira kano ya mtundu; 38sembe Mlungu oipa muŵili nga ni mwakupangwila, na ku nsere iri yonse muŵili wa ine. 39Nyama yonse nte nyama imo: sembe iyake ni ya ŵantu, na nyama iyake ni ya vitekwa, na nyama iyake ni ya tuni, na iyake ni ya masaŵi. 40Ilipo soti miŵili ya kumulu na miŵili ya pa charo: sembe mchinzi wa ya kumulu ni umo, na wa ya pa charo ni umbi. 41Ulipo mchinzi umo wa zuŵa, na mchinzi umbi wa mwezi, na mchinzi umbi wa ntandara; pakuti ntandara imo yusiyana mchinzi na ntandara iyake. 42Tetyo na kuuka kwa akufwa. Ukomolewa mkuŵola, uushiwa mkusaŵola: 43ukomolewa mu mperu, uushiwa mu mchinzi: ukomolewa mkulenda, uushiwa mu mpamvu: 44ukomolewa muŵili wa kavyalikwilo, uushiwa muŵili wa mwa mzimu. Kati ulipo muŵili wa kavyalikwilo, ulipo soti muŵili wa mwa mzimu. 45Ni pikwilembewa soti, Muntu wotatika Adamu enze mzimu wa moyo. Adamu wosililila ni mzimu ukupa moyo. 46Chukanga teti chotatika nte cha mwa mzimu, sembe cha kavyalikwilo; pavuli pake cha mwa mzimu. 47Muntu wotatika ni wa pansi, wa lito: muntu wakaŵiri ni wa kumulu. 48Umo mwalili wa lito, tetyo na aŵo a lito: umo mwalili wa kumulu, tetyo na aŵo a kumulu. 49Nase nga ni mtuŵera na chipazyo cha wa lito, ni mtiti tiŵere soti na chipazyo cha wa kumulu.
50Lomba nunena ichi, mwakwasu, chakuti muŵili wa nyama na mlopa sungapyane ufumu wa Mlungu, kano kuŵola kupyana kusaŵola. 51Ŵonani, numuuzyani chakunsei: Sitilala tonse, sembe tonse tize tisanguke, 52kansita kamo, pokopera liso, pa mlulumo wosililila: pakuti mbata ize ilile, na akufwa azaushiwe kosaŵola, nase tize tisanguke. 53Pakuti ichi choŵola chakuvwala kusaŵola, na ichi chakufwa chakuvwala kusafwa. 54Sembe ichi choŵola chikazovwala kusaŵola, na ichi chakufwa chikazovwala kusafwa, ninga lisilizike lizu lilembewa, Imfwa yumerewa mkupulamo. 55We imfwa, kuli kuni kupulamo kwako? We imfwa, kuli kuni kuluma kwako? 56Kuluma kwa imfwa ni viipa, na mpamvu ya viipa ni dango: 57lomba Mlungu nalumbiwe, otipa kupulamo mwa Asikuru wasu Yesu Kristo. 58Teti, mwakwasu mwaŵotemweka, iŵani ŵotang'a, ŵosasung'unzika, ŵosunsuruka nsiku zyonse mmulimo wa Asikuru, pamuziŵa kuti mbevya yanu nte yatyala mwa Asikuru.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Mapangano Alomba © Bible Society of Zambia, 1923.