गलतियो पत्र 4
4
1मी जो किथे कि वारिस जेविपूर सोरो हि, जर तो आखा वस्तून मालक हि, तेभी पुण तामा एणेन दास कायीच फरक नाह. 2पुण आबाकने ठेरिनील ताय्मापूर ताह काही कारभारी एने मास्तरान स्वाधीन रेणेन हि. 3तोहोलोच आमु पुण, ताहेरया सोरो एता, तेवी जगातील देखील हिकाडणे केरता स्वाधीन एईन दास बुणील एता. 4पुण ताहेरया काळ पुरो, एनो ता बोगवानान आपणो सोरा मोकलील जो बायकू पासून जन्मूला, एने व्यवस्था स्वाधीन उत्पन्न एनो, 5म्हणजे व्यवस्था स्वाधीन हि ताह वेचातो लीन वोचाडीन, एने आमूह वारिस ला हक्क जुडील हा उदेश एतो. 6एने तुमूह जे सोरो हि, तामुळे बोगवानान सोरान आत्माह, जो हे आबा, एने हे आबुक इही केयीन आयेड देणे. आपणा हृदय मा मोकलील हि 7तामुळे तू ऐवी दास नाहं, पुण सोरो हि; एने ताहेरया सोरो एनो, तर बोगवानान द्वारे वारिस पुण एनो.
गलीतियोन विषयमा पौलुसान चिंता
8पेल्ला तुमूह बोगवानान ओलेख नाहां एती केरीन तुमूह तान दास एता जो स्वभावावजेसे बोगवान नाहं, 9पुण ऐवी ज्या बोगवानान ओलखिन लीईल हि, ओलख नाहं तर बोगवानान पुण तुमूह ओलखिन लीईल, तर ता निर्बल एने बिगरकामा पेल्ला शिक्षान वातुहू काहा फिरुणु, जीन तुमूह पोशा दास बोणावूहु इच्छिमाय? 10तुमूह दिहाह मोहिनाहा नेमल्यामाय टायमा एने वोरहया होमोलनु. 11मी तुमरो विषयातमाय बिन्हे कां, इही एणेन मां कि जी मेहनत मी तुमरीकेरता केरील हि ती वाया ठेरणार.
12हे बायहो, मी तुमूह विनंती करने, कि तुमूह मारो सारकोस बना; काहाकाय मी पुण तुमरीगेत एईन गीयो हि; तुमूह मारा कायीच बिघडावीत्लो नाहं. 13पुण तुमूह मालूम हि कि पेलूच मीच शरीरान निर्बल तान वजेसे तुमूह सुवार्ता आपील. 14एने तुमूह मारो शारीरिक स्थितीला जी तुमरी परिक्षाए, काहाकाय ठर्विल्यो तुमूह तुच्छ समजील नाहं; एने धिक्कार पुण किरील नाहं एने बोगवानान दूत तर स्वताह यीशु ख्रीस्तासारखे माहु ग्रहण किरील. 15तर तो तुमरो आनंद केरणेन कां गीया? मी तुमरो गवाह हि कि शक्य एय गीयो हि तर तुमरो डोलो पुण माहु काडीन आपील येतो. 16तर काय खेरीच केयेलकिरीन मी तुमरो वैरी एनो हि काय? 17ते तुमूह हेरी बोणावणे मागिल, खेरो पुण हाजो उद्देशाने नाहं; पुण तुमूह आलेग केरणेन केरता हे केरतीन हि कि तुमूह ताह हेरी बोनाडीन ली. 18पुण हे पुण हाजो हि कि हाजो वातीमाय सदा कायम हेरी बोनाडणे प्रयत्न केरणे जुवी, नाहं तर ताहेरया मी तुवाहेर्यो रेणे तेविरीन केरुहू. 19हे मारो सोरारे, जेवीवोर तुम्रेमाय मसीहान रूप बोणावूह नाहं, ताहउर मी तुमरीकेरता पोशा प्रसुती वेदनाहोस तारास खेटेहे. 20ईच्छा तर ओहलो एता कि ऐवी तुमरेहे-यो आवीन दिहरान प्ररकारान बोलहू, कारण तुमरेबाराम मी बुचकळ्यात पडनु हि.
सारा एने हाजिरान उदाहरण
21तुमूह जे व्यवस्था स्वाधीन एहू इच्छिमाय, तर माहु केवो, काय तुमूह व्यवस्था होंबलेह नाहं? 22हे लिखील हि कि अब्राहामाह दुय सोरा एय गीयो; एक दासी पासून एने दिहरो हाजो बायकू पासून. 23पुण जो दासिहीदेखू एनो, तो शारीरिक रीतीमाय जेन्मोलेदो; हि एने जो हाजो बायकू पासून जन्मूला, तो प्रतिज्ञा माय. 24जी वातू माय वार्ता हि: आवो बायकू म्हणजे दुय वाचा हि, एक तर सियोन डोगों जीह दास उत्पन्न ऐतेह; एने ती हागार हि. 25एने हागार जिहकाय अरबान सियोन डोंगर हि, एने आधुनिक यरूशलेम सारखी, हेपोन ती आपणो सोरा हेरी गुलामामाय हि. 26पुण उपेर ने यरूशलेम स्वतंत्र हि, एने ती आमरी आहाक हि. 27काहाकाय लेखील हि, “हे वांझ, तू ते नाह जणणे आनंद केर; ज्या तुवाह तारास एता नाहं, गेलु खलिते जयजय केर; कारण सोडील ने सोरो एदमी वालीह बायकूने सोरारीन मोक्तास हेते.”
28हे बायहो, आमु ईसाहाक होस प्रतिज्ञान सोरा हेते. 29एने जोहलो तीबोखे शरीराप्रमाणे जन्मलेला आत्मापरत जन्मलीईल वेखडणु केरीन एता, तोहोलोच ऐवी पुण एता हि. 30पुण पवित्र शास्त्र का किथी हि? “दासी एने तीन सोरा काडीन आप, काहाकाय दासीचा सोरो हाजो बायकू च्या सोरा हेरी वारिस एय नाहं.” 31तान केरता बायहो, आपु दासीन सोरा नाहं तर हाजो बायकू चे सोरा हेते.
Currently Selected:
गलतियो पत्र 4: NLXNT
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
गलतियो पत्र 4
4
1मी जो किथे कि वारिस जेविपूर सोरो हि, जर तो आखा वस्तून मालक हि, तेभी पुण तामा एणेन दास कायीच फरक नाह. 2पुण आबाकने ठेरिनील ताय्मापूर ताह काही कारभारी एने मास्तरान स्वाधीन रेणेन हि. 3तोहोलोच आमु पुण, ताहेरया सोरो एता, तेवी जगातील देखील हिकाडणे केरता स्वाधीन एईन दास बुणील एता. 4पुण ताहेरया काळ पुरो, एनो ता बोगवानान आपणो सोरा मोकलील जो बायकू पासून जन्मूला, एने व्यवस्था स्वाधीन उत्पन्न एनो, 5म्हणजे व्यवस्था स्वाधीन हि ताह वेचातो लीन वोचाडीन, एने आमूह वारिस ला हक्क जुडील हा उदेश एतो. 6एने तुमूह जे सोरो हि, तामुळे बोगवानान सोरान आत्माह, जो हे आबा, एने हे आबुक इही केयीन आयेड देणे. आपणा हृदय मा मोकलील हि 7तामुळे तू ऐवी दास नाहं, पुण सोरो हि; एने ताहेरया सोरो एनो, तर बोगवानान द्वारे वारिस पुण एनो.
गलीतियोन विषयमा पौलुसान चिंता
8पेल्ला तुमूह बोगवानान ओलेख नाहां एती केरीन तुमूह तान दास एता जो स्वभावावजेसे बोगवान नाहं, 9पुण ऐवी ज्या बोगवानान ओलखिन लीईल हि, ओलख नाहं तर बोगवानान पुण तुमूह ओलखिन लीईल, तर ता निर्बल एने बिगरकामा पेल्ला शिक्षान वातुहू काहा फिरुणु, जीन तुमूह पोशा दास बोणावूहु इच्छिमाय? 10तुमूह दिहाह मोहिनाहा नेमल्यामाय टायमा एने वोरहया होमोलनु. 11मी तुमरो विषयातमाय बिन्हे कां, इही एणेन मां कि जी मेहनत मी तुमरीकेरता केरील हि ती वाया ठेरणार.
12हे बायहो, मी तुमूह विनंती करने, कि तुमूह मारो सारकोस बना; काहाकाय मी पुण तुमरीगेत एईन गीयो हि; तुमूह मारा कायीच बिघडावीत्लो नाहं. 13पुण तुमूह मालूम हि कि पेलूच मीच शरीरान निर्बल तान वजेसे तुमूह सुवार्ता आपील. 14एने तुमूह मारो शारीरिक स्थितीला जी तुमरी परिक्षाए, काहाकाय ठर्विल्यो तुमूह तुच्छ समजील नाहं; एने धिक्कार पुण किरील नाहं एने बोगवानान दूत तर स्वताह यीशु ख्रीस्तासारखे माहु ग्रहण किरील. 15तर तो तुमरो आनंद केरणेन कां गीया? मी तुमरो गवाह हि कि शक्य एय गीयो हि तर तुमरो डोलो पुण माहु काडीन आपील येतो. 16तर काय खेरीच केयेलकिरीन मी तुमरो वैरी एनो हि काय? 17ते तुमूह हेरी बोणावणे मागिल, खेरो पुण हाजो उद्देशाने नाहं; पुण तुमूह आलेग केरणेन केरता हे केरतीन हि कि तुमूह ताह हेरी बोनाडीन ली. 18पुण हे पुण हाजो हि कि हाजो वातीमाय सदा कायम हेरी बोनाडणे प्रयत्न केरणे जुवी, नाहं तर ताहेरया मी तुवाहेर्यो रेणे तेविरीन केरुहू. 19हे मारो सोरारे, जेवीवोर तुम्रेमाय मसीहान रूप बोणावूह नाहं, ताहउर मी तुमरीकेरता पोशा प्रसुती वेदनाहोस तारास खेटेहे. 20ईच्छा तर ओहलो एता कि ऐवी तुमरेहे-यो आवीन दिहरान प्ररकारान बोलहू, कारण तुमरेबाराम मी बुचकळ्यात पडनु हि.
सारा एने हाजिरान उदाहरण
21तुमूह जे व्यवस्था स्वाधीन एहू इच्छिमाय, तर माहु केवो, काय तुमूह व्यवस्था होंबलेह नाहं? 22हे लिखील हि कि अब्राहामाह दुय सोरा एय गीयो; एक दासी पासून एने दिहरो हाजो बायकू पासून. 23पुण जो दासिहीदेखू एनो, तो शारीरिक रीतीमाय जेन्मोलेदो; हि एने जो हाजो बायकू पासून जन्मूला, तो प्रतिज्ञा माय. 24जी वातू माय वार्ता हि: आवो बायकू म्हणजे दुय वाचा हि, एक तर सियोन डोगों जीह दास उत्पन्न ऐतेह; एने ती हागार हि. 25एने हागार जिहकाय अरबान सियोन डोंगर हि, एने आधुनिक यरूशलेम सारखी, हेपोन ती आपणो सोरा हेरी गुलामामाय हि. 26पुण उपेर ने यरूशलेम स्वतंत्र हि, एने ती आमरी आहाक हि. 27काहाकाय लेखील हि, “हे वांझ, तू ते नाह जणणे आनंद केर; ज्या तुवाह तारास एता नाहं, गेलु खलिते जयजय केर; कारण सोडील ने सोरो एदमी वालीह बायकूने सोरारीन मोक्तास हेते.”
28हे बायहो, आमु ईसाहाक होस प्रतिज्ञान सोरा हेते. 29एने जोहलो तीबोखे शरीराप्रमाणे जन्मलेला आत्मापरत जन्मलीईल वेखडणु केरीन एता, तोहोलोच ऐवी पुण एता हि. 30पुण पवित्र शास्त्र का किथी हि? “दासी एने तीन सोरा काडीन आप, काहाकाय दासीचा सोरो हाजो बायकू च्या सोरा हेरी वारिस एय नाहं.” 31तान केरता बायहो, आपु दासीन सोरा नाहं तर हाजो बायकू चे सोरा हेते.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.