प्रेरितान कामे 11
11
पतरसा द्वारे आपणा कामान स्पष्टीकरण
1पोशा प्रेरित एने बायहो जें यहूदियामाय एता कोलाक दिहरी जातीन भी बोगवानान वचन इयील लीईल हि 2यास्तव ताहे-या पतरस यरूशलेम माय आवा, खतना किरील माणहे ताहे-यो वादावाद केरूह लागिल, 3“तू बेखतना किरील हे-यो जाइन हेरी जेवण किरील.” 4तेवी पतरसाने ताह सुरुवात केरीन अनुक्रमाने केयीन देखाडील: 5“मी यापो नगरामाय प्रार्थना केरतालु, एने बेसूद एयीन एक दुष्टांत देखील, का एक मोठली ताट चादरान होस चारू कोपराह लेटकीन, आकाशा मायरीन उतरीन माहफाय आवो. 6जेवी मी हास केरीन दिखिह विचार केरील, एतो तेवी पृथ्वी पोरिनाला चतुष्पाद, जीवे, सरपटणारे जीव, एने आकाशामाय वाला चिडा मार डोलान ओगांण देखाना; 7एने मी ओहलो आवाज बोलतालुन मी होमलील, का पतरसा, उठ एने मारीन खा.” 8पुण मी केयेल, नाहं; प्रभु, काहाकाय का मी उंजू ऐवी वोर अशुद्ध एने अपवित्र वस्तु मारा मुयामाय केधी भी नाह गीयी. 9ज्याओवतो चालूच दिहिरी आवाज आकाशा मायरीन होमेल्नी, “जे काही बोगवानान शुद्ध किरील हि ते अशुद्ध माणुह मां.” 10तीन वारीन ओहलोस एय गीयो; तेवी आखो काही पोशा आकाशामाय विसाय गीयो. 11“एने देखू, जल्दीस तीन माणुह जा कैसरिया फायरीन माहुफाय मुकलेल एता, तान पायामाय आमु एतो आवीन उबरीयेल एता. 12तेवी आत्मा आवीन माहु ताहेर्यो काही शंका नाह केरता जाणे कियील एने ज्या सोव बाहाक भी मार हेऱ्या आव लागिल, एने आमु ता माणहान गिर जाईल. 13एने आमूह कियील, का तान एक स्वर्गदूतांह आपणा घेरामाय उबरील देखील एने तो माहु कियील, यापोसमाय माणुह मोकलीन शिमोन ज्याह पतरस केणु, हादाडळीन लाव. 14तो तुमूह ओहलो वात केनार, ज्यान उगेरीन तू एने तारो आखा कुटुंबान उद्धार एय.” 15जेवी मी जीवात केतालू, तेवी पवित्र आत्मा तापोर तान प्रकारे उतरनी ज्या प्रकारे सुरुएताच तां पोर उतरनी. 16तेवी माहु प्रभुन वचन एर आवील, ज्यो का तो केयेल यूहन्ना ते ऐवी पाण्यानकेरीन बाप्तिस्मा आपील, पुण तुमूह पवित्र आत्मान बाप्तिस्मा जुडी. 17वास्तव ताहे-या बोगवान ताह पुण तोज दान आपील, जे आमूह प्रभु यीशु ख्रीस्तापोर विश्वास केरणेन मिलील एता तर मी कूण एतो जो बोगवानानाह थोबविण शकणे? 18ज्या होमलीन ते टाकु रेणा, एने बोगवानान स्तुती केरीन केहू लागिल, “तेवी तर बोगवान दिहरी जातीन पुण जीवनान केरीन मोन फिरावणे दान आपील हि.”
अन्ताकिया कलीसिया
19जे माणहे आवो उपद्रिनकेरेल संकटामुळे जे स्तीफणुसान वजसे पुडील एता, याहारू तोथा एय गीया एता, ते फिरीन फिरीन फेनिवुगे एने साइप्रस एने अन्ताकिया वोर पोचेल; पुण यहूदयाह सोडीन कोणीही तेभी वचन होमेललतालु एता. 20पुण तामायरीन काही साइप्रस प्रिनासी एने कुरनेकर एता, जे अन्ताकिया आवीन यूनानी पुण प्रभु यीशुन सुवार्ता पोरचार केहू लागिल. 21तेवी प्रभुन आत्मा ताहे-यो एतो, एने मोक्तास माणहे विश्वास प्रभु उगे वोलना. 22ताहे-या तान चर्चा यरूशलेमान कलीसियाह होमलूह आवी, तवी तास बरनाबसाह अन्ताकिया मोकलील. 23तो ताहारी पोचाडीन एने बोगवानान कृपा देखीन आनंदित एनो एने आखाच शिक्षण आपील, कि निश्ययपूर्ण मोन प्रभुह बिलकुल रिजी. 24तो एक हाजो माणुह एतो, एने पवित्र आत्मा एने विश्वासामाय परिपूर्ण एतो; एने दिहरा जादा माणहे प्रभु माय आवीन गीया. 25तेवी तो शाऊलाह होदणे केरता तार्शीस निकलीन गीयो. 26तेवी तो ताह मिलील तर ताह अन्ताकिया लावील; एने इही एय गीयू कि ते एक वर्षापोर कलीसियाह मिलनेम एने जादा माणहाह शिक्षण आपतेन फिरील एने चेला आखान पेल्ला अन्ताकिया माय मसीही केरीन कियील गीया.
27ता दिहामाय कूण भविष्यवक्ता यरूशलेम मरीन अन्ताकिया आवा. 28तामायरीन अगब नावान एक उबरील रेयीन आत्मान हि कियील कि आखा जगाम दुष्काळ पोडती क्लौदिमुस टायीमा हे एय गीयो. 29तेवी चेला निर्णय लियेल कि प्रत्येक जन आपणी यथाशक्तीन अनुसार यहूदियामाय रेणारे बायाकने सेवान केरता काही मोकलो. 30तां ओहलाच किरील; एने बरनाबस एने शाऊल ज्ञान आथे डाय डाया फाय मोकलीन दियील.
Currently Selected:
प्रेरितान कामे 11: NLXNT
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.
प्रेरितान कामे 11
11
पतरसा द्वारे आपणा कामान स्पष्टीकरण
1पोशा प्रेरित एने बायहो जें यहूदियामाय एता कोलाक दिहरी जातीन भी बोगवानान वचन इयील लीईल हि 2यास्तव ताहे-या पतरस यरूशलेम माय आवा, खतना किरील माणहे ताहे-यो वादावाद केरूह लागिल, 3“तू बेखतना किरील हे-यो जाइन हेरी जेवण किरील.” 4तेवी पतरसाने ताह सुरुवात केरीन अनुक्रमाने केयीन देखाडील: 5“मी यापो नगरामाय प्रार्थना केरतालु, एने बेसूद एयीन एक दुष्टांत देखील, का एक मोठली ताट चादरान होस चारू कोपराह लेटकीन, आकाशा मायरीन उतरीन माहफाय आवो. 6जेवी मी हास केरीन दिखिह विचार केरील, एतो तेवी पृथ्वी पोरिनाला चतुष्पाद, जीवे, सरपटणारे जीव, एने आकाशामाय वाला चिडा मार डोलान ओगांण देखाना; 7एने मी ओहलो आवाज बोलतालुन मी होमलील, का पतरसा, उठ एने मारीन खा.” 8पुण मी केयेल, नाहं; प्रभु, काहाकाय का मी उंजू ऐवी वोर अशुद्ध एने अपवित्र वस्तु मारा मुयामाय केधी भी नाह गीयी. 9ज्याओवतो चालूच दिहिरी आवाज आकाशा मायरीन होमेल्नी, “जे काही बोगवानान शुद्ध किरील हि ते अशुद्ध माणुह मां.” 10तीन वारीन ओहलोस एय गीयो; तेवी आखो काही पोशा आकाशामाय विसाय गीयो. 11“एने देखू, जल्दीस तीन माणुह जा कैसरिया फायरीन माहुफाय मुकलेल एता, तान पायामाय आमु एतो आवीन उबरीयेल एता. 12तेवी आत्मा आवीन माहु ताहेर्यो काही शंका नाह केरता जाणे कियील एने ज्या सोव बाहाक भी मार हेऱ्या आव लागिल, एने आमु ता माणहान गिर जाईल. 13एने आमूह कियील, का तान एक स्वर्गदूतांह आपणा घेरामाय उबरील देखील एने तो माहु कियील, यापोसमाय माणुह मोकलीन शिमोन ज्याह पतरस केणु, हादाडळीन लाव. 14तो तुमूह ओहलो वात केनार, ज्यान उगेरीन तू एने तारो आखा कुटुंबान उद्धार एय.” 15जेवी मी जीवात केतालू, तेवी पवित्र आत्मा तापोर तान प्रकारे उतरनी ज्या प्रकारे सुरुएताच तां पोर उतरनी. 16तेवी माहु प्रभुन वचन एर आवील, ज्यो का तो केयेल यूहन्ना ते ऐवी पाण्यानकेरीन बाप्तिस्मा आपील, पुण तुमूह पवित्र आत्मान बाप्तिस्मा जुडी. 17वास्तव ताहे-या बोगवान ताह पुण तोज दान आपील, जे आमूह प्रभु यीशु ख्रीस्तापोर विश्वास केरणेन मिलील एता तर मी कूण एतो जो बोगवानानाह थोबविण शकणे? 18ज्या होमलीन ते टाकु रेणा, एने बोगवानान स्तुती केरीन केहू लागिल, “तेवी तर बोगवान दिहरी जातीन पुण जीवनान केरीन मोन फिरावणे दान आपील हि.”
अन्ताकिया कलीसिया
19जे माणहे आवो उपद्रिनकेरेल संकटामुळे जे स्तीफणुसान वजसे पुडील एता, याहारू तोथा एय गीया एता, ते फिरीन फिरीन फेनिवुगे एने साइप्रस एने अन्ताकिया वोर पोचेल; पुण यहूदयाह सोडीन कोणीही तेभी वचन होमेललतालु एता. 20पुण तामायरीन काही साइप्रस प्रिनासी एने कुरनेकर एता, जे अन्ताकिया आवीन यूनानी पुण प्रभु यीशुन सुवार्ता पोरचार केहू लागिल. 21तेवी प्रभुन आत्मा ताहे-यो एतो, एने मोक्तास माणहे विश्वास प्रभु उगे वोलना. 22ताहे-या तान चर्चा यरूशलेमान कलीसियाह होमलूह आवी, तवी तास बरनाबसाह अन्ताकिया मोकलील. 23तो ताहारी पोचाडीन एने बोगवानान कृपा देखीन आनंदित एनो एने आखाच शिक्षण आपील, कि निश्ययपूर्ण मोन प्रभुह बिलकुल रिजी. 24तो एक हाजो माणुह एतो, एने पवित्र आत्मा एने विश्वासामाय परिपूर्ण एतो; एने दिहरा जादा माणहे प्रभु माय आवीन गीया. 25तेवी तो शाऊलाह होदणे केरता तार्शीस निकलीन गीयो. 26तेवी तो ताह मिलील तर ताह अन्ताकिया लावील; एने इही एय गीयू कि ते एक वर्षापोर कलीसियाह मिलनेम एने जादा माणहाह शिक्षण आपतेन फिरील एने चेला आखान पेल्ला अन्ताकिया माय मसीही केरीन कियील गीया.
27ता दिहामाय कूण भविष्यवक्ता यरूशलेम मरीन अन्ताकिया आवा. 28तामायरीन अगब नावान एक उबरील रेयीन आत्मान हि कियील कि आखा जगाम दुष्काळ पोडती क्लौदिमुस टायीमा हे एय गीयो. 29तेवी चेला निर्णय लियेल कि प्रत्येक जन आपणी यथाशक्तीन अनुसार यहूदियामाय रेणारे बायाकने सेवान केरता काही मोकलो. 30तां ओहलाच किरील; एने बरनाबस एने शाऊल ज्ञान आथे डाय डाया फाय मोकलीन दियील.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Nahali (नाहाली) Bible by The Love Fellowship is licensed under Creative Commons Attribution-ShareAlike 4.0 License.