Números 1
1
La yich' ahtayel Israel ta Sinaí
1Te Jehová la sc'opon te Moisés c'alal ay ta jochol taquin q'uinal Sinaí, ta Nahilpac' Templo yu'un tahojibal, ta sba c'ahc'alil yu'un te schebal u, ta schebal ha'bil sloq'uelic tal ta Egipto a, hich la yalbe: 2Ahtaya spisil te pueblo yu'un te snich'nab Israel ta jujuchahp sts'umbal, ta jujuchahp sna static, otsesa ta hun te sbihil jujutuhl winic. 3Te mach'atic ayic ta jtahb (20) ya'bilal bahel, ha'at soc Aarón ya me awahtayic spisil mach'atic ya xhu' ya xbahtic ta guerra, ta scuenta jujuchahp soldado yu'unic. 4Ya me sjoquinex jtuhl winic ta jujuchahp sts'umbal Israel, te ha jtsobaw yu'un te sna te statique. 5Ha sbihilic ini te winiquetic te ya sjoquinex:
Ta sts'umbal Rubén: ha te Elisur snich'an Sedeur;
6ta Simeón: ha te Selumiel snich'an Zurisada;
7ta Judá: ha te Naasón snich'an Aminadab;
8ta Isacar: ha te Natanael snich'an Zuar;
9ta Zabulón: ha te Eliab snich'an Helón;
10ta snich'nab José: ta Efraín, ha te Elisama snich'an Amiud; ta Manasés, ha te Gamaliel snich'an Pedasur;
11ta Benjamín: ha te Abidán snich'an Gedeoni;
12ta Dan: ha te Ahiezer snich'an Amisadai;
13ta Aser: ha te Pagiel snich'an Ocrán;
14ta Gad: ha te Eliasaf snich'an Deuel;#1.14 Deuel: hich ya yal ta hebreo; ta griego: Reuel, xchi. (Ha nix ta 2.14; 7.42; 10.20)
15ta Neftalí: ha te Ahira snich'an Enán, xchi te Jehová.
16Ha'ic te tsahbilic ta yohlil te pueblo, te jtsobawetic yu'un jujuchahp sts'umbal te static, te jtsobawetic yu'un te chahpalchahp ta Israel.
17Te Moisés soc Aarón la yiq'uic tal te winiquetic te tsahbilic ta sbihilique; 18soc la stsobic spisil te pueblo ta sba c'ahc'alil ta schebal u. Hich ochic ta ahtayel ta scuenta jujuchahp na soc ta scuenta sna te statique, la yich' ahtayel jujutuhl te ay jtahb (20) ya'bilal bahel. 19Hich te bin ut'il halbot yu'un Jehová, te Moisés la yahtaylan te israeletic ta jochol taquin q'uinal Sinaí.
20Te sts'umbal Rubén, ha te sba-nich'an Israel, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil mach'atic te ya xhu' ya xloq'uic bahel ta guerra: 21te loc' ta ahtayel te jchahp yu'un Rubén ay ho'pic#1.21 Te pic: ha jtahb ta bahc' (8,000) soc ho'winic shuclajuneb ta bahc' (46,500);
22Te sts'umbal Simeón, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 23te loc' ta ahtayel te jchahp yu'un Simeón ay hucpic soc ho'winic sbalunbahc' (59,300).
24Te sts'umbal Gad, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 25te loc' ta ahtayel te jchahp yu'un Gad ay ho'pic soc lajuneb yoxwinic yo'lajunbahc' (45,650).
26Te sts'umbal Judá, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 27te loc' ta ahtayel te jchahp yu'un Judá ay balunpic soc j'ohlil shucbahc' (74,600).
28Te sts'umbal Isacar, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 29te loc' ta ahtayel te jchahp yu'un Isacar ay wacpic soc jbahc' (54,400).
30Te sts'umbal Zabulón, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 31te loc' ta ahtayel te jchahp yu'un Zabulón ay hucpic soc j'ohlil schanbahc' (57,400).
32Te sts'umbal José: ha te sts'umbal Efraín, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 33te loc' ta ahtayel te jchahp yu'un Efraín ay ho'pic soc ho'winic scha'bahc' (40,500). 34Soc te sts'umbal Manasés, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 35te loc' ta ahtayel te jchahp yu'un Manasés ay chanpic soc lajunwinic (32,200).
36Te sts'umbal Benjamín, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 37te loc' ta ahtayel te jchahp yu'un Benjamín ay chanpic soc j'ohlil sbalunbahc' (35,400).
38Te sts'umbal Dan, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 39te loc' ta ahtayel te jchahp yu'un Dan ay hucpic soc ho'lajunwinic shuclajunbahc' (62,700).
40Te sts'umbal Aser, te jujuchahp sts'umbal soc te jujuchahp sna te statique, jujutuhl la yich'ic ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 41te loc' ta ahtayel te jchahp yu'un Aser ay ho'pic soc ho'lajunwinic schanbahc' (41,500).
42Te sts'umbal Neftalí, te jujuchahp sts'umbal soc te jujuchahp sna te statique, jujutuhl la yich' ahtayel, spisil te winiquetic te stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra: 43te loc' ta ahtayel te jchahp yu'un Neftalí ay wacpic soc j'ohlil schanlajunbahc' (53,400).
44Ha te la yich'ic ahtayel yu'un Moisés, Aarón soc te lahchaytuhl príncipaletic yu'un te jujuchahp snahique. 45Spisil te snich'nab Israel, te jujuchahp sna te statique, te mach'atic stahojix jtahb (20) ya'bilalic, ha spisil te mach'atic ya xhu' ya xloq'uic bahel ta guerra ta Israel, 46ay ho'lajuneb schanwinic ta pic soc lajuneb swaxacwinic sbalunbahc' (603,550).
A'bot ya'tel levitahetic
47Pero te jujuchahp sts'umbal te levitahetic ma ba la yich'ic ahtayel soc, 48como hich halbot yu'un Jehová te Moisés: 49Ma me xawahtay stuquel te jchahp yu'un Leví, ma me pajaluc xawotses ta lista soc te snich'nab Israel; 50ya me awa'be scuentahinic te levitahetic te Nahilpac' yu'un te Testigo-c'op soc spisil sbiluc soc bintic ya xtuhun tey a. Ha ya sq'uechic bahel te Nahilpac' Templo soc spisil sbiluc, ya scuentahinic soc ya yac' snahilpaq'uic ta sjoyobal te Nahilpac' Templo. 51Te c'alal ya xloc' bahel te Nahilpac' Templo, te levitahetic ya stuhquiyic, soc te c'alal ya yich' tehc'anel, ha'ic nix ya spasic. Te mach'a mayuc ta scuenta te ya xnohpoje, ya me xcham. 52Te snich'nab Israel ya me spasic snahilpaq'uic ta jujuchahp yawilic, jujutuhl ta banti ay te bandera yu'unic ta jujuchahp. 53Yan te levitahetic ha ya spasic snahilpaq'uic ta sjoyobal te Nahilpac' yu'un te Testigo-c'op, scuenta yu'un ma ba ya xtal ilimba ta stojol te pueblo yu'un te snich'nab Israel. Ha me te levitahetic te ya scanantayic te Nahilpac' yu'un te Testigo-c'op, xchi.
54Te snich'nab Israel la spasic spisil hich te bin ut'il halbot yu'un Jehová te Moisés.
Currently Selected:
Números 1: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.