Lamentaciones 5
5
Sc'oponel Dios te mach'atic pich'il yo'tanic
1Na'a me, Jehová, te bin c'ohem ta jtojolcotic;
ilawil te jwocolcotic ta uts'inel.
2Te bintic ay cu'uncotic
c'axic bahel ta sc'ab yantic,
te jnahcotic c'axic bahel
ta sc'ab jyanlumetic.
3Me'ba'otcotic, mayuc jtatcotic;
te jnancotic hich c'ohtic te bin ut'il me'ba' ants.
4Mambil te ha' ya cuch'cotic;
ya jtojcotic te si' ya jtuhuncotic.
5Ay jwocolcotic ta nutsel,
ya xluhbotcotic, mayuc ya jcux co'tancotic.
6La jach jc'abcotic ta stojol
te egipciohetic soc asiriahetic
yu'un ya jtahcotic jwe'elcotic.
7La sta smulic te jme'jtatcotic
soc wayemix sbaq'uetalic,
pero ho'otcotic ya jcuchbecotic
te castigo yu'unique.
8Ha ajwalil c'oht cu'uncotic te mosohetique,
mayuc mach'a ya yac'otic ta libre ta sc'abic.
9Ya c'an lajuc jcuxlejalcotic ta stahel jwe'elcotic
ta scaj te espada ta jochol taquin q'uinal.
10Ihc'uben te jnuhculelcotic hich te bin ut'il horno,
ta scaj sc'ahc'al te wi'nale.
11La yuts'inic antsetic ta Sión,
te ach'ixetic ta pueblohetic ta Judá.
12Te snich'nab ajwalil la yich'ic jipanlanel ta sc'abic;
ma ba la yich'ic ta muc' te mamaletique.
13Te jcolel winiquetic la yaq'uic ta juch',
te queremetic laj yipic yu'un yalal si'.
14Mayuquix mamaletic ta yochibal te pueblo,
ma ba ya xc'ayojinic te queremetique.
15Mayuquix stse'elil co'tancotic,
te ahc'ot cu'uncotic c'atp'ujix ta mel-o'tan.
16Ch'ay cohel ta joltic te corona.
¡Obol jbahcotic como jtahoj jmulcotic!
17Ha scuentahil te ayotcotic ta mel-o'tan
soc te ya xtocalub te jsitcotique:
18ta scaj te wits Sión te jochol hilem,
soc ya xbehenix waxetic tey a.
19Pero ha'at, Jehová, sbahtel q'uinal ajwalilat;
stalel ay amuc'ul huctajib ta cajalcaj ts'umbalil.
20¿Bin yu'un te jc'axel yac ach'ayotcotic ta awo'tan,
soc te bayel c'ahc'al yac apihtesotcotic?
21Ic'awotcotic suhtel tal ta atojol, Jehová,
yu'un hich ya suhtotcotic talel a;
ach'ubtesbotcotic jcuxlejalcotic
hich te bin ut'il ta nahil to.
22O ¿jc'axel bal la aloq'uesotcotic ta atojol
soc jc'axel bal ilinemat ta jtojolcotic?
Currently Selected:
Lamentaciones 5: TZH
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.
Lamentaciones 5
5
Sc'oponel Dios te mach'atic pich'il yo'tanic
1Na'a me, Jehová, te bin c'ohem ta jtojolcotic;
ilawil te jwocolcotic ta uts'inel.
2Te bintic ay cu'uncotic
c'axic bahel ta sc'ab yantic,
te jnahcotic c'axic bahel
ta sc'ab jyanlumetic.
3Me'ba'otcotic, mayuc jtatcotic;
te jnancotic hich c'ohtic te bin ut'il me'ba' ants.
4Mambil te ha' ya cuch'cotic;
ya jtojcotic te si' ya jtuhuncotic.
5Ay jwocolcotic ta nutsel,
ya xluhbotcotic, mayuc ya jcux co'tancotic.
6La jach jc'abcotic ta stojol
te egipciohetic soc asiriahetic
yu'un ya jtahcotic jwe'elcotic.
7La sta smulic te jme'jtatcotic
soc wayemix sbaq'uetalic,
pero ho'otcotic ya jcuchbecotic
te castigo yu'unique.
8Ha ajwalil c'oht cu'uncotic te mosohetique,
mayuc mach'a ya yac'otic ta libre ta sc'abic.
9Ya c'an lajuc jcuxlejalcotic ta stahel jwe'elcotic
ta scaj te espada ta jochol taquin q'uinal.
10Ihc'uben te jnuhculelcotic hich te bin ut'il horno,
ta scaj sc'ahc'al te wi'nale.
11La yuts'inic antsetic ta Sión,
te ach'ixetic ta pueblohetic ta Judá.
12Te snich'nab ajwalil la yich'ic jipanlanel ta sc'abic;
ma ba la yich'ic ta muc' te mamaletique.
13Te jcolel winiquetic la yaq'uic ta juch',
te queremetic laj yipic yu'un yalal si'.
14Mayuquix mamaletic ta yochibal te pueblo,
ma ba ya xc'ayojinic te queremetique.
15Mayuquix stse'elil co'tancotic,
te ahc'ot cu'uncotic c'atp'ujix ta mel-o'tan.
16Ch'ay cohel ta joltic te corona.
¡Obol jbahcotic como jtahoj jmulcotic!
17Ha scuentahil te ayotcotic ta mel-o'tan
soc te ya xtocalub te jsitcotique:
18ta scaj te wits Sión te jochol hilem,
soc ya xbehenix waxetic tey a.
19Pero ha'at, Jehová, sbahtel q'uinal ajwalilat;
stalel ay amuc'ul huctajib ta cajalcaj ts'umbalil.
20¿Bin yu'un te jc'axel yac ach'ayotcotic ta awo'tan,
soc te bayel c'ahc'al yac apihtesotcotic?
21Ic'awotcotic suhtel tal ta atojol, Jehová,
yu'un hich ya suhtotcotic talel a;
ach'ubtesbotcotic jcuxlejalcotic
hich te bin ut'il ta nahil to.
22O ¿jc'axel bal la aloq'uesotcotic ta atojol
soc jc'axel bal ilinemat ta jtojolcotic?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Tzeltal Bachajon © Sociedad Bíblica de México, A.C., 2006.