Jestira 2
2
I Jestira nevi carica
1Pale kava so sasa, kana nakhli i holi e carosi e Kserksesi, vov dija pe gođi pi Vašti, pe kova so voj ćerda thaj so naredisada latar.
2Tegani vaćarde e carose službenikura save služisade lese: “Te araćhen pe lačhe terne čheja e carose. 3Nek o caro ane sa e provincije pe carstvose čhuvol manušen save ka anen sa e lačhe terne čhejen ano harem savo si ani palata ano foro Suza. Gola čheja te poverin pe ke caroso evnuho o Hegaj, savo si zadužime e džuvljenđe, a vov ka vodil redo baši lenđi nega. 4Koja čhej savi embut ka sviđil pe e carose, nek avol carica umesto i Vašti.”
Kava so vaćarde, sasa e carose šukar thaj gija ćerda.
5Ani palata ano foro Suza sasa jekh Judejco tare Venijamineso pleme kaso alav sasa Mordehaj. Vov sasa čhavo e Jaireso, unuko e Šimijaso, paraunuko e Kiseso. 6Le thaj avere phangle manušen inđarda ano ropstvo o Navuhodonosor, o caro taro Vavilon, andaro Jerusalim katane e Jehonijasa, e Judejskone carosa. 7O Mordehaj barada e Hadasa, lese kakose čheja, golese so ni sasa la ni dad ni dej. Akharde la Jestira thaj sasa but lačhi thaj šukar izgledila. Kana mule lako dad thaj laći dej, o Mordehaj lija la peste sar čheja.
8Kana sasa objavime e caroso proglas thaj o zakon, ani palata ano foro Suza ande bute čhejen thaj dije len ko Hegaj te vodil redo lendar. Gija thaj e Jestira inđarde ani palata thaj ačhade la ko Hegaj savo sasa zadužimo e džuvljenđe. 9E Hegajese sasa šukar i Jestira thaj vov but divisajlo laće. Vov dija la sa so trubuja laće te negujil po lačhipe, thaj emšukar xape. Dija la efta emšukar sluškinje tare carosi palata thaj katane lencar čhuta la te bešol ano emšukar kotor taro harem.
10A i Jestira ni vaćarda tare po narodo ni tari pi familija, golese so o Mordehaj zapovedisada laće te ni vaćarol golestar. 11Vov dži jekh đive phirola upre-tele angli avlija e haremesi, te bi dodžanola sar si i Jestira thaj so si lasa.
12Angleder so bi avola o redo nesave čhejako te džal ko caro o Kserks, voj bi dešuduj (12) čhon lačharola pe sar so sasa propisime džuvljenđe – šov čhon uljesa tari smirna thaj šov čhon mirisurencar thaj avere bućencar bašo lačharipe. 13Pale gova bi džala ko caro. Sa so bi manđola pesa te inđarol andaro harem ani carsko palata, bi dena la. 14Ki rat bi džala ko caro, a ki sabalin bi irila pe ano aver kotor e haremeso, kaj bi vodila latar redo o Šaašgaz, e caroso evnuho, savo sasa zadužimo baše romnja-ropkinje. Voj ne bi džala palem ko caro, sem ako sviđisajli e carose, pa bi vov akharola la palo alav.
15Kana avilo o redo pi Jestira – sava usvojisada o Mordehaj thaj savi sasa i čhej e Avihajilesi, e Mordehajese kakosi – te džal ko caro, voj ni rodija khanči sem so phenda laće o Hegaj, e caroso evnuho savo vodila redo tare džuvlja. Golesa e Jestiraće divisajle savore save dikhlje la. 16E Jestira inđarde ko caro o Kserks, ani lesi carsko palata, ano dešto čhon, gova is o čhon o Tevet, ano eftato berš tare leso vladipe. 17O caro zavolisada e Jestira pobut tare sa avera džuvlja, but divisajlo laće thaj manglja la pobut tare sa avera terne čheja. Vov čhuta laće i carsko kruna ko šoro thaj ćerda la carica ko than e Vaštiako. 18Pale gova o caro ćerda, e Jestiraće ano čast, baro xape baše sa pe šorutne thaj pe službenikura. Proglasisada prazniko ane sa e provincije thaj putarde vastesa dija poklonura, sar so dolikuil e carose.
O Mordehaj araćhol i zavera protiv o caro
19Kana e terne čheja ćidije pe dujto drom, o Mordehaj bešlo ki carsko kapija#2,19 o Mordehaj bešlo ki carsko kapija Kava jevrejsko izraz značil kaj o Mordehaj sasa službeniko ani carsko palata.. 20A i Jestira vadži ni vaćarda khanči tari piri familija thaj tare po narodo, sar so o Mordehaj zapovedisada laće, golese so vadži ićarola pe ke Mordehajeso zapovest, sar so ćerola dži kaj barada la.
21Ko vreme kana o Mordehaj bešlo ki carsko kapija, o Bigtano thaj o Tereš, duj e carose evnuhura save arakhlje o ulaz, holajle thaj ćerde zavera te mudaren e caro e Kserkse. 22Al o Mordehaj dodžanglja baši lenđi zavera thaj vaćarda e Jestiraće, a voj phenda e carose ane Mordehajeso alav. 23Kana gova so vaćarda o Mordehaj sasa proverime thaj sikada pe kaj si gova čače, kole dujen evnuhen umlade ke vešala. Sa gova sasa pisime ane caroso istorijsko dnevniko.
Currently Selected:
Jestira 2: GSP
Highlight
Share
Copy
Want to have your highlights saved across all your devices? Sign up or sign in
Jestira 2
2
I Jestira nevi carica
1Pale kava so sasa, kana nakhli i holi e carosi e Kserksesi, vov dija pe gođi pi Vašti, pe kova so voj ćerda thaj so naredisada latar.
2Tegani vaćarde e carose službenikura save služisade lese: “Te araćhen pe lačhe terne čheja e carose. 3Nek o caro ane sa e provincije pe carstvose čhuvol manušen save ka anen sa e lačhe terne čhejen ano harem savo si ani palata ano foro Suza. Gola čheja te poverin pe ke caroso evnuho o Hegaj, savo si zadužime e džuvljenđe, a vov ka vodil redo baši lenđi nega. 4Koja čhej savi embut ka sviđil pe e carose, nek avol carica umesto i Vašti.”
Kava so vaćarde, sasa e carose šukar thaj gija ćerda.
5Ani palata ano foro Suza sasa jekh Judejco tare Venijamineso pleme kaso alav sasa Mordehaj. Vov sasa čhavo e Jaireso, unuko e Šimijaso, paraunuko e Kiseso. 6Le thaj avere phangle manušen inđarda ano ropstvo o Navuhodonosor, o caro taro Vavilon, andaro Jerusalim katane e Jehonijasa, e Judejskone carosa. 7O Mordehaj barada e Hadasa, lese kakose čheja, golese so ni sasa la ni dad ni dej. Akharde la Jestira thaj sasa but lačhi thaj šukar izgledila. Kana mule lako dad thaj laći dej, o Mordehaj lija la peste sar čheja.
8Kana sasa objavime e caroso proglas thaj o zakon, ani palata ano foro Suza ande bute čhejen thaj dije len ko Hegaj te vodil redo lendar. Gija thaj e Jestira inđarde ani palata thaj ačhade la ko Hegaj savo sasa zadužimo e džuvljenđe. 9E Hegajese sasa šukar i Jestira thaj vov but divisajlo laće. Vov dija la sa so trubuja laće te negujil po lačhipe, thaj emšukar xape. Dija la efta emšukar sluškinje tare carosi palata thaj katane lencar čhuta la te bešol ano emšukar kotor taro harem.
10A i Jestira ni vaćarda tare po narodo ni tari pi familija, golese so o Mordehaj zapovedisada laće te ni vaćarol golestar. 11Vov dži jekh đive phirola upre-tele angli avlija e haremesi, te bi dodžanola sar si i Jestira thaj so si lasa.
12Angleder so bi avola o redo nesave čhejako te džal ko caro o Kserks, voj bi dešuduj (12) čhon lačharola pe sar so sasa propisime džuvljenđe – šov čhon uljesa tari smirna thaj šov čhon mirisurencar thaj avere bućencar bašo lačharipe. 13Pale gova bi džala ko caro. Sa so bi manđola pesa te inđarol andaro harem ani carsko palata, bi dena la. 14Ki rat bi džala ko caro, a ki sabalin bi irila pe ano aver kotor e haremeso, kaj bi vodila latar redo o Šaašgaz, e caroso evnuho, savo sasa zadužimo baše romnja-ropkinje. Voj ne bi džala palem ko caro, sem ako sviđisajli e carose, pa bi vov akharola la palo alav.
15Kana avilo o redo pi Jestira – sava usvojisada o Mordehaj thaj savi sasa i čhej e Avihajilesi, e Mordehajese kakosi – te džal ko caro, voj ni rodija khanči sem so phenda laće o Hegaj, e caroso evnuho savo vodila redo tare džuvlja. Golesa e Jestiraće divisajle savore save dikhlje la. 16E Jestira inđarde ko caro o Kserks, ani lesi carsko palata, ano dešto čhon, gova is o čhon o Tevet, ano eftato berš tare leso vladipe. 17O caro zavolisada e Jestira pobut tare sa avera džuvlja, but divisajlo laće thaj manglja la pobut tare sa avera terne čheja. Vov čhuta laće i carsko kruna ko šoro thaj ćerda la carica ko than e Vaštiako. 18Pale gova o caro ćerda, e Jestiraće ano čast, baro xape baše sa pe šorutne thaj pe službenikura. Proglasisada prazniko ane sa e provincije thaj putarde vastesa dija poklonura, sar so dolikuil e carose.
O Mordehaj araćhol i zavera protiv o caro
19Kana e terne čheja ćidije pe dujto drom, o Mordehaj bešlo ki carsko kapija#2,19 o Mordehaj bešlo ki carsko kapija Kava jevrejsko izraz značil kaj o Mordehaj sasa službeniko ani carsko palata.. 20A i Jestira vadži ni vaćarda khanči tari piri familija thaj tare po narodo, sar so o Mordehaj zapovedisada laće, golese so vadži ićarola pe ke Mordehajeso zapovest, sar so ćerola dži kaj barada la.
21Ko vreme kana o Mordehaj bešlo ki carsko kapija, o Bigtano thaj o Tereš, duj e carose evnuhura save arakhlje o ulaz, holajle thaj ćerde zavera te mudaren e caro e Kserkse. 22Al o Mordehaj dodžanglja baši lenđi zavera thaj vaćarda e Jestiraće, a voj phenda e carose ane Mordehajeso alav. 23Kana gova so vaćarda o Mordehaj sasa proverime thaj sikada pe kaj si gova čače, kole dujen evnuhen umlade ke vešala. Sa gova sasa pisime ane caroso istorijsko dnevniko.
Currently Selected:
:
Highlight
Share
Copy
Want to have your highlights saved across all your devices? Sign up or sign in