1. Samuilo 6
6
E Filistejcura irin o Kovčego taro savez
1Kana e GOSPODESO kovčego sasa efta čhon ane filistejska thana, 2e Filistejcura akharde e sveštenikuren thaj kolen save dikhljarena pa pučlje len: “So te ćera e GOSPODESE kovčegosa? Vaćaren amenđe sar te irile ke leso than.”
3Von vaćarde: “Te irisaden o kovčego e Izraelese Devleso, ma irin le čučo. Lesa mora te bičhalen žrtva baši krivica. Tegani ka saston thaj ka džanen sose kaznil tumen.”
4Von pučlje: “Savi žrtva baši krivica trubul te bičhala lesa?”
A kala vaćarde: “Sar so si pandž e filistejska šorutne, gija bičhalen pandž tumora thaj pandž kandoja save si ćerde taro zlato, golese so isto bilačhipe čalada tumen thaj tumare šorutnen. 5Ćeren gola likura tare tumora thaj likura tare gola kandoja save uništin thaj rumin i phuv, te bi dena čast e Izraelese Devlese. Šaj tegani ka ačhol te kaznil tumen, tumare devlen thaj tumari phuv. 6Sose bi avena zurale ilencar sar so sesa e Egipćanura thaj o faraon? Kana o Dol čalada pe lende, na li mukhlje e Izraelcuren te džan?
7Akana, ćeren nevo vordon thaj len duje guruvnjen save otelisajle al vadži ni inđarde o jaram. E guruvnjen čhuven te crden o vordon, a lenđe terne guruven crden lendar palal ani štala. 8Tegani len e GOSPODESO kovčego thaj čhuven le ko vordon, a ano sanduko paše leste čhuven e zlatna predmetura save inđaren lese sar žrtva baši krivica. Tegani sa gova bičhalen ko drom. 9Al ićaren ki jakh o kovčego: te đelo o kovčego upre premalo piro than, ko drom premalo Bet-Šemeš ano Izrael, tegani o GOSPOD anda kaja bari bibax pe amende. Al, te ni đelo naodori, tegani ka džana kaj vov ni kaznisada amen, nego kava avilo pe amende slučajno.”
10Von gija i ćerde. Lije duje guruvnjen save otelisajle thaj čhute len te crden o vordon, a lenđe terne guruven phanglje ani štala. 11Po vordon čhute e GOSPODESO kovčego thaj paše leste o sanduko kaj sesa e likura tare kandoja thaj e likura tare tumora. 12E guruvnja pojdisade, i gova pravo e dromesa premalo Bet-Šemeš. Đele sa gole dromesa, ni đele ni levo ni desno lestar thaj e guruvnja ćerena galama, a e filistejska šorutne đele pale lende sa dži i granica taro Bet-Šemeš.
13E manuša taro Bet-Šemeš tegani ćidena o điv ani dolina. Kana vazdije pe jakha thaj dikhlje o Kovčego, but radujisajle so dikhlje le. 14O vordon reslo ko polje e Isuseso taro Bet-Šemeš thaj ačhilo paše jekh baro bar. E manuša phaglje o vordon thaj gole kaštencar dolde jag, a e guruvnjen dije e GOSPODESE sar phabardi žrtva. 15E Levitura angleder uljarde e GOSPODESO kovčego thaj o sanduko savo sasa paše leste ane savo sesa e zlatna predmetura, tegani sa gova čhute ko baro bar. Gova đive e manuša taro Bet-Šemeš dije e GOSPODESE e phabarde žrtve thaj e čhinde žrtve. 16Kola pandž filistejska šorutne dikhlje sa so sasa thaj gova đive irisajle ano Ekron.
17E pandž zlatna tumora baše pandž forura save e Filistejcura bičhalde sar žrtva baši krivica e GOSPODESE sesa: jekh bašo Ašdod, jekh baši Gaza, jekh bašo Aškelon, jekh bašo Gat thaj jekh bašo Ekron. 18E zlatna kandoja sesa kobor i sa e filistejska forura tare kola pandž šorutne tare forura saven sesa tvrđave thaj e gava trujal lende. A o baro bar pe savo čhute e GOSPODESO kovčego, i avđive ačhol ko polje e Isuseso andaro Bet-Šemeš.
19Al o GOSPOD mudarda pinda milje thaj eftavardeš (50 070) manušen taro Bet-Šemeš, golese so dikhlje andre ane GOSPODESO kovčego. Gija e manuša lije te tugujin golese so o GOSPOD gija phare kaznisada len.
20E manuša andaro Bet-Šemeš pučlje: “Ko tromal te ačhol anglo GOSPOD, anglo gasavo sveto Dol? Thaj kaste akana ka džal o Kovčego amendar?”
21Tegani e manušenđe taro Kirjat-Jearim bičhalde manušen haberesa: “E Filistejcura irisade e GOSPODESO kovčego. Aven thaj inđaren le tumende.”
Currently Selected:
1. Samuilo 6: GSP
Highlight
Copy
Compare
Share
Want to have your highlights saved across all your devices? Sign up or sign in
1. Samuilo 6
6
E Filistejcura irin o Kovčego taro savez
1Kana e GOSPODESO kovčego sasa efta čhon ane filistejska thana, 2e Filistejcura akharde e sveštenikuren thaj kolen save dikhljarena pa pučlje len: “So te ćera e GOSPODESE kovčegosa? Vaćaren amenđe sar te irile ke leso than.”
3Von vaćarde: “Te irisaden o kovčego e Izraelese Devleso, ma irin le čučo. Lesa mora te bičhalen žrtva baši krivica. Tegani ka saston thaj ka džanen sose kaznil tumen.”
4Von pučlje: “Savi žrtva baši krivica trubul te bičhala lesa?”
A kala vaćarde: “Sar so si pandž e filistejska šorutne, gija bičhalen pandž tumora thaj pandž kandoja save si ćerde taro zlato, golese so isto bilačhipe čalada tumen thaj tumare šorutnen. 5Ćeren gola likura tare tumora thaj likura tare gola kandoja save uništin thaj rumin i phuv, te bi dena čast e Izraelese Devlese. Šaj tegani ka ačhol te kaznil tumen, tumare devlen thaj tumari phuv. 6Sose bi avena zurale ilencar sar so sesa e Egipćanura thaj o faraon? Kana o Dol čalada pe lende, na li mukhlje e Izraelcuren te džan?
7Akana, ćeren nevo vordon thaj len duje guruvnjen save otelisajle al vadži ni inđarde o jaram. E guruvnjen čhuven te crden o vordon, a lenđe terne guruven crden lendar palal ani štala. 8Tegani len e GOSPODESO kovčego thaj čhuven le ko vordon, a ano sanduko paše leste čhuven e zlatna predmetura save inđaren lese sar žrtva baši krivica. Tegani sa gova bičhalen ko drom. 9Al ićaren ki jakh o kovčego: te đelo o kovčego upre premalo piro than, ko drom premalo Bet-Šemeš ano Izrael, tegani o GOSPOD anda kaja bari bibax pe amende. Al, te ni đelo naodori, tegani ka džana kaj vov ni kaznisada amen, nego kava avilo pe amende slučajno.”
10Von gija i ćerde. Lije duje guruvnjen save otelisajle thaj čhute len te crden o vordon, a lenđe terne guruven phanglje ani štala. 11Po vordon čhute e GOSPODESO kovčego thaj paše leste o sanduko kaj sesa e likura tare kandoja thaj e likura tare tumora. 12E guruvnja pojdisade, i gova pravo e dromesa premalo Bet-Šemeš. Đele sa gole dromesa, ni đele ni levo ni desno lestar thaj e guruvnja ćerena galama, a e filistejska šorutne đele pale lende sa dži i granica taro Bet-Šemeš.
13E manuša taro Bet-Šemeš tegani ćidena o điv ani dolina. Kana vazdije pe jakha thaj dikhlje o Kovčego, but radujisajle so dikhlje le. 14O vordon reslo ko polje e Isuseso taro Bet-Šemeš thaj ačhilo paše jekh baro bar. E manuša phaglje o vordon thaj gole kaštencar dolde jag, a e guruvnjen dije e GOSPODESE sar phabardi žrtva. 15E Levitura angleder uljarde e GOSPODESO kovčego thaj o sanduko savo sasa paše leste ane savo sesa e zlatna predmetura, tegani sa gova čhute ko baro bar. Gova đive e manuša taro Bet-Šemeš dije e GOSPODESE e phabarde žrtve thaj e čhinde žrtve. 16Kola pandž filistejska šorutne dikhlje sa so sasa thaj gova đive irisajle ano Ekron.
17E pandž zlatna tumora baše pandž forura save e Filistejcura bičhalde sar žrtva baši krivica e GOSPODESE sesa: jekh bašo Ašdod, jekh baši Gaza, jekh bašo Aškelon, jekh bašo Gat thaj jekh bašo Ekron. 18E zlatna kandoja sesa kobor i sa e filistejska forura tare kola pandž šorutne tare forura saven sesa tvrđave thaj e gava trujal lende. A o baro bar pe savo čhute e GOSPODESO kovčego, i avđive ačhol ko polje e Isuseso andaro Bet-Šemeš.
19Al o GOSPOD mudarda pinda milje thaj eftavardeš (50 070) manušen taro Bet-Šemeš, golese so dikhlje andre ane GOSPODESO kovčego. Gija e manuša lije te tugujin golese so o GOSPOD gija phare kaznisada len.
20E manuša andaro Bet-Šemeš pučlje: “Ko tromal te ačhol anglo GOSPOD, anglo gasavo sveto Dol? Thaj kaste akana ka džal o Kovčego amendar?”
21Tegani e manušenđe taro Kirjat-Jearim bičhalde manušen haberesa: “E Filistejcura irisade e GOSPODESO kovčego. Aven thaj inđaren le tumende.”