Rimljanenđe 16
16
O Pavle pozdravil e vernikonen ando Rimo
1Preporučiv tumenđe amare pheja e Fiva, savi služil ande khanđiri ande Kenhreja, 2te primin lat ando alav e Gospodesko gajda sago kaj priličil e Devlešće manušenđe. Pomognin laće ande sa so trubul lat tumendar, kaj voj sas pomoćnica e butenđe, pa vi manđe.
3Pozdravin e Priska thaj e Akila, mungre saradnikon ando Hristo Isus. 4Von čhutine piro trajo ando opasnost te spasin mungro. Či zahvaliv lenđe samo me, nego vi sa aver khanđirja save naj e Židovenđe.
5Pozdravin vi e khanđiri savi sastailpe ande lengo ćher.
Pozdravin vi mungre drago drugare e Epenete, savo si prvo ande Cikni Azija palo Hristo.
6Pozdravin e Marija, savi but trudisajli pale tumende.
7Pozdravin e Andronika thaj e Junija, save si katar mungro them thaj save sas manca ando phanglipe. Von si ugledne maškar e apostolurja thaj majsigo mandar počnisardine te paćan ando Hristo.
8Pozdravin e Amplijata, mungre drago drugare ando Gospod.
9Pozdravin e Urbane, amare saradniko ando Hristo, thaj mungre drago drugare e Stahije.
10Pozdravin e Apele, savo si iskušime thaj dokažime ando Hristo.
Pozdravin vi sa e Aristovulešće familija.
11Pozdravin e Irodione, savo si katar mungro them.
Pozdravin sa e vernikonen save trajin ande Narkisesko ćher.
12Pozdravin e Trifena thaj e Trifosa, save trudin pe palo Gospod. Pozdravin mungre drago drugarica e Persida, savi but trudisajli palo Gospod.
13Pozdravin e Rufo, saves o Gospod losarda te avel lesko, thaj lešće deja savi si vi manđe sago dej.
14Pozdravin e Asinkrite, Flegonte, Ermije, Patrove, Erme, thaj e phralen save si lenca.
15Pozdravin e Filologo thaj e Julija, e Nireje thaj lešće pheja, thaj e Olimpe, thaj sa e Devlešće manušen save si lenca.
16Pozdravin jek avren e ilesatar.
Pozdravin tumen sa e Hristošće khanđirja.
17Moliv tumen, phralalen, len tumen sama katar okola save ćeren podela thaj den povod palo bezah, so si suprotno katar o sikavipe savo tumen sićiline. Zato len tumen majdur katar kasave, 18kaj kasave či služin amare Gospodešće e Hristošće, nego pire telošće željenđe, pa e šukar thaj laskave alavenca zavodin e ile e nedužne manušenđe. 19A savora ašundine pale tumari poslušnost. Zato raduiv man pale tumende, ali kamav te aven mudre palo lačhipe, a bezazlene palo bilačhipe. 20A o Del, savo si izvor e mirosko, još cara thaj smrvila e Sotone tale tumare pungre.
E milost amare Gospodešći e Isusešći neka avel tumenca!
21Pozdravil tumen o Timotej, mungro saradniko, sago vi o Lukije, Jason thaj o Sosipatar, save si katar mungro them.
22Pozdraviv tumen ando Gospod me, Tertije, savo ramosardem akava lil umesto o Pavle.
23Pozdravil tumen o Gaj, ke savo bešav thaj ke savo sastailpe e sasti khanđiri.
Pozdravil tumen o Erast, e gavesko blagajniko, thaj amaro phral o Kvart. 24[Milost e Gospodešći e Isuse Hristošći neka avel tumenca savorenca. Amin.]
Hvalospev e Devlešće
25Neka avel hvalime okova savo šaj te zurjarel tumen kroz e Bahtali nevimata e Isuse Hristošći savi propovediv. Godoja tajna sas dugo garadi, 26a akana si godoja tajna prekal e proročke lila objavime e themenđe prema e zapoved e večno Devlešći, te anas e manušen andar svako them dži ke poslušnost thaj dži ko paćipe. 27Jedino mudro Devlešće, prekal o Isus Hristo neka avel slava pale uvek! Amin.
Currently Selected:
Rimljanenđe 16: RČB
Highlight
Share
Copy
Want to have your highlights saved across all your devices? Sign up or sign in
