2. Korinćanenđe 3
3
Sluge palo Nevo savez
1Počnisaras li amen palem korkoro amen te preporučisaras? Ili si amenđe, sago varesavenđe, potrebne ramome preporuke pale tumende ili tumendar? 2Tumen sen amaro lil, ramome ande amare ile, save džanen thaj čiton sa e manuša. 3A očigledno si kaj sen vi tumen e Hristosko lil, sastavime amare službava, ramome na e mastilosa, nego e džude Devlešće Duhosa, na pe barenđe ploče, nego ande manušenđe ile.
4Godova pouzdanje anglo Del si men kroz o Hristo. 5Na kaj sam amen korkoro amendar sposobne te vareso pale amende tvrdis, nego amari sposobnost si katar o Del. 6Vo ćerda men sposobne te avas sluge e Neve savezosko. Godova naj savez ramome slovo, nego savez e Duhosko. Kaj o ramome slovo inđarel ando smrto, a o Sveto Duho del trajo.
Slava e neve savezošći
7Ako e služba e smrtošći, savi si e slovenca uklesime ande bara, sas gaći slavno kaj e Izraelcurja našti dićhenas ande Mojsijesko muj, zbog e slava savi naćhelas lešće mujestar, 8kozom avela majslavno e služba e Duhošći? 9Kaj ako sas slavno e služba savi anel osuda, but si majslavno e služba savi anel pravednost. 10Thaj čače, okova so sas slavno, naj slavno kana uporedil pe e majuzvisime slavava. 11Ako okova prolazno sas slavno, kozom si majbari e slava savi ačhel pale uvek!
12Pošto, dakle, si men kasavi nada, ćeras svato potpuno slobodno. 13Amen najsam sago o Mojsije, savo čholas o veo po muj te e Izraelcurja či dićhen godoja prolazno slava. 14Ali, lenđe gindurja sas phandade, kaj sa dži ađes, o isto veo ačhel kana čitol pe o Purano zaveto. Godova veo vi majdur učharel lenđi gođi te na haćaren o čačipe. A godova veo šaj vazdel pe samo ando Hristo. 15Thaj gajda dži ađesko đes, kana čiton pe e Mojsiješće knjige, o veo ačhel pe lenđe ile. 16Ali, kana god vareko obratil pe e Gospodešće, o veo uklonil pe. 17O Gospod si Duho, a kaj god si o Duho e Gospodesko, o okote si e sloboda. 18Thaj savora amen e mujesa savo naj učhardo e velosa održisaras e Gospodešći slava thaj promenisarasa men ande lešći slika – andar e slava ande slava savi avel katar o Gospod savo si Duho.
Currently Selected:
2. Korinćanenđe 3: RČB
Highlight
Share
Copy
Want to have your highlights saved across all your devices? Sign up or sign in
