1. Korinćanenđe 15
15
E Hristosko uštipe andar e mule
1Dav tumen gođi, phralalen, pe Bahtali nevimata, savi tumenđe propovedisardem, thaj savi prihvatisardine thaj ande savi ačhen ando paćipe, 2savjava spasina tumen, ako inćaren e Alava save objavisardem tumenđe, osim ako uzalud paćajine.
3Kaj po prvo than, predaisardem tumenđe okova so vi primisardem: kaj o Hristo mulo pale amare bezeha sago kaj ramol ande Svete lila, 4kaj sas prahome thaj kaj vaskrsnisardas po trito đes sago kaj ramol ande Svete lila. 5Pale godova o Hristo sikadilo e Petrešće, a askal sa e dešuduje apostolenđe. 6Pale godova katar jekhar sikadilo e phralenđe, save sas majbut katar pandž šela džene, katar save si majbut lendar još džude, a varesave muline. 7Askal sikadilo e Jakovešće, a pale godova sa e apostolenđe. 8Thaj po krajo sikadilo vi manđe, sago majbedno manušešće.
9Kaj, me sem majcikno maškar e apostolurja thaj naj sem dostojno te akharav man apostol, zato kaj progonivas e Devlešći khanđiri. 10Ali e Devlešće milava sem okova so sem thaj lešći milost prema mande nas uzaludno. Naprotiv, me trudivas man majbut katar savorende lendar – ali na me, nego e Devleši milost manca. 11Dakle, sa jek si, me ili von, gajda propovedisaras thaj gajda paćaine.
12Ali ako propovedil pe kaj o Hristo vaskrsnisardas andar e mule, sar varesave maškar tumende phenen kaj naj vaskrsenje andar e mule? 13Ako naj vaskrsenje andar e mule, ni o Hristo či vaskrsnisardas. 14A ako o Hristo či vaskrsnisardas, uzalud si amaro propovedanje, uzalud si vi tumaro paćipe. 15Kaj, ako si čače kaj e mule či vaskrsnin, askal vi amen sikadilam sago hohavne Devlešće svedokurja, zato kaj svedočisardam kaj o Del vaskrsnisardas e Hristos, saves či vaskrsnisardas. 16Kaj ako e mule či vaskrsnin, askal ni o Hristo či vaskrsnisardas. 17A ako o Hristo či vaskrsnisardas, uzalud si tumaro paćipe, kaj još uvek sen ande tumare bezeha. 18Askal si hasarde vi okola save muline ando Hristo. 19Ako samo pale akava trajo si men nada ando Hristo, majbedne sam katar sa e manuša.
20Ali, o Hristo čače vaskrsnisardas andar e mule, sago prvo katar sa okola save muline thaj savo uštela ando trajo. 21Kaj pošto o smrto avilo prekal o manuš, vi o vaskrsenje avilo prekal o manuš. 22Sago kaj ando Adamo savora meren, gajda savora save si ando Hristo džudona andar e mule. 23Ali, svako prema piro redo: o Hristo vaskrsnisardas prvo, a kana vo avela, vaskrsnina vi okola save lešće pripadin. 24Askal avela o krajo. O Hristo uništila sa e vladaren, sa e vlast thaj svako sila, a askal predaila o Carstvo e Devlešće e Dadešće. 25Kaj o Hristo moraš te vladil sa dok o Del či čhol sa lešće dušmajen tale lešće pungre. 26A o poslednjo dušmano savo avela uništime si o smrto. 27O Sveto lil phenel: “O Del sa čhuta tale lešće pungre.” Kana phenel sa si čhutino tale lešće pungre, jasno si kaj si čhutino sa osim o Del savo sa čhuta tale lešće pungre. 28A kana sa avela podložime lešće, askal vi o Čhavo korkoro podložila pe Okolešće savo sa podložisardas lešće, te o Del avel sa ande sa.
29Inače so ćeren okola save bolen pe pale mule? Ako e mule čače či vaskrsnin, sostar bolen pe pale lende? 30Sostar vi amen neprekidno čhos amare trajurja ande opasnost? 31Phralalen, hav solah pe tumende save sen mungro ponos ando Hristo Isus amaro Gospod, kaj svako đes sem ande smrtno opasnost. 32Ako samo andar e manušikane razlogurja borisajlem e zverenca ando Efes, so koristil godova manđe? Ako e mule či vaskrsnin, “ajde askal te has thaj te pijas, kaj thejara merasa.”
33Na den te aven hohade: “O bilačho društvo rumol e lačhe navike.” 34Aven gođate sago kaj trubul thaj na grešin majbut, kaj varesave či džanen palo Del. Akava phenav tumenđe pe tumaro ladžavo.
Amaro vaskrsenje
35Ali vareko phučela: “Sar vaskrsnin e mule?” thaj: “Sosko telo avela len?” 36Bigođavereja! Okova so tu sijos, či džudola ako či merel. 37Thaj godova so sijos či sijos o telo savo avela, već nango kućin e đivesko ili vareso aver, 38a o Del del les telo sosko kamel, thaj godova svakone semenošće lesko telo. 39Naj svako telo isto. Nego aver si e manušengo, aver si e životinjengo telo, aver si e čirikljengo telo, a aver si e mačhengo. 40Si nebeske tela thaj phuvjaće tela, ali o sjajo katar e nebeske tela si aver čhande katar o sjajo e phuvjaće telendar. 41Aver si o sjajo e khamesko, aver sjajo si e čhonutesko, a aver si o sjajo e čerejengo, a e čerain katar e čerain razlikuil pe po sjajo. 42Gajda si vi e mulenca kana uštena andar e mule. O prahome telo ćernjola, ali godova telo vaskrsnila palo trajo savo či propadnila. 43Sejol pe ando ladžavo, vaskrsnil pe ande slava; sejol pe ande slabost, vaskrsnil pe ande sila, 44sejol pe prirodno telo, vaskrsnil duhovno.
Ako postojil prirodno telo, postojil vi duhovno. 45Gajda si ramome ando Sveto Lil: “O prvo manuš, o Adam, postanisardas džudi duša”, a o poslednjo Adam savo si o Hrist postanisardas duho savo del trajo. 46Ali, naj prvo o duhovno, nego prirodno, pa askal o duhovno. 47Prvo manuš si katar e phuv, phuvjako, o aver manuš si katar o nebo. 48Sa e manušen si phuvjako telo sago e Adame, ali amare nebeske tela avena sago e Hristosko. 49Thaj sago kaj samas slika e phuvjane manušešći, gajda avas vi slika e nebesko manušešći.
50A akava tvrdiv tumenđe, phralalen: o telo thaj o rat našti nasledin e Devlesko carstvo, niti o propadljivo nasledil okova so naj propadljivo. 51Ake, phenav tumenđe e tajna: či merasa savora, ali avasa promenime, 52ande data, ando treno e jakhako, kana ašundola e poslednjo truba. Kaj kana e truba ašundola, askal e mule vaskrsnina e telenca save naj raspadljive, a amen avasa promenime. 53Trubul, naime, akava propadljivo te lel pe peste nepropadljivo, a akava smrtno telo trubul te lel pe peste besmrtno telo. 54A kana akava propadljivo telo lela pe peste okova savo naj propadljivo thaj akava smrtno lel pe peste okova besmrtno, askal pherdola e izreka savi si ramome ando Sveto lil:
“E pobeda nakhadas, o smrtona.”
55“Smrtona, kaj si ćiri pobeda?
Smrtona, kaj si ćiro žalco?”
56O žalco e smrtosko si o bezeh, a e sila e bezehešći si o Zakon. 57Ali, najs e Devlešće, savo del men pobeda kroz amaro Gospod Isuso Hristo.
58Zato, drage mungre phral, aven zurale thaj ustrajne, uvek aven pherde e Gospodešće delenca, kaj džanen kaj tumaro trudo naj uzalud ando Gospod.
Currently Selected:
1. Korinćanenđe 15: RČB
Highlight
Share
Copy
Want to have your highlights saved across all your devices? Sign up or sign in
