Sak 5
5
Bikiti biraambili
1Nemapape, yulwanu me, yenu badi bikiti! Lilanu ne nyongemanu mu dyaambu di manyonyi makitsile yenu! 2Bukiti bweenu bundebubole ne bidwaari byeenu bindebiyu ne batselele. 3Ne lor ne badole beenu bimabungene ne nyaange, nyaangene re yiliimbe gi mabi menu ne yo yiguselesene nyurwenu ganakavagi mbaawu. Yenu diyatsi re disukusulu di buloongu dikeke bebele, te yenu digoneguumbe bukiti! 4Yulwanu bweedi, batu batsedyanze gu banuungi beenu, te yenu ditsebuse wuveege yawu badole bawu! Batu bene bagonekayegene, ne misime myawu mimapule kwanga ne mu maru ma Nzambi yivyogilile bungudu. 5Yenu ditsepake mu tsi yiyi ne manyi ne migaangu, yenu ditsevoonge ga biboodu kwanga ne mu wisi wukasaasu byo. 6Yenu ditseveege mbele gu batu babasavage dyaambu dibive, ne yenu ditseboke yawu gugagagene nenu.
Wuviingile mwiitsu wu Fumu ne muginyinyi
7Kagu baane ba Tayi, viingilanu ne muginyinyi, kwanga ne mu dikyesi dikeberuge Fumu. Labanu muvaritsi, akaviingili ne muginyinyi, kure yikavari yandi kwanga ne vakayeli yo, baande dikyesi diwudoke miluunde mi mareege kwanga ne mimasukise. 8Ne yenu gaandi viingilanu ne muginyinyi, gwaarisanu murime wenu mumbare Fumu asaketsiinge ne wuruge!
9Baane ba Tayi, diyakayegenenge yenu ne yenu, Nzambi mbe agusosise yenu. Fumu wukesosise batu bootsu amatsoonzeme mu wuruge. 10Baane ba Tayi, bangulanu babigitsi babayambile mu dine di Fumu; yawu batsoge ne baviingile ne muginyinyi. Vaganu ga yawu. 11Yulwanu bweedi: yetu dikeveege myule gu batu bane muginyinyi; yenu diyulu nabile Soobe ne muginyinyi ne yenu diyatsi biveegu yandi ne Fumu ve disukusulu; nungyenze Fumu ayi wubaase ne diroonde ne dingyebe.
12Baane ba Tayi, dyaambu didinyi nde didi: diyabinduge nisi ne yulu, nisi ne mutambe, nisi ne pasi yivaave. Ga bile nane, yambilanu re: «Nane»; ga bile gootu, yambilanu re: «Gootu». Ne vane Nzambi asakeveege yenu mbele.
Ngudi yi disaambulu
13Ve ganegarenu guyi mutu wune maguga? Asaambili. Guyi mutu wune yinyunga? Ayimbi miimbu ma Nzambi. 14Ve ganegarenu guyi mutu wugonebeela? Atsitsi bivuunde bi dibuundu, ne yawu basaambili mu yandi ne baguri yandi maatsi mu dine di Fumu. 15Yawu ga basaambile ne gitu, mubeetsi agubeelugu ne Fumu agutelige yandi. Ga avage mabi, Nzambi agusiingile yandi kokolu. 16Kagu tubanu mabi menu yenu ne yenu ne saambilenganu yenu ne yenu mure dikebeelugu. Disaambulu di mutu wusuungeme dine ngudi yiwuvage maambu mamanene. 17Yili abile ke mutu ga manenu. Asaambile ne ngudi mure fule yikerenoge, ne yo yisenoge mu mutambe mu bilime bireru ne yirini. 18Ve yulu vane, abesaambile; ne vane yulu yinogise fule, ne mutambe wuburise kure.#5.17-18 Maate Yimareege 17.1; 18.1; 18.42-45.
19Baane ba Tayi, ga mutu wumoosi ve ganegarenu aduke yimwanze nzime, wumosi arungule wugabuse yandi. 20Yabanu re, wuketutule muvagitsi mabi gu nzile yibive, aguyobule yandi gu difu, ne vane mbili mabi ma mutu wutseyobulu magusiingulu kokolu.
Currently Selected:
Sak 5: SNQ
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Sak 5
5
Bikiti biraambili
1Nemapape, yulwanu me, yenu badi bikiti! Lilanu ne nyongemanu mu dyaambu di manyonyi makitsile yenu! 2Bukiti bweenu bundebubole ne bidwaari byeenu bindebiyu ne batselele. 3Ne lor ne badole beenu bimabungene ne nyaange, nyaangene re yiliimbe gi mabi menu ne yo yiguselesene nyurwenu ganakavagi mbaawu. Yenu diyatsi re disukusulu di buloongu dikeke bebele, te yenu digoneguumbe bukiti! 4Yulwanu bweedi, batu batsedyanze gu banuungi beenu, te yenu ditsebuse wuveege yawu badole bawu! Batu bene bagonekayegene, ne misime myawu mimapule kwanga ne mu maru ma Nzambi yivyogilile bungudu. 5Yenu ditsepake mu tsi yiyi ne manyi ne migaangu, yenu ditsevoonge ga biboodu kwanga ne mu wisi wukasaasu byo. 6Yenu ditseveege mbele gu batu babasavage dyaambu dibive, ne yenu ditseboke yawu gugagagene nenu.
Wuviingile mwiitsu wu Fumu ne muginyinyi
7Kagu baane ba Tayi, viingilanu ne muginyinyi, kwanga ne mu dikyesi dikeberuge Fumu. Labanu muvaritsi, akaviingili ne muginyinyi, kure yikavari yandi kwanga ne vakayeli yo, baande dikyesi diwudoke miluunde mi mareege kwanga ne mimasukise. 8Ne yenu gaandi viingilanu ne muginyinyi, gwaarisanu murime wenu mumbare Fumu asaketsiinge ne wuruge!
9Baane ba Tayi, diyakayegenenge yenu ne yenu, Nzambi mbe agusosise yenu. Fumu wukesosise batu bootsu amatsoonzeme mu wuruge. 10Baane ba Tayi, bangulanu babigitsi babayambile mu dine di Fumu; yawu batsoge ne baviingile ne muginyinyi. Vaganu ga yawu. 11Yulwanu bweedi: yetu dikeveege myule gu batu bane muginyinyi; yenu diyulu nabile Soobe ne muginyinyi ne yenu diyatsi biveegu yandi ne Fumu ve disukusulu; nungyenze Fumu ayi wubaase ne diroonde ne dingyebe.
12Baane ba Tayi, dyaambu didinyi nde didi: diyabinduge nisi ne yulu, nisi ne mutambe, nisi ne pasi yivaave. Ga bile nane, yambilanu re: «Nane»; ga bile gootu, yambilanu re: «Gootu». Ne vane Nzambi asakeveege yenu mbele.
Ngudi yi disaambulu
13Ve ganegarenu guyi mutu wune maguga? Asaambili. Guyi mutu wune yinyunga? Ayimbi miimbu ma Nzambi. 14Ve ganegarenu guyi mutu wugonebeela? Atsitsi bivuunde bi dibuundu, ne yawu basaambili mu yandi ne baguri yandi maatsi mu dine di Fumu. 15Yawu ga basaambile ne gitu, mubeetsi agubeelugu ne Fumu agutelige yandi. Ga avage mabi, Nzambi agusiingile yandi kokolu. 16Kagu tubanu mabi menu yenu ne yenu ne saambilenganu yenu ne yenu mure dikebeelugu. Disaambulu di mutu wusuungeme dine ngudi yiwuvage maambu mamanene. 17Yili abile ke mutu ga manenu. Asaambile ne ngudi mure fule yikerenoge, ne yo yisenoge mu mutambe mu bilime bireru ne yirini. 18Ve yulu vane, abesaambile; ne vane yulu yinogise fule, ne mutambe wuburise kure.#5.17-18 Maate Yimareege 17.1; 18.1; 18.42-45.
19Baane ba Tayi, ga mutu wumoosi ve ganegarenu aduke yimwanze nzime, wumosi arungule wugabuse yandi. 20Yabanu re, wuketutule muvagitsi mabi gu nzile yibive, aguyobule yandi gu difu, ne vane mbili mabi ma mutu wutseyobulu magusiingulu kokolu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES