Zechariah 12
12
De hagaola o Jerusalem i muli mai
1Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada: 2“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah. 3De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena. 4De laangi laa, go Tagi Maolunga e hagadaba, gai au e hai naa gi maatagu denga hoosa, gai denga daane e saavini ai e ssenga ange naa. Gai au e hagaloosi ange naa dangada o Judah, aagai ga hai gi dee kide hoosa alodahi a denga huaahenua ange laa. 5Gai denga hagadiilinga o Judah e hagataba naa, ‘Mahi o dangada i Jerusalem ni mee mai i daho Tagi o denga hagabuulinga hebagi, delaadeu Maadua.’
6De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.
7Gai Tagi Maolunga e hagaola naa denga mommee nnoho o Judah i mua, gi dee laumalie ange ai de hagadubu o de aamuli o David ma dangada e nnoho i Jerusalem, i de hagadubu o Judah. 8De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga. 9De laangi laa gai au e hagadabena ange e oha denga huaahenua alodahi e hebagi ange laa gi Jerusalem.
De tangi i hiidinga o de ia alaadeu ne velo
10“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.#John 19.37; Rev 1.7 #Mat 24.30; Rev 1.7 11De laangi laa gai e hai naa tangi laumalie i Jerusalem, bei de tangi o dangada ma de hinangalosaa o dangada i Hadad Rimmon, i de geelonga o Megiddo. 12De henua alodahi e tangi naa; dahi hagadiilinga ma olaadeu bodu e tangi naa i gilaadeu: de hagadiilinga o David ma olaadeu bodu i gilaadeu; de hagadiilinga o Nathan ma olaadeu bodu i gilaadeu; 13de hagadiilinga o Levi ma olaadeu bodu i gilaadeu; de hagadiilinga o Shimei ma olaadeu bodu i gilaadeu; 14gai denga hagadiilinga ange laa alodahi ma olaadeu bodu i gilaadeu.
Currently Selected:
Zechariah 12: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Zechariah 12
12
De hagaola o Jerusalem i muli mai
1Muna hagadaemaha a Tagi Maolunga i dagodo o Israel. E hagadaba Tagi Maolunga, go de ia ne hoolaa laa de langi ma de hai henua i lalo, gai go de ia ne haia de hagasaalunga o tangada: 2“Tilo, au gu dai hai naa Jerusalem gi bei de ubu e haia laa ga ssenga denga huaadangada alodahi i luoono baasi. De masavaa naa huu alaadeu e hebagi ange ai gi Jerusalem, gai gilaadeu e hebagi ange naa hogi gi Judah. 3De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena. 4De laangi laa, go Tagi Maolunga e hagadaba, gai au e hai naa gi maatagu denga hoosa, gai denga daane e saavini ai e ssenga ange naa. Gai au e hagaloosi ange naa dangada o Judah, aagai ga hai gi dee kide hoosa alodahi a denga huaahenua ange laa. 5Gai denga hagadiilinga o Judah e hagataba naa, ‘Mahi o dangada i Jerusalem ni mee mai i daho Tagi o denga hagabuulinga hebagi, delaadeu Maadua.’
6De laangi laa gai au e hai naa denga hagadiilinga o Judah gi bei de anibada iai de ahi i magavaa o denga lahhie, ma de lama e ula laa i magavaa denga noodangaa grain. Gai gilaadeu e daa naa ga maakau denga huaahenua alodahi e duuli ina gilaadeu i de madau ma de masui, gai Jerusalem e nnoho ai naa dangada i dono mommee donu, go Jerusalem.
7Gai Tagi Maolunga e hagaola naa denga mommee nnoho o Judah i mua, gi dee laumalie ange ai de hagadubu o de aamuli o David ma dangada e nnoho i Jerusalem, i de hagadubu o Judah. 8De laangi laa gai Tagi Maolunga e buibui naa dangada e nnoho i Jerusalem; de laangi laa gai tangada baageaa hugadoo e mmahi naa bei dagodo o David, gai de aamuli o David e dagi naa gilaadeu, bei dagodo o de Maadua, ma tangada de langi o Tagi Maolunga. 9De laangi laa gai au e hagadabena ange e oha denga huaahenua alodahi e hebagi ange laa gi Jerusalem.
De tangi i hiidinga o de ia alaadeu ne velo
10“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.#John 19.37; Rev 1.7 #Mat 24.30; Rev 1.7 11De laangi laa gai e hai naa tangi laumalie i Jerusalem, bei de tangi o dangada ma de hinangalosaa o dangada i Hadad Rimmon, i de geelonga o Megiddo. 12De henua alodahi e tangi naa; dahi hagadiilinga ma olaadeu bodu e tangi naa i gilaadeu: de hagadiilinga o David ma olaadeu bodu i gilaadeu; de hagadiilinga o Nathan ma olaadeu bodu i gilaadeu; 13de hagadiilinga o Levi ma olaadeu bodu i gilaadeu; de hagadiilinga o Shimei ma olaadeu bodu i gilaadeu; 14gai denga hagadiilinga ange laa alodahi ma olaadeu bodu i gilaadeu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.