Mark 5
5
De hagaieiangi o taane iai hagasaalunga baubau
(Mat 8.28-34; Luke 8.26-39)
1Gai gilaadeu ne hulo gi de baasi gee de vai i de henua o de gau Gerasene.#5.1 Gerasene: hanu beebaa Greek ange laa e hai ange bolo go Gergesene, gai hanu go Gadarene. 2Gai de masavaa o Iesu ne doo age ai i de boose, gai dahi daane iai denga hagasaalunga baubau gu sao mai i magavaa o denga daanunga. 3Ia e noho i magavaa o denga daanunga, gai gu deai donu se dangada e maua i de nnoa ia e daohi i daula baalanga, 4go hiidinga gu dee modu donu de nnoa a dangada ia i daula baalanga, gai ia ga duuduu denga daula laa ga tili ma de oha baalanga e nnoa ai laa ia. Gai gu deai donu se dangada mmahi e maua i de nnoa ia. 5De laangi ma de boo gai ia e noho i magavaa o denga daanunga ma honga mounga, ma e oo ai aama de duuduu dono angaanga i denga hadu.
6Gai ga gidee adu huu e ia Iesu i de mommee mmao, gai ia ga savini ga duuduli i mada luoono mada, 7ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!” 8(Go hiidinga Iesu ne hai ange gi de hagasaalunga baubau laa, “Sao mai ma gi hano gee mai i daho taane nei!”)
9Iesu ne ssili ange hogi gi de ia, “Goai doo ingoo?”
Taane laa ne hai ange gi de ia, “Dogu ingoo go Legion, go hiidinga gimaadeu e soa!” 10Gai taane laa ga hagammahi ga dangidangi ange, ia gi dee haia denga hagasaalunga baubau gi hulo gee i de henua laa.
11De masavaa laa gai e dahi hagabuulingaa biigi e gaimee saele i gaogao de mounga i kilaa. 12Gai denga hagasaalunga baubau laa ne dangidangi ange gi Iesu, ga hai ange, “Haia gimaadeu gi hulo gi ulu gi lodo biigi laa.” 13Gai Iesu ga dugu ange, gai gilaadeu ga sasao mai ga hulo ga ulu ange gi lodo biigi laa, gai de hagabuulingaa biigi laa ga saavini iho i de hadi aho ga hulo gi lo te vai, agu made e luamano biigi laa, gai biigi laa alodahi gu odi i de maalemo.
14Gai dangada e diiloo ange laa denga biigi ga saavini ga hulo gi lo te aduhale, ma mommee i tua de aduhale ga tala mee gu hai laa. Gai dangada ga loomai e tilo mee gu hai laa i kilaa. 15Gai ga tae mai huu gilaadeu gi daho Iesu, gai gilaadeu gu gidee taane nogo iai laa denga hagasaalunga baubau soa, gu gahu ma e noho ai i kilaa ia gu dee senga; gai gilaadeu gu maatagu. 16Gai dangada ne gidee mee laa ne hagadele longo o mee gu hai ange laa gi taane iai laa denga hagasaalunga baubau, ma dagodo o denga biigi laa. 17Gai dangada ga dangidangi ange gi Iesu ia gi hano gee mai i delaadeu henua.
18Gai de masavaa o Iesu ne gage ai i de boose, gai taane nogo iai laa denga hagasaalunga baubau ga dangidangi ange, bolo ia e hano madali ia. 19Aagai Iesu tee dugu ange, gai ia ne hai ange gi taane laa, “Hannoo gi doo hale ma daho doo huaabodu, ga tala ange gi gilaadeu dagodo o mee hagalele mouli a Tagi Maolunga gu hai adu gi de goe, aama dono lodo aloha adu gi de goe.” 20Gai taane laa ga hano ga daamada de hagadele mee a Iesu gu hai ange laa gi de ia i Decapolis, gai dangada alodahi gu llele mouli.
Tamaa hine a Jairus ma de hine magi dodo
(Mat 9.18-26; Luke 8.40-56)
21Gai de masavaa o Iesu ne gage ai i de boose e hano gi de baasi gee de vai, gai dangada soa ga hagabuni mai gi ono daha i gaogao de vai laa. 22Gai dahi dagi o synagogue, dono ingoo laa go Jairus, gu humai hogi. Gai ga gidee huu e ia Iesu, gai ia ga duuduli i gaogao luoono vae 23ga dangidangi ange, ga hai ange, “Dagu damaa hine gu dai magau. Aude haihaia, humai dugua ange doo lima gi ono elunga gi ieiangi ai ia ma de mouli.” 24Gai Iesu ga hano madali taane laa.
Gai ne soa dangada ne daudali ange i de ia ma de hagakabi ia. 25E dahi hogi hahine magi dodo i magavaa o dangada i kilaa, gu madaangahulu ma lua ngadau oona ne magi ai. 26Gai gu soa dangada hai magi ne haia dono magi, gu odi hogi ana mee i de hagao ai gilaadeu, gai ia tee ieiangi. Gai dono magi gu kii ange donu de kona. 27Gai ga langona huu e ia dagodo hegau a Iesu, gai ia ga humai gi ono dua i magavaa o dangada soa laa, ga poo ange ono malo. 28Go hiidinga ia ne hagadaba, “Noo au e poo ange ono malo, gai au e ieiangi donu.” 29De masavaa laa donu huu gai gu tuu de ssali ono dodo, gai ia gu langona iho bolo ia gu ieiangi mai i dono magi.
30Gai Iesu gu iloo e ia bolo ssauaa gu sao ma gu hano mai i ono daha, gai ia ga huli dua i magavaa o dangada ga ssili, “Goai gu boogia mai nei ogu malo?”
31Gai ana dangada agoago ga hai ange gi de ia, “Koe e gidee bolo e soa dangada e hagakabi ina goe, gai gu aha goe gu ssili ai naa be goai ne boogia adu goe?”
32Gai Iesu ga galogalo saele e tilo be goai ne boogia ange laa ia. 33Aagai de hine laa gu iloo e ia mee alodahi gu hai ange laa gi de ia, gai ia gu madagu mmao ma de bolebole. Gai ia ga humai ga duuduli i gaogao luu vae o Iesu ga tala ange gi de ia mee alodahi. 34Gai Iesu ga hai ange gi de ia, “Dagu damaa hine, doo gai gu hagaieiangi goe. Hannoo ma de baba oo lodo, koe gu ieiangi mai i doo magi.”
35De masavaa o Iesu e basa ange ai gi de hine laa, gai hanu daane mai i de hale o tagi o synagogue gu loomai, ga hai ange gi de ia, “Dau damaa hine gu magau. Gai gu aha gu hakoso ai naa goe Tangada Agoago?”
36Gai Iesu ne langona alaadeu muna ne tala, aagai ia ga hai ange hogi gi tagi o synagogue laa, “Aude madagu, gai hagadonusia donu huu!”
37Gai ia tee dugu ange hanu dangada ange gi ulu madali ia, go Peter donu huu ma James, aama John taina daane o James. 38De masavaa olaadeu ne tae ai gi de hale o tagi o synagogue, gai Iesu gu gidee bolo dangada soa gu hellumi ma de tangi aama de tangi see. 39Gai de masavaa oona ne ulu ai i de hale laa, gai ia ga ssili ange, “Gu aha goodou gu hellumi ai naa ma de tangi see? Tamaa hine nei tigi magau donu, ia e seni donu huu!” 40Gai gilaadeu ga kada i de ia.
Aagai dua huu dana hai dangada alodahi gi ssao gi duaahaho, gai ia ga kave luu maadua o tamaa hine laa, ma denga dangada agoago ne loomai laa madali ia, ga ulu ai gi lo te mommee o tamaa hine laa e dagodo ai laa. 41Gai ia ga poo de lima o tamaa hine laa, ga hai ange gi de ia, “Talitha koum!”, e bei “De gauligi hahine, au e hai adu gi de goe, hidi age!” 42De masavaa laa donu huu gai de gauligi hahine laa gu hidi age ga seesee saele. (Tamaa hahine laa gu madaangahulu ma lua ono ngadau.) Aagai gilaadeu ne ulu laa madali ia gu llele mouli mmao. 43Aagai Iesu ga tala hagasoe ange, gilaadeu gi dee daalaa ange mee laa gi dahi dangada. Gai ia ne hai ange hogi, “Gaavange hanu mee e gai tamaa hine naa.”
Currently Selected:
Mark 5: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 5
5
De hagaieiangi o taane iai hagasaalunga baubau
(Mat 8.28-34; Luke 8.26-39)
1Gai gilaadeu ne hulo gi de baasi gee de vai i de henua o de gau Gerasene.#5.1 Gerasene: hanu beebaa Greek ange laa e hai ange bolo go Gergesene, gai hanu go Gadarene. 2Gai de masavaa o Iesu ne doo age ai i de boose, gai dahi daane iai denga hagasaalunga baubau gu sao mai i magavaa o denga daanunga. 3Ia e noho i magavaa o denga daanunga, gai gu deai donu se dangada e maua i de nnoa ia e daohi i daula baalanga, 4go hiidinga gu dee modu donu de nnoa a dangada ia i daula baalanga, gai ia ga duuduu denga daula laa ga tili ma de oha baalanga e nnoa ai laa ia. Gai gu deai donu se dangada mmahi e maua i de nnoa ia. 5De laangi ma de boo gai ia e noho i magavaa o denga daanunga ma honga mounga, ma e oo ai aama de duuduu dono angaanga i denga hadu.
6Gai ga gidee adu huu e ia Iesu i de mommee mmao, gai ia ga savini ga duuduli i mada luoono mada, 7ma de oo ga hai ange gi de ia, “Ni aha oou e lodo ai i ogu daha, Iesu Tama Daane a de Maadua Maolunga Mmao laa? Au e hai adu gi de goe i de ingoo o de Maadua, aude hagaduasala ina loo au!” 8(Go hiidinga Iesu ne hai ange gi de hagasaalunga baubau laa, “Sao mai ma gi hano gee mai i daho taane nei!”)
9Iesu ne ssili ange hogi gi de ia, “Goai doo ingoo?”
Taane laa ne hai ange gi de ia, “Dogu ingoo go Legion, go hiidinga gimaadeu e soa!” 10Gai taane laa ga hagammahi ga dangidangi ange, ia gi dee haia denga hagasaalunga baubau gi hulo gee i de henua laa.
11De masavaa laa gai e dahi hagabuulingaa biigi e gaimee saele i gaogao de mounga i kilaa. 12Gai denga hagasaalunga baubau laa ne dangidangi ange gi Iesu, ga hai ange, “Haia gimaadeu gi hulo gi ulu gi lodo biigi laa.” 13Gai Iesu ga dugu ange, gai gilaadeu ga sasao mai ga hulo ga ulu ange gi lodo biigi laa, gai de hagabuulingaa biigi laa ga saavini iho i de hadi aho ga hulo gi lo te vai, agu made e luamano biigi laa, gai biigi laa alodahi gu odi i de maalemo.
14Gai dangada e diiloo ange laa denga biigi ga saavini ga hulo gi lo te aduhale, ma mommee i tua de aduhale ga tala mee gu hai laa. Gai dangada ga loomai e tilo mee gu hai laa i kilaa. 15Gai ga tae mai huu gilaadeu gi daho Iesu, gai gilaadeu gu gidee taane nogo iai laa denga hagasaalunga baubau soa, gu gahu ma e noho ai i kilaa ia gu dee senga; gai gilaadeu gu maatagu. 16Gai dangada ne gidee mee laa ne hagadele longo o mee gu hai ange laa gi taane iai laa denga hagasaalunga baubau, ma dagodo o denga biigi laa. 17Gai dangada ga dangidangi ange gi Iesu ia gi hano gee mai i delaadeu henua.
18Gai de masavaa o Iesu ne gage ai i de boose, gai taane nogo iai laa denga hagasaalunga baubau ga dangidangi ange, bolo ia e hano madali ia. 19Aagai Iesu tee dugu ange, gai ia ne hai ange gi taane laa, “Hannoo gi doo hale ma daho doo huaabodu, ga tala ange gi gilaadeu dagodo o mee hagalele mouli a Tagi Maolunga gu hai adu gi de goe, aama dono lodo aloha adu gi de goe.” 20Gai taane laa ga hano ga daamada de hagadele mee a Iesu gu hai ange laa gi de ia i Decapolis, gai dangada alodahi gu llele mouli.
Tamaa hine a Jairus ma de hine magi dodo
(Mat 9.18-26; Luke 8.40-56)
21Gai de masavaa o Iesu ne gage ai i de boose e hano gi de baasi gee de vai, gai dangada soa ga hagabuni mai gi ono daha i gaogao de vai laa. 22Gai dahi dagi o synagogue, dono ingoo laa go Jairus, gu humai hogi. Gai ga gidee huu e ia Iesu, gai ia ga duuduli i gaogao luoono vae 23ga dangidangi ange, ga hai ange, “Dagu damaa hine gu dai magau. Aude haihaia, humai dugua ange doo lima gi ono elunga gi ieiangi ai ia ma de mouli.” 24Gai Iesu ga hano madali taane laa.
Gai ne soa dangada ne daudali ange i de ia ma de hagakabi ia. 25E dahi hogi hahine magi dodo i magavaa o dangada i kilaa, gu madaangahulu ma lua ngadau oona ne magi ai. 26Gai gu soa dangada hai magi ne haia dono magi, gu odi hogi ana mee i de hagao ai gilaadeu, gai ia tee ieiangi. Gai dono magi gu kii ange donu de kona. 27Gai ga langona huu e ia dagodo hegau a Iesu, gai ia ga humai gi ono dua i magavaa o dangada soa laa, ga poo ange ono malo. 28Go hiidinga ia ne hagadaba, “Noo au e poo ange ono malo, gai au e ieiangi donu.” 29De masavaa laa donu huu gai gu tuu de ssali ono dodo, gai ia gu langona iho bolo ia gu ieiangi mai i dono magi.
30Gai Iesu gu iloo e ia bolo ssauaa gu sao ma gu hano mai i ono daha, gai ia ga huli dua i magavaa o dangada ga ssili, “Goai gu boogia mai nei ogu malo?”
31Gai ana dangada agoago ga hai ange gi de ia, “Koe e gidee bolo e soa dangada e hagakabi ina goe, gai gu aha goe gu ssili ai naa be goai ne boogia adu goe?”
32Gai Iesu ga galogalo saele e tilo be goai ne boogia ange laa ia. 33Aagai de hine laa gu iloo e ia mee alodahi gu hai ange laa gi de ia, gai ia gu madagu mmao ma de bolebole. Gai ia ga humai ga duuduli i gaogao luu vae o Iesu ga tala ange gi de ia mee alodahi. 34Gai Iesu ga hai ange gi de ia, “Dagu damaa hine, doo gai gu hagaieiangi goe. Hannoo ma de baba oo lodo, koe gu ieiangi mai i doo magi.”
35De masavaa o Iesu e basa ange ai gi de hine laa, gai hanu daane mai i de hale o tagi o synagogue gu loomai, ga hai ange gi de ia, “Dau damaa hine gu magau. Gai gu aha gu hakoso ai naa goe Tangada Agoago?”
36Gai Iesu ne langona alaadeu muna ne tala, aagai ia ga hai ange hogi gi tagi o synagogue laa, “Aude madagu, gai hagadonusia donu huu!”
37Gai ia tee dugu ange hanu dangada ange gi ulu madali ia, go Peter donu huu ma James, aama John taina daane o James. 38De masavaa olaadeu ne tae ai gi de hale o tagi o synagogue, gai Iesu gu gidee bolo dangada soa gu hellumi ma de tangi aama de tangi see. 39Gai de masavaa oona ne ulu ai i de hale laa, gai ia ga ssili ange, “Gu aha goodou gu hellumi ai naa ma de tangi see? Tamaa hine nei tigi magau donu, ia e seni donu huu!” 40Gai gilaadeu ga kada i de ia.
Aagai dua huu dana hai dangada alodahi gi ssao gi duaahaho, gai ia ga kave luu maadua o tamaa hine laa, ma denga dangada agoago ne loomai laa madali ia, ga ulu ai gi lo te mommee o tamaa hine laa e dagodo ai laa. 41Gai ia ga poo de lima o tamaa hine laa, ga hai ange gi de ia, “Talitha koum!”, e bei “De gauligi hahine, au e hai adu gi de goe, hidi age!” 42De masavaa laa donu huu gai de gauligi hahine laa gu hidi age ga seesee saele. (Tamaa hahine laa gu madaangahulu ma lua ono ngadau.) Aagai gilaadeu ne ulu laa madali ia gu llele mouli mmao. 43Aagai Iesu ga tala hagasoe ange, gilaadeu gi dee daalaa ange mee laa gi dahi dangada. Gai ia ne hai ange hogi, “Gaavange hanu mee e gai tamaa hine naa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.