Mark 3
3
De hagaieiangi a Iesu taane magau de lima
(Mat 12.9-14; Luke 6.6-11)
1Iesu ne hano hogi gi dahi synagogue, gai dahi daane magau de lima e noho i kilaa. 2Gai dangada i kilaa ne tilo be ia e hagaieiangi taane laa i de laangi o Sabbath, gai gilaadeu ga hagabaubau ai ia. 3Gai Iesu ga hai ange gi taane magau de lima, “Humai duu i magavaa o dangada.”
4Gai Iesu ga ssili ange gi dangada, “Dee hee de mee e alaange de hai i de laangi o Sabbath, go de hai tanuaa aabe go de baubau, go de hagamouli aabe go de daa gi magau?” Aagai gilaadeu gu dee mmuu.
5Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi. 6Gai denga Pharisee ga sasao ga hulo ga hagabuni madali dangada i de hagabuulinga o Herod, e ssala ai delaadeu hai e daa ai Iesu gi magau.
Dangada soa i gaogao de vai
7Aagai Iesu ma ana dangada agoago ne hulo gee mai i kilaa ga hulo gi gaogao de vai, gai ne soa hogi dangada ne daudali ange i gilaadeu mai i Galilee ma Judea, 8ma mai i Jerusalem, ma Idumea, ma mai i denga mommee i baasi dua o Jordan, aama mai i Tyre ma Sidon. Gilaadeu ne langona dagodo o hegau alodahi a Iesu gu hai, gai gilaadeu ga loomai gi ono daha. 9Gai Iesu ne hai ange gi ana dangada agoago gi hagadabena ina dahi boose e gage ange ia aagena, gi dee hagakabi ina ai e dangada ia, i hiidinga gu soa mmao dangada.#Mark 4.1; Luke 5.1-3 10Go hiidinga gu soa ana dangada ne hagaieiangi, deelaa ai, denga mmagi alodahi gu hagammahi e loomai e poo ange gi de ia. 11Gai de masavaa naa huu a denga hagasaalunga baubau e gidee ai Iesu, gai gilaadeu ga hagabaakuu gi lalo i ono mada i mua ga hevaalogi, ga hagataba, “Koe go Tama Daane a de Maadua.” 12Aagai Ia ne tala hagasoe ange gilaadeu gi dee daalaa be ia goai.
De hili o de gau tala
(Mat 10.1-4; Luke 6.12-16)
13Gai ia ne hanage gi honga dahi mounga, gai ia ga hagahi gi loomai gi ono daha gilaadeu oona e lodo ai; gai gilaadeu ga loomai gi ono daha. 14Gai ia ne hili e dinoangahulu ma dogolua ga hagabinga gilaadeu bolo go de gau tala, gai gilaadeu ga nnoho ai madali ia, gai ia ga hai ai gilaadeu gi hulo gi agoago, 15ma de gaavange gi gilaadeu ssauaa e hai ai gi hulo denga hagasaalunga baubau. 16Gai ia ne hili tinoangahulu ma dogolua i kilaa: go Simon (aana ne hagaingoo ange laa hogi go Peter), 17ma James tama daane a Zebedee ma dono daina go John (aanei gilaau e hagaingoo ange laa go Boanerges, e bei “Dama a de hatuli”), 18ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,#3.18 de Zealot e bei taane lodo mmahi i de hai mee ange gi dono henua. 19aama Judas Iscariot, taane ne gaavange laa ia.
Iesu ma Beelzebul
(Mat 12.22-32; Luke 11.14-23; 12.10)
20Gai ia ga hano ga ulu i dahi hale; gai dangada soa ga hagabuni mai ange hogi. Deelaa ai, gilaadeu ma ana dangada agoago gu dee maua i de gaimee. 21Gai ga langona huu e dono huaabodu mee laa, gai gilaadeu ga loomai e kave Iesu, go hiidinga gilaadeu e hagataba, “Ia gu senga ange.”
22Gai de gau sisi ne loomai laa i Jerusalem ne hagataba, “Beelzebul e noho i ono daha! Gai ia e hai gi hulo gee denga hagasaalunga baubau i ssauaa o tagi o denga hagasaalunga baubau.” #Mat 9.34; 10.25
23Gai Iesu ne hagahi dangada ga agoago ange gilaadeu i mee hagasengasenga, ga hai ange, “Dee hee de hai a Satan e maua ai i de hai gi hano gee Satan? 24Noo dahi nohoanga hodooligi e hagadau hai baasi, gai de nohoanga hodooligi laa e dee maua i de duu gi makaga. 25Noo dahi huaabodu e hagadau hai baasi, gai e dee maua donu i de duu gi makaga. 26Gai noo Satan e hai baasi ange donu huu gi de ia, gai ia gu vvae lua, aagai ia dee maua donu i de duu gi makaga, aagai gu dai lilo donu. 27Aagai e deai hogi e maua i de ulu i de hale o taane mmahi e kave ai ono goloa, aagai ia e nnoa taane mmahi laa i mua. Gai ia ga maua i de gaiaa mee i dono hale.
28Ni muna abodonu aagu e hai adu nei gi goodou: haisala alodahi o dangada e haisala ai, ma muna baubau alodahi a dangada e tala, e degi ange donu gi olaadeu haisala, 29aagai tangada e daalaa hanu muna e hai baasi ange ai gi de Hagasaalunga Dabu, e dee degi ange donu gi ono haisala, gai ia gu haisala donu i de haisala e deai laa se ngado mai.” #Luke 12.10
30(Iesu ne tala muna nei i hiidinga gilaadeu gu hagataba bolo de hagasaalunga baubau e noho i ono daha.)
Tinana ma daina o Iesu
(Mat 12.46-50; Luke 8.19-21)
31Gai tinana o Iesu ma ono daina alodahi ne loomai ga tuu i duaahaho, gai gilaadeu ne hai dahi dangada gi hano gi hagahia Iesu. 32Gai dangada soa e nnoho laa madali ia, ga hai ange gi de ia, “Tilo, doo dinana ma oo daina e tuu i duaahaho, gilaadeu e ssala goe.”
33Ia ne ssili ange gi gilaadeu, “Goai dogu dinana, gai goai ogu daina?”
34Gai ia ga galo ange gi gilaadeu e nnoho i luoono baasi, gai ia ga hai ange, “Deenei dogu dinana aama ogu daina! 35Be goai e haia lodo o de Maadua, gai go ia donu dogu daina daane ma dogu daina hahine, aama dogu dinana.”
Currently Selected:
Mark 3: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 3
3
De hagaieiangi a Iesu taane magau de lima
(Mat 12.9-14; Luke 6.6-11)
1Iesu ne hano hogi gi dahi synagogue, gai dahi daane magau de lima e noho i kilaa. 2Gai dangada i kilaa ne tilo be ia e hagaieiangi taane laa i de laangi o Sabbath, gai gilaadeu ga hagabaubau ai ia. 3Gai Iesu ga hai ange gi taane magau de lima, “Humai duu i magavaa o dangada.”
4Gai Iesu ga ssili ange gi dangada, “Dee hee de mee e alaange de hai i de laangi o Sabbath, go de hai tanuaa aabe go de baubau, go de hagamouli aabe go de daa gi magau?” Aagai gilaadeu gu dee mmuu.
5Gai Iesu ga galogalo saele ga tilo gilaadeu ma de lili, ia gu daemaha i hiidinga de makaga olaadeu lodo, gai ia ga hai ange gi taane laa, “Haalo ina doo lima!” Gai taane laa ga haalo dono lima, gai dono lima gu ieiangi. 6Gai denga Pharisee ga sasao ga hulo ga hagabuni madali dangada i de hagabuulinga o Herod, e ssala ai delaadeu hai e daa ai Iesu gi magau.
Dangada soa i gaogao de vai
7Aagai Iesu ma ana dangada agoago ne hulo gee mai i kilaa ga hulo gi gaogao de vai, gai ne soa hogi dangada ne daudali ange i gilaadeu mai i Galilee ma Judea, 8ma mai i Jerusalem, ma Idumea, ma mai i denga mommee i baasi dua o Jordan, aama mai i Tyre ma Sidon. Gilaadeu ne langona dagodo o hegau alodahi a Iesu gu hai, gai gilaadeu ga loomai gi ono daha. 9Gai Iesu ne hai ange gi ana dangada agoago gi hagadabena ina dahi boose e gage ange ia aagena, gi dee hagakabi ina ai e dangada ia, i hiidinga gu soa mmao dangada.#Mark 4.1; Luke 5.1-3 10Go hiidinga gu soa ana dangada ne hagaieiangi, deelaa ai, denga mmagi alodahi gu hagammahi e loomai e poo ange gi de ia. 11Gai de masavaa naa huu a denga hagasaalunga baubau e gidee ai Iesu, gai gilaadeu ga hagabaakuu gi lalo i ono mada i mua ga hevaalogi, ga hagataba, “Koe go Tama Daane a de Maadua.” 12Aagai Ia ne tala hagasoe ange gilaadeu gi dee daalaa be ia goai.
De hili o de gau tala
(Mat 10.1-4; Luke 6.12-16)
13Gai ia ne hanage gi honga dahi mounga, gai ia ga hagahi gi loomai gi ono daha gilaadeu oona e lodo ai; gai gilaadeu ga loomai gi ono daha. 14Gai ia ne hili e dinoangahulu ma dogolua ga hagabinga gilaadeu bolo go de gau tala, gai gilaadeu ga nnoho ai madali ia, gai ia ga hai ai gilaadeu gi hulo gi agoago, 15ma de gaavange gi gilaadeu ssauaa e hai ai gi hulo denga hagasaalunga baubau. 16Gai ia ne hili tinoangahulu ma dogolua i kilaa: go Simon (aana ne hagaingoo ange laa hogi go Peter), 17ma James tama daane a Zebedee ma dono daina go John (aanei gilaau e hagaingoo ange laa go Boanerges, e bei “Dama a de hatuli”), 18ma Andrew, ma Philip, ma Bartholomew, ma Matthew, ma Thomas, ma James tama daane a Alphaeus, ma Thaddaeus, ma Simon de Zealot,#3.18 de Zealot e bei taane lodo mmahi i de hai mee ange gi dono henua. 19aama Judas Iscariot, taane ne gaavange laa ia.
Iesu ma Beelzebul
(Mat 12.22-32; Luke 11.14-23; 12.10)
20Gai ia ga hano ga ulu i dahi hale; gai dangada soa ga hagabuni mai ange hogi. Deelaa ai, gilaadeu ma ana dangada agoago gu dee maua i de gaimee. 21Gai ga langona huu e dono huaabodu mee laa, gai gilaadeu ga loomai e kave Iesu, go hiidinga gilaadeu e hagataba, “Ia gu senga ange.”
22Gai de gau sisi ne loomai laa i Jerusalem ne hagataba, “Beelzebul e noho i ono daha! Gai ia e hai gi hulo gee denga hagasaalunga baubau i ssauaa o tagi o denga hagasaalunga baubau.” #Mat 9.34; 10.25
23Gai Iesu ne hagahi dangada ga agoago ange gilaadeu i mee hagasengasenga, ga hai ange, “Dee hee de hai a Satan e maua ai i de hai gi hano gee Satan? 24Noo dahi nohoanga hodooligi e hagadau hai baasi, gai de nohoanga hodooligi laa e dee maua i de duu gi makaga. 25Noo dahi huaabodu e hagadau hai baasi, gai e dee maua donu i de duu gi makaga. 26Gai noo Satan e hai baasi ange donu huu gi de ia, gai ia gu vvae lua, aagai ia dee maua donu i de duu gi makaga, aagai gu dai lilo donu. 27Aagai e deai hogi e maua i de ulu i de hale o taane mmahi e kave ai ono goloa, aagai ia e nnoa taane mmahi laa i mua. Gai ia ga maua i de gaiaa mee i dono hale.
28Ni muna abodonu aagu e hai adu nei gi goodou: haisala alodahi o dangada e haisala ai, ma muna baubau alodahi a dangada e tala, e degi ange donu gi olaadeu haisala, 29aagai tangada e daalaa hanu muna e hai baasi ange ai gi de Hagasaalunga Dabu, e dee degi ange donu gi ono haisala, gai ia gu haisala donu i de haisala e deai laa se ngado mai.” #Luke 12.10
30(Iesu ne tala muna nei i hiidinga gilaadeu gu hagataba bolo de hagasaalunga baubau e noho i ono daha.)
Tinana ma daina o Iesu
(Mat 12.46-50; Luke 8.19-21)
31Gai tinana o Iesu ma ono daina alodahi ne loomai ga tuu i duaahaho, gai gilaadeu ne hai dahi dangada gi hano gi hagahia Iesu. 32Gai dangada soa e nnoho laa madali ia, ga hai ange gi de ia, “Tilo, doo dinana ma oo daina e tuu i duaahaho, gilaadeu e ssala goe.”
33Ia ne ssili ange gi gilaadeu, “Goai dogu dinana, gai goai ogu daina?”
34Gai ia ga galo ange gi gilaadeu e nnoho i luoono baasi, gai ia ga hai ange, “Deenei dogu dinana aama ogu daina! 35Be goai e haia lodo o de Maadua, gai go ia donu dogu daina daane ma dogu daina hahine, aama dogu dinana.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.