Mark 12
12
De gau e diiloo ange de veelengaa grape
(Mat 21.33-46; Luke 20.9-19)
1Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.#Isa 5.1-2 2Gai de masavaa huu o de hagihagi, gai ia ga hai dahi ono dangada hai hegau gi hano gi daho dangada e diiloo ange de veelenga, gi gaavee ai dana diba mai i denga huamanu o de veelenga laa. 3Gai de gau laa ga poo taane hai hegau laa ga hagailiili ga hai ia gi ahe, teai donu mee ne gaavange gi de ia. 4Gai taane laa ne hai ange hogi dahi ono dangada hai hegau gi hano gi daho de gau laa, gai gilaadeu ga hagalagohia dono biho ma de vaivai hai ia. 5Taane laa ne kave ange hogi dahi dangada gi hano gi olaadeu daha, gai gilaadeu ga daa ia gu magau. E soa ange dangada a taane laa ne hai gi hulo gi olaadeu daha, gai de gau hai hegau laa ne hagailiili hanu, gai ne daa hanu ga maakau.
6Gai e dahi ange donu huu dangada aana e maua i de hai gi hano: go tama daane oona e aloha ai laa. Muli mai gai ia ne hai ia gi hano gi daho de gau laa, ga hagadaba, ‘Gilaadeu e hagadubu naa donu dagu dama daane.’
7Aagai de gau hai hegau laa ga hagataba i olaadeu magavaa, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga!’ 8Gai gilaadeu ga poo ia ga daa gu magau ga tili ia gi tua de veelenga laa.
9Gai ni aha ai naa a tangada niiana de veelengaa grape e hai? Ia e humai naa ga daa gi maakau de gau hai hegau laa, gai ga gaavange de veelenga laa gi hanu dangada gee. 10E aha, goodou tigi daulia ange naa donu muna nei i de Beebaa Dabu?
‘De hadu a de gau hagatuu hale ne hagangadi mee
gu hai go de hadu i tege;
11de mee nei go Tagi Maolunga ne haia,
gai e hagalele mouli i taadeu tilo!’ ” #Psa 118.22-23
12Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.
De hagao ange taagisese gi Caesar
(Mat 22.15-22; Luke 20.20-26)
13Gai gilaadeu ne hai hanu Pharisee ma hanu dangada e daudali ange laa i Herod, gi hulo gi hagalaangona muna a Iesu e hagabaubau ai ia. 14Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”
15Aagai Iesu gu iloo e ia alaadeu hegau e daahanga ai dangada, gai ia ga hai ange gi gilaadeu, “Gu aha gu llodo ai naa goodou e hagatale au? Gaamai dahi denarius e tilo au.” 16Gai gilaadeu ga gaavange dahi gi de ia. Gai Iesu ga ssili ange gi gilaadeu, “Niioai de ada ma de hagailonga iainei?”
Gilaadeu ne hai ange gi de ia, “Niio Caesar.”
17Gai Iesu ga hai ange gi gilaadeu, “Gaavange gi Caesar mee a Caesar, gai gaavange gi de Maadua mee a de Maadua.” Gai gilaadeu gu llele mouli i ana muna.
De ssili dagodo o de mouli age ange
(Mat 22.23-33; Luke 20.27-40)
18Denga Sadducee ne loomai hogi gi ono daha; aanei gilaadeu e hagataba laa bolo e deai donu se mouli age ange. Gai gilaadeu ga ssili ange gi de ia,#Acts 23.8 19“Tangada Agoago, Moses ne sisi ga hai mai bolo noo taina daane o tangada gu magau, gai teai selaau dama ma dono bodu, gai dono daina daane gi hai bodu ange gi de hine laa, e hai ai dahi dama maa dono daina daane.#Deut 25.5 20E dogohidu hai daina daane; tama madua ne hai bodu ange gi dahi hahine, gai ia ne magau teai donu sana dama daane. 21Gai tama e mua ange ne hai bodu ange hogi gi de hine laa, gai ia ne magau hogi teai sana dama; gai e bei ai hogi dagodo o tama i ono dua. 22Denga hai daina e dogohidu laa alodahi ne odi i de maakau, gai teai donu alaadeu dama ne hagadili. Muli mai gai de hine laa gu magau hogi. 23Niioai ai naa de bodu go de hine laa i de masavaa o de mouli age ange? Go hiidinga gilaadeu alodahi ne hai bodu ange gi de ia.”
24Iesu ne hai ange gi gilaadeu, “Goodou e dee heohi donu, go hiidinga goodou e dee iloo muna a de Beebaa Dabu aabe go mahi o de Maadua. 25De masavaa naa huu olaadeu e mouli age ai, gai gilaadeu e dee hai bodu aabe gaavange gi hai bodu; gilaadeu gu bei dagodo o denga dangada de langi i de langi. 26Gai dagodo o de mouli age ange o de gau maakau: e aha, goodou tigi dau ange naa donu de beebaa a Moses, i de mommee e sisi ai laa dagodo o de manu somo e ula ai laa de ahi? De Maadua ne hai ange gi Moses, ‘Go au de Maadua o Abraham, ma de Maadua o Isaac, aama de Maadua o Jacob.’ #Exo 3.6, 15 27Ia e dee se Maadua niio de gau maakau, aagai se Maadua niiolaadeu e mouli. Goodou e dee heohi donu!”
De hainga hagamogomogo hugadoo
(Mat 22.34-40; Luke 10.25-28)
28Dahi dangada sisi ne humai ga langona e ia delaadeu hagadaumee, gai ia ne langona hogi bolo ne heohi de hai a Iesu ne basa ange ai gi gilaadeu, gai ia ga ssili ange gi de ia, “Dee hee hugadoo de hainga hagamogomogo?”
29Iesu ne hai ange gi de ia, “Deenei de hainga hagamogomogo hugadoo, ‘Israel, goodou hagalaangona: Tagi Maolunga taadeu Maadua, go ia donu huu Tagi Maolunga.#Deut 6.4-5 30Gai koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, ma au maanadu alodahi, aama oo mahi alodahi.’ 31Gai de lua hainga deenei: ‘Koe gi aloha i tangada e baa adu gi de goe#12.31 tangada e baa adu gi de goe e bei go dangada alodahi e dee hilihili. bei doo aloha donu i de goe.’ #Lev 19.18 Gai e deai ange donu se hainga e maolunga ange i luu hainga nei.”
32Gai tangada sisi laa ne hai ange gi de ia, “Tangada Agoago, koe e heohi, i dau hagadaba bolo ia e dahi donu huu, e deai ange donu.#Deut 4.35; 6.4; Isa 45.21 33Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.” #1 Sa 15.22; Psa 40.6-8; Isa 1.11-15; Hos 6.6; Mic 6.6-8
34Gai ga gidee huu e Iesu bolo ne heohi dana hai ne basa ange ai, gai ia ga hai ange gi taane sisi laa, “Koe gu baa ange donu gi de nohoanga hodooligi o de Maadua.” Gai teai ange dangada ne loomai e siilia ange gi de ia dahi mee.
De ssili be niiai tama daane go de Klisdo
(Mat 22.41-46; Luke 20.41-44)
35De masavaa o Iesu e agoago ai i lo te buibui o de temple, gai ia ne ssili, “Gu aha gu hagataba ai laa de gau sisi bolo de Klisdo go tama daane a David? 36Gai David ne hagadaba hogi, i ssauaa o de Hagasaalunga Dabu,
‘Tagi Maolunga ne hai ange gi dogu Ia Aamua:
Noho i dogu baasi madau
ga dae ai gi dagu hai oo hagadaumee
gi nnoho i oo lalo.’ #Psa 110.1
37David ne hagahi ange ia go ‘de Ia Aamua’; gai dee hee dono hai se dama daane ai niiana?”
Gai dangada soa ne malangilangi i de hagallongo ana muna.
De hagakana ange i dagodo o de gau sisi
(Mat 23.1-36; Luke 20.45-47)
38De masavaa o Iesu e agoago ai, gai ia ne hai ange, “Goodou diiloo dagodo o de gau sisi. Gilaadeu e llodo e kahu i malo lloa e hulo saele ai, ma de llodo gi hagaboo ange dangada gi gilaadeu i denga mommee hagao mee, 39ma de llodo i duulanga maolunga i lodo synagogue aama duulanga hagadubu i denga daonga. 40Gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. De gau bee nei e kona naa donu delaadeu hagaduasala.”
Ssigidaumaha a de hine gu magau dono bodu
(Luke 21.1-4)
41Iesu ne hano ga noho i de baasi gee o de ngavesi e hhao ange laa aagena sseene a dangada, ga tilo ai de hai a dangada e haoa ange ai alaadeu sseene gi lo te ngavesi laa. Gai ne soa dangada lava ne haoa ange sseene lagolago. 42Aagai dahi hahine hagaau aloha gu magau dono bodu, ne humai ga hhao ange e lua dibaa sseene copper vaaligiligi; e bei se lua dibaa sseene mmea.
43Gai ia ga hagahi ana dangada agoago ga hai ange gi gilaadeu, “Ni muna abodonu aagu e hai adu nei gi goodou, de hine hagaau aloha laa ne lagolago ange ana mee ne hhao gi lo te ngavesi i de gau ange laa alodahi. 44Go hiidinga de gau ange laa alodahi ne hhao ange alaadeu mee mai i alaadeu mee lagolago; aagai de hine hagaau aloha laa ne hhao ange mee alodahi oona e mouli ai.”
Currently Selected:
Mark 12: DBD
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Mark 12
12
De gau e diiloo ange de veelengaa grape
(Mat 21.33-46; Luke 20.9-19)
1Gai Iesu ne agoago ange dangada i denga mee hagasengasenga, ga hai ange, “E dahi daane ne doo dahi veelengaa grape ga buibui luu baasi, ga geli dahi mommee e kumi ai grape, aama de hagaduu dahi hale dagitilo i kilaa. Gai ia ga dugu ange gi hanu dangada hai veelenga, gai ia ga hano gi dahi henua gee.#Isa 5.1-2 2Gai de masavaa huu o de hagihagi, gai ia ga hai dahi ono dangada hai hegau gi hano gi daho dangada e diiloo ange de veelenga, gi gaavee ai dana diba mai i denga huamanu o de veelenga laa. 3Gai de gau laa ga poo taane hai hegau laa ga hagailiili ga hai ia gi ahe, teai donu mee ne gaavange gi de ia. 4Gai taane laa ne hai ange hogi dahi ono dangada hai hegau gi hano gi daho de gau laa, gai gilaadeu ga hagalagohia dono biho ma de vaivai hai ia. 5Taane laa ne kave ange hogi dahi dangada gi hano gi olaadeu daha, gai gilaadeu ga daa ia gu magau. E soa ange dangada a taane laa ne hai gi hulo gi olaadeu daha, gai de gau hai hegau laa ne hagailiili hanu, gai ne daa hanu ga maakau.
6Gai e dahi ange donu huu dangada aana e maua i de hai gi hano: go tama daane oona e aloha ai laa. Muli mai gai ia ne hai ia gi hano gi daho de gau laa, ga hagadaba, ‘Gilaadeu e hagadubu naa donu dagu dama daane.’
7Aagai de gau hai hegau laa ga hagataba i olaadeu magavaa, ‘Deenei tama e bolo ange aagena de mommee nei. Loomai, gidaadeu ga daa ia gi magau, gai gidaadeu ga kave dono boolonga!’ 8Gai gilaadeu ga poo ia ga daa gu magau ga tili ia gi tua de veelenga laa.
9Gai ni aha ai naa a tangada niiana de veelengaa grape e hai? Ia e humai naa ga daa gi maakau de gau hai hegau laa, gai ga gaavange de veelenga laa gi hanu dangada gee. 10E aha, goodou tigi daulia ange naa donu muna nei i de Beebaa Dabu?
‘De hadu a de gau hagatuu hale ne hagangadi mee
gu hai go de hadu i tege;
11de mee nei go Tagi Maolunga ne haia,
gai e hagalele mouli i taadeu tilo!’ ” #Psa 118.22-23
12Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.
De hagao ange taagisese gi Caesar
(Mat 22.15-22; Luke 20.20-26)
13Gai gilaadeu ne hai hanu Pharisee ma hanu dangada e daudali ange laa i Herod, gi hulo gi hagalaangona muna a Iesu e hagabaubau ai ia. 14Gilaadeu ne loomai ga hai ange gi de ia, “Tangada Agoago, gimaadeu e iloo bolo koe e hai hegau i de mee abodonu, gai koe e dee dagi i daho dangada. Koe e dee vae dangada, aagai e agoago lodo o de Maadua i de mee abodonu. E alaange de hagao ange taagisese gi Caesar aabe deai? E hagao gimaadeu taagisese be deai?”
15Aagai Iesu gu iloo e ia alaadeu hegau e daahanga ai dangada, gai ia ga hai ange gi gilaadeu, “Gu aha gu llodo ai naa goodou e hagatale au? Gaamai dahi denarius e tilo au.” 16Gai gilaadeu ga gaavange dahi gi de ia. Gai Iesu ga ssili ange gi gilaadeu, “Niioai de ada ma de hagailonga iainei?”
Gilaadeu ne hai ange gi de ia, “Niio Caesar.”
17Gai Iesu ga hai ange gi gilaadeu, “Gaavange gi Caesar mee a Caesar, gai gaavange gi de Maadua mee a de Maadua.” Gai gilaadeu gu llele mouli i ana muna.
De ssili dagodo o de mouli age ange
(Mat 22.23-33; Luke 20.27-40)
18Denga Sadducee ne loomai hogi gi ono daha; aanei gilaadeu e hagataba laa bolo e deai donu se mouli age ange. Gai gilaadeu ga ssili ange gi de ia,#Acts 23.8 19“Tangada Agoago, Moses ne sisi ga hai mai bolo noo taina daane o tangada gu magau, gai teai selaau dama ma dono bodu, gai dono daina daane gi hai bodu ange gi de hine laa, e hai ai dahi dama maa dono daina daane.#Deut 25.5 20E dogohidu hai daina daane; tama madua ne hai bodu ange gi dahi hahine, gai ia ne magau teai donu sana dama daane. 21Gai tama e mua ange ne hai bodu ange hogi gi de hine laa, gai ia ne magau hogi teai sana dama; gai e bei ai hogi dagodo o tama i ono dua. 22Denga hai daina e dogohidu laa alodahi ne odi i de maakau, gai teai donu alaadeu dama ne hagadili. Muli mai gai de hine laa gu magau hogi. 23Niioai ai naa de bodu go de hine laa i de masavaa o de mouli age ange? Go hiidinga gilaadeu alodahi ne hai bodu ange gi de ia.”
24Iesu ne hai ange gi gilaadeu, “Goodou e dee heohi donu, go hiidinga goodou e dee iloo muna a de Beebaa Dabu aabe go mahi o de Maadua. 25De masavaa naa huu olaadeu e mouli age ai, gai gilaadeu e dee hai bodu aabe gaavange gi hai bodu; gilaadeu gu bei dagodo o denga dangada de langi i de langi. 26Gai dagodo o de mouli age ange o de gau maakau: e aha, goodou tigi dau ange naa donu de beebaa a Moses, i de mommee e sisi ai laa dagodo o de manu somo e ula ai laa de ahi? De Maadua ne hai ange gi Moses, ‘Go au de Maadua o Abraham, ma de Maadua o Isaac, aama de Maadua o Jacob.’ #Exo 3.6, 15 27Ia e dee se Maadua niio de gau maakau, aagai se Maadua niiolaadeu e mouli. Goodou e dee heohi donu!”
De hainga hagamogomogo hugadoo
(Mat 22.34-40; Luke 10.25-28)
28Dahi dangada sisi ne humai ga langona e ia delaadeu hagadaumee, gai ia ne langona hogi bolo ne heohi de hai a Iesu ne basa ange ai gi gilaadeu, gai ia ga ssili ange gi de ia, “Dee hee hugadoo de hainga hagamogomogo?”
29Iesu ne hai ange gi de ia, “Deenei de hainga hagamogomogo hugadoo, ‘Israel, goodou hagalaangona: Tagi Maolunga taadeu Maadua, go ia donu huu Tagi Maolunga.#Deut 6.4-5 30Gai koe gi aloha i Tagi Maolunga doo Maadua i oo lodo alodahi, ma doo hagasaalunga alodahi, ma au maanadu alodahi, aama oo mahi alodahi.’ 31Gai de lua hainga deenei: ‘Koe gi aloha i tangada e baa adu gi de goe#12.31 tangada e baa adu gi de goe e bei go dangada alodahi e dee hilihili. bei doo aloha donu i de goe.’ #Lev 19.18 Gai e deai ange donu se hainga e maolunga ange i luu hainga nei.”
32Gai tangada sisi laa ne hai ange gi de ia, “Tangada Agoago, koe e heohi, i dau hagadaba bolo ia e dahi donu huu, e deai ange donu.#Deut 4.35; 6.4; Isa 45.21 33Gai gi aaloha i de ia i oo lodo alodahi, ma au maanadu alodahi, aama oo mahi alodahi, gai gi aloha i tangada e baa adu gi de goe bei doo aloha donu i de goe, e hagamogomogo ange i denga sigidaumaha dudu ma sigidaumaha ange laa.” #1 Sa 15.22; Psa 40.6-8; Isa 1.11-15; Hos 6.6; Mic 6.6-8
34Gai ga gidee huu e Iesu bolo ne heohi dana hai ne basa ange ai, gai ia ga hai ange gi taane sisi laa, “Koe gu baa ange donu gi de nohoanga hodooligi o de Maadua.” Gai teai ange dangada ne loomai e siilia ange gi de ia dahi mee.
De ssili be niiai tama daane go de Klisdo
(Mat 22.41-46; Luke 20.41-44)
35De masavaa o Iesu e agoago ai i lo te buibui o de temple, gai ia ne ssili, “Gu aha gu hagataba ai laa de gau sisi bolo de Klisdo go tama daane a David? 36Gai David ne hagadaba hogi, i ssauaa o de Hagasaalunga Dabu,
‘Tagi Maolunga ne hai ange gi dogu Ia Aamua:
Noho i dogu baasi madau
ga dae ai gi dagu hai oo hagadaumee
gi nnoho i oo lalo.’ #Psa 110.1
37David ne hagahi ange ia go ‘de Ia Aamua’; gai dee hee dono hai se dama daane ai niiana?”
Gai dangada soa ne malangilangi i de hagallongo ana muna.
De hagakana ange i dagodo o de gau sisi
(Mat 23.1-36; Luke 20.45-47)
38De masavaa o Iesu e agoago ai, gai ia ne hai ange, “Goodou diiloo dagodo o de gau sisi. Gilaadeu e llodo e kahu i malo lloa e hulo saele ai, ma de llodo gi hagaboo ange dangada gi gilaadeu i denga mommee hagao mee, 39ma de llodo i duulanga maolunga i lodo synagogue aama duulanga hagadubu i denga daonga. 40Gilaadeu e gaiaa mee a denga haahine gu maakau olaadeu bodu, ma de hai gi lloa alaadeu dalodalo gi gidee ai e dangada. De gau bee nei e kona naa donu delaadeu hagaduasala.”
Ssigidaumaha a de hine gu magau dono bodu
(Luke 21.1-4)
41Iesu ne hano ga noho i de baasi gee o de ngavesi e hhao ange laa aagena sseene a dangada, ga tilo ai de hai a dangada e haoa ange ai alaadeu sseene gi lo te ngavesi laa. Gai ne soa dangada lava ne haoa ange sseene lagolago. 42Aagai dahi hahine hagaau aloha gu magau dono bodu, ne humai ga hhao ange e lua dibaa sseene copper vaaligiligi; e bei se lua dibaa sseene mmea.
43Gai ia ga hagahi ana dangada agoago ga hai ange gi gilaadeu, “Ni muna abodonu aagu e hai adu nei gi goodou, de hine hagaau aloha laa ne lagolago ange ana mee ne hhao gi lo te ngavesi i de gau ange laa alodahi. 44Go hiidinga de gau ange laa alodahi ne hhao ange alaadeu mee mai i alaadeu mee lagolago; aagai de hine hagaau aloha laa ne hhao ange mee alodahi oona e mouli ai.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.